教育王國
標題: 請大家評理 [打印本頁]
作者: AMAIL 時間: 14-11-14 09:14 標題: 請大家評理
事件:小1-3學校旅行人物:小1-2有家長陪同,小3自行跟學校老師
地點:大埔海濱公園
午餐:自備/園內有小食亭&餐廳
我囡小3,我見通告寫有園內餐廳,就不為她自備午餐,給了錢她去餐廳買飯食。
回來後問囡食左咩飯,佢話老師無俾我地去餐廳,自由活動時間只可留在草地,唔可以走開。
所以只係食帶去既零食😥
(了解過另一同學,同樣放學後同媽咪講老師唔比去woo,淨係去小食亭買左枝水&包餅)
(喺佢地學生角度,都只係意識老師唔比去餐廳,唔比離開草地範圍,佢地點敢開聲要求?)
9:00-3:10放學，大家個囡就勁肚餓,立即食一大碗飯。
事後問老師，她第一句竟然答:唔係要自備咩?之後又解釋因為無人同佢講肚餓,無人同佢講要去餐廳
再同校長講:校長竟然都答,其實係要同學自己開聲講,如果佢地要求,老師一定會比佢去買嘢食!
有d時候鿿,家長係應該放手比小朋友自己學識處理問題。點解只會將責任推卸比學生,甚至係話家長?
我原意係想學校知道,今次有d 咁既問題出現,老師要注意,做得唔好既地方,唔可以再犯。佢地唔係應該虛心承認疏忽左咩？
作者: AMAIL 時間: 14-11-14 09:50
作者: kenwong888 時間: 14-11-14 09:58
AMAIL 發表於 14-11-14 09:14 
事件:小1-3學校旅行人物:小1-2有家長陪同,小3自行跟學校老師
地點:大埔海濱公園
午餐:自備/園內有小食亭&餐 ...
The principal and teachers are reponding quite logically, why don't the students ask the teachers for the permission? They are already P3 and aged about 7 to 9 right? Just like if they need going toilet, they will ask right?
作者: rrMM 時間: 14-11-14 10:03
學校有沒有提醒帶午餐？
大補海邊公園好大的， 老師這樣做應該有原因.
作者: longlokma 時間: 14-11-14 10:04 標題: 引用：Quote:AMAIL+發表於+14-11-14+09:14+事件:
原帖由 kenwong888 於 14-11-14 發表
Frankly speaking, i think today primary school students are very dependent and not able to solve eve ...
作者: Olympian 時間: 14-11-14 10:14 標題: 回覆：AMAIL 的帖子
好小事。不應問校長咁動作。咁對小朋友成長唔好。餓一餐好少事。係好經驗，叫係諗下一次會點做。
作者: palmchristy 時間: 14-11-14 10:29
某程度是訓練小朋友的解決問題能力, 同埋學習勇敢.
作者: birdbird 時間: 14-11-14 10:29 標題: 回覆：請大家評理
本帖最後由 birdbird 於 14-11-14 10:33 編輯
小孩沒向老師說明自己沒帶午餐，也是一個問題。況且，小孩沒吃午餐一天半天，也沒什麼大不了！
作者: AMAIL 時間: 14-11-14 10:33
問题係校長話大部分同學有帶食物,咁少部份就唔使理?
全個旅行都係跟老師指示去得邊,之後做咩？自由活動時間,範圍。
係咪應該講比學生知,而家自由活動,可以食自備既午餐,無自備既又可以點做呢?
作者: AMAIL 時間: 14-11-14 10:36
當然知道餓一餐少意思。原本只係想反映比學校知道,有咁既問題發生,佢地老師要留意,唔好有下次。唔止我一個囡係無飯食。
作者: AMAIL 時間: 14-11-14 10:39
跟本老師答案第一句都有問題,佢問唔係自備咩？咁即係佢疏忽
作者: AMAIL 時間: 14-11-14 10:42
咁全級3年班學生都有問題了
作者: AMAIL 時間: 14-11-14 10:46
當然經過今次都有教小朋友,有咩問題要主動問老師。
但我主要係覺得,校方既回應不負半點責任。
作者: birdbird 時間: 14-11-14 12:33 標題: 回覆：請大家評理
你或者可跟校方反映，既然老師不鼓勵小朋友到小食亭解決午餐的問題，校方在通告上乾脆說明午餐自備，無謂又寫有小食亭…………“多鬼餘”。
作者: AMAIL 時間: 14-11-14 12:45
birdbird講得啱，如果講明所有同學要自備午餐,咁就唔同喇!
作者: birdbird 時間: 14-11-14 12:48 標題: 回覆：請大家評理
不過，我好奇怪現今的家長會想初小生在學校旅行去買飯盒或其他現成食物。我所見的家長和小孩對於旅行曰的自備食物很雀躍，有人帶三文治、雞翼、提子等跟同學分享，非常開心！
作者: AMAIL 時間: 14-11-14 12:52
生理需要(大小便)無特定時間,個個不同,當然有自己提問既必要。但午餐時間,唔通可以隨意個別學生的需要/要求,就可隨時進食?又說是所有活動都需要集體進行?咁真係想請問老師,學生可以幾時提問可否去餐廳買飯呢？
作者: AMAIL 時間: 14-11-14 12:57
我孩子&佢有d同學,都只雀躍地可以去超市買喜愛既零食。佢地又想試自己和同學仔去餐廳,自己買飯食。所以今次就無自備了😌
作者: Charlotte_mom 時間: 14-11-14 13:02 標題: 回覆：請大家評理
咁學校又安排不當，個公園咁大，根本無可能俾小朋友自己去買野食，咁通告就一早應該叫人自備午飯啦。而做老師見到小朋友無野食又唔理wor！我做家長義工返學睇午飯，見到之後小息有小朋友食餅都識問下佢係咪食唔飽、點解唔去添飯啦。
唯有下次自己醒d執生
作者: AMAIL 時間: 14-11-14 13:12
回應:某程度是訓練小朋友的解決問題能力, 同埋學習勇敢.
