教育王國

標題: 想請教三歲小朋友的行為問題 [打印本頁]

作者: 藍藍媽 時間: 14-11-8 16:27 標題: 想請教三歲小朋友的行為問題

其實我唔知應唔應該响呢版問，但我真係唔知去邊版問先啱，希望大家俾d建議我……

我個女剛滿三歲，今年入k1... 自從入k1 後經常被老師投訴唔守規則，唔跟指令，話佢理解能力無問題，但就係唔聽人講，試過好多方法如獎勵、timeout, 都無改善，非常硬頸，老師話佢好似有佢自己既世界咁…… 我初初覺得佢仲細 (10月細B), 可能要時間適應…… 又或者老師同個個家長都係咁講……但今日家長日，佢建議我揾專家睇下點幫佢改善行為問題，好似好嚴重咁…… 段估佢無可能同個個家長都話要揾專家幫手架！

我應該點做？去健康院？咁点講？話佢唔聽話？！話幼稚園老師建議我返健康院？！

我覺得我個女唔係自閉，佢同班朋友仔玩得好開心的，我同佢溝通無問題，又唔覺佢過度活躍，佢可以坐定定砌 puzzle、砌magformer 砌好耐，更加唔覺佢資優，唔覺佢有咩特別叻過人好多…… 咁係咪即係只係佢性格問題？

有無咩方法可以改善？

求大家幫忙，謝謝！

作者: lillymarie 時間: 14-11-8 20:13

她平時在家肯唔肯聽你或者家人的指令？還是好多時由她話事？
如果可以，試試在家和她做role play, 做返在學校的活動。問清楚老師，她在哪項活動最不守規矩，你嘗試在家和她預演一次，讓她明白老師的期望。

三歲小孩子還很自我，有時在家自由慣，開始時會不太適應學校樣樣都受限制，時時都要跟大隊的生活。

作者: 藍藍媽 時間: 14-11-8 21:11 標題: 引用：她平時在家肯唔肯聽你或者家人的指令？還是

原帖由 lillymarie 於 14-11-08 發表
她平時在家肯唔肯聽你或者家人的指令？還是好多時由她話事？
如果可以，試試在家和她做role play, 做返在學 ...

越來越唔聽，兩歲前好乖，自己食飯，出街成日俾隔離枱讚，而家叫極都唔食，唔應你，伏响枱發呆，總之佢唔想做就唔應你…… 話佢做完就獎佢，佢就係咁講佢想要咩咩咩，係咁講野，但得個講字，一樣係唔會做…… 罰佢又唔怕…… 其實我同老師感覺一樣，就係無佢符…… 我和家人都不算是就慣她，但每日都為小事 (如食飯、刷牙、換衫)同佢角力，真係好辛苦

作者: 藍藍媽 時間: 14-11-8 21:19 標題: 引用：她平時在家肯唔肯聽你或者家人的指令？還是

原帖由 lillymarie 於 14-11-08 發表
她平時在家肯唔肯聽你或者家人的指令？還是好多時由她話事？
如果可以，試試在家和她做role play, 做返在學 ...

老師話佢食飯時發呆，唔排隊，但佢識亦知咩叫排隊，佢就係唔排……去其他課室上堂，經過人地課室，企响度睇人地上堂，老師叫極佢都唔行唔應、0 反應……

作者: QQson 時間: 14-11-9 00:30 標題: 回覆：藍藍媽的帖子

去健康院一五一十照講，他們有什麼協助便要看天(即係你遇到什麼護士或醫生)。我想當年去健康院例行檢查，順便呻吓管教問題，結果被邀請去排 CAC,仲有家長課上。

作者: elsatwl 時間: 14-11-9 02:07

小朋友可能未習慣學校的規律，又或者那些獎賞和懲罰都不是她太在乎的事物，反正聰明的小朋友早就知道，老師根本不能對他們怎樣。

不過，更重要的是，孩子有孩子的世界其實是一件美好的事，而且他們的喜好也當被尊重。我曾經在英國教過幼稚園和小學，小朋友一般都在入學半年後明白守規則是為了公眾利益，而不是因為怕老師。回到香港後，真的替香港的小孩子感到難受。

話說回來，其實只要我們作大人的心態換一下，看孩子的眼光也會不同，那些所謂「問題」，也許是屬於他們最本來的天真，到底他們都未被社會規則同化，還有屬於人類的那份真摰。

