教育王國

標題: 對住個仔好辛苦…(有點長篇) [打印本頁]

作者: carmen712 時間: 14-11-14 11:21 標題: 對住個仔好辛苦…(有點長篇)

一個月前同我2歲囝囝做左評估，結果係自閉症傾向。
佢有呢個問題，雖然我都會唔開心，但我都積極咁同佢做緊治療…
但我最痛苦係，阿囝脾氣大得好緊要，只要有小小不滿就會尖叫大喊dup地，大吵大鬧可以維持2個鐘，我同c6 都好頭痛…

又瞓得好差，半夜會半夢半醒咁發脾氣，用力踢床甚至踢我…唔食飯…lur食物…戒片問題難攪，唔肯坐potty便便，記得就自己除褲去potty小便，但又經常瀨…

仲有個細囡，餵人奶…半夜又醒兩三次…

我全職湊2個，無工人，呢個月簡直身心俱疲，只要大囝發作情緒失控，我就好辛苦，每日都喊…

一家人樂也融融出街，咁簡單嘅事對我黎講係好遙遠，因為每次出街都要步步為營，好驚個囝會發癲。每次見到朋友們一家大細周圍去，我真係好羡慕，只能心裡默默流淚…

我無同身邊朋友傾，因為佢地唔會明白我處境，我諗喺呢個板，你地應該會明白我…有時…辛苦到好想好想離開，但望住兩個寶貝又唔捨得

btw 面對自閉兒情緒極度失控，大吵大鬧，你地會點處理？

作者: Sienna419 時間: 14-11-14 12:20 標題: 回覆：carmen712 的帖子

搵社區保姆幫下仔

作者: carmen712 時間: 14-11-14 12:51 標題: 引用：搵社區保姆幫下仔 +

原帖由 Sienna419 於 14-11-14 發表
搵社區保姆幫下仔

可以喺邊度搵架？社會福利署？
係咪上門架？

作者: Pekkle1214 時間: 14-11-14 12:51

如果負擔到，上感統訓練

作者: carmen712 時間: 14-11-14 13:04 標題: 引用：如果負擔到，上感統訓練

原帖由 Pekkle1214 於 14-11-14 發表
如果負擔到，上感統訓練

感統同脾氣有關嗎？

作者: SA同學 時間: 14-11-14 13:15

你喺邊區? 做評估的機構有無同你做轉介? 佢2歲應可以排協康/明愛/醫院既治療服務。
我認為有特殊障礙既小朋友, 都係由自己來照顧返較理想, 之前我見過一個單親媽媽, 佢由小朋友三歲先發現問題開始, 每天都親力親為, 四處找服務找治療, 晚上同你一樣無得瞓, 仔仔在2-3年後, 行為及情緒有明顯進步, 無再咬媽媽, 媽媽亦找到方法與仔仔溝通....
要照顧自閉小朋友...最辛苦的不只是小朋友本, 照顧他們的家長才是更需要關注.....

作者: longlongchen 時間: 14-11-14 13:30 標題: 回覆：carmen712 的帖子

我仔仔都係咁，但要慢慢黎，佢而家3歲啦

作者: lulumelody 時間: 14-11-14 13:49 標題: 回覆：對住個仔好辛苦…(有點長篇)

細囡飲奶粉，唔好餵人奶，餵人奶好辛苦，而且將來囡囡好痴身!

作者: apple~y 時間: 14-11-14 14:21

本帖最後由 apple~y 於 14-11-14 14:22 編輯

回覆 carmen712 的帖子

你仔有無飲奶粉,要介牛奶先
細囡你餵到人奶就餵,奶粉係完全無益

作者: ka-sandra 時間: 14-11-14 14:28 標題: 回覆：對住個仔好辛苦…(有點長篇)

有個導師教我，在他發脾氣時，用被緊緊包著他，我們按著他，由他發脾氣，掙扎，發曬d力，慢慢捐出來。這個方法對我仔有用。每個A仔都唔同，不是每個小朋友都有用。

作者: carmen712 時間: 14-11-14 14:41 標題: 回覆：longlongchen 的帖子

你仔仔又係大脾氣嗎？唉…真的辛苦了媽媽

作者: carmen712 時間: 14-11-14 14:43 標題: 引用：你喺邊區?+做評估的機構有無同你做轉介?+佢

原帖由 SA同學 於 14-11-14 發表
你喺邊區? 做評估的機構有無同你做轉介? 佢2歲應可以排協康/明愛/醫院既治療服務。
我認為有特殊障礙既小朋 ...