對,係可以從今次事件中得到教訓。可教曉孩子經一事長一智。但這是另一個問題。唔通老師係有心設計考驗學生?用心良苦咁為左訓練學生解決問題?
疏忽就係疏忽,點解要推?呢D就係身教?
作者: Anniemun 時間: 14-11-14 13:12
AMAIL 發表於 14-11-14 10:33 
問题係校長話大部分同學有帶食物,咁少部份就唔使理?
全個旅行都係跟老師指示去得邊,之後做咩？自由活動時間 ...
作者: kenwong888 時間: 14-11-14 13:14
birdbird 發表於 14-11-14 12:33
你或者可跟校方反映，既然老師不鼓勵小朋友到小食亭解決午餐的問題，校方在通告上乾脆說明午餐自備，無謂又 ...
Just like toilets are available, no need to mention la!
作者: kenwong888 時間: 14-11-14 13:16
Charlotte_mom 發表於 14-11-14 13:02
咁學校又安排不當，個公園咁大，根本無可能俾小朋友自己去買野食，咁通告就一早應該叫人自備午飯啦。而做老 ...
作者: AMAIL 時間: 14-11-14 13:28
Charlotte,係,當然識執生了。
我針對既已經唔係餓親了，食少餐幾咁閒。
目的只係反映學校知道,今次有咁既問題發生,希望老師留意返,下次做好d。承認左做得未夠好就ok la!
作者: longlokma 時間: 14-11-14 13:35 標題: 引用：Charlotte,係,當然識執生了。我針對既已經
原帖由 AMAIL 於 14-11-14 發表
Charlotte,係,當然識執生了。
我針對既已經唔係餓親了，食少餐幾咁閒。
目的只係反映學校知道,今次有咁既問 ...
作者: AMAIL 時間: 14-11-14 13:37
老師有責任講:而家自由時間,可以食自備了既食物,需要買嘢食既同學就可以點樣。。。。。。
作者: AMAIL 時間: 14-11-14 13:41
longlokma:
係,無錯!
作者: happy_lavender 時間: 14-11-14 14:02
其實你已經下了定論，只求別人認同。奈何你提供的資料過份主觀，局外人其實無法客觀判斷。
以旁觀者來說，只能為你的小朋友捱肚餓及是次旅行的安排失當而感到難過。That's all！
作者: mch411 時間: 14-11-14 14:02
呢D出街活動我通常叫亞仔自己問老師,
問得清楚自己著數, 問得唔好佢自己受晒,
唔需要代佢問
作者: kipapa 時間: 14-11-14 14:08
學校旅行小朋友無飯食, 我第一時間都會諗”點解家長無安排嘅?”。 所以我唔覺得校長及老師的回應有問題, 即使通告上說明公園內有餐廳, 但都唔代表你一定會幫襯架噃, 小朋友唔敢講, 咁老師又點會知佢有需要呢?
雖然小朋友無飯食係好陰功, 但係樓主第一時間就將責任全部歸究於學校, 是否有點不公呢? 學校旅行並不是旅行團, 係唔會幫你安排埋午餐的, 學校最主要的責任是安安全全帶班小朋友去玩一日, 一個老師要睇住幾拾個小朋友, 能做到此點其實已經很不錯了。
樓主所講的自由時間, 個個小朋友去到公園都係自由時間架啦, 食吓玩吓, 老師點會知小朋友食左飯未呢?
作者: HaYi 時間: 14-11-14 14:20
agreed
作者: AMAIL 時間: 14-11-14 14:22
Kipapa
首先,通告清楚寫明午飯係可自備/在園內餐廳進食。我和部分家長係有安排錢給孩子在園內餐廳買餐食,孩子也清楚知道的。不是你所講的無安排。通告通知得可自備/到餐廳食,正常老師係咪應該問邊d同學有需要去餐廳就跟隨大隊帶隊去食呀？唔通要逐個同學問老師?我完全唔係叫老師安排午餐,只係要求老師向同學交代清楚邊個時段可食飯啫!
如果認為安排不了,何不於通告就說明清楚,午餐必須自備呢？
作者: AMAIL 時間: 14-11-14 14:29
回應Kipapa,唔係去到公園所有時間都係自由時間。因為小三沒有家長陪同,全程活動,行得去邊,幾時參觀咩,幾時喺咩範圍玩,都跟老師帶著。包括幾時食得嘢&老師講既自由時間,留喺草地範圍自由活動
作者: AMAIL 時間: 14-11-14 14:54
我已講了實情。問過幾位同學都話老師唔比去餐廳,咁都算主觀?
作者: happy_lavender 時間: 14-11-14 14:59
AMAIL 發表於 14-11-14 14:22
Kipapa
首先,通告清楚寫明午飯係可自備/在園內餐廳進食。我和部分家長係有安排錢給孩子在園內餐廳買餐食,孩 ...
有些事情是要主動溝通的。如果事情發生，受損失的是自己或自己的小朋友，誰應該更緊張，更主動溝通？我當你全對又如何？因為堅持不多行一步而要自己小朋友受，何苦？問多兩句無損害，自己的事自己也不緊張，可以怪誰呢？你仍然可以固我，小朋友頂得住就會堅壯。作為父母，孩子出事最少揹50%，這個你應該懂的。
我明天就正正要給予我的隊員一些教訓，無帶應有裝備去遠足的話，自受惡果。
作者: AMAIL 時間: 14-11-14 14:59
我都唔係要追究d咩，本來想提醒學校注意呢個問題,避免重犯!但校方回應,一個對事件不清不楚,問番我唔係自備咩?一個只話係學生唔出聲問題lor
作者: ngokwan 時間: 14-11-14 15:09 標題: 引用：Quote:AMAIL+發表於+14-11-14+14:22+Kipapa
原帖由 happy_lavender 於 14-11-14 發表
輕輕提出一點，如果當天餐廳東主有喜，休息一天；那你有否為小朋友預備後備食物？有就OK，不用答我。
有些 ...
