教育王國

標題: 點算呢? [打印本頁]

作者: choichoibb2011 時間: 14-11-24 13:39 標題: 點算呢?

我仔仔K1, 由細我都有懷疑過佢係咪資優, N班老師個個都好鍾意佢話佢好叻不過好活躍, 但當佢大大下我發覺佢語言發展極遲緩就打消左念頭.. 而家升左K1仲比老師投訴佢唔聽指令成日四圍走, 要安排約見教育心理學家。見面完佢話仔仔最好盡早安排做感統評估, 唔好浪費時間.... 做完感統評估,中心又話佢好正常, 仲好叻, 唔係AP / ADHD, 只係老師用錯方法所以搞佢唔掂....真係好矛盾, 究竟我仲洗唔洗做多次或者其他評估....評估見面幾個字係咪應該冇學校老師咁清楚呢...?

此終成千蚊一次, 真係好貴......

作者: kerkermui 時間: 14-11-24 13:57

你攞住份報告同學校傾下啦！
我信報告，始終係專業人士以客觀指標嚟評估嘅，除非你個仔知道大人想點，去到扮嘢啦！

作者: choichoibb2011 時間: 14-11-24 14:04

THANKS~

如果我做感統評估, 專家又有冇專業資格去評小朋友有冇AP / ADHD? 其實係咪每種都要獨立評估, 感統冇事就要做專注ETC...

作者: kerkermui 時間: 14-11-24 21:44

choichoibb2011 發表於 14-11-24 14:04
THANKS~

如果我做感統評估, 專家又有冇專業資格去評小朋友有冇AP / ADHD? 其實係咪每種都要獨立評估, 感統 ...

直接問幫你評估嘅單位

作者: PalFan 時間: 14-11-26 12:54

其實一直覺得香港地小朋友個個都好聰明, 佢地比我地以前更有主見同睇法. 所以我只當自己小朋友係一個縱壞左既小朋友. 有時自己好勞氣. 講又唔聽. 但佢又明道理. 成績又唔係突出, 我身邊由細睇住個仔大都覺得佢係醒, 但又未到資優個種人.

但前年學校比左份問卷調查, 因為校方老師覺得佢係資優生 (原來資優生分好多級), 安排左我聽個資優生講座. 佢地講座係話, 如果一個資優生你冇好好栽培, 一樣會浪費左佢地既長處, 坦白講, 個仔唔見得比人醒好多. 有時都好蠢下. 不過開始人大, 有時駁咀到我好勞氣. 令我連還擊之力都冇. 因為唔夠佢講, 而身邊朋友話我好似比佢洗腦一樣, 比佢樣樣做主導.

依家我先開始睇多點有關資優既野. 想了解多點自己個仔係咩類型人. 因為我最佳時機冇把握得好. 現在既佢只係比人感覺是一個縱壞的小孩.

作者: 阿女爸爸 時間: 14-12-17 08:14 標題: 回覆：點算呢?

跟學校一齊傾下份報告先。

作者: cl_kaka 時間: 14-12-17 11:13

回覆 choichoibb2011 的帖子

其實K1小朋友唔聽指令喜歡四圍走都好正常！做感統評估既係職業治療師，佢地確實無專業資格去講小朋友有無其他問題，不過佢地見得多小朋友，唔多唔少都會有D經驗！你去見心理學家時，點解心理學家會叫你去做感統評估呢？

作者: choichoibb2011 時間: 14-12-17 11:20

回覆 cl_kaka 的帖子

其實個教育心理學家冇見旖我小朋友架,只係聽我講小朋友情況/問題就提議我同佢做評估...

作者: zngo 時間: 14-12-17 11:21

回覆 choichoibb2011 的帖子

[size=15.4545450210571px]係每種都要獨立評估的

作者: cl_kaka 時間: 14-12-17 13:09

回覆 choichoibb2011 的帖子

你小朋友除左坐唔定同唔聽指令外，社交同情緒有無咩問題？其實會唔會小朋友只係好動D！？

作者: PalFan 時間: 14-12-18 09:51

zngo 發表於 14-12-17 11:21
回覆 choichoibb2011 的帖子

係每種都要獨立評估的

個仔11歲, 佢只係少少聰明, 就係成日利用小聰明偷懶, 老師和佢教練都有同我講一樣說話. 浪費左佢自己天份.

我覺得你地小朋友仲細便應該配合佢地各方條件去發展個人潛能. 我就因為遲起步, 還在努力中去改變佢錯誤思想.

作者: 積奇百事 時間: 14-12-19 17:13

PalFan 發表於 14-12-18 09:51
個仔11歲, 佢只係少少聰明, 就係成日利用小聰明偷懶, 老師和佢教練都有同我講一樣說話. 浪費左佢自己天份 ...

想問下, 最後有無做評估, 係咪資優?

作者: PalFan 時間: 14-12-23 15:28

積奇百事發表於 14-12-19 17:13
想問下, 最後有無做評估, 係咪資優?