有呀已排政府做評估，不過要等九個月，所以目前只有去私家做治療。
你講得啱呀，照顧自閉兒的家長都好需要關注的

作者: carmen712 時間: 14-11-14 14:46 標題: 引用：+本帖最後由+apple~y+於+14-11-14+14:22+編

原帖由 apple~y 於 14-11-14 發表
本帖最後由 apple~y 於 14-11-14 14:22 編輯

回覆 carmen712 的帖子

大囝其實唔肯飲奶，但見佢唔肯食野又瘦，每朝都比佢飲半杯加營素，但唔係每日肯飲囉！

我會keep住餵人奶比細囡，我唔想忽略佢，希望盡我所能比最好佢

作者: carmen712 時間: 14-11-14 14:47 標題: 引用：有個導師教我，在他發脾氣時，用被緊緊包著

原帖由 ka-sandra 於 14-11-14 發表
有個導師教我，在他發脾氣時，用被緊緊包著他，我們按著他，由他發脾氣，掙扎，發曬d力，慢慢捐出來。這個 ...

係一個好提議，我可試試！
謝謝你！

作者: irisban 時間: 14-11-14 21:12 標題: 回覆：carmen712 的帖子

我個囡兩歲都係咁，但依家3歲脾氣好咗好多，我依家都成日同佢出街，小朋友大咗會改善，仲有之前佢発脾氣醫生教困住佢係一個特定嘅角落頭，等佢calm down就放佢同埋讚佢，當然你要陪住佢，不過我個囡身上唔多work

作者: carmen712 時間: 14-11-14 22:51 標題: 引用：我個囡兩歲都係咁，但依家3歲脾氣好咗好多

原帖由 irisban 於 14-11-14 發表
我個囡兩歲都係咁，但依家3歲脾氣好咗好多，我依家都成日同佢出街，小朋友大咗會改善，仲有之前佢発脾氣醫 ...

我試過呢個方法了，佢喊得仲癲會不斷走出黎

不過見到你經驗係會改善，我心都安落d ! 希望如你所講能夠慢慢改善啦

作者: irisban 時間: 14-11-15 09:30 標題: 回覆：carmen712 的帖子

其實隨著佢表達能力改善，佢就會減少発脾氣，所以我覺得要教多D佢講嘢，加油!

作者: chloe_pak 時間: 14-11-15 10:22 標題: 回覆：irisban 的帖子

囡囡3歲8個月知道係A, 宜家六歲，呢兩年幾過去，囡囡進展良好，想分享下小小經驗。其實自閉不是新事，近來多左我覺得同多左人做評估有關，我地細個總遇過同學唔鍾意講野，小息自己坐埋一邊，讀書又唔係咁叻的同學，我認識一些成年人宜家三四十歲，有自閉特色，當年當然無做任何評估，一個舊同事三歲才開口說話，佢阿媽以為佢弱智，但宜家做左醫生，又識一個五歲才說話，現為銀行高層，例子仲有，不能盡錄但佢地多數都能自力更生點解？因為同上一代管教有關！上一代父母管教很嚴，所謂錯就要認，打就要企定，上一代鬼知咩叫自閉，只知道佢唔鍾意講野，唔多社交，但都係咁教，兄弟姐妹眾多，成班人一齊玩，你發脾氣話唔食飯，轉頭所有野食比兄弟食晒，無人會咁就你，仲要比兄弟話你抵死，在學校老師鬼知咁多，犯規就罰，飲食方面，講咩介口，有得你食都偷笑！久而久之，自閉兒也學到生存之道，只不過比人慢D! 對於我自己女女，3歲8時CAC講到佢好嚴重，想佢讀S位，我拒絕，我只想要E位，平時當佢正常細路，比佢參加正常活動，正常課外活動，當然會比人設訴下，但我會照去，女女也讀正常幼稚園，老師也知佢係A, 老師也很幫忙讓她和其他小朋友玩，飲食方面無介口，除了EETC, 沒有做其他如針灸，排水銀等其他治療，除了功課外，佢最常做的就是玩玩玩，佢好開心，成日都笑！女女宜家剛六歲，語言表達仍差D，但語言理解超越實際年齡近半年，宜家識得駁咀駁舌，大小肌肉達標，係社交差D，但老師話佢係學校也有一兩個要好的朋友仔，中文認字好叻，簡單故事書已可朗讀，喜歡表演，學校表演常有奬攞，老師話佢好有自信！簡單加減數也計到，雖然唔係好叻，但一般外人已完全看不出她是A了！她現於主流小學讀小一，成績達標。

