教育王國

標題: 靈糧堂 [打印本頁]

作者: keep-calm 時間: 14-11-25 12:31 標題: 靈糧堂

本帖最後由 keep-calm 於 17-9-21 17:30 編輯

很多人心儀靈糧堂、有用家可以分享一下嗎？只知是happy school, 重音樂。靈糧有好幾間分校，課程設計、書本是否一樣？另有英普時間嗎？一星期約有多少？

作者: gigibbbb 時間: 14-11-25 12:58 標題: 回覆：真心請教：靈糧堂

我都好想知，誠心請教用家。

作者: MASAYA 時間: 14-11-25 12:58

keep-calm 發表於 14-11-25 12:31
很多人心儀靈糧堂、有用家可以分享一下嗎？只知是happy school, 重音樂。靈糧有好幾間分校，課程設計、書本 ...

三年幼稚園happy到不行，小朋友喜歡上學喜歡學習，學校活動很多，家長可能會有點累，但小朋友非常開心
只靠學校課程，不外補，K3下學期會有小一適應課程，但只是很簡單的內容，沒壓力，小一開始不久可自行做功課，考直資私校就不知道，不過有可能不足，我們只考慮津校

作者: gigibbbb 時間: 14-11-25 13:03 標題: 回覆：真心請教：靈糧堂

有資料可與大家分享，從坊間書本上睇到970幾間幼稚園排行榜，香港靈糧幼稚園排全港第2，鑽石山靈糧排50，藍田靈糧排58，這些排名按學校資源設施，教師質素，師生比率，教學質素，學生支援措施，學生學業成績，課外活動表現及校風而得出的。

作者: gigibbbb 時間: 14-11-25 13:04 標題: 回覆：MASAYA 的帖子

請教你覺得語文發展方面足夠及理想嗎？

作者: MASAYA 時間: 14-11-25 13:12

gigibbbb 發表於 14-11-25 13:04
請教你覺得語文發展方面足夠及理想嗎？

很理想，小一要自行做功課必定要自己看得明白課文和題目，課程沒有超前，不會先學小學的東西，而是以衍接小一為前提，以我小朋友的小學來說，上小一是剛剛好，不多不少，不會一早已學會變得上課會悶，也不會進度有差距而跟不上
另外想提的是，我很滿意靈糧的靈育，小朋友在老師以聖經的教導下，每天也過得很感恩很喜悅

作者: megumiyu 時間: 14-11-25 13:24 標題: 回覆：真心請教：靈糧堂

靈糧堂係讓小朋友自行探索知識嘅地方，小朋友學嘅係探索嘅技巧，培養嘅係探索嘅興趣。不是灌輸大量超越小朋友本身能力以外知識嘅地方。鐘意與否視乎家長想不停俾補品小朋友食，還是想教識小朋友自己喺池塘釣魚上來兼煮埋來吃。想小朋友跑贏100米定馬拉松。

作者: keep-calm 時間: 14-11-25 14:13 標題: 引用：Quote:gigibbbb+發表於+14-11-25+13:04+請

原帖由 MASAYA 於 14-11-25 發表
很理想，小一要自行做功課必定要自己看得明白課文和題目，課程沒有超前，不會先學小學的東西，而是以衍接小 ...

請問有沒有英普時間？每星期多少？多與其他分校一起活動嗎？學卷vs 冇學卷靈糧有乜分別？

作者: kyleebc 時間: 14-11-25 14:31

幼稚園階段的小朋友，大多數未懂自律，如家長工作煩重，未能跟得貼的可考慮其他。弦外之音相信大家明白的。

作者: MASAYA 時間: 14-11-25 14:38

keep-calm 發表於 14-11-25 14:13
請問有沒有英普時間？每星期多少？多與其他分校一起活動嗎？學卷vs 冇學卷靈糧有乜分別？

...