不好意思，無心在這裡「多咀」，因為本人在進行早期教育的博士論文，特意到這裡感受一下家長們每天怎樣和孩子「博鬥」，希望我的留言可以互相交流一下。

作者: atirw 時間: 14-11-9 02:15 標題: 回覆：想請教三歲小朋友的行為問題

同我仔一樣，無佢乎。不過我仔在校無問題，極之聽話。你女個讀乜幼稚園？會不會不喜歡學校？我仔很喜歡上學，我知間校好fit佢，佢在校的確好開心。都係哥句，佢喜歡乜都得，佢唔喜歡，乜都五得。

作者: 藍藍媽 時間: 14-11-9 04:21 標題: 引用：去健康院一五一十照講，他們有什麼協助便要

原帖由 QQson 於 14-11-09 發表
去健康院一五一十照講，他們有什麼協助便要看天(即係你遇到什麼護士或醫生)。我想當年去健康院例行檢查，順 ...

謝謝，或者妹妹十二月返健康院時順便問下，因為佢下次返要等到四歲了！最煩係要駛開婆婆，因為佢成日覺得老師小題大做

作者: 藍藍媽 時間: 14-11-9 04:21 標題: 引用：去健康院一五一十照講，他們有什麼協助便要

原帖由 QQson 於 14-11-09 發表
去健康院一五一十照講，他們有什麼協助便要看天(即係你遇到什麼護士或醫生)。我想當年去健康院例行檢查，順 ...

請問咩係cac?

作者: 藍藍媽 時間: 14-11-9 04:43 標題: 引用：小朋友可能未習慣學校的規律，又或者那些獎

原帖由 elsatwl 於 14-11-09 發表
小朋友可能未習慣學校的規律，又或者那些獎賞和懲罰都不是她太在乎的事物，反正聰明的小朋友早就知道，老師 ...

多謝你的留言。其實我小朋友兩個月大就開始返育嬰園，今年就畢業入k1。佢絕對明白在校要守規舉。以前從未收過投訴，但入k1 後就投訴不絕…… 其實我心底裡都好想隨得佢喜歡做甚麼就做甚麼…… 但無奈生活逼人，無咁多時間俾佢發呆，亦唔可以任佢唔着校服返學，我自己都好無奈

我有同佢講佢side 晒d時間同人地對抗，不如快d做左佢，跟著可以做自己鐘意做的事啦…… 佢有時聽但更多時候是沉默是金的望住你或加一句"我唔要咁……"

完全唔會妥協的…… 但在香港生活，能不學懂妥協嗎？我好想有人教下我可以點做…… 我一見到老師打電話黎就好驚……

作者: lillymarie 時間: 14-11-9 04:57

Trouble 3.

健康院好似有一些給父母的課程，叫做triple p. 問下現在還有沒有，如果主要是婆婆照顧，可讓婆婆去聽。

作者: 藍藍媽 時間: 14-11-9 05:00 標題: 引用：同我仔一樣，無佢乎。不過我仔在校無問題，

原帖由 atirw 於 14-11-09 發表
同我仔一樣，無佢乎。不過我仔在校無問題，極之聽話。你女個讀乜幼稚園？會不會不喜歡學校？我仔很喜歡上學 ...

我個女讀普通屋邨學券幼稚園。佢放學返黎成日唱學校學到的歌仔，好high 好開心的，我又唔覺佢好唔鐘意間學校…… 當然佢更鐘意以前的學校和老師，但超齡要畢業啦…… 老師都話佢上音樂，体能堂好投入，做評估亦識答，証明有聽書的，但就是唔守規舉和唔回應老師…… 今日有另一位老師話覺得佢唔尊重老師…… 但我真係唔知点教佢尊重呢個概念…… 佢得果三歲…… 我同老公都是正常受過教育的家長，平日同老師講野都客客氣氣，都尊重老師的，但唔知点教佢尊重……

作者: lillymarie 時間: 14-11-9 05:01

另外介紹一本書：為孩子立界線
http://m.books.com.tw/product/show/0010275375

作者: 藍藍媽 時間: 14-11-9 05:04 標題: 引用：Trouble+3.健康院好似有一些給父母的課程，

原帖由 lillymarie 於 14-11-09 發表
Trouble 3.

健康院好似有一些給父母的課程，叫做triple p. 問下現在還有沒有，如果主要是婆婆照顧，可讓婆 ...