作者: anan3388 時間: 14-11-15 11:33

去學親子遊戲治療法，或兒童為本遊戲治療法

雖然唔係針對自閉兒，但對舒緩情緒長遠是有效的

作者: Olympian 時間: 14-11-15 12:08 標題: 回覆：anan3388 的帖子

非常同意，仔感到不安才發脾氮氣。多諒解他。妹妹/弟弟剛出世會令他更加不安。會怕自己地位不保。要比佢知媽媽一樣好似以前咁愛佢。我仔以前都係咁，過了9個月才改善。仲有，你一定要搵個人幫下你，你咁湊法，唔得架，大人剛生完要多休息。

作者: Olympian 時間: 14-11-15 12:11 標題: 回覆：Olympian 的帖子

仲有，仔兩歲唔好急介片，唔好比咁多壓力佢，過多半年先未遲。

作者: Chujai 時間: 14-11-15 12:55 標題: 引用：Quote:原帖由+irisban+於+14-11-14+發表我

原帖由 carmen712 於 14-11-14 發表
我試過呢個方法了，佢喊得仲癲會不斷走出黎
不過見到你經驗係會改善，我心都安落d ! 希望如你所 ...

媽媽你要陪佢坐在一角，等佢冷靜完先同佢行出來。出來後要摟着他，錫下佢，讚佢冷靜左好叻。再過一陣先話俾佢聽媽媽明白佢因咩事唔開心，但係佢發脾氣踢野尖叫係會令媽媽好唔開心。再話俾佢聽下次唔開心可以點。當日我都係要個細餵母乳，媽媽要盡力幫BB介夜奶。要知道媽媽好，兩個寶貝才會好。你有精神先可以動腦筋去諗多D兩個小朋友嘅互動時間。人奶當然重要，但平衡大家身心健康也很重要。相信兩個小朋友好想要一個開心有活力嘅媽媽。平常可考慮多帶小朋友們去公園，對他們很好。

作者: pinkdoll 時間: 14-11-15 14:09

本帖最後由 pinkdoll 於 14-11-15 14:10 編輯

carmen712 發表於 14-11-14 11:21
一個月前同我2歲囝囝做左評估，結果係自閉症傾向。
佢有呢個問題，雖然我都會唔開心，但我都積極咁同佢做緊 ...

做咗評估, 排咗政府SERVICE未(S, E/I位)? 無論如何, 排咗先, 因為要排好耐.

自閉症小朋友確實情緒行為係比較差, 但大多數背後是有原因的, 要慢慢逐樣拆解, 多些詢問治療師意見.

另外, 你可以試下去找s位暫託, 雖然未必日日安排到俾你, 起碼有幾個鐘暫時休息下.