有英普時間，但有多少時間我就不知道，我是個不細心的爸爸

有試過到其他分校一起上課，另外就是畢業禮會四校 (當時只有四校) 一起畢業，順帶一提，畢業時四校全部學生一齊唱良師頌很感動

我記得之前有人說過學券前後課程沒有分別，詳細情況不清楚

作者: piggymonkey 時間: 14-11-25 15:10

回覆 gigibbbb 的帖子

請問你睇邊本坊間排名書? 我都想知心儀的幼園排名點樣, 可否指點下

作者: LedTV 時間: 14-11-25 15:17 標題: 回覆：真心請教：靈糧堂

其實間間靈糧都有分別？

我見有d有學券，有d無

作者: gigibbbb 時間: 14-11-25 16:13 標題: 回覆：piggymonkey 的帖子

香港專業教育出版社，書名大概是2015香港幼稚園教育競爭力排名榜，商務有得買

作者: poodlema 時間: 14-11-25 16:50

回覆 MASAYA 的帖子

請問你不用補但有否參加學校的興趣班? 謝謝

作者: poodlema 時間: 14-11-25 16:54

回覆 keep-calm 的帖子

K1每星期一堂普通話, 兩堂英文

作者: Joball 時間: 14-11-25 17:07 標題: 引用：回覆+keep-calm+的帖子 K1每星期一堂普通

原帖由 poodlema 於 14-11-25 發表
回覆 keep-calm 的帖子

K1每星期一堂普通話, 兩堂英文

鑽石山靈糧？

作者: poodlema 時間: 14-11-25 17:13

回覆 Joball 的帖子

銅鑼灣

作者: rubykwankwan 時間: 14-11-25 17:20

我都真心好想了解，剛收到秀德pm offer, 因秀德新校未有記錄參考，只可依靠其他分校資料，其實都一樣嗎？

作者: enkolee 時間: 14-11-25 17:20

有無多d鑽石山靈糧資料?

作者: Horace_b 時間: 14-11-25 17:46 標題: 回覆：真心請教：靈糧堂

其實想講，靈糧同靈糧堂係兩個辦學團體，前者有好幾間分校，後者只有九龍靈糧堂在九龍城的幼稚園及幼兒園。兩邊都係有點名氣的happy school, 我兩個小寶貝在九龍靈糧堂讀緊，學校旨在令小朋友喜歡學習，並不催谷寫字默書，反而會同小朋友商量於不同主題下的學習目標，再一同發掘資料，家長亦可參與。我就剛與K2的兒子一起在「食物」這個專題下做了一個「粟米片」的小匯報（是阿仔選擇的！），小朋友會主動參與，學校及家長盡量配合，當中亦可教小朋友認識「粟米」、「corn」這些生字，我自己就很喜歡！子女也很喜歡上學！

作者: kim107 時間: 14-11-25 18:08 標題: 引用：其實想講，靈糧同靈糧堂係兩個辦學團體，前

原帖由 Horace_b 於 14-11-25 發表
其實想講，靈糧同靈糧堂係兩個辦學團體，前者有好幾間分校，後者只有九龍靈糧堂在九龍城的幼稚園及幼兒園。 ...

想補充一下，其實我們一般説靈糧堂幼稚園，其實是未説清楚的。靈糧堂幼稚園其實分開香港靈糧堂幼稚園及九龍靈糧堂幼稚園，是兩個不同的辦學機構。香港靈糧堂幼稚園屬下分銅鑼灣、鑽石山、秀德、馬鞍山、藍田、荃灣、而九龍靈糧堂幼稚則只有九龍城嘉林邊道一間。

作者: kim107 時間: 14-11-25 18:11 標題: 回覆：真心請教：靈糧堂

講歷史就九龍靈糧堂耐D。

作者: jannychan 時間: 14-11-25 19:41 標題: 回覆：真心請教：靈糧堂

提示: 作者被禁止或刪除內容自動屏蔽

作者: Horace_b 時間: 14-11-25 20:04 標題: 引用：聽聞2間學術都淺 +

原帖由 jannychan 於 14-11-25 發表
聽聞2間學術都淺

Happy School學術當然淺，問題在於你覺得小朋友應3歲起谷佢認字寫字計數定啟發佢喜歡學習的心，各取所需。喜歡happy school的不會buy催谷的KG，同樣要學術行先，K3學定小二syllabus的不會認同happy school的理念

作者: MASAYA 時間: 14-11-25 20:15

jannychan 發表於 14-11-25 19:41
聽聞2間學術都淺

看你用甚麼標準，我女現在的小學 (地區一線尾) 來說程度剛剛好，不超前不落後，對我來說學習態度良好就夠了

作者: jaau 時間: 14-11-25 20:38

I think most of the kindergarten is a happy school, the most important for me is the experience and the professionalism of the teacher.

hope the school in hk put more focus on the quality of teacher than marketing!

作者: w.ling 時間: 14-11-25 21:32 標題: 引用：Quote:原帖由+jannychan+於+14-11-25+發表

原帖由 Horace_b 於 14-11-25 發表
Happy School學術當然淺，問題在於你覺得小朋友應3歲起谷佢認字寫字計數定啟發佢喜歡學習的心，各取所需。 ...