不過，真心提示，你不擔心會有家長大興問師之罪？
作者: palmchristy 時間: 14-11-14 15:16
本帖最後由 palmchristy 於 14-11-14 15:23 編輯
AMAIL 發表於 14-11-14 13:12
回應:某程度是訓練小朋友的解決問題能力, 同埋學習勇敢.
對,係可以從今次事件中得到教訓。可教曉孩子經一事 ...
學校就像小社會. 唔會每一件事都能盡善盡美的. 將來, 孩子會面對複雜的社會, 同樣未必會事事如意的.
我地做家長, 除了希望孩子在更好的環境成長, 都會關注孩子面對困難時有能力應變.
聽老師語氣似乎假定左同學仔會自行帶午膳. 唔肯定老師有無同同學仔講清楚午膳安排, 好多傻豬仔聽左都收唔到的.
如果通告無寫清楚午膳安排, 小朋友又唔肯定的話, 旅行前應該有機會向班主任問的.
學校作育英才, 當然想小朋友好, 又點會設計考驗學生? 只不過, 既然事情已經發生, 正面睇, 對學生都係一個幾好的考驗.
至於話疏忽, 又好像有點嚴重, 我睇唔到事件中小朋友受到乜野傷害.
如果對學校安排活動有擔心, 家長是可以透過參與家長教師會改善, 或者做家長義工都好, 會收到第一手消息.
事件中, 睇到你好錫小朋友, 關心佢感受.
作者: AMAIL 時間: 14-11-14 15:18
我有給孩子麵包。沒有帶食物的同學,全都沒有一個問老師。當然家長們已給孩子上了一課,有必要時是可以大膽向老師主動提出。
但老師也同樣的沒有作好妥善安排。
作者: AMAIL 時間: 14-11-14 15:30
謝謝各位,明白大家的意思的。
通告有寫清楚可自備/到園內餐廳食的。所以不是因為唔清楚所以無問/無預備
作者: happy_lavender 時間: 14-11-14 15:39
ngokwan 發表於 14-11-14 15:09
非常同意。
不過，真心提示，你不擔心會有家長大興問師之罪？
當然樓主的情況不明，單方面作供永遠難以持平，老師是否做得不夠，有可能但不能確定！但重點是小孩終究受了苦！若不借此機會自我檢討而將責任加於別人，只會痛苦不斷。我們只能做好自己的部分，難以改變他人，無奈但卻是事實。
如對樓主有冒犯，我在此道歉。我呢D傻佬，只是過份肉緊，過於著急罷了。
作者: little_yolky 時間: 14-11-14 16:04
本帖最後由 little_yolky 於 14-11-14 16:05 編輯
AMAIL 發表於 14-11-14 14:59
我都唔係要追究d咩，本來想提醒學校注意呢個問題,避免重犯!但校方回應,一個對事件不清不楚,問番我唔係自備 ...
唔知通告點寫, 因為囡囡學校旅行寫明係要自備午餐, 另一囡囡則寫可自備午餐, 而公園內有餐廳, 可自行購買。
如果通告寫明有餐廳, 學校又無講話要自備午餐, 我真心覺得學校有責任：
責任一：
P3小朋友有事捱餓都唔敢 / 唔識出聲, 反映學校一直係單向一言堂, 無溝通 / 唔俾學生主動反映意見, 所以養成學生被動 / 唔敢出聲性格。
責任二：
就算只得一位班主任負責一班, 一班只得約30人, 見午膳時間有小朋友無嘢食, 都唔會主動關心, 問下情況, 反映老師對同學愛心唔夠。自由活動時間係小朋友自由活動, 唔係老師自由活動時間, 老師都應該關心下同學, 跟同學聊聊天。
P3小朋友一般只有7-9歲, 做咗都無10年人, 唔一定個個咁勇敢, 仲要如果學校平時無開放文化, 同學根本唔敢出聲。唔通大家無聽說過, 好多小學就算小朋友舉手提出, 上堂時都唔會俾去廁所嗎? 不過, 樓主你小朋友班同學都真係唔夠雷氣, 見朋友仔無嘢食, 都唔一人share一啲, 要人捱肚餓, 真係好少見。
P.S. 可能大家小朋友學校近, 我囡囡學校遠, 旅行果日前一晚, 我幫囡囡準備食材到凌晨十二點幾, 第二朝4:00就起身煮了, 趕佢出門坐校車, 成晚又瞓唔好, 怕鬧鐘唔響, 唔知醒起身, 紮醒咗好多次, 真係好辛苦的
作者: nieualma 時間: 14-11-14 16:05
仔仔間學校寫得好清楚, 要自備飽肚食物例如三文治, 不過佢最後顧住玩, 都食得好少回來
作者: AMAIL 時間: 14-11-14 16:16
我囡通告就係有寫可自備、園內餐廳買。所以我都認同你所講既。我囡同學仔都有SHARE野食既，而我都有比定個蛋卷佢。佢都無食到。但我只係知道，佢和同學仔都話老師無話比去餐廳，所以無買飯。我覺得奇怪，所以先問清楚老師原因，點知一問之下，班主任竟然反問我：唔係自備咩？再講，就話當時無人話無野食，無人要求去餐廳。就係咁
作者: birdbird 時間: 14-11-14 16:24
其實樓主學校張通告, 午餐安排果一欄, 係有機會比家長插的.
