教育王國

標題: 2015-2016年自行幾分入到 [打印本頁]

作者: joeymonster 時間: 14-11-24 09:43 標題: 2015-2016年自行幾分入到

本人子子下年報小學,想收集一下資料,有無自行選梁小,幾多分入到謝謝回覆

作者: JJ@NN 時間: 14-11-24 09:58

啱啱去學校睇了，20分入咗😉

作者: joeymonster 時間: 14-11-24 13:34

20分算唔算穩震入到呢？

作者: edutm 時間: 14-11-24 16:47 標題: 回覆：2015-2016年自行幾分入到

20分失手。
今年50個位是甲類必收，但24位是計分位，你竟然20分入到?無乜人有25分?

作者: edutm 時間: 14-11-24 16:47 標題: 回覆：2015-2016年自行幾分入到

20分失手。今年50個位是甲類必收，得24個位是計分位，你竟然20分入到?無乜人有25分

作者: edutm 時間: 14-11-24 16:49 標題: 回覆：2015-2016年自行幾分入到

sorry, post錯區，我以為是聖心區，不好意思

作者: michellengsm 時間: 15-1-2 19:33 標題: 回覆：joeymonster 的帖子

我個女今年小一上年20分唔係必入大抽獎更非第一志願唔使諗

作者: connie@lmh 時間: 15-1-7 23:07

五系哇，我朋友女女15分入到窩

作者: supermaket 時間: 15-6-7 22:01

11/ 2014 同班有人第一輪15分都入左梁鉅鏐，同學一派到我就鍔然!

因去簡介會果度既校長同主任講到又話間好多人爭咁，又話20分都難入，又話選第一都入唔到，講到自己一線咁! 點知6/6/2015派位果日, 今年放第二既都入到梁鉅鏐! 唔係話

又話自己勁，今年第一輪點解15分都入到，點解放第二都入。我估佢校長話學校會有好多功課，加上佢地派位又唔算十分出色，d細路谷得咁辛苦都去唔到區外名校，朱小都有一兩個啦!!

作者: CMSmile 時間: 15-6-7 23:35 標題: 引用：11/+2014+同班有人第一輪15分都入左梁鉅鏐

原帖由 supermaket 於 15-06-07 發表
11/ 2014 同班有人第一輪15分都入左梁鉅鏐，同學一派到我就鍔然!

因去簡介會果度既校長同主任講到又話間 ...

你可以上梁小website睇返上年升中派位，都有學生派到區外名校

作者: jis 時間: 15-6-8 02:00

6/6/2015派位結果，有人放第二梁鉅鏐幸運地入左，亦有放第二的唔入派左四宝，咁睇你搏唔搏喇，梁小放第一的也大有人在。

至於11/2014 15分第一輪入左(即是今屆2015-2016小一)，沒錯的，15分有人自行入左，係咪收晒15分就唔知喇。

我沒有去聽簡介會，上年(2014-2015)確是放梁小第一志願派唔到，叩門放第二不一定有得見。我諗每年情況唔同，受出生率、世襲生多少...等因素影響，你又點估到今年一胡15分有部份人抽到，沙循20分都要抽，沙呂和信義同樣有67個位大抽獎呢!

作者: supermaket 時間: 15-6-8 10:26

回覆 CMSmile 的帖子

睇過啦! 邊度有派到區外名校呀! 簡介會個問過個主任, 佢都話今年派位........, 以往都好少有區外名校生!

作者: supermaket 時間: 15-6-8 10:37

梁小給我印象麻麻, 係地理位置的確好過屋村留下，附近私樓多中產多, 會想方便返放學就會揀佢! 學校校舍算大，但小朋友讀得應該去死板! 朋友讀左一年級，二年級就轉校!

簡介會校長一味話功課多，學校興趣班又算唔多，又冇俾家長觀課，咁特登請假參觀你間學校冇野俾家長睇，得間空校舍叫家長自己行下操場

! 唔係掛! 印象唔好點揀你呀!

作者: jessielui2004 時間: 15-6-8 15:28

回覆 supermaket 的帖子

如果你心儀外區名校, 梁小的確不適合你。
而事實上, 學校多不多學生入外區名校, 都好取決於
學生和家長的選擇。

沙田區英中學位比較多, 且每年有不少他區學生
想跨區考入沙田的英中就知了!