作者: Jolly 時間: 14-11-15 17:28

我隻仔兩歲未有明顯a的特徵，到三歲多開始來料，硬頸，指佢東就做西，冇啦啦發皮四時會喊得超大聲同尖銳，而且喊好耐都唔收。
我係唔打小朋友嘅媽媽，我用discipline method係叫123 magic，用在大女身上，由佢兩歲到家下都非常好用，但用在仔仔身上，係好費力。曾經我諗過個方法對special need冇效，但我有繼續用，因大女同細仔我唔想分開唔同discipline法。到最近，我讀到fb內有一個叫autism discussion page，筆者都有寫原來123 magic都對autism kids有成效，我先加強番信心。
時間係要好長，我地小朋友先可以見到進步。你大仔才兩歲，還有細女，日子都幾難過幾辛苦，但明天一定好過今天，努力加油，媽媽如果都放棄，冇人同你去努力了，是不是？
我地小朋友好鍾意routine, 唔喜歡改變，所以日日定時定候做野佢地最鍾意，因可預料得到。一到假日，反而冇時間表跟，佢地失去依據又要跟大人做野，就會冇安全感而anxious，發皮四就好常見。試試畫個時間表話比佢知，例如：今日星期日，我地首先去邊度玩，跟住點，跟住又點，跟住回家午睡.....用圖畫表示清楚比佢睇，佢做得好跟得好一個activity就比佢喜歡食嘅野佢做reward，同時要讚佢，慢慢佢會有進步的。
fb個page你地都去睇下，學到好多關係我地小朋友嘅知識架！

作者: carmen712 時間: 14-11-15 22:12 標題: 回覆：irisban 的帖子

多謝你呀！！我會加油的

作者: carmen712 時間: 14-11-15 22:15 標題: 引用：囡囡3歲8個月知道係A,+宜家六歲，呢兩年幾

原帖由 chloe_pak 於 14-11-15 發表
囡囡3歲8個月知道係A, 宜家六歲，呢兩年幾過去，囡囡進展良好，想分享下小小經驗。其實自閉不是新事，近來 ...

好多謝你的分享呀！！我都明白，今日的佢唔代表以後都係咁，我唔奢望佢有偉大成就，佢能夠融入到社會，活得快樂已經係好好的發展！多謝你，我會積極d 去睇！

作者: carmen712 時間: 14-11-15 22:17 標題: 回覆：anan3388 的帖子

有呀！我搵緊呢類興趣班，有無邊d 機構值得推介呢？

作者: carmen712 時間: 14-11-15 22:20 標題: 回覆：Olympian 的帖子

係呀，我有諗過佢可能又呷醋，又唔識表達

都係我唔好，對佢未夠體諒，你講得啱，我要好好控制自己，溫柔d 對佢…

作者: carmen712 時間: 14-11-15 22:21 標題: 引用：仲有，仔兩歲唔好急介片，唔好比咁多壓力佢

原帖由 Olympian 於 14-11-15 發表
仲有，仔兩歲唔好急介片，唔好比咁多壓力佢，過多半年先未遲。

而家都開始涼，睇黎都係唔適合戒片，唯有等半年啦~

作者: carmen712 時間: 14-11-15 22:23 標題: 引用：Quote:原帖由+carmen712+於+14-11-14+發表

原帖由 Chujai 於 14-11-15 發表
媽媽你要陪佢坐在一角，等佢冷靜完先同佢行出來。出來後要摟着他，錫下佢，讚佢冷靜左好叻。再過一陣先話俾 ...

多謝你

我的確好需要喘息，先能夠有健康有活力。
你建議的方法，我會再試下！

作者: carmen712 時間: 14-11-15 22:25 標題: 引用：+本帖最後由+pinkdoll+於+14-11-15+14:10+

原帖由 pinkdoll 於 14-11-15 發表
本帖最後由 pinkdoll 於 14-11-15 14:10 編輯

有呀，排緊政府，但話要等9 個月，所以暫時在私家做緊治療。
當年你都餵人奶，
相信你一定明白我當前心情，我會盡量做好一點！

作者: carmen712 時間: 14-11-15 22:28 標題: 引用：我隻仔兩歲未有明顯a的特徵，到三歲多開始

原帖由 Jolly 於 14-11-15 發表
我隻仔兩歲未有明顯a的特徵，到三歲多開始來料，硬頸，指佢東就做西，冇啦啦發皮四時會喊得超大聲同尖銳， ...