但我作為家長, 我不會讓3年級的小學生自行帶錢去公園餐廳買野食,
因為 -
1) 小朋友平時已吃學校飯, 我難得一天可以為小朋友準備午餐, 讓他和得一起去計劃帶什麼食物跟同學分享, 其實挺開心的; 而且自家食物比較健康;
2) 我不想小朋友要掛住個錢包而不敢去玩;
3) 如小朋友掉了錢, 除了吃不到午餐之外, 還會連累老師和同學一起去找;
4) 要小朋友自己在小食亭叫食物, 在學校活動以外其實有好多機會, 不需要趁此學校旅行日子做如此動作.
picnic, 我始終覺得要坐在地墊上 (最好有格仔布), 把食物放出來, 慢慢吃, 吃下玩下跑下, 才夠格調.
作者: rrMM 時間: 14-11-14 16:26
我地學校註明 自備飽肚食物, 我做了自制麵包搽果jam， 一個蘋果， 一條香蕉.
2條腸仔。。全部拿回家。。哈哈
原來那裡有免費午餐。。。
作者: longlokma 時間: 14-11-14 16:28 標題: 引用：我囡通告就係有寫可自備、園內餐廳買。所以
原帖由 AMAIL 於 14-11-14 發表
我囡通告就係有寫可自備、園內餐廳買。所以我都認同你所講既。我囡同學仔都有SHARE野食既，而我都有比定個 ...
作者: AMAIL 時間: 14-11-14 16:29
作者: little_yolky 時間: 14-11-14 16:29
AMAIL 發表於 14-11-14 16:16
我囡通告就係有寫可自備、園內餐廳買。所以我都認同你所講既。我囡同學仔都有SHARE野食既，而我都有比定個 ...
題外話, 講到小朋友有無主動提出, 其實我覺得對某些學校的老師係無意義的。話說我囡囡換牙期, 隻門牙好鬆但唔甩。小一有一次上體育堂, 被同學個屁股撞甩咗隻牙, 佢即刻執番, 因為口流緊血, 佢舉手同老師講：老師, 我甩咗隻牙....未講完, 老師就：0殊！後來佢想再講多次, 老師就更嚴厲地「0殊」佢。當日, 佢就含住一口鮮血, 上埋餘下既體育堂。
回家後, C6知道咗, 好嬲, 打電話去學校問該老師點解唔俾去廁所吐水, 原來老師以為囡囡上上下堂無端端同佢分享甩牙既事(past tense) 
唔知佢當場甩咗隻牙(present tense), 佢道歉都無聲, 只係呵呵笑咗兩聲。
作者: AMAIL 時間: 14-11-14 16:31
多謝分享大家的意見。
作者: AMAIL 時間: 14-11-14 16:36
little_yolky: 你講得無錯！學生有時有問題想講，老師就：0殊！想再講多次, 老師就更嚴厲地「0殊」佢....我囡都有此經驗
作者: AMAIL 時間: 14-11-14 16:39
little_yolky,最嬲就係連道歉都無呀！
作者: little_yolky 時間: 14-11-14 16:44
AMAIL 發表於 14-11-14 16:39
little_yolky,最嬲就係連道歉都無呀！
始終, 間間學校都有優點同缺點的, 我就成日記住學校既優點, 缺點就叫阿囡自己執生。
作者: AMAIL 時間: 14-11-14 16:45
bird bird:你果幾個point都講得無錯。我下次要細心d唸。不過我平日都整午飯到校的。
作者: AMAIL 時間: 14-11-14 16:52
回覆 little_yolky 的帖子
係呀，無錯。你處理得好呀！我都叫囡下次咪咁笨，有唔清楚就要開聲，佢平時係學校都好會爭取。唔知點解今次咁樣？可能都係掛住玩，當時唔的餓，返到學校就......
作者: little_yolky 時間: 14-11-14 16:58
本帖最後由 little_yolky 於 14-11-14 16:58 編輯
rrMM 發表於 14-11-14 16:26
我地學校註明 自備飽肚食物, 我做了自制麵包搽果jam， 一個蘋果， 一條香蕉.
2條腸仔。。全部拿回家。。哈 ...
你小朋友都好乖喎, 咁易話為。我就係唔小心好似樓上咁講, 同佢一齊計劃食咩, 點知佢既清單係：
1. 梅子鯖魚
2. 日式蛋卷
3. 香鬆飯團
4. 醬汁煮雞翼
5. 煎肉卷
等等等等, 樣樣整少少, 整咗好多樣 
今年好啲, 同同學分組夾食物, 佢負責肉醬意粉, 但佢話要home made肉醬, 煮咗個幾兩個鐘 
最大問題係第二日仲要返工
作者: happy_lavender 時間: 14-11-14 17:05
little_yolky 發表於 14-11-14 16:29
應該帶埋通告, highlight住俾學校睇, 如果學校通告有寫, 就100%係學校問題。因為已經唔係家長有無clarify清 ...
以急症室處理病者優先次序睇，你小朋友如果講"我流緊血"應該有唔同待遇，呢個要即時處理。
作者: kerkermui 時間: 14-11-14 17:08
birdbird 發表於 14-11-14 16:24
picnic, 我始終覺得要坐在地墊上 (最好有格仔布), 把食物放出來, 慢慢吃, 吃下玩下跑下, 才夠格調.
難得有機會做d唔同嘅嘢，旅行都要似旅行，如果去公園食飯盒，駛乜搞旅行呀！
其實我反而覺得呢代d學校旅行無我地以前咁好玩，依家太過物質化....
btw，樓主，我同意通告的確容易引起誤會，老師亦不夠細心，唔知呢代好多公主
但到底應該叫老師好好照顧公主，定係應該教d公主做回平民呢？ 我相信唔同人有唔同嘅答案
作者: little_yolky 時間: 14-11-14 17:13
happy_lavender 發表於 14-11-14 17:05
老師咁唔小心，要打屁股啦！
以急症室處理病者優先次序睇，你小朋友如果講"我流緊血"應該有唔同待遇，呢個 ...
