教育王國
標題: 默書默到54分，如果你係家長，你會鬧佢嘛？ [打印本頁]
作者: kincwk 時間: 14-11-21 22:50 標題: 默書默到54分，如果你係家長，你會鬧佢嘛？
提示: 作者被禁止或刪除 內容自動屏蔽
作者: Jane1983 時間: 14-11-21 23:04
Seen or Unseen？無溫書？溫吾熟？搵出原因，再幫小朋友。
睇小朋友性格和反應。如果佢懶懶閒，一定會鬧，對佢表示不滿，警惕佢要注意，讀書係佢責任，吾可以做得咁差。如果小朋友已經好驚、有吾開心，咁就吾會鬧，大家想辦法解決。
作者: kincwk 時間: 14-11-21 23:07 標題: 回覆：Jane1983 的帖子
提示: 作者被禁止或刪除 內容自動屏蔽
作者: YuYuMother 時間: 14-11-21 23:11 標題: 回覆：默書默到54分，如果你係家長，你會鬧佢嘛？
其實小朋友都唔想既，你要搵出問題所在幫佢。
好似我仔記性唔係唔好，奈何溫完好快唔記得，咁我預早同佢溫同溫多幾次。幾熟都好，默前一晚一定要再溫多次。
雖然用好多時間，但效果唔錯……
作者: kincwk 時間: 14-11-21 23:46 標題: 回覆：YuYuMother 的帖子
提示: 作者被禁止或刪除 內容自動屏蔽
作者: IloveJJ 時間: 14-11-21 23:50 標題: 引用：佢唔係唔識，係d字寫得唔靚，我應該點幫佢
提示: 作者被禁止或刪除 內容自動屏蔽
作者: luvgaga 時間: 14-11-21 23:59
回覆 kincwk 的帖子
鬧完又點？幫忙下佢鼓勵下佢
作者: kincwk 時間: 14-11-22 00:02 標題: 回覆：luvgaga 的帖子
提示: 作者被禁止或刪除 內容自動屏蔽
作者: ling1211 時間: 14-11-22 00:39 標題: 引用：我真係唔識教，54分，俾著你見到呢個分數你
原帖由 kincwk 於 14-11-21 發表
我真係唔識教，54分，俾著你見到呢個分數你會點
我囡小二時試過懒叻唔聽清楚老師講咩，結果默多咗成句背默句子，本來98分卻因寫多字逐個扣，冇咗4O分，變58分
我見到都嬲架，不過就冇大鬧，只話佢幾句，呢D就係唔專心聽嘢後果，本來高分變唔合格幾唔抵，叫佢下次一定要小心囉。經過呢次後，囡之後嘅默書都好小心。有時比佢地碰下釘都係好架，衰過就會記得下次要做好D 
作者: Jane1983 時間: 14-11-22 10:51
回覆 kincwk 的帖子
咁咪同佢講明白，寫同醜樣，後果嚴重。然後要佢練寫copybook。
扣好多分，係好可惜，不過今次只係默書，如果警醒到小朋友，吾係測考犯呢d錯，咁塞翁失馬，焉知非福呢。
鬧吾鬧，無也所謂，最緊要小朋友知道錯係邊，就得了。
作者: 已刪除用戶 時間: 14-11-22 12:11
寫字唔靚, 係能力未得定點
我仔由細到大小手肌都差, 寫字好專心的話就OK, 否則似打風
先了解左小朋友係做唔到, 定唔想做, 如果係放PAIR攪到咁低分, 同佢解釋返默書字體重要性, 平時可以放鬆D, 家長唔好成日太緊張, 小小肉酸就擦晒由頭寫過, 好HURT架
作者: c1234 時間: 14-11-22 12:18
回覆 ling1211 的帖子
這是個很好的經歷。
作者: 兩條魚 時間: 14-11-22 14:52 標題: 回覆：默書默到54分，如果你係家長，你會鬧佢嘛？
提示: 作者被禁止或刪除 內容自動屏蔽
作者: wan_sosin 時間: 14-11-22 15:16
默書都係想識寫d字,你小朋友識寫架,低分唔係佢唔識.
知道寫字唔得,可以練嘅,我到中一都仲比老師話d字唔得,中一都照練字囉,練到後來,d人話我d字靚添!
比時間小朋友,字靚同讀書叻唔叻無關,當然因為太差被扣分,就要改善.
