教育王國

標題: 請教成功細b入讀鑽石山靈糧媽媽 [打印本頁]

作者: gigibbbb 時間: 14-11-9 14:50 標題: 請教成功細b入讀鑽石山靈糧媽媽

請教成功入讀細b的媽媽，是否小朋友面試都做對晒d tasks？有沒有小朋友玩遊戲時唔係好答老師問題，但有安靜聽老師講故事而收呢？昨天in完，真係好擔心，仔仔細b，有時候真係唔專注，又會有小小情緒，唉。。。

作者: megumiyu 時間: 14-11-9 15:33 標題: 回覆：請教成功細b入讀鑽石山靈糧媽媽

有task要完成？
我唔係好覺老師有task要小朋友做，只係玩嘅期間同小朋友傾下偈。
in完我同c6勁鍾意，不過就唔知佢同有學券嘅分校有咩分別。

作者: onalumni 時間: 14-11-9 15:59 標題: 回覆：請教成功細b入讀鑽石山靈糧媽媽

我都in左，不過有啲失望。

作者: joejoebb 時間: 14-11-10 00:28 標題: 引用：請教成功入讀細b的媽媽，+是否小朋友面試都

原帖由 gigibbbb 於 14-11-09 發表
請教成功入讀細b的媽媽，是否小朋友面試都做對晒d tasks？有沒有小朋友玩遊戲時唔係好答老師問題，但有安 ...

我上年12月細b都有offer,小朋友當年前半part做左一半既task,反而最尾果part唱歌見校長就表現得ok，佢地反而好睇父母的投入程度，大家加油

作者: gigibbbb 時間: 14-11-10 09:06 標題: 回覆：joejoebb 的帖子

part 2我們都好投入，同佢一起做動作，但bb都是坐定定望住老師，所有動作由我們拎住佢隻手一起跟做呢～

作者: 悠悠110409 時間: 14-11-10 15:52

本帖最後由悠悠110409 於 14-11-11 12:54 編輯

gigibbbb 發表於 14-11-9 14:50
請教成功入讀細b的媽媽，是否小朋友面試都做對晒d tasks？有沒有小朋友玩遊戲時唔係好答老師問題，但有安 ...

delete.

作者: Horace_b 時間: 14-11-13 22:00 標題: 回覆：請教成功細b入讀鑽石山靈糧媽媽

我女上年收左，9月細女，上午offer。基本上d task都做到的，不過有時唔係好睬老師，鼓勵下都肯應人，in完我都有d信心，結果亦收！

作者: WinnieCatCat 時間: 14-11-14 00:10 標題: 回覆：請教成功細b入讀鑽石山靈糧媽媽

我女上年考，有offer。玩玩具老師傾偈那part，我女完全沒答過老師，但就一路同我玩，老師改為同我傾偈，個老師仲安慰我，話唔緊要咖，我見到佢同你有互動。到聽故事唱歌那part，我女除左唱歌時會坐低拍手，一講故事就企起身望凳仔上的數字label

。in完我都沒信心，點知有下午offer。

事後回想，我同意樓上有jm講，靈糧重視親子關係，而後來聽家長講座，知道靈糧喜歡讓小朋友探索，所以我女被那張數字label吸引，反而表現左佢有好奇心。

作者: WinnieCatCat 時間: 14-11-14 00:21 標題: 回覆：請教成功細b入讀鑽石山靈糧媽媽

去年我in左好多間，最喜歡係靈糧個interview，因間學校真係理解到兩歲小朋友可以做到咩、識咩，而且亦會觀察到及欣賞到小朋友既特質，揀小朋友既條件同其他幼稚園好唔同。所以即時你覺得小朋友表現唔好，可能學校係睇到佢另一d優點。最令我感動既，係當我個女對老師十問九唔應，我好無奈尷尬時，個老師竟然不停同我講唔緊要咖！

靈糧確係好學校，希望喜歡靈糧既家長都有offer

作者: laijody 時間: 14-11-14 00:21 標題: 引用：我女上年考，有offer。玩玩具老師傾偈那par

原帖由 WinnieCatCat 於 14-11-14 發表
我女上年考，有offer。玩玩具老師傾偈那part，我女完全沒答過老師，但就一路同我玩，老師改為同我傾偈，個 ...

請問妳最後有冇讀靈糧？

作者: WinnieCatCat 時間: 14-11-14 00:31 標題: 引用：Quote:原帖由+WinnieCatCat+於+14-11-14+發

原帖由 laijody 於 14-11-14 發表
請問妳最後有冇讀靈糧？

沒有啊

其實in完之後我好喜歡，變成我首選，可惜c6睇法唔同，最後放棄了

作者: patpatbb 時間: 14-11-15 00:27 標題: 回覆：請教成功細b入讀鑽石山靈糧媽媽

靈糧確係好學校，希望喜歡靈糧既家長都有offer

作者: ilnay 時間: 14-11-16 16:25 標題: 引用：Quote:原帖由+laijody+於+14-11-14+發表請

原帖由 WinnieCatCat 於 14-11-14 發表
沒有啊其實in完之後我好喜歡，變成我首選，可惜c6睇法唔同，最後放棄了

...

介唔介意講下，點解放棄？

作者: poodlema 時間: 14-11-20 16:24

回覆 gigibbbb 的帖子

眼定定望老師先有機, 哩PART考專注力

作者: jojohuang 時間: 14-11-20 17:10 標題: 回覆：請教成功細b入讀鑽石山靈糧媽媽

小女10月b，in果時怕醜基本唔答老師，答親就細到似蚊聲。勝在老師叫她砌積木來睇下，佢砌到架火車，砌得都幾似，老師問係乜，她肯答「Cho cho train」⋯

作者: jojohuang 時間: 14-11-20 17:11 標題: 回覆：請教成功細b入讀鑽石山靈糧媽媽

小女10月b，in果時怕醜基本唔答老師，答親就細到似蚊聲。勝在老師叫她砌積木來睇下，佢砌到架火車，砌得都幾似，老師問係乜，她肯答「Cho cho train」⋯ 最後PM offer

作者: Joball 時間: 14-11-20 17:17 標題: 引用：請教成功入讀細b的媽媽，+是否小朋友面試都

原帖由 gigibbbb 於 14-11-09 發表
請教成功入讀細b的媽媽，是否小朋友面試都做對晒d tasks？有沒有小朋友玩遊戲時唔係好答老師問題，但有安 ...

我個仔八月pm offer
玩玩具有答老師問題
唱歌做動作時
佢好似俾人點左穴
唔肯拍手
連生日歌都唔肯唱

都收左

所以不用太擔心！

作者: Maggimomo 時間: 14-11-21 18:32

回覆 Joball 的帖子

我個囡pm offer
玩玩具有答老師問題,不過答錯顏色的,
唱歌做動作時一樣好似俾人點左穴
唔肯拍手, 連生日歌都唔肯唱, 只是專心坐係道望
我就自己傻婆一樣跟住做動作 ^0^

歡迎光臨教育王國 (/)