其實家下讀happy school既家長，唔代表佢應同happy school的理念。佢係鍾意間happy school，但放學同假期，又會俾好多補品小朋友。

作者: fostermak 時間: 14-11-25 23:39 標題: 回覆：keep-calm 的帖子

我有2個小朋友響靈糧畢業，讀緊初小同高小，仲有一個讀緊靈糧k2，可以同大家分享一下

Happy school唔代表淨係玩，乜都唔識，佢地嚮遊戲中學習，原來學野可以好靈活，好好玩，小朋友學得開心，亦吸收得好，有別於傳統的大量抄寫、背及spoon feeding，小朋友年紀細，未必識講返出黎，亦唔可以量化俾你睇到，今日識5個字，聽日又識5個咁

響靈糧，小朋友學的是主動發掘同探索、培養學習動機同態度、愛發問、愛思考解難，仲有學校會不時安排親子活動同講座俾家長，呢d反而終身受用，亦唔易教

家長如有在家跟進，和小朋友溫習學校派的教材字卡，多和小朋友做親子閱讀

升小方面，可因應選擇邊類學校，家長自己協助小朋友適應及過度

作者: littlesweetie11 時間: 14-11-26 00:46 標題: 回覆：fostermak 的帖子

感謝用家分享，我細B有銅鑼灣靈糧堂am offer, 好感恩，但本身傾向學術多啲，老公鐘意happy school 多啲，但問心從interview 中感覺學校細心，同好啱阿B性格，但都係擔心課程，有啲隱憂

作者: inabit 時間: 14-11-26 07:16 標題: 引用：感謝用家分享，我細B有銅鑼灣靈糧堂am+offe

原帖由 littlesweetie11 於 14-11-26 發表
感謝用家分享，我細B有銅鑼灣靈糧堂am offer, 好感恩，但本身傾向學術多啲，老公鐘意happy school 多啲，但 ...

升小派位都唔錯，放心，靈糧真係好學校

作者: littlesweetie11 時間: 14-11-26 08:38 標題: 回覆：inabit 的帖子

多謝你嘅支持，做家長真係好煩，驚揀錯

作者: keep-calm 時間: 14-11-26 10:21 標題: 引用：我有2個小朋友響靈糧畢業，讀緊初小同高小

原帖由 fostermak 於 14-11-25 發表
我有2個小朋友響靈糧畢業，讀緊初小同高小，仲有一個讀緊靈糧k2，可以同大家分享一下

Happy school唔代表 ...

多謝分享！好認同培養救學動機遠重於spoon feed hard facts .但龍年競爭激烈，如只得15分，擔心小學戰更難打。請問小朋友讀津小或直私小？LLC 多學生要外補英普嗎？如KG愉快但課後卻要外補，好像有點矛盾⋯

作者: webyeung 時間: 14-11-26 12:36 標題: 回覆：MASAYA 的帖子

想問有冇project base 嘅功課?

作者: F10N 時間: 14-11-26 18:47 標題: 回覆：kyleebc 的帖子

可否詳細解說一下

作者: webyeung 時間: 14-11-26 20:07 標題: 回覆：F10N 的帖子

我意思係有冇專題探討之類的功課

作者: gigibbbb 時間: 14-11-26 22:42 標題: 回覆：真心請教：靈糧堂

請教用家，平均每月幼稚園的總洗費(包括學費，雜費，學校搞的興趣班)大概幾多？

作者: poodlema 時間: 14-11-27 14:46

係靈糧, 同同班D家長相處真係好舒服~ 大家唔會鬥身家鬥成績~~ 每位家長都係抱住想小朋友有愉快童年開心先讀靈糧, 所以我覺得D家長本質都較為開朗, 你問佢地小一D野, 佢地一D都唔會擔憂, 緊張~ 學術亦唔會特別吹谷~ 所以我覺得如果想一味追求學術O既家長係唔會選擇靈糧架~ 係學校都唔會見到哩類家長~

作者: poodlema 時間: 14-11-27 14:48

回覆 gigibbbb 的帖子

我而家K1每月3620, 學費3400加220茶點費~
另每半年有一次460冷氣費及350內聯網費
10月會有家長師會會費100

作者: poodlema 時間: 14-11-27 14:54

如果講英文, 可能靈糧真係唔夠架, 因為佢一星期得兩堂英文, 但出面有D KG可能日日有英文, 學校大部份小朋友跟到, 可能屋企有語景有工人吧~

作者: gigibbbb 時間: 14-11-27 17:38 標題: 回覆：poodlema 的帖子

謝謝你的資料呀～

作者: kitmoon 時間: 14-11-27 17:42 標題: 引用：係靈糧,+同同班D家長相處真係好舒服~+大家

原帖由 poodlema 於 14-11-27 發表
係靈糧, 同同班D家長相處真係好舒服~ 大家唔會鬥身家鬥成績~~ 每位家長都係抱住想小朋友有愉快童年開心先讀 ...