我冇去做評估, 反而學校比左個有關中文大學調查問卷我填寫過. 記得好似填過2年. 講座時學校有講原來接觸過小朋友既老師都填寫過. 再評選和計分出來的.

我覺得個仔只係偏向少少聰明, 未去到高資優個種. 我地學校有一個高資優. 細細個就聽聞睇好多科學研究書. 個種就真的高資優

作者: zngo 時間: 14-12-23 19:33 標題: 引用：Quote:積奇百事+發表於+14-12-19+17:13+想

原帖由 PalFan 於 14-12-23 發表
我冇去做評估, 反而學校比左個有關中文大學調查問卷我填寫過. 記得好似填過2年. 講座時學校有講原來接觸過 ...

你小朋友是中大資優計劃的學員嗎？我大仔也沒有評估，但學校推薦佢參加中大資優課程，做完免費評估，中大收了大仔讀資優課程！

作者: YanKanMom 時間: 14-12-23 21:11

回覆 zngo 的帖子

請問你說免費評估的意思是否報讀中大资優前做的評估，即一班小朋友一起在課室內做的？還是有教育或臨牀心理學家與你孩子單對單做的呢？

作者: qwop 時間: 14-12-24 10:24

YanKanMom 發表於 14-12-23 21:11
回覆 zngo 的帖子

請問你說免費評估的意思是否報讀中大资優前做的評估，即一班小朋友一起在課室內做的？還 ...

報讀課程前的評估，係免費的，有五份卷，所以時間頗長，可要求用英文評估，但都要做中文果份卷，唔使準備，同學科無關，我仔話職員好nice,做評估完全無壓力，你可打去中大問下詳情。

作者: YanKanMom 時間: 14-12-24 10:58

回覆 qwop 的帖子

謝謝你的回覆及解釋。其實我囝囝也做了那份報讀中大課程前的評估，並已報讀了一些課程。我問Zngo是想知道除了報讀課程前的免費評估，是否還有另一種免費的評估。

作者: qwop 時間: 14-12-24 11:49

本帖最後由 qwop 於 14-12-24 11:51 編輯

回覆 YanKanMom 的帖子

叻叻

！今期有義工服務，我地都參加。其他我不清楚，可打去中大問下。

作者: zngo 時間: 14-12-25 02:25 標題: 引用：Quote:YanKanMom+發表於+14-12-23+21:11+回

原帖由 qwop 於 14-12-24 發表
報讀課程前的評估，係免費的，有五份卷，所以時間頗長，可要求用英文評估，但都要做中文果份卷，唔使準備， ...

就只是報讀時的評估，其實我只係想講，我覺得最緊要睇住佢地成長的價值觀同心態正確。我冇栽培大仔，佢高中學校至推薦讀中大資優計劃，以前我家從來沒有諗同留意資優係咩？只是學校推薦中大又收所以讀，讀完後中學仲比返我交了的學費我。宜家大仔已經冇再讀資優課程，已經讀緊大學了。

作者: qwop 時間: 14-12-25 12:10 標題: 引用：Quote:原帖由+qwop+於+14-12-24+發表報讀課

原帖由 zngo 於 14-12-25 發表
就只是報讀時的評估，其實我只係想講，我覺得最緊要睇住佢地成長的價值觀同心態正確。我冇栽培大仔，佢高中 ...

我好明白,自己都經歷過,我仔已11歲,二歳半已察覺一啲能力。就更知道要培育良好品格。相信好多母親都一樣,唔知點做,其實,比快樂童小朋友好緊要,佢地其實都係一般小朋友咁,都中意玩,即使我仔中意書好似無書吾得咁,我地都經常同佢玩佢中意嘅運動,多傾心事,陪伴成長。

作者: miss_siu88 時間: 15-9-24 14:13

回覆 choichoibb2011 的帖子

請問教育心理學家如何約見？有介紹嗎？謝謝！

作者: Lam3Tai 時間: 15-9-27 08:42 標題: 回覆：點算呢

阿仔情况同你小朋友相類似，自小都不停比人叫去驗資優。但都因較活躍，K2時比老師建議做評估，結果冇AD/HD，開咗資優。到咗今年K3，老師自己都講阿仔定咗好多。N班時讀傳統幼稚園，日日收投訴，K1轉間活動模式做project，都不知學得幾開心。老師配合好重要！

做咗評估，令我更清楚小朋友，強嘅地方一同努力，弱嘅地方更加要正視（如心急等）。今年揀小學，令自己更清楚方向，同學校溝通都好重要。

作者: bsmon 時間: 15-10-8 07:55

choichoibb2011 發表於 14-11-24 13:39
我仔仔K1, 由細我都有懷疑過佢係咪資優, N班老師個個都好鍾意佢話佢好叻不過好活躍, 但當佢大大下我發覺佢 ...

同老師好好傾下，係咪方法唔啱，學校資源唔夠，唔得轉校喇

歡迎光臨教育王國 (/)