Thanks! 婆婆應該唔會啋我…… 不過我學完再叫婆婆跟都好的

作者: 藍藍媽 時間: 14-11-9 05:06 標題: 引用：另外介紹一本書：為孩子立界線+http://m.bo

原帖由 lillymarie 於 14-11-09 發表
另外介紹一本書：為孩子立界線
http://m.books.com.tw/product/show/0010275375

Thanks! 你咁早起身？

作者: Anniemun 時間: 14-11-9 09:37

藍藍媽發表於 14-11-9 05:04
Thanks! 婆婆應該唔會啋我…… 不過我學完再叫婆婆跟都好的

屋企有老人家大多數都會竉孫，要給小朋友知你兩公婆給她的指令要服從。我見好多媽媽說仔女不聽話，但她們和兒女說話技巧是有些問題，例如: 食飯啦，好唔好? 著衫啦，好唔好?……這樣，決定權交了給小朋友了，他們回答說不好，那是不聽話? 是溝通技巧出了問題，他們在家習慣話事，學校亦然。現在還小，有得教的，但首要是大人先學會改變，去上一些和子女溝通的技巧課程，和老人家解釋是為了小朋友，要有一致的目標，才避免將來成為所謂的小學鷄。但另一方面，要和健康院先了解囡囡有冇其他問題。後話，有時教大人還比較教小朋友難，加油!

作者: atirw 時間: 14-11-9 14:43 標題: 引用：Quote:原帖由+atirw+於+14-11-09+發表同我

原帖由 藍藍媽 於 14-11-09 發表
我個女讀普通屋邨學券幼稚園。佢放學返黎成日唱學校學到的歌仔，好high 好開心的，我又唔覺佢好唔鐘意間學 ...

我個仔都被親又投新話佢五尊重人！由一間學校轉另一問都有點壓力

作者: QQson 時間: 14-11-9 20:42 標題: 回覆：藍藍媽的帖子

政府兒童智能評估中心

作者: wan_sosin 時間: 14-11-9 23:48

藍藍媽發表於 14-11-9 04:43
多謝你的留言。其實我小朋友兩個月大就開始返育嬰園，今年就畢業入k1。佢絕對明白在校要守規舉。以前從未收 ...

我真係唔知點講好!點解會放BB去育嬰園,請工人姐姐都比去育嬰園好!

0-1歲BB係極其需要媽媽,當BB哭時應得到及時回應,這是建立依附(Attachment)的重要時間.即使媽媽要返工,也最好有一位固定照顧者,讓BB健立足夠安全感,呢D安全不單是對媽媽/照顧者,也會延申至對社會的依附,沒能依附媽媽的,就難於依附社會,當這樣的小朋友走入社會時,個社會係點,對佢根本無關,佢只活在個人裡面,佢唔介意出面嘅世界係點.
疏忽照顧,日間照顧不周全或日間轉換照顧者,都是依附障礙(Attachment Disorder)的一些原因,這很易出現在育嬰院這類地方,一般沒有家庭,住院社的兒童,都好容易有"院社病"問題.

我有朋友個小朋友是[size=14.4444446563721px]育嬰園長大,現在行為有點自傾,試過一段時間係幼稚園大喊大叫,要心理學家跟進.

[size=14.4444446563721px]我咁講可能令你唔開心,我亦唔係話一定同你情況有關,始終我唔係專家,我只係心痛小朋友可能在照顧不足的情況下長大.我也心痛是那位媽媽仍然深信[size=14.4444446563721px]育嬰園是一處很好的養育子女地方,第二個小朋友仍放在[size=14.4444446563721px]育嬰園,當然未必個個BB都會因此出現問題,但作為媽媽的,一丁點風險都不想吧.

[size=14.4444446563721px]我了解這些,是因為我個仔係領養,我從接佢回家已要好好準備如何建立我仔同呢個家的依附,佢要感受到我們係佢爸爸媽媽,盡快建立關係,這將會影響他的成長.

要知道,打從十月懷胎,BB身體心靈已開始依附媽媽,但出生不久,媽媽卻很快不再經常在BB身邊,這對BB的影響是見不到的.但我曾感到,當年我接我仔回家,只得兩個幾月的囝囝,都已表現不安,不吃,不睡!
之後長大,我仔好癡身,時刻佢都好想感到我哋愛佢,比一般我見的小朋友更強烈!

講咗咁多,有些只是個人感受!希望體諒!

作者: yannietimb 時間: 14-11-9 23:58 標題: 引用：Quote:原帖由+elsatwl+於+14-11-09+發表小

原帖由 藍藍媽 於 14-11-09 發表
多謝你的留言。其實我小朋友兩個月大就開始返育嬰園，今年就畢業入k1。佢絕對明白在校要守規舉。以前從未收 ...