作者: jumbojet 時間: 14-11-22 17:40
睇吓佢之前有冇溫習，有溫習嘅咁你鬧佢都無用。最緊要已經盡左力
作者: rean_chau 時間: 14-11-23 14:32 標題: 回覆：默書默到54分，如果你係家長，你會鬧佢嘛？
比着我一定會鬧。細路有時唔省下真係唔得醒。
相反如果係唔識我反宜唔會鬧得咁甘。
作者: MrBeast 時間: 14-11-23 17:41
本帖最後由 MrBeast 於 14-11-23 17:42 編輯
Charlotte_mom 發表於 14-11-22 12:11 
寫字唔靚, 係能力未得定點
我仔由細到大小手肌都差, 寫字好專心的話就OK, 否則似打風
同意，對症下藥。
鬧完之後又點，會好定仲差？
就算要鬧，都要對事不對人。
作者: hoihoima 時間: 14-11-23 22:33
kincwk 發表於 14-11-21 23:46
佢唔係唔識，係d字寫得唔靚，我應該點幫佢？
作者: 11B 時間: 14-11-24 10:50 標題: 引用：你寫字寫得唔靚，扣左好多分，本來係識架！
原帖由 kincwk 於 14-11-21 發表
你寫字寫得唔靚，扣左好多分，本來係識架！甘樣好唔抵！我應該點樣教？
...
作者: little_yolky 時間: 14-11-24 13:07
kincwk 發表於 14-11-22 00:02
就係因為你不嬲次次默書都幾好，突然之間甘，真係好難接受
老實講, 默書只為識字, 唔係為寫靚字, 只要佢識, 我就唔會理佢, 因為會考時, 大家都係鬼畫符, 最緊要寫得快, 所以, 無寫錯字就可以了。
BTW, 佢幾多年班? 默書佔考試總分好少, 我完全唔會掛在心上。有一次, 我囡囡英默得69分(該次係110分滿分, 有10分係額外生字, 即老師明益同學, 所以計落其實都係唔會格), 阿囡戰戰競競咁同我講：媽咪, 我默書合格。個頭dup到落地下咁濟。我當然知道佢知衰, 無鬧佢, 叫佢下次早啲溫, 仲問佢洗唔洗媽媽幫手, 佢話要, 咁下次咪同佢試默囉。小朋友失手經常發生, 奧運選手都會失手啦, 係咪?
作者: yanyan6 時間: 14-11-24 14:28
我仔都會失手,我要求是你肯做肯學,你考咩成績我都接受,考得唔好再努力,媽咪同你一同去增取就得,
如果你問題係唔肯溫唔願學,我會嬲
作者: HaYi 時間: 14-11-24 14:57
默書成績不好我會罵, 因為默書是有得溫的, 可以早做準備的仍做不好是態度問題. 就算是字體差, 如果不是小肌有事, 或是老師太嚴, 就會是求其寫, 記不清等, 都是態度不好為主.
反而測考因素多好多, 成績差都要睇下要如何改. 未必是態度問題, 可能是程度不夠, 罵未必有用.
作者: happy_lavender 時間: 14-11-24 15:25
本帖最後由 happy_lavender 於 14-11-24 15:26 編輯
間中失手未必是壞事，最緊要和他分析，找出原因，清楚告知/示範何為正確，並鼓勵他不斷求進就OK。
應用何種方法教，要視乎小朋友的性格和喜好。過份自信者，間中鬧下無妨；但若然欠缺自信，就越鬧越衰，反而要鼓勵多些。當然有些是唔炳唔識乖！如何是好，你先答到。
作者: Julybabe 時間: 14-11-24 23:47 標題: 回覆：默書默到54分，如果你係家長，你會鬧佢嘛？
係吾可以鬧 小朋友会反感以後吾仲意讀書 比多d鼓勵佢！
作者: little_yolky 時間: 14-11-25 11:57
happy_lavender 發表於 14-11-24 15:25
間中失手未必是壞事，最緊要和他分析，找出原因，清楚告知/示範何為正確，並鼓勵他不斷求進就OK。
應用何 ...