梁小,可能不是沙田區最好的小學, 但我們沒有後悔選擇她。

作者: CMSmile 時間: 15-6-8 15:35 標題: 引用：回覆+supermaket+的帖子如果你心儀外區名

原帖由 jessielui2004 於 15-06-08 發表
回覆 supermaket 的帖子

如果你心儀外區名校, 梁小的確不適合你。

對。我仔依家小二，喜歡學校同老師，有時入唔到區外名校都唔等於學校麻麻。

上年小六升中有人派鄧顯，鄧顯雖然不及DBS, YW, LS，但都係一間不錯既中學

作者: jis 時間: 15-6-8 23:51

本帖最後由 jis 於 15-6-11 09:53 編輯

印象麻麻咪唔好揀囉，每間學校都有其特色，網內有成16間小學供你選擇。
家長認同學校的理念是很重要的，直私津如是，家校合作才能達到雙嬴局面。
有人小二要轉校，只可說學校唔適合你，唔代表是學校唔好; 而同時地亦有人要求插班/叩門入梁小。
希望你入到心儀小學。

作者: small-pekkle 時間: 15-6-9 11:23 標題: 回覆：2015-2016年自行幾分入到

學校每年都有人插班, 亦有人轉校. 各有原因. 況且今年轉咗校長, 功課量明顯少咗.

作者: jessielui2004 時間: 15-6-9 14:01

本帖最後由 jessielui2004 於 15-6-9 14:14 編輯

回覆 CMSmile 的帖子

我個都係小二, 也十分喜歡學校的老師。

作者: Siusiumy 時間: 15-6-14 03:49

回覆 supermaket 的帖子

請問是否15分都入到的就不是好學校? 每年有20分而申請梁小的人數都唔同, 我唔知每年20分係唔係都會收晒 / 收唔晒, 但15分入唔到的大有人在, 我識人15分入一胡, 唔通一胡又唔係好學校?
另外, 有啲唔明點解你話 “我估佢校長話學校會有好多功課”, 轉頭又話 “簡介會校長一味話功課多”, 究竟你去咗簡介會未? 去咗而有聽校長講就唔駛 “估”, 要 “估” 就唔應該話 “校長一味話”. 其實而家邊間津貼學校係少功課? 而且功課多唔多都要視乎小朋友對做功課的態度, 如果認真做就算多都可以好快做晒, 如果唔認真就算少都可以晚晚做到十二點
另外, 你 “疑似” 參加的簡介會係咪喺2015年6月26日舉行的?

http://www.lkklps.edu.hk/2015/20150514.pdf

如果係, 個簡介會仲有成兩個星期先舉行, 我唔知點解你可以聽到校長 "一味話多功課, 興趣班又唔算多” 之類的情報. 因為學校已經考完試, 舉行簡介會當日學生會提早放學 (中午12點左右), 當然無得俾你觀課.
其實每間學校的簡介會 / 開放日 / 體驗日等等安排都唔同, 有啲有學生表演, 有啲有遊戲玩, 而今次梁小簡介會網頁都寫到明內容係 1) 介紹本校 2)參觀校園 3) 簡介小一選校程序, 無話過有觀課, 大家明買明賣, 你覺得內容唔啱大可以唔好登記. 如果你 “疑似” 參加過的簡介會唔係呢個, 咁你又有無睇過當日內容先報名? 佢話有觀課而最後無安排嗎? 一定要有觀課先可以了解學校, 先值得 “特登請假參觀”?
學校話你知自行幾多分入, 多數人填第幾志願, 都係等家長們心中有個預算, 唔話你知你又話人懶秘密, 話俾你知你又話人地講到自己幾勁, 咁即你想學校講定唔講? 所有小學講的都只能係上一年度的資料, 最新一年啲人都未填, 學校點知有幾多人揀? 啲人幾分入同填第幾志願? 如果你覺得梁小作大, 你可以將佢放去最後一個志願, 話唔定都會入呢 (雖然對你嚟講係一個壞消息)
至於升中, 讀沙田小學升番沙田中學有咩問題? 沙田中學好差嗎?你肯定你小朋友一定入到沙田區的任何一間中學? 如果係心儀他區中學, 揀小學時就應選番相應的校網, 或者高小時搬去有關區份以增加勝選, 你話朱小都有一兩個派到跨區, 我估你係睇朱小網頁內2012-2014的派位資料,當中有兩名學生派咗九華同瑪利諾, 呢兩間都有參加統一派位, 小朋友可以用屋企地址 (非學校地址) 參加大抽獎, 請問你有資料該兩名小朋友係自行 / 叩門入 (主要靠實力), 定係大抽獎入(主要靠運氣) 嗎? (利申: 我無資料)
我唔清楚 “你朋友的小朋友” 因咩原因轉校同轉咗去邊 (直資? 私校? 同官津的教學可以好唔同喎), 但轉校就一定係間學校唔好? 神校都有人轉校, 如果有人入咗你所講的 “區外名校”後轉校, 你會唔會因為咁而覺得呢啲 “區外名校” 有問題而唔揀? 如果會, 我相信你無學校可以揀. 每個小朋友性格唔同, 有的文靜有的好動, 有的適合傳統教學, 有的適合活動教學, 你 “朋友個小朋友” 轉校, 可能因為有其他更適合的選擇, 未必代表原本的學校唔好, 更唔代表原本的學校唔適合其他人的小朋友