照你這樣說，我感覺小朋友是未能適應新環境，因為你說之前在育嬰院沒有問題，始終果個環境是伴著她長大，果個地方有如她的家，現在離開了，她未能適應，但又不會表達內心感受，就只有做出異常行為，你嘗試找兒童心理學家呢類專業人士，看看有什麼出路！

作者: 藍藍媽 時間: 14-11-10 04:15 標題: 引用：Quote:藍藍媽+發表於+14-11-9+04:43+多謝你

原帖由 wan_sosin 於 14-11-09 發表
我真係唔知點講好!點解會放BB去育嬰園,請工人姐姐都比去育嬰園好!

多謝你的回覆，其實就正正是不想冒險，才讓孩子返育嬰園而沒有請工人。因經常有工人疏忽照顧的新聞。育嬰園是讓小朋友日間返的，父母放工會接回家的，而且也有固定的老師去照顧，他們也會依附老師。坦白講，女兒在育嬰園的日子很快樂，每天返學都是開開心心的，她很愛老師和同學。育嬰園真的像她的另一個家，她到現在還很掛念育嬰園的老師。我也相信她也許未適應新環境，只是已兩個月，好想有點長……

作者: lillymarie 時間: 14-11-10 04:21

那妳有沒有時間和她玩？
試試抽半個鐘陪她單對單玩，過程中完全不說教，目的只是去聽她的心聲，不責備亦不說道理。這是遊戲治療的其中一個技巧。

作者: 藍藍媽 時間: 14-11-10 05:03 標題: 引用：那妳有沒有時間和她玩？試試抽半個鐘陪她單

原帖由 lillymarie 於 14-11-10 發表
那妳有沒有時間和她玩？
試試抽半個鐘陪她單對單玩，過程中完全不說教，目的只是去聽她的心聲，不責備亦不 ...

其實每日都有和她玩，會陪她讀故事書、砌puzzle/magformer、油顏色等…… 星期六、日會帶她去公園、或同朋友仔聚會，佢好開心的…… 亦好乖…… 朋友仔媽咪話佢邊可能有問題…… 我覺得最大問題係佢完全唔想跟大人的時間表做野，食飯食一個鐘都食唔完，食一啖，就玩下毛巾，發下呆、周圍望…… 問佢係咪唔想食，又話想食，死都唔俾你收…… 要不断提佢快d食，但咁提法好攰……唔理佢，佢仲hea 得耐……叫佢沖涼，又係要三催四請…… 我同老師都唔知点先可以令佢跟大隊做野，獎又試過、罰又試過、講道理又試過，但都改變唔到佢……

作者: lillymarie 時間: 14-11-10 05:42

藍藍媽發表於 14-11-10 05:03
其實每日都有和她玩，會陪她讀故事書、砌puzzle/magformer、油顏色等…… 星期六、日會帶她去公園、或同朋 ...

你又話她在育嬰園好守規矩？怎麼只兩個月就180度大變？就以你所說的分析，可能是：

轉了環境，她未能適應。
陪她單對單玩，不是玩益智遊戲或講故事或去公園，而是在家中一角和她一起，由她決定玩甚麼。整個過程，目的是希望給她一個機會和空間去表達心事。半個鐘就夠了。

管教方式改變了
食飯問題，在育嬰園沒可能出現吧？時間一夠，老師就收回食物了。你有沒有帶女女回育嬰園探望老師？可考慮和老師傾傾她現在的問題，看看老師有甚麼建議，又或者問問老師以前在育嬰園會怎樣處理？

「為孩子立界線」這書值得一讀。

作者: 藍藍媽 時間: 14-11-10 07:19 標題: 引用：Quote:藍藍媽+發表於+14-11-10+05:03+其實

原帖由 lillymarie 於 14-11-10 發表
你又話她在育嬰園好守規矩？怎麼只兩個月就180度大變？就以你所說的分析，可能是：

轉了環境，她未能適應 ...

讀書，砌 puzzle 這些都是她自己要求和決定玩的，她真的很喜歡玩puzzle，她不愛玩洋娃娃…… 想請教應該玩些甚麼來讓她說心事？我真的不太懂。我有和她傾計，問她在學校怎樣，她有時會不答或講其他野。有回去探老師的。老師都是用獎勵的方式，食完可以去玩玩具。不過不同的，是嬰園老師見他們年紀小，不會堅持全程都不餵他們，而且師生比例少，排隊轉課室等是closely 照顧，可能因為咁唔覺她有問題。上了幼稚園，要求高了，她不能達標，所以被投訴了…… 另一改變是妹妹八月出世，她做了姐姐。但她也很錫妹妹，看似適應了做家姐。

作者: wan_sosin 時間: 14-11-10 07:26 標題: 引用：Quote:原帖由+wan_sosin+於+14-11-09+發表

原帖由 藍藍媽 於 14-11-10 發表
多謝你的回覆，其實就正正是不想冒險，才讓孩子返育嬰園而沒有請工人。因經常有工人疏忽照顧的新聞。育嬰園 ...

