教育王國

標題: 英國邊度買到平羽絨 [打印本頁]

作者: mimikitty28 時間: 14-11-9 08:29 標題: 英國邊度買到平羽絨

亞仔話唔夠暖，想買張羽絨被，但全是made in uk的好貴，佢想買張平平地，請問有有無地方可以買到平的?有無人試過寄被去英國？

作者: brother4 時間: 14-11-9 09:01 標題: 回覆：英國邊度買到平羽絨

本帖最後由 brother4 於 14-11-9 09:04 編輯

試綢上購買及送貨，但是否真正羽絨很難講，我個囡囡—樣怕冷，買了卡通連身睡衣 (保暖)寄去英國，穿著睡

作者: mimikitty28 時間: 14-11-9 09:24 標題: 引用：+本帖最後由+brother4+於+14-11-9+09:04+編

原帖由 brother4 於 14-11-09 發表
本帖最後由 brother4 於 14-11-9 09:04 編輯

試綢上購買及送貨，但是否真正羽絨很難講，我個囡囡—樣怕 ...

多謝brother，佢本身己有一套抓毛睡衣著住瞓，可能趕功課通左幾晚頂所以個人唔夠瞓覺得凍，但我諗依家先開始凍佢都咁樣，遲下再凍d唔知點算，我都叫佢唔好理電費貴唔貴，凍就要開，一陣冷親仲弊，佢又唔聽話12月先開始開暖爐。佢又話英國的暖爐開好耐都未暖。唉…好擔心

作者: brother4 時間: 14-11-9 09:38 標題: 回覆：英國邊度買到平羽絨

利工民/秋蟬羊毛內衣都保暖，大仔都有喉痛，寄咗喉糖及維他命C片去，剛剛好D。

作者: AS 時間: 14-11-9 09:39

回覆 mimikitty28 的帖子

可以上 amazon uk 網站買, 直接送往学校。方便又快。

作者: ricetaster 時間: 14-11-9 10:35 標題: 回覆：mimikitty28 的帖子

本帖最後由 ricetaster 於 14-11-9 10:43 編輯

去龍x羽絨, 自己上網查, 好多會員都有上去買, 在太子站附近, 好多移民及學生家長都專登上去買, 老店絨靚及足料, 合理價錢, 你上去睇吓及衡量1. 價錢, 2.質量, 3. 郵費互相比較, 是海外買定本港寄出最理想.

已pm

作者: victoriatio 時間: 14-11-9 11:15 標題: 引用：亞仔話唔夠暖，想買張羽絨被，但全是made+i

原帖由 mimikitty28 於 14-11-09 發表
亞仔話唔夠暖，想買張羽絨被，但全是made in uk的好貴，佢想買張平平地，請問有有無地方可以買到平的?有無 ...

I bought at groupon UK last time n it delivered direct to the boarding house.
"Single 13.5 Tog Goose Feather and Down Duvet
Price £25.98" much cheaper

作者: mimikitty28 時間: 14-11-9 12:09 標題: 引用：Quote:原帖由+mimikitty28+於+14-11-09+發

原帖由 victoriatio 於 14-11-09 發表
I bought at groupon UK last time n it delivered direct to the boarding house.
"Single 13.5 Tog Goos ...

請問張被有無好大陣味?夠暖嗎？

作者: victoriatio 時間: 14-11-9 17:25 標題: 回覆：mimikitty28 的帖子

Ok wor.. In fact they hv heat in the dorm and I bought another 10.5 tog duvet, not down , my daughter said it's good enough. I saw the one from groupon and I think it's good.

作者: skIII 時間: 14-11-9 18:06

本帖最後由 skIII 於 14-11-9 18:10 編輯

如果怕凍，強烈推薦electric blanket，放在床單下面，上床前開20-40分鐘，整暖張床，好舒服，因為就算羽絨，上床的頭十幾分鐘都凍。如果再凍啲，就成晚開最細瞓，好慳電，約40-80W，成晚開都唔駛一蚊，上次返香港買左張比亞媽，ARGOS買約20鎊單人，超市都有，EBAY仲多，送埋貨。

作者: Zenia 時間: 14-11-9 23:26

有Heat 室內都唔夠暖?  係就應該投訴, check 吓個 radiator, 因為學校室內一般係好暖嘅.

我唔 suggest 著羊毛內衣, 為免去到暖嘅室內身痕.

如果真係要買, Amazon 有好多選擇, 有平有貴.

