教育王國

標題: 國際學校可以嗎？ [打印本頁]

作者: suslau2004 時間: 14-11-6 18:36 標題: 國際學校可以嗎？

我同老公英文麻麻(70後，只是中五會考程度)，經濟上可支持到，但提供吾到全英語環境給小朋友，這種條件下適合入讀國際學校嗎？

作者: 小曳人 時間: 14-11-7 07:59

如果你鬧小朋友，而佢用英文回應，你接唔接受到？

如果經濟許可，不如請私人老師返去同小朋友玩，學英文好過啦！

作者: 貝珠 時間: 14-11-7 08:07 標題: 回覆：國際學校可以嗎？

我可以提供全英環境，不過我老是覺得我應該用母語和BB溝通。我打算早d俾上全英playgroup, or 學習班。全英N班，eg boxhill , or even York ( not 全英）。English standard 都很好，再考reception 1 .

作者: chkwok 時間: 14-11-7 11:22 標題: 引用：我可以提供全英環境，不過我老是覺得我應該

原帖由貝珠於 14-11-07 發表
我可以提供全英環境，不過我老是覺得我應該用母語和BB溝通。我打算早d俾上全英playgroup, or 學習班。全英N ...

Support, 身為中國人，我全廣東話，我可以全英但我吾系 native , 我寧願請人教

作者: hkpapa852 時間: 14-11-7 14:09

suslau2004 發表於 14-11-6 18:36
我同老公英文麻麻(70後，只是中五會考程度)，經濟上可支持到，但提供吾到全英語環境給小朋友，這種條件下適 ...

如果國際學校唔係可以由幼稚園一路升到上中學, 中途要轉番去傳統中小學唔係咁易.
揀國際學校都要小心, 較好的國際學校唔係咁易入, 唔係有錢就得

作者: Vickyblah 時間: 14-11-7 17:51 標題: 引用：Quote:suslau2004+發表於+14-11-6+18:36+我

原帖由 hkpapa852 於 14-11-07 發表
如果國際學校唔係可以由幼稚園一路升到上中學, 中途要轉番去傳統中小學唔係咁易.
揀國際學校都要小心, 較好 ...

講得無錯。國際學校收生有分priority。首先多數係校內職員仔女先，跟住外國人，再加你會買幾多錢債券。所以唔係有錢就一定入到的。

作者: anna1020 時間: 14-11-7 17:58

回覆 Vickyblah 的帖子

除非你諗住小朋友大D去外國讀書, 如果唔係我會揀語境好既幼稚園instead of 國際學校

作者: tkinwong 時間: 14-11-8 08:14 標題: 回覆：國際學校可以嗎？

其實大部份大家報的幼稚國，只是英普幼稚園，並不是真正的國際學校。樓主無須太緊張。

至於英語，我都是70後，在中大和港大都拿過學位，出來做工也參與過招聘工作，其實大部份我接觸到的同學或本地大學生，英語書寫可能很好，但口語表達能力其實並不是你想像般強。我見過有朋友在一班人面前和小朋友講英文，但我就接受不了。

小朋友目前讀的學校，並不是全英普學校，但有一半課時是用英語進行。在幼稚園以外，小朋友也在其他地方每星期上三堂英文堂。雖然我在家裡除了講故事書和做功課以外，不會和小朋友講英文，但小朋友在幼稚園和課外英文堂的表現，都尚且錯。

樓主如果錢不是問題的話，讓小朋友讀國際班，我認為無問題，但在幼稚園以外，再讀英文班。小朋友多接觸英文，其實是跟得上的

作者: kilim1017 時間: 14-11-8 22:17 標題: 引用：我同老公英文麻麻(70後，只是中五會考程度)

原帖由 suslau2004 於 14-11-06 發表
我同老公英文麻麻(70後，只是中五會考程度)，經濟上可支持到，但提供吾到全英語環境給小朋友，這種條件下適 ...

兩項重點要留意
1: 一般傳統IS 收生條件是英文是家庭的first language
2: 將來是否給小朋友去外國升學! 如之後又想入返傳統學校.就好難銜接上

作者: macyho0704 時間: 14-11-22 19:21 標題: 回覆：國際學校可以嗎？

阿仔而家都係國際學校讀緊pn，每日三個鐘大部份都係英語，其餘時間我都一定只同佢講廣東話，因為我想佢學好d廣東話，so far都好好

歡迎光臨教育王國 (/)