你知固定老師照顧幾多個BB? 一個照顧一個嗎？固定是那位老師餵奶換片嗎？老師單對單的時間有幾多，經常有照顧者單對單同BB 互動嗎？
我知育嬰院是請part time 照顧BB的，我也曾有朋友問我做唔做，BB單單每樣事都不同人照顧，已可以是問題！育嬰院的BB 也是比較不會哭，原因不是每個BB 都乖，只是因為經常哭都未必有人即時去照顧佢哋。
這是我睇過兩本書都有類似觀點，請工人都有風險，但工人不一定差，始終都係單對單，但育嬰院的風險已實在存在！
我亦知我咁講很多人都不讚成，無所謂！
只係無可奈何，人類的BB很多都不能被母親照顧，反而大多數動物都會親身照顧初生BB.

作者: lillymarie 時間: 14-11-10 09:08

藍藍媽發表於 14-11-10 07:19
讀書，砌 puzzle 這些都是她自己要求和決定玩的，她真的很喜歡玩puzzle，她不愛玩洋娃娃…… 想請教應該玩 ...

多了個妹妹，又轉新學校。難怪啦！
這兩項事情對小朋友都會帶來很大的壓力。有些小朋友生活遇上壓力時，未必會表現到很不開心，但就會變得不合作，常常挑戰權威，發脾氣，或做一些事去吸引大人的注意力。

我自己在教會的兒童聖經班就遇過這類小朋友，他們知道要怎樣做亦明白老師的要求。但當他們家中發生一些事情時，他們在班上就顯得很不合作，常常搞事，擾亂課堂秩序。這些情況，我們採取的方法是：立場堅定，態度溫柔。

亦有一類小朋友很有自己的主見，一不順己意就玩對抗。仍是那八個字：立場堅定，態度溫柔。

做得不好時，當睇唔到。做得好時，大聲讚賞。讓孩子明白有好行為時才會得到注意。（不過，大人就要做多少少，真的要金睛火眼睇住佢，捕捉他的好行為。）

http://www.atpt.org.tw/treat-id-6

以上網址提供了一些玩具的建議，我覺得在家裏有一些也好，不必下下都找專家幫忙，好多事情初期自己處理都可以。

4.玩具類別齊全，但不需樣樣都有：選擇玩具時需要考量兒童的興趣、是否耐久牢固、是否無毒、是否具有充份的表達性、是否適齡、以及不需透過語言就能探索及表達等原則，儘量選擇利於與兒童正向關係的建立、提供廣泛性的情感表達、真實生活經驗的探索、試探治療關係中的限制、促進正向自我概念的發展、增進自我了解的發展、提供發展自我控制機會，且顏色的色調上對不同性別者皆可自在的玩的玩具。玩具類別包含：
(1) 創造性玩具：包含紙黏土、粉蠟筆、彩色筆、鉛筆、圖畫紙、A4影印紙、鈍頭剪刀、色紙、積木，這些媒材要隨時確認和補充足夠的數量，如果能為兒童準備一個畫架並在畫架上夾好圖畫紙，也能提高兒童的使用頻率。
(2) 撫育性玩具：包含嬰兒、塑膠奶瓶、奶嘴、芭比娃娃（衣服、梳子）、茶具組、廚房組、各種玩具食物、醫療玩具組、玩具電話等。
(3) 攻擊性玩具：包含塑膠刀、玩具槍、手銬、玩具兵（至少兩色，至少10-15人）及軍隊裝備（坦克車、戰車、國旗）、警察、塑膠汽車、不倒翁立式拳擊袋(Bobo)、出氣棒、童軍繩、磁性射鏢、標靶、軟質球等。
(4) 戲劇扮演玩具：包含娃娃家族、娃娃屋及傢俱、面具、動物組（最好有成對的動物或家族）、寶石飾品、布袋戲偶（手偶）、布袋戲舞台架、天使棒、皇冠、化妝品玩具、假錢及收銀機、帳篷或蒙古包等。
(5) 其他：包含棋類玩具、水陸空交通工具、治療性卡片、疊疊樂、木工類工具、樂器、沙盤等。

作者: 藍藍媽 時間: 14-11-10 11:40 標題: 引用：Quote:原帖由+藍藍媽+於+14-11-10+發表多謝

原帖由 wan_sosin 於 14-11-10 發表
你知固定老師照顧幾多個BB? 一個照顧一個嗎？固定是那位老師餵奶換片嗎？老師單對單的時間有幾多，經常有照 ...

