教育王國

標題: 開學兩個幾月,返學仲喊 [打印本頁]

作者: catng118 時間: 14-11-17 08:43 標題: 開學兩個幾月,返學仲喊

我囡剛上小一,9月中返全日開始就返學喊,話好驚D老師(已經同佢講老師惡,只係鬧曳嘅同學,只要佢專心上堂就冇事),到而家每朝上校車都會喊,同埋緊有D野話驚, 但佢10月尾考完試,成都OK,唉!唔知其實佢係咪返到去就正常.
有冇小朋友係咁?可否分享下點解決?

作者: a_for_apple 時間: 14-11-17 15:05 標題: 引用：我囡剛上小一,9月中返全日開始就返學喊,話

原帖由 catng118 於 14-11-17 發表
我囡剛上小一,9月中返全日開始就返學喊,話好驚D老師(已經同佢講老師惡,只係鬧曳嘅同學,只要佢專心上堂就冇 ...

有冇同老師倾下？

作者: happy_lavender 時間: 14-11-17 15:26 標題: 引用：我囡剛上小一,9月中返全日開始就返學喊,話

原帖由 catng118 於 14-11-17 發表
我囡剛上小一,9月中返全日開始就返學喊,話好驚D老師(已經同佢講老師惡,只係鬧曳嘅同學,只要佢專心上堂就冇 ...

有時未必真的驚什麼，只是想吸引家長注意。如上面講，先向學校了解一下才決定怎樣處理吧。

作者: little_yolky 時間: 14-11-17 17:00

catng118 發表於 14-11-17 08:43
我囡剛上小一,9月中返全日開始就返學喊,話好驚D老師(已經同佢講老師惡,只係鬧曳嘅同學,只要佢專心上堂就冇 ...

我囡囡芭蕾舞朋友仔舊年就係咁, 佢阿媽愁到呢。

話說, 開學初, 囡囡腸胃唔好, 午餐食面後嘔, 同學仔笑佢, 跟手仲調咗個頑皮既坐隔離, 日日番學响門口死都唔肯入, 日日喪喊, 喊足兩個月, 問佢乜事又死唔肯講, 後來調咗位就無事了。

舅父仔問佢, 佢先同舅父仔講(因為阿媽好惡, 第一句就話：係咪你有問題呀, 所以小朋友唔同佢講, 我哋一班芭蕾媽咪已經鬧咗佢阿媽了)

睇下係咪學校發生咗乜事?

作者: ming0314 時間: 14-11-17 19:24 標題: 回覆：開學兩個幾月,返學仲喊

試下揾學校社工傾下，叫佢跟進。我囡都喊咗成個月，不過佢唔係大喊只係係個位度飲泣。如果佢突然喪喊或者反常行為就要留意，可能係學校發生咗d事，例如老師嚇佢佢再喊會點點點等。。我囡就係比老師恐嚇佢，我知道件事後上學校處理完阿囡亦放下心頭大石

作者: catng118 時間: 14-11-18 11:06

其實佢開學時,大喊咗三日,之後佢應承社工會開開心心上學,三日後佢做到了,但過咗一兩個星期,佢又係咁,話好驚英文老師,問佢有冇鬧過佢,佢又話冇(佢本身膽小),社工有話有時係會有呢D情況,老師鬧曳嘅小朋友,但曳果D唔驚,反而嚇怕隔離果D,跟住再過一排,佢開始冇一咁驚英文老師,但又變咗勁驚普通話老師(本身是小一訓導主任,樣子真係比較嚴肅),佢二,四係有普通話堂,呢兩日話驚我預咗,但連星期一做早操又話唔想,總之每日都有野驚.
其實佢已經係社工跟進個案,但佢除咗上校車情緒唔係咁好,放學又好正常,問佢返學開唔開心,佢又會答開心,我開頭真係好大壓力,情勢好困擾,但慢慢睇,可能覺得佢真係唔想分開果下,所以唯有睇下時間可否令佢慢慢適應,希望只是上學期係咁啦!

