教育王國

標題: 煩請提點选擇K1的意見 [打印本頁]

作者: FaiFaiKwong 時間: 14-11-13 14:14 標題: 煩請提點选擇K1的意見

本人是新手爸爸，現對囝囝选擇K1有疑难，請各位賜教！
家在將軍澳，龙年大B，PN 讀藍田朗思，若要K1轉校，K1已報德信、劍嗚、青衣商會將軍澳幼稚園及九龍禮資賢學校暨幼稚園，請問以下4間如何排優先次序？(可能一間都吾收)还是留在朗思？

作者: renewdanny 時間: 14-11-13 14:56

劍嗚,禮賢,德信,青衣商會將軍澳幼稚園

作者: IRK 時間: 14-11-13 14:58

新手爸爸，你對兒子的教育理念是甚麼？將來想選甚麼小學？我大囝今年考小一了，回頭看，我感恩自己貫徹了自己及老公的教育理念，選了一間match自己理念及小兒性格的幼稚園，令他克服了自己的弱項，強化了他的優點。既然你shortlist了四間幼稚園，你一定對她們有所了解，想一想自己及太太想兒子學習的方向是甚麼，再從中選取。

我舉自己的例子，我們兩公婆重視閱讀及語境，希望小朋友上本地傳統學校，孩子個性偏弱，我們便捨棄了近家的選擇，選了九龍塘的英普課程，而該校的特色便是小班及重閱讀，即使K1考了名幼，也按兒子的性格決定不轉校。

以上只是參考例子，家家不同想法，個個小朋友的性格也不同，你要與太太好好商量達成其識，才可以順利走這一路。

作者: FaiFaiKwong 時間: 14-11-13 15:41

感謝回覆！其實小朋友可以座定定，但吾主動，體能不佳(成日要人抱)。劍嗚派位好，但讀得辛苦。德信面試時感覺很好，但升小不保証，仲有外間話較淺，升小會吃力。青衣商會將軍澳幼稚園近屋企，口碑不俗，升小多是區內。九龍禮賢學校暨幼稚園有三四成直升小學，但離家很遠，3歲人仔要長途跋涉3年，怕小孩辛苦。對不起！好似又要馬兒好又要馬兒吃草，好難排次序，但作為人父，責任很大，要替小朋友多想，惟恐有失，影響兒子將來！

其實朗思個位都好辛苦取得(訓左一晚街排隊報名) ，小朋友都喜歡上學，亦怕，小朋友轉新環境吾適應，但學費真的好貴！

作者: chok0925 時間: 14-11-13 15:47

咁朗思學費幾錢?

劍嗚,禮賢,德信,青衣商會將軍澳幼稚園 (我都會咁排)

作者: FaiFaiKwong 時間: 14-11-13 15:54

學費HK$4725，車費HK$1100，差不多HK$6000一個月！

作者: vvik 時間: 14-11-13 16:33 標題: 回覆：FaiFaiKwong 的帖子

我都見劍鳴派位好，但點解？啲學校計分架喎

作者: 新人物 時間: 14-11-13 16:45 標題: 引用：我都見劍鳴派位好，但點解？啲學校計分架喎

原帖由 vvik 於 14-11-13 發表
我都見劍鳴派位好，但點解？啲學校計分架喎

我諗九龍塘一帶幼稚園既家長8-9成都會報喇沙/男拔/女拔⋯等等名小。咁出黎結果一定有幾個收，但大埔/粉嶺/上水⋯等等既幼稚園，可能全校都未必有幾個人會報名。

作者: helenmelody 時間: 14-11-13 16:48

回覆 FaiFaiKwong 的帖子

我個女都係讀藍田朗思, 我的想法和你差不多, 學費太貴, 我們住近一點在油塘, 車費平少少, 但接近五千一個月都感到有點吃力, 所以都有出去考下K1
但我自己本人盡量希望阿女上返朗思, 畢竟這間學校唔差, 課程安排得好好, 老師有愛心, 加上我個女好慢熱, 我都唔太想佢轉學校, 從新適應新環境, 所以大部份都係報了龍校, 摶一摶當見識下, 好彩考到, 再慢慢考慮轉唔轉。

升小一也是我們要留意的題目, 本人覺得留在朗思的話, 其實升小一也有優勢的, 你有看過他們的升一名單嗎? 都唔錯架

作者: Silencemily 時間: 14-11-13 16:50

回覆 FaiFaiKwong 的帖子

Hi 我[size=13.63636302948px]小朋友都讀緊朗思，家住TKO，學費+車費都真係幾貴，不過暫時都好滿意學校，小朋友都好鐘意返學，所以我地都冇特登去報其他K，報咗一間當去玩吓，收到未必會讀。純個人意見，既然學校OＫ，就無必要小朋友重新適應。
另，我都好同意樓上話最緊清楚自己想小朋友走條咩路，或者邊種學校適合自己嘅小朋友。朗思語境唔錯，將軍澳青衣商會都係熱門有學券嘅學校，我信相都教得小朋友好好，但語境就冇朗思咁好，如果揀咗[size=13.63636302948px]將軍澳青衣商會但又決定去補英文，可能最後都係要俾咁多錢。

作者: FaiFaiKwong 時間: 14-11-13 17:39

小朋友學費貴，做父母只能節省點，但朗思校長表示K1全日班開始做Project，仲話Project 係藍朗最出名之處。為小朋友好，讀全日班是难免，學費連車費成八九千，擔子背不起(我有2個小朋友，小B过2年也K1，吾比小B讀，好似不公平，但成萬六七交學費，自問無本事)，所以先考慮轉校！

作者: Silencemily 時間: 14-11-17 12:17

回覆 FaiFaiKwong 的帖子

我都係有個細嘅，兩年後就PN喎! K1我地暫時不考慮全日班，因為要午睡，K2再做決定啦!