怕且下次要咋暈至得
真係唔明點解啲學校成日唔俾人去廁所。話說上個禮拜阿囡又响學校甩牙, 今次仲大鑊, 測緊聆聽。阿囡話含住泡血測驗。爸爸就話未測好就見紅, 真係大吉利是。
作者: AMAIL 時間: 14-11-14 17:16
作者: 拿拿利 時間: 14-11-14 17:17
樓主, 只怪老師心水唔夠清, 不能觀人於微, 仲有 3 年要對住依間學校. 唔好唔開心啦 !!
作者: AMAIL 時間: 14-11-14 17:19
回覆 little_yolky 的帖子
作者: happy_lavender 時間: 14-11-14 17:23
little_yolky 發表於 14-11-14 17:13
果位老師係好甩頭的, 以為終於捱完小一啦, 點知, 小二又係佢教同一科 怕且下次要咋暈至得 ...
當年我被阿媽罰緊跪地主，突然覺得急，問阿媽佢話唔畀去，我就即場解決，激到佢嘔血！哈哈！
作者: little_yolky 時間: 14-11-14 17:33
happy_lavender 發表於 14-11-14 17:23
當年我被阿媽罰緊跪地主，突然覺得急，問阿媽佢話唔畀去，我就即場解決，激到佢嘔血！哈哈！:wa ...
作者: eviepa 時間: 14-11-14 17:43
本帖最後由 eviepa 於 14-11-14 17:44 編輯
是學校疏忽好，是學校做得對好，整件事根本是小事一樁，完全不值得一個家長去討回甚麼公道。
一間學校每日要做的事實在太多了，難免有些做得不足，甚至有些會疏忽。很多教育工作者都很慨歎，現在不少家長都喜歡因為一些細眉細眼的事大興問罪，於是，老師們便要抽出大量寶貴時間去和這些家長週旋，亦因為精力多花了在這些事情，真正準備教學的時間自然減少，影響了教學質素，令所有學生受害。
我們大家都有許多的權利，例如投訴權。但如果每個人都用盡自己的投訴權，經常投訴一些雞毛蒜皮的事，那麼這個會是甚麼的世界？為何不學習一下包容呢？
作者: AMAIL 時間: 14-11-14 17:54
這件事我都覺得只係小事一樁，我只係想同老師反映，今次有咁既問題發生左，提出來給學校注意。
作者: AMAIL 時間: 14-11-14 17:59
已經講完！多謝各方既意見，大家的不同看法我都接納，我會加以消化，謝謝！
作者: 茄子 時間: 14-11-14 18:25 標題: 回覆：eviepa 的帖子
同意
作者: himmamme 時間: 14-11-15 10:51
張通告寫得唔清楚。
作者: sexymami 時間: 14-11-15 12:37 標題: 回覆：請大家評理
我岩岩去完學校運動會，都有提自備小食，同埋運動場有小食部。
一二年級家長可以參加，三年級以上就只得學生。
當日係，家長可以去小食部買野食，學生係唔可以的。直頭有老師在小食部旁，禁止學生去排隊。就算家長拖住的，一律都只在外面等候。
我又覺得咁樣安排好恰當，難得運動會，應該去玩去參與，如果個個同學都走去排隊買野食，浪費晒時間學校又難安排。
旅行也是一樣，始終咁多小朋友，老師要確保小朋友安全，就要限制住活動範圍，你都話個公園咁大，如果真係「自由活動」，到集合時唔見左幾個，去邊到搵？
作者: soright 時間: 14-11-16 23:51 標題: 回覆：AMAIL 的帖子
小食：三文治/蛋糕仔都有帶下馬
作者: gigi1227 時間: 14-11-17 09:06
我覺得，
安排上，學校一律自備會更好，不過旅行多數自備。
要小朋友多點主動向老師表達意見，有唔明地方我會叫佢自己問老師，表明我唔代問，不過因學校有內聯網溝通，我重要的野會私下同老師打個底或聯絡
如果我發生呢件事，我只會同老師講：「老師，我只想同你多點溝通，無其他意思的，我見通告寫午餐可到餐廳，所以安排左錢去買，可能小朋友怕羞唔敢問老師，佢同我講老師唔俾買，所以無買午餐食•••」
主要俾佢知通告可以，老師唔俾（可能要求會安排），小朋友怕羞唔主動打圓場!始終六年校園生活，多點溝通好d。開心學習
加油!
作者: sheffield 時間: 14-11-17 09:23
回覆 birdbird 的帖子
小三，我都唔會比女自己去買野食！旅行地點係個好多人去玩的地方，就算我自己去都唔會預去個度買野食，因為都唔知要排幾耐…小三，話大唔算大，在學校排隊買下零食ok，但同一堆大人去排隊…確實唔知佢最終會否有飯食
作者: kenwong888 時間: 14-11-17 10:54
本帖最後由 kenwong888 於 14-11-17 11:03 編輯
happy_lavender 發表於 14-11-14 14:59
輕輕提出一點，如果當天餐廳東主有喜，休息一天；那你有否為小朋友預備後備食物？有就OK，不用答我。
有些 ...
Beware guy! It is illegal to physically punish students now!
Should file and report police if anything going wrong!
作者: little_yolky 時間: 14-11-17 12:06
sexymami 發表於 14-11-15 12:37
我岩岩去完學校運動會，都有提自備小食，同埋運動場有小食部。
一二年級家長可以參加，三年級以上就只得學 ...