作者: longyiu 時間: 14-11-18 11:43 標題: 引用：其實佢開學時,大喊咗三日,之後佢應承社工會

提示: 作者被禁止或刪除內容自動屏蔽

作者: catng118 時間: 14-11-18 11:59

已試過儲貼紙換獎勵/獎品,但每朝佢一見校車來就黎料,就算我在佢耳邊講乜野等緊你呀,佢都係忍唔住,但就好在好多時佢落車時已經冇喊!

作者: MrBeast 時間: 14-11-18 13:15

或者試下先談談學校有趣得意的事，你自己之前返學的趣事，有話題後再談邊個老師點點點，當古仔或朋友傾計咁，我直頭話：細個時比老師打手板，你個會不會？⋯

作者: little_yolky 時間: 14-11-18 13:26

catng118 發表於 14-11-18 11:06
其實佢開學時,大喊咗三日,之後佢應承社工會開開心心上學,三日後佢做到了,但過咗一兩個星期,佢又係咁,話好驚 ...

多口問句, 囡囡夠唔夠瞓, 朝早起身到等車會唔會太趕。小朋友最好瞓足10小時以上, 如果朝早起身時間太短內要上廁所、梳洗、換衫、食早餐, 可能令小朋友心情唔好。

作者: ming0314 時間: 14-11-18 13:34 標題: 回覆：開學兩個幾月,返學仲喊

我囡上校車分離果下又係會喊，校車姨姨就叫我阿囡一上車後就快d走唔好企係度睇住佢，佢話d小朋友你越睇佢就越喊。
另外學校社工教我比樣嘢小朋友袋住，可以係張相、可以係一件信物，比小朋友諗起你時佢可以睇下、摸下等佢有安全感，我就整咗張有我同阿囡相片既頸鍊佢帶住

作者: ming0314 時間: 14-11-18 13:37 標題: 引用：Quote:catng118+發表於+14-11-18+11:06+其

原帖由 little_yolky 於 14-11-18 發表
多口問句, 囡囡夠唔夠瞓, 朝早起身到等車會唔會太趕。小朋友最好瞓足10小時以上, 如果朝早起身時間太短內要 ...

同意！開頭返學我諗住比小朋友瞓多d，所以成日要趕住落樓，阿囡後尾話比社工知佢唔鍾意咁趕，於是我提早15分鐘叫阿囡起身，冇咁趕之下佢情況又有好啲喎！

作者: catng118 時間: 14-11-18 16:22

佢9點鐘上床,第二朝6:40起身,之後刷牙洗面食野去廁所,7:25落樓,基本上係唔趕的.
我已經自己整咗個心心畀佢袋住,叫佢一掛住我就睇下或者摸下佢.我都有同佢講我小學時D老師係會打手掌的,我話佢地而家只係鬧下,鬧完又唔會痛,唔會受傷,所以乖乖就唔使驚!

作者: ming0314 時間: 14-11-18 16:49 標題: 引用：佢9點鐘上床,第二朝6:40起身,之後刷牙洗面

原帖由 catng118 於 14-11-18 發表
佢9點鐘上床,第二朝6:40起身,之後刷牙洗面食野去廁所,7:25落樓,基本上係唔趕的.
我已經自己整咗個心心畀佢 ...

咁你有冇同佢多d一齊參與學校活動？

作者: Jane1983 時間: 14-11-18 18:58

回覆 catng118 的帖子

有無問小朋友除咗驚老師惡，仲有無也嘢具體的事情令佢喊？
你都真係做咗大多數可以做既嘢。

作者: luvgaga 時間: 14-11-18 21:53

回覆 catng118 的帖子

我女都喊左兩個月。因為校車比高年班蝦笑佢蠢把聲難聽。衣家先冇再因校車喊

作者: Jane1983 時間: 14-11-18 22:07

回覆 luvgaga 的帖子

咁絕對係高年班既學生離譜wor

作者: hadwinboy 時間: 14-11-18 22:49 標題: 引用：已試過儲貼紙換獎勵/獎品,但每朝佢一見校車

原帖由 catng118 於 14-11-18 發表
已試過儲貼紙換獎勵/獎品,但每朝佢一見校車來就黎料,就算我在佢耳邊講乜野等緊你呀,佢都係忍唔住,但就好在 ...