囡囡：我最憎數學。
作者: violetsareblue 時間: 14-12-6 23:08 標題: 回覆：kincwk 的帖子
寫得啱但唔靚都扣分？
作者: wister 時間: 14-12-8 12:16 標題: 回覆：kincwk 的帖子
慢慢教佢寫『好』字嘅方法，唔單止係為左測驗考試，其實寫靚字係代表左自己架
作者: dontaskme 時間: 14-12-8 12:32 標題: 回覆：默書默到54分，如果你係家長，你會鬧佢嘛？
如果識寫，只是字體問題，我諗我吾會嬲。我仔學校中默，次次都吾高分。上次佢得69分，激得媽咪死死下，我睇下份默書，基本上有範圍的，只錯2個因字體不靚的仔，拼音幾乎全錯，因溫習方法問題，其餘全是課外讀默，冇得溫。佢之前已經盡量把課文範圍溫好，所以我都冇乜點話佢，仲讚佢有範圍的默得不錯。可能你會覺得我要求太低啦！
作者: dlee_ca 時間: 14-12-8 12:38 標題: 回覆：默書默到54分，如果你係家長，你會鬧佢嘛？
放張相來看看先有得討論。
作者: yfchoy 時間: 14-12-8 12:42
雖然分數重要，但學習態度更重要。若果小朋友係盡咗力記，但因為臨場緊張、字體唔靚而扣分時，我都會明白。尤其臨場緊張真係好影響結果！但若因為之前唔肯去記去抄寫而低分，我就肯定會罵！
作者: little_yolky 時間: 14-12-8 13:57
dontaskme 發表於 14-12-8 12:32
如果識寫，只是字體問題，我諗我吾會嬲。我仔學校中默，次次都吾高分。上次佢得69分，激得媽咪死死下，我睇 ...
作者: dubbies 時間: 14-12-8 16:15 標題: 回覆：默書默到54分，如果你係家長，你會鬧佢嘛？
如果一向高分而今次因字體問題唔合格，可以當教材提醒佢筆劃端正的重要。唔合格最大的後果除左比人鬧，仲有兩樣。第1樣衰，次次100突然炒左，有同學會笑，第2係改正改多左，做功課時間長左。用第2點加鹽加醋話下先已經足夠，第2次仲係咁再鬧同加練字，
作者: dontaskme 時間: 14-12-8 16:40 標題: 回覆：little_yolky 的帖子
當你睇到佢unseen 連＂努力＂、＂結果＂都吾識時，個＂乖＂字你可能會吞返落肚…
作者: maniris 時間: 14-12-8 23:58 標題: 回覆：kincwk 的帖子
佢有冇用心温，做父母一定知(如果有跟的話)，會同佢講只欠6分，下次比多少少力合格唔難！逐漸地進步，如果佢根本冇心機温，就另教佢什麽是因果關係。鼓勵比鬧永遠是父母給孩子最好的動力。
作者: GreenMaDad 時間: 14-12-9 08:47
我一定會鬧！我都覺得寫字不美沒問題, 也知道現時中文老師要求的中文寫法很難跟（跟我們以前寫的很不同）. 但我希望小朋友明白, 在某一學校讀書, 要尊重學校的校法, 也要盡量配合, 在其他情況也應如是. 比如去日本坐地鐵, 他們的慣例是不高聲說話, 我們去到也應配合. 如果小朋友慣了所有事以自己想法出發, 將來很難跟其他人合作.
之前聽一前輩概歎中國人去外地也不理別人文化, 只顧自己做法, eg.在公共場合高聲說話, 就算他們完全沒有惡意, 我們聽到的也被嚇倒, 久以久之就避開他們. ...
也遇過一家長埋怨學校要求幼稚園學生背默, 儘管其他家長也説學生是應付到的, 但那位家長態度強硬 , 並向老師説"我已叫我仔不用黙, 明天上學他是不會默的！"
默書事小， 態度事大。
作者: dontaskme 時間: 14-12-9 11:02
回覆 GreenMaDad 的帖子
要了解背後的原因, 若是態度問題, 必須立即指正.
我仔的問題系BOTH小肌差+態度麻麻, 有時可能系因小肌差＞做得吾好＞沮喪＞態度變差，所以都幾麻煩。。。
作者: himmamme 時間: 14-12-9 11:24
kincwk 發表於 14-11-22 00:02
就係因為你不嬲次次默書都幾好，突然之間甘，真係好難接受
作者: sheffield 時間: 14-12-10 09:33
kincwk 發表於 14-11-22 00:02
就係因為你不嬲次次默書都幾好，突然之間甘，真係好難接受
作者: little_yolky 時間: 14-12-10 13:31
dontaskme 發表於 14-12-8 16:40
當你睇到佢unseen 連＂努力＂、＂結果＂都吾識時，個＂乖＂字你可能會吞返落肚…
...
係咁多！
| 歡迎光臨 教育王國 (/) |
Powered by Discuz! X1.5 |