作者: gigibbbb 時間: 14-11-27 17:48 標題: 回覆：poodlema 的帖子

請教幼稚園提供的興趣班便宜嗎？大概幾錢一個月？謝謝。

作者: F10N 時間: 14-11-27 21:27 標題: 回覆：poodlema 的帖子

我決定唔到應否俾小囡入Ling liang, 因為想佢入有券全日班

作者: fostermak 時間: 14-11-28 00:29

回覆 keep-calm 的帖子

請問小朋友讀津小或直私小？-->讀直資,功課量比津小少,活動教學,部分課程教快半年至一年,小朋友都要時間適應,但跟得到,算讀得唔錯

LLC 多學生要外補英普嗎？
-->視乎家長要求,及target 小朋友讀邊類小學
即使讀國際學校(幼稚園)小朋友不等如唔使補習英文和中文,要繼續升上國際學校,也會惡補英文,務求夠地道,達到學校要求的程度...

坦白講,幼稚園K3階段,有些小朋友仍然睇一版一行或幾行的中文或英文書,有些已經睇密麻麻的chapter books,好睇家長在家點樣培養小朋友,出外補還是在家已有足夠資源輔助,例如父母自己教等...

如KG愉快但課後卻要外補，好像有點矛盾⋯
-->我覺得是針無兩頭利,我會著重學校理念跟自己是否配合,有些抽象的理念或學習模式我唔識教,例如要小朋友喜歡學習同思考探索,要靠學校,每間學校的着眼點都不同,比重亦不同,亦睇下小朋友適合邊種學習模式, 小朋友要語境好,唔可以單靠在學校的3小時,校外其他時間家長可以跟進一下,學校的英文我會嫌不夠,我主張培養小朋友多閱讀...

小朋友有好的學習動機同態度,掌握學習方法比每天迫佢識幾多字緊要,佢自己肯學,吸收得快,學得開心,;反而日日迫佢認字寫字,做一些超越佢年紀應學應做的,有些小朋友係可以,有些就未必做到同吸收,結果適得其反,抗拒學習,令親子關係惡化,拉鋸,又會打沉小朋友的自信心...

本來老三果陣有一間九龍塘課程深的幼稚園A收左佢,但聽到有家講,幼稚園A搞學校表演，如果小朋友家人唔俾錢報名出席（響酒店搞，一家3口要過千元),小朋友係冇得練習表演,上堂練習時只安排坐埋一邊,感覺上幼稚園A係利字掛帥,好現實,我唔想小朋友受到咁樣對待,所以寧願揀靈糧,...

作者: poodlema 時間: 14-11-28 11:17

本帖最後由 poodlema 於 14-11-28 11:17 編輯

回覆 gigibbbb 的帖子

幼園提供十幾樣興趣班, 有平有貴, 如圖畫班、圍棋、芭蕾舞班約千五元十四堂; 普通話、聲樂、音樂、樂器那些約二千元14堂

於下午班放學後上

作者: poodlema 時間: 14-11-28 11:18

回覆 F10N 的帖子

咁你都講咗啦, 你要有學券全日, 咁靈糧就唔啱你

作者: F10N 時間: 14-11-28 12:29 標題: 回覆：poodlema 的帖子

身邊朋友都話靈糧好，所以重新考慮中

作者: MASAYA 時間: 14-11-28 12:56

F10N 發表於 14-11-28 12:29
身邊朋友都話靈糧好，所以重新考慮中

要考慮清楚學校教育方針同屋企係咪一致，宗教都係其中一個因素，靈糧係基督教，餐前會祈禱，我識得有家長唔准小朋友係屋企祈禱，我覺得個小朋友好混亂同好慘

作者: F10N 時間: 14-11-28 17:52 標題: 回覆：MASAYA 的帖子

謝謝提醒，很有道理，我一家從婆婆開始就信主，所以希望囡囡入教會學校，朋友提意Ling Liang,沒想到會收，感恩

作者: pick_my 時間: 14-11-30 11:50 標題: 引用：+本帖最後由+poodlema+於+14-11-28+11:17+

原帖由 poodlema 於 14-11-28 發表
本帖最後由 poodlema 於 14-11-28 11:17 編輯

回覆 gigibbbb 的帖子

咁如果讀上午班放學后回家，要再回校上興趣班? 但咪冇校車?

作者: mrsmak125 時間: 14-12-1 07:19 標題: 回覆：pick_my 的帖子

提示: 作者被禁止或刪除內容自動屏蔽

作者: JK427 時間: 14-12-1 10:14

poodlema 發表於 14-11-28 11:17
回覆 gigibbbb 的帖子

幼園提供十幾樣興趣班, 有平有貴, 如圖畫班、圍棋、芭蕾舞班約千五元十四堂; 普通話 ...

請問係邊間靈糧堂?

作者: poodlema 時間: 14-12-1 17:56 標題: 回覆：pick_my 的帖子

係呀

作者: poodlema 時間: 14-12-1 17:57 標題: 回覆：JK427 的帖子

銅鑼灣

歡迎光臨教育王國 (/)