可以找其他人短暫幫手送上校車嗎? 找她平時唔跟那些人。我仔bb 班時我送他入班房就喪喊，(新請那個)工人姐姐送他就若無其事直行直入去.

作者: MrBeast 時間: 14-11-19 05:57

catng118 發表於 14-11-18 16:22
...我話佢地而家只係鬧下,鬧完又唔會痛,唔會受傷,所以乖乖就唔使驚!

我以前都係jump to 一些解決問題的方法、安慰說話、etc，其實唔需要的，最重要是父母listen孩子的心聲，認同佢地感受就得，technique 上就只需paraphrase, 學做一隻小parrot. 事實上much harder than u think to keep own mouth shut. Listen more and talk less. 加油

作者: luvgaga 時間: 14-11-19 06:53

回覆 Jane1983 的帖子

係呀。高年班有些好曳有時仲拿間尺打人個頭。不過始終學校係社會縮影有些事都要比佢面對吓教佢如何解決啦喊果兩個月係早晚諗起都心痛

作者: Jane1983 時間: 14-11-19 07:52

回覆 luvgaga 的帖子

係既，個個地方都有曳仔、mean kids同bully，小朋友經歷吓，都學到嘢，係成長一部份....不過作為父母，真係聽到都心痛

作者: catng118 時間: 14-11-19 09:06

佢校車D小朋友好好,冇蝦佢,佢同班同學仲好照顧佢添.上星期先一家三口去運動會,12月又會陪佢去親子旅行,真係諗唔到有咩可以做了
昨天又發生件事,佢英文默書完果陣,老師叫停筆,但佢同另外兩個同學冇即刻停,咁老師要罰佢地今日午息冇得去玩,佢昨晚又話好驚畀人罰,我同佢講,老師只係罰佢冇得玩啫,咪用果D時間做功課囉!咁返到黎咪唔使做咁耐,可以早D開電視
講到叫第二個送佢上車,呢樣又係其中樣令我好大壓力嘅野,佢好多野都只可以係我陪,爸爸都唔得,到今朝上校車又喪喊,最終又上唔到,要自己送佢返學!
佢開學時係驚D咩堂咩堂,而家反面係驚早操同早會果D!
唉,我壓力真係就黎爆煲,昨天明明覺得有好轉,但又整單畀人罰嘅野出黎,又搞到佢驚番,真係好無助

作者: subb 時間: 14-11-19 09:30

catng118 發表於 14-11-19 09:06
佢校車D小朋友好好,冇蝦佢,佢同班同學仲好照顧佢添.上星期先一家三口去運動會,12月又會陪佢去親子旅行,真係 ...

見到心都痛埋　！
你有無同班主任或輔導老師傾 ??? 晚上有無用一D時間引導她說出喊原因 ????
在校有無找到好朋友仔???!!!

作者: little_yolky 時間: 14-11-19 09:38

Jane1983 發表於 14-11-19 07:52
回覆 luvgaga 的帖子

係既，個個地方都有曳仔、mean kids同bully，小朋友經歷吓，都學到嘢，係成長一部份. ...

囡囡舊年都係咁, 因為佢係細B, 所以細粒啲, 同校車係第二間國際學校學生, 班死仔曳到呢, 成日蝦我個女, 又話要用英文同佢講嘢(明明係中國人), 又用膠樽bok佢個頭, 又伸腳clik佢。我問佢駛唔駛爸爸媽媽同校車嬸嬸講, 佢話唔駛, 日日同人打招呼(真係用英文

), 又笑笑口, 最後人哋無蝦佢, 仲同佢玩埋一堆, 讚佢pretty girl。

作者: catng118 時間: 14-11-19 09:45

運動會果日輕輕同班主任傾過，佢覺得我女好依賴。
而我女喊嘅原因多數係驚呢樣驚果樣，其實佢自小都好易喊。最慘係我已經唔揀D好谷嘅小學,諗住呢間冇咁谷，D老師會好D，但整體聽番家長講，都覺得D老師惡，其實只係小一開學啫，又須唔須要咁惡呢!!!