好多謝你呀！！你的建議和做法我未試過，一定要試試！
有你地咁多位同路人，不再感到孤單，我會努力打呢場杖！

作者: Jolly 時間: 14-11-16 16:21

冇可否認，咩原因都好，証據顯示愈來愈多人加入呢個大軍。同路人有好多，我地唔再冰山一角。但要社會認同，必須自己認同先。接納，為佢地敢於爭取應有嘅野，教曉佢地為自己發言，咁就最好了。長路漫漫，大家共勉。

作者: SA同學 時間: 14-11-16 21:22 標題: 回覆：chloe_pak 的帖子

👏👏👏👍👍
對! 很認同你的想法及概念，要小朋友不被別人label，首先不要label他們的就是父母，要堅持以良好的管教，盡心盡力教好孩子便可。

我亦曾經遇過些家長，他們對於孩子的自閉特色很關注，學校、中心、醫院。。所有有關幫到小朋友嘅治療或講座都會積極參與，但自己閒時卻和該孩子一同"打手機"、"玩ipad"等，當然，孩子真進步明顯被拖垮了。。。！

父母是孩子的第一個老師，父母的以身作則才是最好的"良藥"! 父母們，加油呀!

作者: carmen712 時間: 14-11-16 23:20 標題: 引用：冇可否認，咩原因都好，証據顯示愈來愈多人

原帖由 Jolly 於 14-11-16 發表
冇可否認，咩原因都好，証據顯示愈來愈多人加入呢個大軍。同路人有好多，我地唔再冰山一角。但要社會認同， ...

對！第一步是照顧者的接納，很重要，自己要調整情緒去教導引導也不容易，那只能時刻提醒自己要堅定信念。

作者: carmen712 時間: 14-11-16 23:26 標題: 引用：👏👏👏👍

原帖由 SA同學 於 14-11-16 發表
👏👏👏👍👍
對! 很認同你的想法及概念，要小朋友不被別人label，首先 ...

無錯！孩子是自己的，治療當然有幫助，但父母的關愛、輔助和接納才是最重要…

所以我作為一個照顧者，發現情緒出現問題，立刻上來抒發一下，幸好有你們！
我知道囝囝很需要我幫助，我也必需尋求力量去面對。
希望此信念可變得更鞏固

作者: conniekit 時間: 14-11-18 23:24 標題: 引用：Quote:原帖由+carmen712+於+14-11-14+發表

原帖由 Chujai 於 14-11-15 發表
媽媽你要陪佢坐在一角，等佢冷靜完先同佢行出來。出來後要摟着他，錫下佢，讚佢冷靜左好叻。再過一陣先話俾 ...

agree!!

帶佢去多d公園玩，真係有幫助，但當然要一段時間先見到效果啦！！加油丫！

作者: carmen712 時間: 14-11-19 19:37

回覆 conniekit 的帖子

好! 會盡量押時間去公園!
Thanks so much

作者: little.vp 時間: 14-11-20 11:09

提示: 作者被禁止或刪除內容自動屏蔽

作者: kiki_kittyhk 時間: 14-11-21 23:14

carmen712 發表於 14-11-19 19:37
回覆 conniekit 的帖子

好! 會盡量押時間去公園!

我個女的導師教我地教小朋友去介片時，首先就係小朋友要識得表達自己要去廁所的信息，你可以教佢如想去廁所之前拍下自己想去廁所的下體即係肚臍對落少少的位置，你都可以試下

作者: carmen712 時間: 14-11-24 21:06 標題: 引用：Quote:carmen712+發表於+14-11-19+19:37+回

原帖由 kiki_kittyhk 於 14-11-21 發表
我個女的導師教我地教小朋友去介片時，首先就係小朋友要識得表達自己要去廁所的信息，你可以教佢如想去廁所 ...

佢其實識得表達，仲識得自己除褲坐potty, 但硬係隔幾次又痾返落片。便便更加唔使講，死都唔肯坐落potty, 要著住片先肯痾

作者: kiki_kittyhk 時間: 14-11-24 22:50

carmen712 發表於 14-11-24 21:06
佢其實識得表達，仲識得自己除褲坐potty, 但硬係隔幾次又痾返落片。便便更加唔使講，死都唔肯坐落potty, 要 ...

