教育王國

標題: 催谷幼兒不可取（左丁山） [打印本頁]

作者: elbar 時間: 14-11-11 09:10 標題: 催谷幼兒不可取（左丁山）

唔講唔知，原來11月份係幼稚園報名、面試高峯期，適逢校友會有午餐例會，經呂令意校長安排，請咗一位著名幼稚園校長嚟講吓申請幼稚園嘅情況。到場參加嘅校友有兩類，一類係三十零四十歲嘅校友，一類係早年校友，前者為自己仔女，後者為自己孫兒，都有興趣想聽。

S校長管兩間幼稚園，問吓佢是否中大校友，哦，原來係中大教育碩士，自己親阿哥與自己女兒分別在中大新亞企管系及英文系畢業。佢演講時話，當今家長為兒女搶報幼稚園緊張到極，經常一報就報十幾間幼稚園，試過有二千人報名，形成「恐慌」狀況，但最後得兩三百多學生真係到學校面試，亦有啲學校故意拖慢拖長派表，搞到學校門口有好長嘅人龍，傳咗出去之後，有更多家長湧至，人龍長上加長，其實係學校造勢而已。校長試過有一次在旺區燒味店排隊買叉燒，排極都唔到以為燒味店真係名聞遠近；後面越來越多人，輪到佢之時，先至發覺店內只有一位師傅斬燒味，動作又慢，收錢找錢又慢，唔怪得店外人龍長又長啦。

現在學校一定有form派，網上可下載，到學校攞表一樣得，收埋咁多申請，點樣篩選學生呢？唯有靠面試。校長俾啲貼士，兩歲孩子由父母陪同面試，孩子表現煩躁，取物擲落地下者，好難錄取咯，父母太肉緊，猛咁提場者，又會扣分啫，如果父母唔到，改由祖父母帶孩子去面試，會視為誠意不足，扣分唔眨眼，總之如果孩子有整潔儀容，有禮貌，對簡單問題有回應已經會有幾好分數，不可相信甚麼面試補習，搞甚麼孩子portfolio等等，譬如有幾百孩子嚟面試，人人帶portfolio嚟，老師點會有時間去睇？佢間學校就一概不理甚麼portfolio嘅。如此校長，都幾開通，值得有常識嘅家長鼓掌。有校友問：孩子上午讀國際幼稚園，下午讀學券幼稚園，是否有益。校長話極不鼓勵，如此安排，只會將孩子精神體力透支，令到小孩聽見返學就怕怕，產生厭學心理。而且咯喎，國際學校讀英文與普通話，本地學券幼稚園講廣東話，細細個人仔每日要適應3種語言，未必應付得嚟，父母要花時間在家輔導，否則都係俾小孩子輕鬆啲好咯。

左丁山

作者: Cheeselover 時間: 14-11-11 23:43 標題: 回覆：催谷幼兒不可取（左丁山）

我相信部份家長精神緊張下產生羊群效應，幼稚園挑什麼學生有一定取向，總不會把一堆南轅北轍的學生放在一起，免得自尋煩惱。不過家長總會主觀地認為某些學校（一般是名校）適合自己子女就讀，結果折騰自己，苦了兒女，人望高處，但也要看能力，不能勉強，看過小孩記性不好，父母卻硬要上來，何苦！

作者: joyce1234 時間: 14-11-12 08:22

左丁山呢篇都幾求其.

作者: Jane1983 時間: 14-11-12 08:34

回覆 joyce1234 的帖子

深有同感！

作者: lisinchi 時間: 14-11-12 09:14

提示: 作者被禁止或刪除內容自動屏蔽

作者: Derdad 時間: 14-11-12 10:29

回覆 lisinchi 的帖子

Agree

作者: Cheeselover 時間: 14-11-12 16:09 標題: 引用：Quote:Cheeselover+發表於+14-11-11+23:43+

原帖由 lisinchi 於 14-11-12 發表
「謀事在人，成事在天」。若考得入，毋需太早妄自菲薄，怕孩子讀不上或不適合而未試過就放棄。每個孩子的可 ...