作者: catng118 時間: 14-11-19 09:47

回覆 little_yolky 的帖子

我囡身形都係偏瘦小,但應該冇因為咁而笑佢同蝦佢!

作者: little_yolky 時間: 14-11-19 10:07

catng118 發表於 14-11-19 09:45
運動會果日輕輕同班主任傾過，佢覺得我女好依賴。
而我女喊嘅原因多數係驚呢樣驚果樣，其實佢自小都好易喊 ...

即係俗語所講既「船頭驚鬼船尾驚賊」。有時可能係「個樣」惡或講嘢大聲。我講嘢大聲啲, 阿囡就話我惡了。

作者: catng118 時間: 14-11-19 10:21

其實我兩公婆都算係惡嘅父母,所以其實照道理,佢已經見慣惡人

作者: subb 時間: 14-11-19 10:25

本帖最後由 subb 於 14-11-19 10:27 編輯

catng118 發表於 14-11-19 09:45
運動會果日輕輕同班主任傾過，佢覺得我女好依賴。
而我女喊嘅原因多數係驚呢樣驚果樣，其實佢自小都好易喊 ...

我囡開學無事，　到返全日開始來料～～喊　！　

得意係，她一放學就沒事，不過她講得出唔喜歡太耐時間留在校，　
我都有同班主任同輔導老師傾及留意下她，
班主任同輔導老師都有講現在她躲避來喊，不過現在一路一路好ｄ，
已經慢慢適應緊，比ｄ時候她　（她現在是小喊，可以講控制到情緒）　！
～～做媽媽都只好心痛的等待

最初班主任覺得不可以因老師錫而放任，所以有次喊話了她，　
但後來知道是唔ｗｏｒｋ，我估改變了，因她由怕怕地班主任到現在喜歡她

。。。多ｄ同她傾計引導下她講出原因，學校有無輔導老師，或者可以問問他意見，教下你可以點幫小朋友

作者: Jane1983 時間: 14-11-19 10:40

回覆 little_yolky 的帖子

叻女！吾使亞媽出頭，識以柔制剛，扭轉埋局面！呢d質素好難得，亦好難學

作者: subb 時間: 14-11-19 11:40

而我女喊嘅原因多數係驚呢樣驚果樣，其實佢自小都好易喊 ~~~ 我囡都好容易喊的, 其實是發洩情緒一種, 或者試好同佢講, 你可以喊,但喊完有無解決問題呀/你是否會開心d, 不如我地諗下有無比喊更好方法 !!!!

你又同佢一起諗下點樣做先唔驚 !!!

又或者教她祈禱告訴天父知 ! (我唔係基督徒,是她的老師教她的)

作者: Bigpig_2007 時間: 14-11-21 11:02 標題: 回覆：catng118 的帖子

見到你個問題我都身同感受！

我仔開學喊完—輪，最近又扯住唔肯返學。班中有人蝦佢已經處理左，佢又喊話老師成日駡佢好驚，我唯有最後同社工講在校幫忙關顧他，老師嚴無可能叫人就佢。
做埋呢部我唔會再煩學校，其他要他自己面對處理，無謂俾人標籤。學校是社會的縮影，在家我會聽，教他面對方法，其他都要逼下睇佢掂唔掂啦。