作者: mimikitty28 時間: 14-11-10 07:00 標題: 引用：有Heat+室內都唔夠暖?++係就應該投訴,+chec

原帖由 Zenia 於 14-11-09 發表
有Heat 室內都唔夠暖? 係就應該投訴, check 吓個 radiator, 因為學校室內一般係好暖嘅.

我唔 suggest 著 ...

我仔大學無宿舍比yr.2的學生，所以佢同同學租左出面的屋，佢知英國電費貴唔捨得開暖爐，所以想買張羽絨。我已比哂各jm提供的資料比佢自己揀。謝謝回覆。

作者: Zenia 時間: 14-11-10 14:01

本帖最後由 Zenia 於 14-11-10 14:04 編輯

mimikitty28 發表於 14-11-10 07:00
我仔大學無宿舍比yr.2的學生，所以佢同同學租左出面的屋，佢知英國電費貴唔捨得開暖爐，所以想買張羽絨。我 ...

Oh..... ic. 咁你教佢多D閂好每一隻門, 咁樣可以Keep 住D 暖氣, 另外 set timer 例如around 5:00 a.m. - 8:00 a.m. and 5:00p.m. - 10:00p.m. 如果作息時間regular, 基本上係臨天光同 evening 開 heat. 半夜瞓著咗唔駛開住.
仲有臨瞓先沖涼或者用暖水沖暖對腳個人會暖D, 易D瞓著.

作者: mimikitty28 時間: 14-11-10 16:09

zenia, 好多謝你咁詳細的建議, 我會提議佢照你的意見去做, 遲些再凍d佢就要迫住要開, 我同佢講暖爐唔慳得, 一陣冷親仲麻煩.

作者: skIII 時間: 14-11-10 17:25

你個仔都生性，知道電費貴要慳住使，但英國通常10月11月都要開暖爐，好難等到12月，如果真係要慳電費，electric blanket係最好的辦法，我地用左之後好明顯開暖爐時間短左，電費(其實係煤氣費)亦少左。

作者: mimikitty28 時間: 14-11-11 06:43 標題: 回覆：英國邊度買到平羽絨

佢已在英國團購左一張羽絨被，不過40鎊的羽絨被我都有保留，應該唔會太暖，我就係要比佢自己試下點面對生活困境，點去想辦法，但有時見佢明明有更好的解決方法，佢用左佢自己既方法，我都要好忍心咁唔去說破，我仔係一個宅男，唔識同人溝通，我老公成日話由得佢自己想辦法，叫我唔好比咁多意見佢。等佢學習獨立。但我都會同佢講如果真係頂唔住，買多張電氈都好既，多謝你。

作者: 梁媽媽 時間: 14-11-12 09:21

回覆 mimikitty28 的帖子

我都同意, 你個仔真係好生性.... 肯慳, 知道D野貴...呢一代的後生仔算好好。
我女初去英國時, 我都會寄野過去救佢, 但隨著佢已熟習英國的生活,
同埋已經知道晒行程 / 格價, 邊度有得賣...邊間超市便宜...等等....
我都盡量由佢在英國當地買 / 或英國網上買, 始終遠水不能救近火,
在英國網購送貨又快, 好過我係呢邊買寄過去。

冬天佢地好易傷風咳, 故我叫亞女要放條濕毛巾放窗邊 (用個膠盒仔盛住) , 等房內多些濕氣, 個人就無咁易乾咳。
至於飲多些水/ 沖蜜糖水 ....呢d就例牌日哦夜哦架啦。

作者: mimikitty28 時間: 14-11-12 09:24

我仔最終都在groupon買左張羽絨, 希望佢唔覺臭啦

作者: mimikitty28 時間: 14-11-16 07:36 標題: 回覆：英國邊度買到平羽絨

英國groupon好快，4日就收到貨，亞仔買了15tog，好大張暫時夠暖，不過係有少少味，但佢話可接受，張被係made in china的，預左會有味。

作者: sancheng139 時間: 14-11-17 07:21

學校未必肯俾學生用電暖毯，因為怕有些不合規格會燒著，英國網購非常方便，就算我住英國也常用網購，貪佢唔使自己拎，以下供參考

生活/文具/家居用品 - http://www.argos.co.uk/m/static/Home.htm
tesco
Sainsburry
M&S

電器/電子產品 - http://www.currys.co.uk/gbuk/index.html

作者: mimikitty28 時間: 14-11-17 12:53

sancheng139 發表於 14-11-17 07:21
學校未必肯俾學生用電暖毯，因為怕有些不合規格會燒著，英國網購非常方便，就算我住英國也常用網購，貪佢唔 ...

多謝您, 資料好有用

歡迎光臨教育王國 (/)