教育王國
標題: 重讀小一或插班小二？ [打印本頁]
作者: sarahlmf 時間: 14-11-23 22:43 標題: 重讀小一或插班小二？
我個女本身讀緊幼稚園做個IQ test 知道稍低於中間水平，因跟住哥哥現就讀於一間直資英小的小一，第一個學期差不多完，睇到佢真係跟得辛苦，她是十月都算細女，考慮緊幫她考過另一D小學對學習差異較照顧得到的小學，當然都打算讀完這年的一年級，但同時想幫她報考出年九月開學的小一，在另一間中文小學重讀小一，或是應該考另一間中文小學二年級插班？
有無媽媽有相似經驗可分享？
作者: Olympian 時間: 14-11-23 23:04 標題: 回覆：sarahlmf 的帖子
首先我覺得IQtest 不可盡信。小朋友有很大的潛能。我覺得冇須重讀，因為test結果只係比中位數低，又唔係有限智能。其二去了第二間，同學冇以前咁強勁的話，又加強了自信心，應該應付得到。中庸的小朋友，只要打好根基，開始時不要教得太快太急，將來跑出也不意外。另外，寫字會否太慢？如果有小肌問題才考慮重讀。
作者: MrBeast 時間: 14-11-24 04:47
本帖最後由 MrBeast 於 14-11-24 04:52 編輯
我諗好depends on what u mean by 跟得辛苦和成效如何。或者我share 2 個 case 作參考：
1）大B 在kg 時iq test below average, 但經mami 不斷努力最後都追返哂，考小一仲有不錯成績。
2）我個細B在kg 時exhibit 一些學障問題，repeat k3, 小一時還是有些地方struggle (尤其一些數學概念），現小二明顯地較容易掌握新概念。
Key pts r 小孩的能力會隨著年齡而增加（但大前題是不抗拒）和看父母有冇時間和技考去幫小孩，repeat 一年就可比時間大家去catch up, 當然當事人意願也很重要。
作者: momama 時間: 14-11-24 07:40 標題: 回覆：重讀小一或插班小二？
小學時學校話IQ test result ，只睇五or六歲後（唔記得咗）, 另外一定要用母語做，否則不受理。
作者: Jane1983 時間: 14-11-24 07:48
IQ test係參考，咁你覺得小朋友表現如何？小肌肉（寫字）、表達能力、理解能力點樣？你有無時間日日支援小朋友學習。
識幾個小朋友在K2真係吾似樣，心散、寫字差、坐吾定、默書錯誤多，但亞媽訓身教，大半年下來，到K3真係兩個人。湊小朋友係心機嘢，你肯花時間幫佢，可以好大收穫。
作者: wan_sosin 時間: 14-11-24 08:18
momama 發表於 14-11-24 07:40 
小學時學校話IQ test result ，只睇五or六歲後（唔記得咗）, 另外一定要用母語做，否則不受理。
...
作者: jaycee_mami 時間: 14-11-24 08:39
我仔仔在4歲4個月時做了IQ test, 其實準不準呢?
作者: sarahlmf 時間: 14-11-24 08:46 標題: 回覆：重讀小一或插班小二？
多謝大家的寶貴意見。我個女本身都屬於偏慢的，不過又不算過份得好緊要，小肌肉不覺有問題。
就快考試所以這三星期都加緊和她溫習係有好點，不過一下子也沒可能係咁塞。而且我和個女都好累。我和老公兩個都有返工。平日放學後已有補習姐姐跟功課。因她理解也是弱。默書每一次一星期前派了就要keep住每天溫一次，到默書那天就ok,但之後都容易忘記的。這樣說吧她是要溫多次才記得又容易忘記。而對數學的理解就最差，因會變不像默書是死板的，只要記好了就有一定分數。但數學就一定要理解，所以我有時都教到好氣餒。
我因考慮到IQ test 的結果及她是細女才想是否應該repeat P1。當然好想她和阿哥繼續同一間學校方便好多。但似乎英小又是另一難度。一些教小學的朋友說因英文，如數學除了要懂計算還多了一樣要懂英文字的意思解題。所以建議我考慮轉返中文小學。因中文理解始終易掌握D, 但我同老公又覺得不論中或英其實都係教key words, 教解題，真分別咁大， 大家意見如何？
作者: bbforever 時間: 14-11-24 09:06
如果讀開英小轉中小更加要repeat一年啦，中文字難記難寫過英文，其實轉校是想小朋友讀書增加信心和容易投入讀書既話，我會揀repeat一年讀中小(視乎語言需要)！
作者: longlokma 時間: 14-11-24 09:08 標題: 引用：多謝大家的寶貴意見。我個女本身都屬於偏慢
原帖由 sarahlmf 於 14-11-24 發表
多謝大家的寶貴意見。我個女本身都屬於偏慢的，不過又不算過份得好緊要，小肌肉不覺有問題。
就快考試所以 ...