作者: catng118 時間: 14-11-21 12:15

我而家壓力真係大到不得了,呢個星期開始,佢夜晚晚飯時話肚痛,似係真,跟住瞓覺,第二朝起身仲話痛,呢個星期已經有兩日上唔到校車,要自己送佢返,昨天都爆嗆咁要由社工夾硬拉佢入去!
而家多數話驚早操同早會,我昨天在校外睇咗陣,真係聽到D老師好大聲咁鬧人,我估係佢每次早操或早會都會聽到有老師爆鬧人,所以嚇到佢好驚,我真係冇晒辦法令佢唔好咁驚,在學校社工眼中,佢可能問題唔係好大,但我擔心嘅係佢鬱鬱埋埋,搞出D咩焦慮症,而家成日話肚痛,我已經覺得可能係壓力令到佢痛,真係超無奈

作者: catng118 時間: 14-11-28 09:54

上星期買見完學校社工,出門口到有間社處,就試下入去問下有冇兒童心理輔導,跟住即刻見咗社工,見完之後,佢有打電話返學校同學校社工溝通,社處社工話我囡係保良局,始終係大機構,所以社處暫時唔安排心理輔導,睇下學校社工安唔安排到.
但社處社工教咗我一個方法,就係同佢講其實畀老師鬧只係好少事,鬧完就鬧完,冇乜大不了,之後幾日我就不停咁同佢講,任何正常人讀書時都會畀人鬧,經過反複洗佢腦,佢呢個星期返學已經冇喊過了,希望可以繼續保持住啦

作者: Jane1983 時間: 14-11-28 10:12

回覆 catng118 的帖子

聽到都凳你安樂晒

作者: catng118 時間: 14-11-28 10:26

多謝大家的回應及支持呀

作者: wwsugar 時間: 14-12-1 21:15

回覆 catng118 的帖子

我仔都係喊了幾個月。我為他考其他學校轉，減興趣班，向校長老師反映，和教友傾，帶他玩多些，買他至愛的lego，提早食晚飯為六點，早睡早起等。最後，真正有效的原來是轉校，一開始籌備，都未成功考到，他就改善了，因為這給了他盼望，因為原來間學校好辛苦，但知道不是永遠的，他才能捱下去，直到成功轉走為止。我只能承認，不是間間學校都一樣的，有些問題，是永遠不能期望可適應的。聲明，我的孩子讀書能力，社交能力和適應力都很好。問題不在孩子身上。

作者: catng118 時間: 14-12-2 10:45 標題: 回覆：wwsugar 的帖子

我都曾經有一剎那諗過轉校，但一想到又要她重新適應就覺得有難度(因她本身是超級慢熱)。
上星期整個星期沒有哭，今明兩天都心情輕鬆的上學，我想應該開始有希望了

作者: little_yolky 時間: 14-12-2 10:56

catng118 發表於 14-11-28 09:54
上星期買見完學校社工,出門口到有間社處,就試下入去問下有冇兒童心理輔導,跟住即刻見咗社工,見完之後,佢有 ...

呀, 醒起了, 你自己細個有無俾人鬧過(應該有吧

)

你可以將自己以前讀小學俾老師罰or鬧(唔好揀好慘烈的, 要揀搞笑/minor/被連累的/可憐的) 既經歷講俾囡囡知, 仲要七情上面扮到自己好可憐受連累, 但經過事件學精咗的過程, 佢哋聽得好開心的, 對學校老師惡都無咁抗拒, 因為媽媽以前細個都係咁(有小學學生相仲好添)

作者: subb 時間: 14-12-2 11:20

catng118 發表於 14-12-2 10:45
我都曾經有一剎那諗過轉校，但一想到又要她重新適應就覺得有難度(因她本身是超級慢熱)。
上星期整個星期沒 ...

一路向好　！　

作者: wwsugar 時間: 14-12-3 08:58

回覆 catng118 的帖子

現在開心就太好了！因為轉校又要重新適應，真係不容易。

作者: catng118 時間: 14-12-4 08:44 標題: 回覆：wwsugar 的帖子

大家一齊努力

作者: catng118 時間: 14-12-10 14:01 標題: 回覆：開學兩個幾月,返學仲喊

佢已經兩星期冇

了，呢兩日落街時仲有同同學玩，心情不錯，希望佢繼續努力

歡迎光臨教育王國 (/)