作者: torunpoland 時間: 14-11-17 12:28 標題: 回覆：gigi1227 的帖子
樓主不滿的是「老師回應態度」--係咩？唔知喎！一句愛理不理的話。如果老師說「唉呀，唔好意思啊！冇為意添！」樓主應該冇咁嬲啦，係咪？咁係對事定對人呢？個人意見：外出旅行事事準備調度已夠煩人。他們是教師，不是event planner, 明白他們做緊外行任務，小事不涉及安危就由佢。不用「大興問罪之師」。
作者: happy_lavender 時間: 14-11-17 13:30 標題: 回覆：kenwong888 的帖子
本帖最後由 happy_lavender 於 14-11-17 14:40 編輯
不用擔心，無人要體罰任何人 - 為何會想到體罰？莫非你對制服團隊有誤解？
只是要準備不足或hea吓hea吓嘅人承受番後果 - 趕唔到尾班車，行3小時夜路出大馬路啫。由頭陪到尾，夜行前還破例畀佢地喺士多食飽飽(因為有人幾近無帶食物)。不過原來只需5小時的訓練，結果搞咗13小時；加埋pretrip，你當係罰的話，都係我罰自己兩次至罰佢一次。又有嘢學(不用電筒夜行、有幸看見香港的螢火蟲、如何夜行馬路才較安全、……)，重要沿途send相畀家長報告行蹤，抵玩啦！其實每個訓練都要做足準備，計劃路線、行程預算、裝備表、探路、安排學習內容，連意外的夜行也在計劃中，絕不是玩玩吓。但最後交畀隊員帶，佢錯要跟佢錯，佢地準備不足就陪佢suffer，但又要在最後一刻救佢地出生天，唔會求其，務求隊員一定學到嘢。是罰是得著(經驗學習)，睇個人心態啦。
最後得到的是家長們的多謝和阿仔的埋怨(陪唔到佢食晚飯)。
作者: little_yolky 時間: 14-11-17 14:40
torunpoland 發表於 14-11-17 12:28
樓主不滿的是「老師回應態度」--係咩？唔知喎！一句愛理不理的話。如果老師說「唉呀，唔好意思啊！冇為意添 ...
作者: happy_lavender 時間: 14-11-17 14:56
本帖最後由 happy_lavender 於 14-11-17 15:05 編輯
以我意見，問題有三：
1. 學校掉以輕心，可能張通告係廿年前的作品。(責任：學校)
2. 學校與家長溝通不足。(責任：家長與學校)
3. 沒有後備食物或後備食物份量不足。(責任：家長) (其實呢點有D古怪，如果家長有預備足夠後備食物，小朋友不會捱餓；現在小朋友捱餓，似乎不是後備食物不足便是食物不合小朋友口味了。結論都是準備不足，責無旁貸。如果無捱餓就更加係搵黎搞。)
平分春色，誰也怪不了誰，一人揹一半！贊同善意提醒，如果要問罪就免了吧。一人捱三拳，雙輸就無謂開拖。今日留一線，他朝開會見！
作者: torunpoland 時間: 14-11-17 15:12 標題: 回覆：little_yolky 的帖子
我意思不是樓主大興問罪次之師。可能寫得太簡單。對不起，令你誤會。我意思是，不用大大小小的事都要找「對與錯」，即係好似拍拖咁，對錯又點？平心靜氣反映，也就好了，不用事事找人「評理」。校方或因這事有改進，好事啊！
作者: little_yolky 時間: 14-11-17 17:41
happy_lavender 發表於 14-11-17 14:56
以我意見，問題有三：
1. 學校掉以輕心，可能張通告係廿年前的作品。(責任：學校)
1. 你第一點正確
2. 學校通告無問題既情況下, 家長唔會無情情同學校溝通, 溝通啲乜啫, 通告都話有餐廳同小食亭囉, 唔通你以為通告會同家長講, 拿, 公園有餐廳同小食亭架, 不過唔准你去買喎, 咁講嚟做乜啫。所以第二點根本唔存在溝通問題。
3. 如果家長預計小朋友會買食物, 就唔會帶好多後備食物, 最多帶零食、水。樓主小朋友都有蛋卷食下。你估你哋少年軍去露營咩, 大半日帶咁多嘢去。如果有去開大埔海濱公園, 就會知道餐廳會休息, 但小食亭阿伯年終無休, 係難食啲, 但一定有嘢食。所以忙碌 / 唔鍾意整嘢食既阿媽就會俾啲錢小朋友買算數了。
所以, 這件事重點並非小朋友捱唔捱餓, 係學校既家校合作同老師對同學既關心唔太足夠。老實講, 校長都唔覺得有問題, 請問家長除咗good一聲吞咗佢, 仲有咩可以做? 就算他日唔駛開會見, 我哋家長都要被迫留一線了。
作者: little_yolky 時間: 14-11-17 17:48
torunpoland 發表於 14-11-17 15:12
我意思不是樓主大興問罪次之師。可能寫得太簡單。對不起，令你誤會。我意思是，不用大大小小的事都要找「對 ...
1. 樓主同班主任反映, 班主任反而話：食物唔係自備咩? 根本連自己派咩通告都唔知。
2. 樓主同校長反映, 校長就將責任推給小朋友, 完全沒有表示對日後活動改善的態度。
就是因為校方同各家長都認為這是小事, 根本沒有想到要改善, 所以樓主才這麼生氣吧。
作者: little_yolky 時間: 14-11-17 17:49
回覆 AMAIL 的帖子
喂, 樓主, 唔好得我一個人講啦, 你自己都表下態, 講下嘢啦。
作者: little_yolky 時間: 14-11-17 17:57
eviepa 發表於 14-11-14 17:43
是學校疏忽好，是學校做得對好，整件事根本是小事一樁，完全不值得一個家長去討回甚麼公道。
一間學校每日 ...
學校每日做好多事大家都知, 但係有疏忽就要承認, 要改。樓主响 #1亦表示當初只係想向學校反映, 希望日後注意, 唔係要「大興問罪之師」, 只係, 覺得學校亦認為雞毛蒜皮, 甚至唔認為學校有疏忽, 責任在學生, 樓主覺得學校唔啱, 至開帖討論而已。教學質素唔係包含品德培育嗎? 有錯要認唔係就係學校要求學生既態度嗎? 但學校師長自己卻唔認。錯無論事無大小, 有錯就要認, 這是身教！
我覺得反映唔等同投訴。家長對學校建議、反映, 唔可以下下視為等同投訴吧。下次家長日, 我就要同學校「反映」唔好要小朋友背所謂的作文model answer了, 這又等同投訴嗎?