前提是"若考入＂，部份家長採用極端方法折騰小孩，為的就是＂考入"，若小孩耗盡九牛二虎之力考入，並付出巨大心力應付日後學業，幸運的（有能力）可以捱過，不幸的可能被棄或反抗，這就是家長選擇。不過我不太催谷小女，按她心智發展配合學習，小一學會唸乘數表也不代表高小可以應付微積分。

作者: lisinchi 時間: 14-11-12 16:14

提示: 作者被禁止或刪除內容自動屏蔽

作者: skkeung 時間: 14-11-12 17:43 標題: 引用：Quote:原帖由+lisinchi+於+14-11-12+發表「

原帖由 Cheeselover 於 14-11-12 發表
前提是"若考入＂，部份家長採用極端方法折騰小孩，為的就是＂考入"，若小孩耗盡九牛二虎之力考入，並付出巨 ...

看得透！

作者: Unclejt 時間: 14-11-12 20:31

成篇重點就係第二段頭幾句。

作者: Cheeselover 時間: 14-11-12 23:05 標題: 引用：Quote:Cheeselover+發表於+14-11-12+16:09+

原帖由 lisinchi 於 14-11-12 發表
考幼稚園洗乜九牛二虎之力，越出力催谷只會有反效果，只需讓小朋友保持活潑好奇便可。 ...

家長排隊取表，交表，安排面試，還不止一間，面試撞期又要取捨；小朋友上面試班；面試當天準備功夫，緊張。這對我來說也不輕鬆呵。

作者: goodenough 時間: 14-11-12 23:56

joyce1234 發表於 14-11-12 08:22
左丁山呢篇都幾求其.

但裡面都係一些事實的描述。家長為報幼稚園變得緊張到極是真的、家長搶報是真的、一報就報十幾間是真的、二千幾人報一間形成恐荒是真的、學校故事拖慢派表，做勢又是真的！對過來人可能已經對這些習慣了，不再新鮮，但對新手家長，一提起報名就會觸動神經，感覺買叉燒的人龍雖然長，但一定比報幼稚園輕鬆得多！

作者: lisinchi 時間: 14-11-13 11:16

提示: 作者被禁止或刪除內容自動屏蔽

作者: ppmmbb 時間: 14-11-13 12:30

Cheeselover 發表於 14-11-12 16:09
前提是"若考入＂，部份家長採用極端方法折騰小孩，為的就是＂考入"，若小孩耗盡九牛二虎之力考入，並付出巨 ...

小一學會唸乘數表也不代表高小可以應付微積分

當年我小一，個個同學仔真係手持單行簿背後九因歌黎背，但微積分要中四才學，乜而家高小就教？

作者: Cheeselover 時間: 14-11-14 00:15 標題: 引用：Quote:Cheeselover+發表於+14-11-12+23:05+

原帖由 lisinchi 於 14-11-13 發表
這是你過份緊張。

我並沒有如此受苦，小女就讀學卷幼稚園，其學校生活，絕對輕鬆又快活。

作者: Cheeselover 時間: 14-11-14 00:20 標題: 引用：Quote:Cheeselover+發表於+14-11-12+16:09+

原帖由 ppmmbb 於 14-11-13 發表
小一學會唸乘數表也不代表高小可以應付微積分

當年我小一，個個同學仔真係手持單行簿背後九因 ...

我還記得小三才背誦乘數表，現在小一已開始唸乘數表，我擔心有一天初中開始教授微積分。

作者: lisinchi 時間: 14-11-14 11:39

提示: 作者被禁止或刪除內容自動屏蔽

作者: lisinchi 時間: 14-11-14 11:41

提示: 作者被禁止或刪除內容自動屏蔽

歡迎光臨教育王國 (/)