作者: HaYi 時間: 14-11-17 12:25

其實睇你想去咩小學,

直資私立或一線官津的： KM, think,　語境同學術會預備得好些。　
禮賢小學：禮幼, 否則考其它直私好似不太有用
一般附近官津 :　青衣已可　

作者: helenmelody 時間: 14-11-17 12:43 標題: 回覆：FaiFaiKwong 的帖子

我和你的想法一樣，想k2k3小朋友返全日，但八千一個月實在太貴，負擔不到，所以有出去考k1, 碰下運氣。

作者: soso3509 時間: 14-11-17 17:44 標題: 引用：Quote:原帖由+vvik+於+14-11-13+發表我都見

原帖由 新人物 於 14-11-13 發表
我諗九龍塘一帶幼稚園既家長8-9成都會報喇沙/男拔/女拔⋯等等名小。咁出黎結果一定有幾個收，但大埔/粉嶺/ ...

仲有d 父母畢業, 呀哥家姐讀緊果d 呢

呢d 都計埋點會唔好姐

作者: soso3509 時間: 14-11-17 17:49 標題: 回覆：煩請提點选擇K1的意見

如果有能力到我都會同其他家長一樣甘排..但會將朗思夾係中間..如果km 同禮賢唔收就讀返朗思..但如果想讀平d 就揀德信..

另外你話禮賢遠..其實德信都唔算近啦..如果用你坐校車計的話..

作者: HappyCheerBaby 時間: 14-11-17 18:58

回覆 FaiFaiKwong 的帖子

俾我揀，我會揀劍鳴、德信、禮賢。劍鳴學術強，但考到名小一都好似大抽獎學校多，考到私立及直資相對冇咁多。

作者: joejoebb 時間: 14-11-17 22:27 標題: 引用：回覆+FaiFaiKwong+的帖子俾我揀，我會揀

原帖由 HappyCheerBaby 於 14-11-17 發表
回覆 FaiFaiKwong 的帖子

俾我揀，我會揀劍鳴、德信、禮賢。劍鳴學術強，但考到名小一都好似大抽獎學校多 ...

http://www.keenmind.com.hk/images/13-14%20primary%20chart_enlarge.jpg

係劍鳴網址，見大部分係一線私立直資喎

作者: zoezebra 時間: 14-11-17 22:43 標題: 引用：Quote:原帖由+新人物+於+14-11-13+發表我諗

原帖由 soso3509 於 14-11-17 發表
仲有d 父母畢業, 呀哥家姐讀緊果d 呢
呢d 都計埋點會唔好姐

報劍鳴唔洗申報父母學歷同讀過邊間中小學喎！
反而St cat ，Kentville，HKPS嗰啲間間都要人填！！

作者: soso3509 時間: 14-11-17 22:53 標題: 引用：Quote:原帖由+soso3509+於+14-11-17+發表仲

原帖由 zoezebra 於 14-11-17 發表
報劍鳴唔洗申報父母學歷同讀過邊間中小學喎！
反而St cat ，Kentville，HKPS嗰啲間間都要人填！！:censure ...

唔洗報學歷我知呀..但除左考直私公報升小成績參考外...我覺得官津果d 公報泥無乜意思甘解姐...

作者: soso3509 時間: 14-11-17 22:55 標題: 引用：回覆+FaiFaiKwong+的帖子俾我揀，我會揀

原帖由 HappyCheerBaby 於 14-11-17 發表
回覆 FaiFaiKwong 的帖子

俾我揀，我會揀劍鳴、德信、禮賢。劍鳴學術強，但考到名小一都好似大抽獎學校多 ...

點解德信排前過禮賢既?? 我好奇問下..我兩間都有報

作者: FaiFaiKwong 時間: 14-11-18 11:17

多謝各位意見！德信、劍嗚都見左，基本完成所有面試要求(但完成所有要求吾代表收)，青衣商會也基本完成所有面試要求，但被問有否上佢地個Website及何處最令自己最有印象，自己就答錯左(上过太多學校Website有D亂)，所以機會不大。週六見左培道，亦基本完成所有面試要求(老師也讚佢完成要求，但完成所有要求也吾代表收)，現在除左禮賢未見，亦報了2家名幼 - 培正及宣幼，等完成這3家后，K1面試就完工，共面試8間(根德園全程低头不語，也機會不大)。
培道 - 100%直升培小，但中學是女校
培正(8成直升培正小學)及宣幼5成直升宣小，但培正是中中。

如果加上培道、培正及宣幼，連同朗思你們如何排序(德信、劍嗚、培道、禮賢、培正及宣幼)？

作者: PCMW 時間: 14-11-18 12:06 標題: 回覆：煩請提點选擇K1的意見

朗思

作者: chungayu2 時間: 14-11-19 11:09

基本上我會收到offer先諗,你現在有朗思,如果收到其他offer 你便2選1便可....
想太多亦沒用,如劍明K1咁少位出,德信對升小一沒幫助,禮賢/培正/宣幼成村人爭,
你現在想得多,只有自己煩惱,無幫助!!

作者: IRK 時間: 14-11-19 11:23 標題: 引用：Quote:原帖由+soso3509+於+14-11-17+發表仲

原帖由 zoezebra 於 14-11-17 發表
報劍鳴唔洗申報父母學歷同讀過邊間中小學喎！
反而St cat ，Kentville，HKPS嗰啲間間都要人填！！:censure ...

没關係的，我們兩公婆皆不是名小名中出身，但兩個孩子當年也考上hkps 及 kv。大家加油吧！

歡迎光臨教育王國 (/)