認同由媽媽全職照顧是最好。只是無奈地做不到，那只好選擇一個自己和家人也接受到的方案。

作者: 藍藍媽 時間: 14-11-10 11:43 標題: 引用：Quote:藍藍媽+發表於+14-11-10+07:19+讀書

原帖由 lillymarie 於 14-11-10 發表
多了個妹妹，又轉新學校。難怪啦！
這兩項事情對小朋友都會帶來很大的壓力。有些小朋友生活遇上壓力時，未 ...

謝謝你的回覆，我會再努力一下，和記住你贈給我的八字真言。

作者: lillymarie 時間: 14-11-10 12:36

藍藍媽發表於 14-11-10 11:43
謝謝你的回覆，我會再努力一下，和記住你贈給我的八字真言。

你照顧BB，都要盡量休息多一點。有些小朋友見BB有家人愛錫照顧，會出現一些倒退行為，也想大人照顧一下自己。

兩個月可能看不見果效，但堅持用愛心去管教的話，一年後必見分別。

加油！

作者: wan_sosin 時間: 14-11-10 12:43 標題: 引用：Quote:原帖由+wan_sosin+於+14-11-10+發表

原帖由 藍藍媽 於 14-11-10 發表
認同由媽媽全職照顧是最好。只是無奈地做不到，那只好選擇一個自己和家人也接受到的方案。

...

好多時父母管教上已做得好好，但小朋友仍未如理想，因為環境因素也是好左右小朋友成長，所以不需怪自己，更不要怪小朋友，繼續努力就好了，小朋友總會在愛中長大

作者: tomato0765 時間: 14-11-10 14:02

我囡囡同你囡囡一樣, 我都無佢乎!
我囡唔鐘意返學, 之前返playgroup 返左一年,無問題,因有姐姐陪,同埋可以同其他家長一齊, 佢好enjoy, 成日比大人讚,同大人有互動好開心.
自從返n 斑自己返, 問題來了, 日日喊甘口, 話唔想返學, 唔鐘意同同齡小朋友一齊玩,覺得佢地唔識講野,(我囡把口好叻), 唔合群,有自己一套, 老師話佢諗野好快, 要諗多幾步,先攪得掂,
係屋企, 成日扭, 一唔鐘意發脾4 , 一個weekend 係甘喊, (平時奶奶錫慣就哂佢) , 我一唔認同佢的想法,同滿足佢又會發癲, 好難攪....
係咪健康院可以幫到我, 我想管理一下佢d 情緒....

作者: 藍藍媽 時間: 14-11-12 21:05 標題: 引用：Quote:藍藍媽+發表於+14-11-10+11:43+謝謝

原帖由 lillymarie 於 14-11-10 發表
你照顧BB，都要盡量休息多一點。有些小朋友見BB有家人愛錫照顧，會出現一些倒退行為，也想大人照顧一下自己 ...

謝謝你，我會加油

作者: 藍藍媽 時間: 14-11-12 21:06 標題: 引用：Quote:原帖由+藍藍媽+於+14-11-10+發表認同

原帖由 wan_sosin 於 14-11-10 發表
好多時父母管教上已做得好好，但小朋友仍未如理想，因為環境因素也是好左右小朋友成長，所以不需怪自己，更 ...

知道，我會努力

作者: 藍藍媽 時間: 14-11-12 21:08 標題: 引用：我囡囡同你囡囡一樣,+我都無佢乎!+我囡唔鐘

原帖由 tomato0765 於 14-11-10 發表
我囡囡同你囡囡一樣, 我都無佢乎!
我囡唔鐘意返學, 之前返playgroup 返左一年,無問題,因有姐姐陪,同埋可以 ...

我未返健康院，諗住睇多一個月，下個月妹妹返去打針先順便問……

作者: HappyCheerBaby 時間: 14-11-12 23:44

回覆藍藍媽的帖子

咁真係幾頭痛！好似最近有機構開免費講座，關於處理孩子脾氣及行為問題，好似「家中小霸王」」，你可以上網check下。

作者: tomato0765 時間: 14-11-14 10:24

thanks - HappycheerBaby

作者: HappyCheerBaby 時間: 14-11-17 19:07

回覆藍藍媽的帖子

你可以上下有關處理小朋友情緖、霸王、行為問題既couse或talk。

作者: 藍藍媽 時間: 14-11-20 12:30 標題: 引用：回覆+藍藍媽+的帖子你可以上下有關處理小

原帖由 HappyCheerBaby 於 14-11-17 發表
回覆藍藍媽的帖子

你可以上下有關處理小朋友情緖、霸王、行為問題既couse或talk。 ...