作者: happy_lavender 時間: 14-11-17 18:06 標題: 引用：Quote:happy_lavender+發表於+14-11-17+14:
原帖由 little_yolky 於 14-11-17 發表
我既想法則是：
1. 你第一點正確
3. 這不是露營要求，亦不是我們團隊的獨有程序，這只是危機管理計劃。什麼事情也會有意料之外…………就像小時阿媽發現轉涼就叫你著多件衫，唔想冷病。唔做的話，無事就無事，有事自己揹番就OK架嘞。No big deal。
作者: lily1113 時間: 14-11-17 19:11 標題: 引用：我囡通告就係有寫可自備、園內餐廳買。所以
原帖由 AMAIL 於 14-11-14 發表
我囡通告就係有寫可自備、園內餐廳買。所以我都認同你所講既。我囡同學仔都有SHARE野食既，而我都有比定個 ...
作者: happy_lavender 時間: 14-11-17 21:18 標題: 引用：回覆+AMAIL+的帖子
喂,+樓主,+唔好得我一
原帖由 little_yolky 於 14-11-17 發表
回覆 AMAIL 的帖子
喂, 樓主, 唔好得我一個人講啦, 你自己都表下態, 講下嘢啦。
作者: torunpoland 時間: 14-11-17 22:12 標題: 回覆：happy_lavender 的帖子
唔好話「打仗」啦！大家都是陳述自己觀點，合聽的進耳，不合聽的當耳邊風之前也想想有否可取之處，那就算吧！
作者: happy_lavender 時間: 14-11-18 07:58 標題: 引用：唔好話「打仗」啦！大家都是陳述自己觀點，
本帖最後由 happy_lavender 於 14-11-18 08:44 編輯
原帖由 torunpoland 於 14-11-17 發表
唔好話「打仗」啦！大家都是陳述自己觀點，合聽的進耳，不合聽的當耳邊風之前也想想有否可取之處，那就算吧 ...
打仗只是比喻，或者咁講，明明坐喺看台睇波，搞搞吓自己落咗場，打埋前鋒。
講到尾大家都要改進。
其實如果樓主轉述無遺漏，學校通告有問題就是肯定，當然最好show埋張通告，始終轉述有可能有偏差或不自覺地加入了個人意見。問題源於下面呢句：
午餐：自備/園內有餐廳＆小食亭
我看見字面已彈出幾條問題(因為工作關係，我已慣於只看字面，不作任何估計，因經驗告訴我要估就會出誤會，要直接問)：
有乜賣架？
有餐廳/小食亭，但畀唔畀買先？
就算畀買，有乜限制？
有無流程，有多少時間食？這決定我整/帶乜嘢食物。如果好多人買，會否因不夠時間買而致小朋友無得食呢？
可否用八達通？始終小朋友不宜帶太多錢。
你能成功改變別人的機會很低，如明白這點，精力就應該放於改進自己的思維，盡量發問以降低因誤會而導致自己損失的機會。不覺得有問題不等同無問題，只是未意識到問題所在。奈何事實就是出了問題，不尤你不去想法子改進，這要踏出一步。人家不踏出此步你無法迫，惟有自己先踏出此步吧！溝通就是這樣。EK金句都講，機會只留給有準備的人。
作者: eviepa 時間: 14-11-18 13:37
本帖最後由 eviepa 於 14-11-18 13:38 編輯
little_yolky 發表於 14-11-17 17:57
睇你咁多帖, 學咗咁多嘢, 係呢個回答我唔同意你。
little_yolky
不用這麼客氣，意見不同很正常。
首先，要明白現在香港學校一般面臨甚麼的問題。現在香港教員很多都變成驚弓之鳥，因為投訴太多了，多到他們很多時都畏首畏尾，很多事都不敢做，而且每天都花很多時間去和家長週旋。這些大家都知道的。
很多家長有很多意見，如果每人都踴躍發表意見的話，縱然有些會是不錯的意見，但老師怎吃得消。
學校每個星期都舉辦不同活動，如果每個活動都要準備得很充足，都想得很周詳，那麼，必然會犧牲備課時間，是否學生之福呢？
看看樓主這個個案，學校當然做得有問題，但只是小事一樁，孩子並沒有甚麼損失。
學校出的通告是怎樣，我沒看過，是否就是：
午餐:自備/園內有小食亭&餐廳
還是「午餐:自備」另外指明公園內有小食亭&餐廳？
老師和校長都認為「午餐:自備」。孩子應該自己帶午餐。
不過無論如何，都是小事。況且，孩子自己都有責任，因為老師不許到小食亭，孩子應表明沒有帶午餐。如果肯表明，那麼老師不可能不許孩子到小食亭買東西吃。這亦是一個好好學習機會：有強烈理由就可以要求特別處理。
學校不可能事事認錯，如果連芝麻綠豆的事都認錯，那麼學校、老師怎樣有威信管教學生？
另外，樓主的行動，亦不是單給校方建議那麼簡單，而是要求道歉。老師不肯道歉就向校長要求道歉。這顯然是個投訴，個案已經到了校長的層面，我相信校方已經用了不少時間和心血去研究這個芝麻綠豆的個案。
算了吧，退一步海闊天空。不如接受學校不能盡善盡美，接受無論家長怎樣善意建議，搞大型活動都會有不足之處。不要將自己的利益放得太大，不要忽視人家的難處。讓老師的時間留在教學上吧。
作者: Yanamami 時間: 14-11-18 13:51
eviepa 發表於 14-11-18 13:37
little_yolky
不用這麼客氣，意見不同很正常。
學校喺有安排失當既地方。大埔海濱公園喺一個相當大既地方，一班3X人，一個老師真喺幾年睇實，一兩個向東走，兩三個向南走，又三四個向西走，難做呢~~所以校方應索性規定自備午餐就最易辦。學你話齋，事情已經發生左，小朋友餓一餐唔喺太大問題。最多向學校反影下，下次做得好d，希望有改善啦~
作者: hadwinboy 時間: 14-11-19 00:08 標題: 引用：我囡通告就係有寫可自備、園內餐廳買。所以
原帖由 AMAIL 於 14-11-14 發表
我囡通告就係有寫可自備、園內餐廳買。所以我都認同你所講既。我囡同學仔都有SHARE野食既，而我都有比定個 ...
