教育王國
標題: 大家interview 有無遇過呢d情況？ [打印本頁]
作者: HahaJ 時間: 14-11-22 11:42 標題: 大家interview 有無遇過呢d情況？
今日帶個女interview 最心儀既學校，group interview,一入到房玩左一陣玩具，開始圍半圓對住老師聽故事，其中一個小朋友（相信係大b) 係咁全程喺老師面前行黎行去，又係咁碌地，其他小朋友根本集中唔到，對父母無制止，仲覺得好得意咁！真係好嬲囉，點解可以咁？！
作者: mansum92 時間: 14-11-22 13:34 標題: 回覆：大家interview 有無遇過呢d情況？
我今朝都係in呢間，都有一個碌地，不過老師有制止
作者: babyhamster 時間: 14-11-22 13:35
係咪對父母都唔敢認頭？
不過講真，緊要關頭，真係有啲憫憎。
作者: piggymonkey 時間: 14-11-22 14:02 標題: 回覆：HahaJ 的帖子
其實學校又未必要人坐定聽故事，只想test 下小朋友表現，唔大叫大嚷我覺得已經ok, 咁有人周圍碌，其他人心散望住，好正常既
作者: muimui120 時間: 14-11-22 14:13
回覆 HahaJ 的帖子
邊間？？
作者: wendy333 時間: 14-11-22 14:18 標題: 引用：今日帶個女interview+最心儀既學校，group+
原帖由 HahaJ 於 14-11-22 發表
今日帶個女interview 最心儀既學校，group interview,一入到房玩左一陣玩具，開始圍半圓對住老師聽故事，其 ...
作者: dragonmama12 時間: 14-11-22 14:20 標題: 回覆：大家interview 有無遇過呢d情況？
我上年試過，坐隔離嗰小朋友扭到爆仲搶咗我支筆（當時家長係後面填緊問卷），佢媽媽都無阻止！我彩取完全唔理佢的方法，自己攞過支筆出黎繼續填！但最後有收到我個小朋友！
作者: helenmelody 時間: 14-11-22 15:04 標題: 回覆：dragonmama12 的帖子
作者: Helloladies 時間: 14-11-22 15:46
我上年都試過，間學校仲我最心儀添。一入到房group in，嗰個小朋友喊到拆天，把喊聲仲要大到冚過老師把聲，莫講小朋友們，連大人都聽唔清老師嘅指示。最頂癮之後仲要考跟住老師唱歌、做動作，嘈成咁，邊有小朋友集中到㗎！嗰個小朋友嘅媽咪都做唔到啲咩安撫佢，老師又唔出聲喎，我諗嗰次group小朋友應該全軍覆沒，勁無奈！
作者: ppcandybb 時間: 14-11-23 01:35 標題: 回覆：大家interview 有無遇過呢d情況？
你地遇都係小朋友影響，我嗰次in係受家長影響呀
本來第一輪老師in嗰時我仔全程對答一流，點知到group嗰時坐隔離個媽媽全程老師唱咩佢唱咩，老師講咩佢講咩，本來其實都無可厚非，最慘佢仲大聲過老師，仔成個過程掛住望住佢呀！
作者: mrschiang 時間: 14-11-23 01:52
回覆 Helloladies 的帖子
我女前年in一間心儀既exactly哩個情況, 最後都係waiting offer
作者: piglet.tso 時間: 14-11-23 04:02 標題: 回覆：HahaJ 的帖子
我都試過，有個小朋友全程大喊，我仔完全不能專心，最後老師邀請果個家庭離開，對父母仲特登抱小朋友去老師、校長度say goodbye一輪，完全阻住評分
作者: 米里奧 時間: 14-11-23 06:02 標題: 回覆：大家interview 有無遇過呢d情況？
我個女今日去面試都有同樣情況,聽老師講故事時係我個女周圍走,又同其他小朋友講bb話,我又唔可以走上前捉佢返埋位,咁會更加影響其他小朋友,十分唔好意思,最後阿女仲走開去後面枱玩玩具,勁無奈
所有老師都無理會佢,反而呢樣野係最hurt
作者: PCMW 時間: 14-11-23 09:53 標題: 回覆：大家interview 有無遇過呢d情況？
我仔in過一間，第一個入房個小朋友帶頭喊，其他跟住喊
如一喊不收應成組唔收囉
作者: 宏心 時間: 14-11-23 10:23
提示: 作者被禁止或刪除 內容自動屏蔽
作者: 米里奧 時間: 14-11-23 11:28 標題: 引用：小朋在公眾場合有滋擾他人的行為，父母應及
原帖由 宏心 於 14-11-23 發表
小朋在公眾場合有滋擾他人的行為，父母應及時處理。縱容小孩的父母不是自私，無公德，就是無能力管教子女， ...
| 歡迎光臨 教育王國 (/) |
Powered by Discuz! X1.5 |