作者: sarahlmf 時間: 14-11-24 09:51
回覆 longlokma 的帖子
我個女的中英文程度我覺得差不多, 都不是很好. 但中文始終平日講多, 解釋起會易點而且不用再額外教多好多英文字. 我對於繼續留守定轉校都好矛盾, 最重要是我想報那間明年的小一現在要報了, 不過我女之前巳推了一次offer, 因哥哥學校有offer, 所以想考慮清楚先再apply, 免得apply又唔讀, 遲D真係想讀都不再接受我個女了.
作者: Olympian 時間: 14-11-24 11:49 標題: 回覆：sarahlmf 的帖子
我覺得一定要校。真的要選一間教得淺的中文小學。請你別介意我咁講，因為小朋友學完又好快唔記得，呢個問題比較大。讀書真係好靠working memory.
作者: venicebb 時間: 14-11-24 12:39 標題: 引用：我個女本身讀緊幼稚園做個IQ+test+知道稍低
提示: 作者被禁止或刪除 內容自動屏蔽
作者: MrBeast 時間: 14-11-24 13:16
sarahlmf 發表於 14-11-24 09:51
回覆 longlokma 的帖子
我個女的中英文程度我覺得差不多, 都不是很好. 但中文始終平日講多, 解釋起會易點 ...
最主要是看看你女兒那方面較強和學校的程度，再選擇行那一邊。
作者: 小曳人 時間: 14-11-24 21:18
唔理評估報告，純睇平時學習表現，細女，跟唔到，應該重讀一年，打好根基先，亦幫佢建立自信
至於轉唔轉校 / 重讀與否，好睇你要d乜
一般多照顧學習差異嘅學校，會係d無乜人願讀嘅學校，所以唔係幾駛預早報，你5-6月報就得
作者: sarahlmf 時間: 14-11-24 23:07 標題: 回覆：小曳人 的帖子
請問我點樣知道邊間學校有特別照顧學習差異的學生。
作者: Olympian 時間: 14-11-25 14:25 標題: 回覆：sarahlmf 的帖子
有些小學，他在主科會分組上堂。例如上英文堂，同一班會分兩組。兩組考試內容一樣。但平時功課小一些。強組每次默書範圍較大，但次數較少；弱組每次黑書範圍較少，但次數較多。中文課弱組會用廣東話教。這些做法就是照顧差異。學校年報有寫。可在網頁下載。
如果你個女唔係差好遠未必須要這些安排或學校。選一間二線或者已和同學差異不大。
你哪區？
作者: sarahlmf 時間: 14-11-25 14:33 標題: 回覆：Olympian 的帖子
我在將軍澳區的，教育局的網頁有過些資料嗎？
作者: sarahlmf 時間: 14-11-25 14:34 標題: 回覆：重讀小一或插班小二？
有人提議我讀神召會馬理信小學部，但我睇過也是英小，轉去好似無意思？
作者: SaBB 時間: 14-11-26 13:08 標題: 引用：有人提議我讀神召會馬理信小學部，但我睇過
原帖由 sarahlmf 於 14-11-25 發表
有人提議我讀神召會馬理信小學部，但我睇過也是英小，轉去好似無意思？
...
作者: sarahlmf 時間: 14-11-26 23:14 標題: 回覆：SaBB 的帖子
多謝回覆。
作者: little_yolky 時間: 14-12-1 13:49
MrBeast 發表於 14-11-24 04:47
我諗好depends on what u mean by 跟得辛苦和成效如何。或者我share 2 個 case 作參考：
1）大B 在kg 時iq ...
| 歡迎光臨 教育王國 (/) |
Powered by Discuz! X1.5 |