作者: galaxytab 時間: 14-11-19 09:13 標題: 回覆：請大家評理
樓主發帖叫大家評理，就要預咗道理和歪理都會飛埋嚟，總會有些參考價值吧！我個人認為學校嘅強項始終係辦教育，其他行政上嘅嘢做得一定較差，如表達了意見便問心無愧，改就最好，唔聽可能係正常（因為十個家長可能有十樣建議），不過知道自己學校嘅態度都好，起碼下次會每事再細心d。By the way,呢類事肯定陸續有嚟。係我心目中，老師都係小朋友嚟㗎咋
作者: little_yolky 時間: 14-11-19 09:24
hadwinboy 發表於 14-11-19 00:08
老師冇話比去，同問了唔比去，是兩回事。冇話比去，唔出奇，小三了，老師未必會事事提點住：大家可以去厠所 ...
因為我囡囡從幼稚園到依家小學, 學校都係開放型, 老師們都會俾小朋友表達意見, 亦好有愛心, 所以小朋友唔會怕主動表達。可恨我知道大部份學校, 因為方便管理原因, 或種種理由, 根本無俾小朋友發言既機會, 或太惡, 小朋友根本唔敢講。老師旅行時唔知道小朋友無帶lunch, 就表示老師根本無注意小朋友, 無周圍同小朋友聊天, 唔係一兩個無帶喎。最終都係老師愛心唔夠。不過, 我們都只係要求老師提升小朋友學術啫, 無要求老師要關心小朋友的。
作者: kenwong888 時間: 14-11-19 10:18
little_yolky 發表於 14-11-19 09:24
我囡囡今年小二, 我將情況同佢講, 問佢會點做, 佢話會同老師講：老師, 媽咪同我準備咗錢, 但無準備食物, 佢 ...
作者: longlokma 時間: 14-11-19 10:32 標題: 引用：Quote:hadwinboy+發表於+14-11-19+00:08+老
原帖由 little_yolky 於 14-11-19 發表
我囡囡今年小二, 我將情況同佢講, 問佢會點做, 佢話會同老師講：老師, 媽咪同我準備咗錢, 但無準備食物, 佢 ...
我唔会怪老師当时冇发現有同學仔冇午餐食，但一定会同意是校長老師之間溝通欠佳以致通告誤導家長。有網友指責学生及家長要事先问清楚，但何解不是学校应事前講解清楚？莫非由学生家長每人问一次会家校更合作？更有效率？
作者: little_yolky 時間: 14-11-19 10:51
longlokma 發表於 14-11-19 10:32
老實講，通常老師帶学生去到旅行目的地後都係老師们聚在一堆，好少会主動「关心」学生。
我唔会怪老師当时 ...
作者: longlokma 時間: 14-11-19 11:10 標題: 引用：Quote:longlokma+發表於+14-11-19+10:32+老
原帖由 little_yolky 於 14-11-19 發表
.............我細個時老師惡到死, 但學校旅行, 老師們都有同我哋一齊聊天的, 無自己圍埋一堆............. ...
死嘞，我同你是但一个来自星星添
不过冇所謂，我自己小時候同孩子現在都寕願老師坐埋一边，咁样可以周圍走自由d
作者: happy_lavender 時間: 14-11-19 11:10
本帖最後由 happy_lavender 於 14-11-19 11:40 編輯
longlokma 發表於 14-11-19 10:32
老實講，通常老師帶学生去到旅行目的地後都係老師们聚在一堆，好少会主動「关心」学生。
我唔会怪老師当时 ...
答案在此：
你能成功改變別人的機會很低，如明白這點，精力就應該放於改進自己的思維，盡量發問以降低因誤會而導致自己損失的機會。不覺得有問題不等同無問題，只是未意識到問題所在。奈何事實就是出了問題，不尤你不去想法子改進，這要踏出一步。人家不踏出此步你無法迫，惟有自己先踏出此步吧！溝通就是這樣。
被動地溝通的結果便是自己損失。最無奈的是，若然學校唔肯講解，家長又唔肯主動問或認為問都無用，最後邊個捱餓先？我就唔會為啖氣而拒絕首先踏出一步去問多兩句，而令小朋友損失。
每人一問不會令家校更合作，但在提出意見的策略上，你一個人投訴始終不及大家一起提出相同問題。如你能令所有家長均友善地提出相同問題，這便變成民心所向，幾硬的學校管理層也不得不作出回應。單打獨鬥好難達到目的，群起相對難輸好多。就算學校小氣，都唔可能針對一大班小朋友吧。
P.S. 一早已提出證據不足，難以判斷。無通告睇，無流程睇亦唔知學校有無講解，我們如基於個人猜測討論就變成不理性。只能照字面分析，我的看法始終是大家均有責任，誰也怪不了誰。
我如對通告內容有疑問，必定寫手冊問老師，佢唔答就幾日後再寫或叫老婆直接問。
作者: little_yolky 時間: 14-11-19 11:17
longlokma 發表於 14-11-19 11:10
死嘞，我同你是但一个来自星星添不过冇所謂，我自己小時候同孩子現在都寕願老師坐埋一边， ...
| 歡迎光臨 教育王國 (/) |
Powered by Discuz! X1.5 |