好開心見到你話對梁小 “印象唔好”, 因為:

你喺未填寫自行 / 大抽獎表格時就已經清楚自己的選擇, 既然唔鍾意, 就千祈唔好揀, 唔駛再浪費時間喺梁小身上, 可以集中精力了解其他學校
謹代表所有鍾意梁小又會選擇梁小的家長們多謝你, 因為少咗個人爭
如果學校有太多唔認同其教學理念/方法的家長, 對小朋友, 學校同家長都唔係好事, 你唔揀, 便可能多了一位認同梁小的家長的小朋友能夠入讀, 學校就可以更專注去教導學生

作者: supermaket 時間: 15-6-29 12:07

回覆 Siusiumy 的帖子

每人都有自己心頭好, 我沒有你咁多寶貴時間花在打字上, 為的想澄清這間梁鉅鏐!! 或許你是打手, 是該校的職員唔想人地話間學校唔好! 如果你係家長或用家或將會選這學校的家長, 希望你不會被這學校的教學，功課(試過平日十一樣包改正)而嚇怕! 也希望你地讀得開心, 唔洗在小二轉校!!

邊間學校好, 邊間學校不好, 係人定! 有人覺得就算入左四寶都冇所謂!!! 我無謂在此和你無謂地浪費我時間打咁多無謂野解釋! 剛選完校, 大局己定! 我去過該校上年兩次簡介會, 有親身感受, 心思熟慮這校, 問過不少用家!! 而不是好似你咁六月尾先去人地簡介會!!!

我說的只是事實, 信不信由你!! 此網站供未來選小家長參考, 黎緊水泉澳大量公屋入伙, 沙田網更緊張! 祝大家好運!!!

作者: rsh2012 時間: 15-6-30 19:31 標題: 引用：回覆+Siusiumy+的帖子每人都有自己心頭好

原帖由 supermaket 於 15-06-29 發表
回覆 Siusiumy 的帖子

每人都有自己心頭好, 我沒有你咁多寶貴時間花在打字上, 為的想澄清這間梁鉅鏐!! 或 ...

咁你心頭好係邊間？

你會揀邊間？另外，最好又係邊間？

作者: Siusiumy 時間: 15-7-4 03:03

supermaket 發表於 15-6-29 12:07
回覆 Siusiumy 的帖子

每人都有自己心頭好, 我沒有你咁多寶貴時間花在打字上, 為的想澄清這間梁鉅鏐!! 或 ...

我係打手又好, 教職員又好, 用家又好,潛在用家又好, 定係路人甲都好, 你鍾意的話可以將我套落任何角色, 我只係有嗰句講嗰句而已, 唔知點解你會覺得我有去六月尾的簡介會, 我可以話你知我無報名亦無去到, 所以恕我 “估” 唔到校長講咩,更唔知點解而家只係七月頭, 竟然可以 “剛選完校,大局已定” , 唯一可能係你小朋友今年升小一, 派位或叩門成功吧, 既然大局已定你又對梁小印象麻麻, 相信你小朋友應該都唔會係梁小學生, 在此恭喜你如願以償先!

作者: smallmak 時間: 15-7-12 11:58 標題: 回覆：jessielui2004 的帖子

你好，我的是兒子。我小孩出年先選小學，如我想他數學好啲，同有得在校參加奧數班。唔知呢間小學著重嗎？

作者: jessielui2004 時間: 15-7-17 16:34

本帖最後由 jessielui2004 於 15-7-17 16:54 編輯

回覆 smallmak 的帖子

您好, 不好意思, 遲了回覆!

我們學校是拔尖補底的, 所以對有潛質的同學, 學校會提拔出外比賽。
相反, 如果同學有追不上的科目, 學校亦有輔導班幫助有須要同學。

作者: smallmak 時間: 15-7-18 07:59 標題: 回覆：jessielui2004 的帖子

謝謝！

歡迎光臨教育王國 (/)