教育王國

標題: 除咗出名同學術方面，其實St Cat 本身係一間好學校嗎？ [打印本頁]

作者: shuboMa 時間: 14-11-7 23:34 標題: 除咗出名同學術方面，其實St Cat 本身係一間好學校嗎？

各位用家或有研究過呢間學校嘅媽媽可分享下嗎？

我兩次打去問關於學校嘅嘢，聽電話嗰個女士態度好差，好想知道佢D老師有冇愛心同耐性……

今日又聽到朋友嗰女in K1, 佢話老師interview嘅時候態度極之唔耐煩……

作者: yayasiko 時間: 14-11-7 23:43 標題: 引用：各位用家或有研究過呢間學校嘅媽媽可分享下

原帖由 shuboMa 於 14-11-07 發表
各位用家或有研究過呢間學校嘅媽媽可分享下嗎？

我兩次打去問關於學校嘅嘢，聽電話嗰個女士態度好差，好想 ...

完全有同感。對大人都態度唔好，唔知平時点对小朋友？其實学術，名氣方面邊間会同St Cat差不多？

作者: christina_lo_20 時間: 14-11-8 16:32 標題: 回覆：除咗出名同學術方面，其實St Cat 本身係一間好學校嗎？

我打過幾次去。。態度都ok....

作者: cpc608 時間: 14-11-8 18:10

我相信一天應該收好多電話，當中亦不乏緊張父母，可理解學校應接不暇

作者: mannitol 時間: 14-11-8 19:58 標題: 回覆：除咗出名同學術方面，其實St Cat 本身係一間好學校嗎？

讀咗兩年，我覺得老師們好有經驗，有愛心，有耐性。有次天氣熱，我同囡囡行到返學校已經好口渴，但水壺已冇晒水。我唯有問門口附近嘅老師有冇地方可以戡水，老師幫我戡水，見我飲完，又主動問我仲要唔要多啲。另外，老師們會記得大部份學生嘅名，就算冇教過都記得。至於學生嘅優點弱點，老師也能看得清，而且會給家長建議去加強或改善。他們也很有心思，生日會老師也會扮電影英雄主角，同學生玩成一片。

作者: alicekeith 時間: 14-11-8 23:08 標題: 回覆：除咗出名同學術方面，其實St Cat 本身係一間好學校嗎？

小女讀k1，未入學時都擔心學校風氣如何。入讀了兩個月，老師比我感覺好好，細心而且關心小朋友。我經常同阿女傾計睇佢返學點，佢似乎好開心好enjoy 校園生活，而且這兩個月明顯多嘢講咗好多

作者: 02413124 時間: 14-11-8 23:30 標題: 回覆：除咗出名同學術方面，其實St Cat 本身係一間好學校嗎？

唔講學術的話，小兒n唔鍾意番學，喊足7個月，讀sc後就鍾意番學，性格亦變得外向左。學校行政好好，小兒亦好鍾意老師，老師流失率唔高，3年冇試過中途轉老師。

作者: vincentchun 時間: 14-11-9 09:19 標題: 回覆：02413124 的帖子

sc 咁多班，總有好老師，亦有相對較差既老師，有時都要睇你好唔好彩

作者: 新人物 時間: 14-11-10 06:48 標題: 引用：唔講學術的話，小兒n唔鍾意番學，喊足7個月

原帖由 02413124 於 14-11-08 發表
唔講學術的話，小兒n唔鍾意番學，喊足7個月，讀sc後就鍾意番學，性格亦變得外向左。學校行政好好，小兒亦好 ...

我上教育局網頁睇過，佢9成老師做超過4年以上！

作者: sakbbjaijai 時間: 14-11-11 22:01 標題: 回覆：除咗出名同學術方面，其實St Cat 本身係一間好學校嗎？

SC 就係出名學術方面唔深，但係又勁多人狠讀嘅happy school, 好唔好就見人見志la

作者: ozoz 時間: 14-11-11 22:17 標題: 引用：SC+就係出名學術方面唔深，但係又勁多人狠

原帖由 sakbbjaijai 於 14-11-11 發表
SC 就係出名學術方面唔深，但係又勁多人狠讀嘅happy school, 好唔好就見人見志la

...

我女過去3年嘅同學個個都滿意，家長都好喜歡，只有有極小數有微言，主要因為唔收弟妹，令家長好唔開心。

作者: 02413124 時間: 14-11-11 22:20 標題: 回覆：sakbbjaijai 的帖子

雖然佢唔算很深，但升上大部分小學，都絕對跟得上，不用擔心

作者: cpc608 時間: 14-11-16 07:20

回覆 sakbbjaijai 的帖子

Both my sister and I were graduates of SC - the school helped us built a solid academic foundation and self confidence. I hope my son can attend the same school next year too :)

作者: C.Humphrey 時間: 14-11-16 08:53 標題: 回覆：除咗出名同學術方面，其實St Cat 本身係一間好學校嗎？

學術方面，SC定學之園較深？

作者: jilly_goodsiste 時間: 14-11-16 11:53 標題: 回覆：除咗出名同學術方面，其實St Cat 本身係一間好學校嗎？

剛面試，老師同職員都好差，無愛心。

作者: piggymonkey 時間: 14-11-16 13:50

回覆 ozoz 的帖子

乜唔係阿哥家姐讀緊, 弟妹必收咩?

作者: ozoz 時間: 14-11-16 14:35 標題: 引用：回覆+ozoz+的帖子乜唔係阿哥家姐讀緊,+弟

原帖由 piggymonkey 於 14-11-16 發表
回覆 ozoz 的帖子

乜唔係阿哥家姐讀緊, 弟妹必收咩?

當然不是必收，我身邊都好多唔收，6個同學弟妹收2個，另一個waiting到最後再2nd in waiting 先收佢，其餘3個唔收。

作者: cpc608 時間: 14-11-17 19:42

回覆 C.Humphrey 的帖子

I think syllabus of LH is tougher

作者: C.Humphrey 時間: 14-11-17 21:28 標題: 引用：剛面試，老師同職員都好差，無愛心。 +

原帖由 jilly_goodsiste 於 14-11-16 發表
剛面試，老師同職員都好差，無愛心。

點差法？

作者: cyndiwong 時間: 14-11-18 17:35

提示: 作者被禁止或刪除內容自動屏蔽

歡迎光臨教育王國 (/)