遇上一個態度極差, 極無禮的補習社職員 !

tinyau_0411

唉囡囡終於考完試，得閒上黎BK追下post，無意中發現哩篇野…講真，真心睇完有啲嬲，雖然我唔係嗰間補習社既職員，但見到你咁樣晌到扭曲事實，覺得你真係好過份！！！！

其實世界真係好細，你講既哩件事，我咁啱就坐晌度等囡囡放學，目擊哂成個過程。其實個職員既售後服務做得幾好，佢冇錯喎，正因為你唔再去補習，但知道maryknoll要考試，通知你黎拎返啲已批改既卷返屋企revision。聽到你係因為個囡自己唔改正，然後要老師寫返個答案，哩啲咪正正係怪獸家長既行為，正常我個囡去補習，其他補習社都會要求呀囡嘗試自己改正，哩個先係正確既學習態度。
你唔識做人家長唔緊要，但自己有問題就晌度發人爛渣粉飾自己既過錯，晌度亂講野，仲要話自己係maryknoll既家長，認真丟哂學校面！！！仲要話自己嗰陣好顧儀態，其實從我哩個旁觀者睇，你簡直係一個不折不扣既怪獸家長。
認真，你嗰陣晌度嘈住哂，影響人地課室上堂氣氛，我地成班家長坐晌度都為之側目，覺得你真係不知所謂，職員冇叫你靜，已經好有EQ同尊重你哩個所謂“好有儀態”既女人。
我2個囡由P.1晌度補習，so far覺得冇問題，而你所講既M姨姨同Miss Y，我同其他家長又真係唔覺得佢地有問題。所以，其實你真係好過份，請自重！！