Thanks. 之前聽了她學校舉辦的talk, 也應用了一些技巧，如先說出明白她的感受，解釋哯在的constraints, 不要只顧着要她遵從我們的指令，好像有些效用…… 會繼續努力……

作者: cocokan2004 時間: 14-12-2 01:33

回覆藍藍媽的帖子

老師話覺得佢唔尊重老師??? 佢得3歲咋喎, 5識專重好奇咩?! 你話比老師聽其他小朋友都未必識啦. 佢地聽話係因為"怕"老師而未必係尊重喎. 有D咁既投訴,D老師真係好差. (直接D講,佢一D愛心都無).

作者: cocokan2004 時間: 14-12-2 01:43

回覆 wan_sosin 的帖子

對啊, 我們的價值觀已很有問題. 在香港,"媽媽親自照顧自己孩子"是不附合經濟效益的事. 係第3世界國家找一個素未謀面的女人回來照顧自己一生最寶貴的人, 我當了媽媽才發覺是多麼的奇怪或荒謬...?! 歐洲/日本無論經濟上受到多少衝擊, 他們都不引入外傭照顧孩子. 人家老早已知這是不正常啊.

作者: wan_sosin 時間: 14-12-2 16:31

cocokan2004 發表於 14-12-2 01:43
回覆 wan_sosin 的帖子

對啊, 我們的價值觀已很有問題. 在香港,"媽媽親自照顧自己孩子"是不附合經濟效益 ...

其實好多父母都明白媽媽親自湊子女有幾重要,但社會普遍接受咗交比其他人湊,反而全職媽媽不被接受!

睇過一本書"她只是個孩子",真人真事,講美國一個小女孩,四歲被母親遺棄,父親疏於照顧,結果因為行為非常偏差,被安置在特殊班級(當地叫作垃圾班),後來一位很有愛心的特教老師,花盡心機去幫個女仔,更發現佢資商高達14X,搵盡幫法幫個女仔入返主流學校,之後個女仔成為美國一間大型快餐店,成為最年輕的一個取得特許經營權者.

本書呢件事,對我來講,就算一個人有幾叻,如果沒有在一個足夠愛的環境裡,係好難健康去發展.提供一個充滿愛嘅環境,小朋友才會發輝才能.

作者: mphilwan 時間: 14-12-19 03:05

本帖最後由 mphilwan 於 14-12-19 03:10 編輯

wan_sosin 發表於 14-12-2 16:31
其實好多父母都明白媽媽親自湊子女有幾重要,但社會普遍接受咗交比其他人湊,反而全職媽媽不被接受!
...

我仔仔三個月大放育嬰園，依架兩歲快要離開，佢話「唔捨得」。每日食飯時，臨訓前總會開心唱歌，有D係老師教，有D係我地教。放育嬰園唔代表小朋友就會缺乏母愛父愛，反而我地更珍惜同佢相處時間，返工令我們有時間透透氣，反思同佢相處既方式。放工放學回家陪佢玩，講故事，去公園，去執下樹葉，去圖書館，去球場跑下。
我抗拒請工人湊，如果請一個工人，你可以讓她不做家務全天候照顧小朋友嗎？佢地只係想小朋友唔好搞到佢，例如令小朋友訓多D，可能會搖晃，俾小朋友睇電視等等，等佢做家務加休息，除非有人監視住工人。但試問佢會一歲開始俾小朋友自己進食嗎？
如果自己有一定經濟基礎，一定教育水平（有能力學習或知道如何學/教/湊/對自己小朋友最好）再加高EQ, 我相信自己湊小朋友當然是最好。

回應藍藍媽：
我仔仔開始有主見仲有堅持，命令完全𣎴會屈服，例如換衫，要令佢感興趣「嘩！你睇下，上面Dxxx(圖案）幾得意，你摸下，軟綿綿架，仲有兩個袋可以插對手入去，你要唔要試下？著上身睇下？」一般都work,或者補多句「著左唔鐘意，先再除」，記得佢如果願意著，要話「好好睇呀，好襯你開心笑個樣啊」不過真係要預多D時間，放慢黎...