佢可能鍾意著片片的壓迫感，或者試下將一片尿片放在 potty 上等佢痾落去，因為我女都係痾尿尿就可以用 potty 但便便就唔得而家就試緊用此方法不如你又試下

作者: carmen712 時間: 14-11-25 16:16

kiki_kittyhk 發表於 14-11-24 22:50
佢可能鍾意著片片的壓迫感，或者試下將一片尿片放在 potty 上等佢痾落去，因為我女都係痾尿尿就可以用 pott ...

好丫我即管試試..
不過佢好醒, 知道自己要poo就會自己走去拎條片, 叫我幫佢著...

作者: a328 時間: 14-11-25 19:11

do not worry you are not alone,

please try to attend some course related to EQ training, it can help, furthermore when they are grown up and more expressive, their situation will be better.

作者: carmen712 時間: 14-11-27 15:22 標題: 引用：do+not+worry+you+are+not+alone,please+tr

原帖由 a328 於 14-11-25 發表
do not worry you are not alone,

please try to attend some course related to EQ training, it can hel ...

係，我真係頂唔順，已經搵左輔導了

作者: myanyan 時間: 15-1-7 16:55

提示: 作者被禁止或刪除內容自動屏蔽

作者: loy211 時間: 15-1-13 19:12

單從字裏行間也感受你的壓力,相信有更多時候是不為外人道,只有你自已知.有無屋企人可以幫下手?或者好朋友傾下,我覺得傾下好些.
前路不易走,但我堅信父母親付出時間愛心,多多少少孩子會改變,不要氣餒,加油!相信這裏有很多人支持你.

作者: 8100 時間: 15-3-6 10:34 標題: 回覆：carmen712 的帖子

完全明白你嘅感受，因為我都是全職媽媽，要獨力照顧兩個小朋友，其中一個係a仔，牙仔發脾氣時，你可以試吓自己坐係地下，將佢用力坐係地下，看着他的頭頂，這樣或可使他冷靜。如果自己的情緒都不好，就先照顧自己的情緒，飲一杯水冷靜一下。

作者: agneswwm 時間: 15-3-6 23:52 標題: 回覆：對住個仔好辛苦…(有點長篇)

搵下屋企附近的社區中心的社工傾訴 ,有時朋友和家人真係唔明白媽媽凑A仔的辛苦和壓力。加油呀

作者: carmen712 時間: 15-3-9 14:17

回覆 loy211 的帖子

多謝你!

作者: carmen712 時間: 15-3-9 14:19

回覆 8100 的帖子

我囝好大力, 有時捉佢唔住, 然後我就開始失控狂鬧...不過最近情況有變, 佢情緒無咁激烈了, 因為開始識表達, 但問題就係乜都話唔要, 唔想, 唔鍾意...總之一味唔合作!
照顧呢類小朋友, 真係每個階段都有新挑戰!

作者: carmen712 時間: 15-3-9 14:20

回覆 agneswwm 的帖子

多謝你! 我最近都搵左輔導, 每次傾完都好D , 不過要維持心態, 都仍然要靠自己

作者: marie209 時間: 15-3-10 16:05

chloe_pak 發表於 14-11-15 10:22
囡囡3歲8個月知道係A, 宜家六歲，呢兩年幾過去，囡囡進展良好，想分享下小小經驗。其實自閉不是新事，近來 ...

我仔仔現在也是6歲跟你情況差不多，慢慢來急不得～

作者: marie209 時間: 15-3-10 16:06

作者: hv245 時間: 15-4-5 15:56 標題: 引用：回覆+8100+的帖子我囝好大力,+有時捉佢唔

提示: 作者被禁止或刪除內容自動屏蔽

作者: joechan5201 時間: 15-4-7 14:01 標題: 引用：有個導師教我，在他發脾氣時，用被緊緊包著

原帖由 ka-sandra 於 14-11-14 發表
有個導師教我，在他發脾氣時，用被緊緊包著他，我們按著他，由他發脾氣，掙扎，發曬d力，慢慢捐出來。這個 ...

It works on my daughter.

歡迎光臨教育王國 (/)