加油！

作者: wan_sosin 時間: 14-12-19 09:18 標題: 引用：+本帖最後由+mphilwan+於+14-12-19+03:10+

原帖由 mphilwan 於 14-12-19 發表
本帖最後由 mphilwan 於 14-12-19 03:10 編輯

我唔否定在小朋友到咗一歲打後，會對育嬰院產生歸屬感，始終佢哋係育嬰院係長時間，正如小朋友會喜歡N班至K3的學校！
我重視嘅係一歲之前，當BB完全唔知個世界係點嘅時間，佢對個世界第一個感覺，會影響佢將來！而呢D感覺，BB一世都唔會講得返出黎！
雖然工人姐姐未必會全心全力揍BB,但最基本餵奶換片都要做，BB會見到嘅係同一個面孔，唔比一歲BB自己進食，係訓練自理嘅問題，唔關一歲前建立依附嘅問題！
唔緊要，始終BB係自己的，媽媽想佢點就可以點，我都係就我所知，提出唔同嘅角度！

作者: mphilwan 時間: 14-12-19 11:09

本帖最後由 mphilwan 於 14-12-19 11:34 編輯

如果好彩好工人，BB整日依附工人，少親父母，好事？
如果唔好彩，餵奶換片惡型惡相，呼呼喝喝，又如何？
育嬰園有監管有規範，另會分組，半歲左右一組，三個老師對15-20個學生，另外有姐姐清潔煮野食，無salt 無油，有湯有菓蓉。
六個月入面照顧BB來來去去果三個老師，好快熟絡。

放育嬰園，唔代表BB會缺乏愛，缺乏依附，其實好睇父母點做，例如埋身餵人奶已經可以建立好緊密關係。即使放育嬰園，我和BB早晚三四餐埋身人奶既時間，傾下，摸下，氣味，體溫，溫暖既感覺，BB會記住。

另外好奇一問，你話育嬰園老師part time?消息來源？我仔仔育嬰園的12位老師我地全部識全部都好熟，沒有聽聞係part time wor...

作者: wan_sosin 時間: 14-12-19 11:36 標題: 引用：+本帖最後由+mphilwan+於+14-12-19+11:14+

原帖由 mphilwan 於 14-12-19 發表
本帖最後由 mphilwan 於 14-12-19 11:34 編輯

如果好彩好工人，BB整日依附工人，少親父母，好事？

用一D極端工人姐姐+唔夠負責媽媽來比較！我唔敢去比！
我仔BB時都用過工人，我仔完全可隨時脫離工人！算啦，你小朋友已經係在育嬰院大，當然唔會接受我嘅諗法，同時，我無話係育嬰院大就所有小朋友都會出問題，總有順利長大嘅例子，我只係想講育嬰院其中有嘅風險，我亦唔會覺得，工人姐姐就0風險，就算呀媽自己揍，都唔會無事發生啦，幾多新聞話BB出事，當時都有父母係BB身邊！
只係覺得，無乜人知育嬰院嘅風險係邊個地方！因為呢個風險唔係安全問題，唔會明顯見到！
我咁講都係關心小朋友成長，又唔係有育嬰院得罪我！我仔都大，根本唔關我事，恕我厚多事，令你感覺唔良好！

作者: wan_sosin 時間: 14-12-19 11:43 標題: 引用：+本帖最後由+mphilwan+於+14-12-19+11:34+

原帖由 mphilwan 於 14-12-19 發表
本帖最後由 mphilwan 於 14-12-19 11:34 編輯

如果好彩好工人，BB整日依附工人，少親父母，好事？

不是有老師係part time ，但要照顧咁多BB, 尤其初生，餵奶都來唔切，點可能3個照顧十多個，餵奶換片就要分派比其他人做！
我有朋友係育嬰院做，係佢出聲問有無人想去做party time, 只需餵奶就得！當時都問過我做唔做！無需讀過任何育嬰課程！

作者: mimuib 時間: 15-1-4 04:12 標題: 引用：回覆+wan_sosin+的帖子對啊,+我們的價值

原帖由 cocokan2004 於 14-12-02 發表
回覆 wan_sosin 的帖子

對啊, 我們的價值觀已很有問題. 在香港,"媽媽親自照顧自己孩子"是不附合經濟效益 ...

十分認同，有時見d朋友明明經濟上許可做ftm,但會因為怕悶，甚至怕少左錢冇車揸之類原因，都唔願意犧牲自己去照顧自己嘅小朋友，如果話經濟上唔容許我可以理解，但真係唔明，生得出黎，唔係應該理所當然自己去照顧嗎?

作者: feipow 時間: 15-1-29 22:09 標題: 回覆：想請教三歲小朋友的行為問題

提示: 作者被禁止或刪除內容自動屏蔽

作者: chan555 時間: 15-1-29 23:10

wan_sosin 發表於 14-11-9 23:48
我真係唔知點講好!點解會放BB去育嬰園,請工人姐姐都比去育嬰園好!

認同

歡迎光臨教育王國 (/)