教育王國

標題: 請問你地k1會擇九龍塘迦南定對衡道方方 [打印本頁]

作者: HaMoMo 時間: 14-11-5 16:12 標題: 請問你地k1會擇九龍塘迦南定對衡道方方

如題，請幫忙

作者: vcb617 時間: 14-11-5 18:36 標題: 回覆：請問你地k1會擇九龍塘迦南定對衡道方方

方方，因為學術方面方方好過迦南

作者: HaMoMo 時間: 14-11-5 19:34 標題: 回覆：vcb617 的帖子

你小朋友係咪讀方方呀

作者: vcb617 時間: 14-11-5 20:49 標題: 回覆：請問你地k1會擇九龍塘迦南定對衡道方方

我小朋友n班係方方呀

作者: zoezebra 時間: 14-11-5 21:22 標題: 引用：方方，因為學術方面方方好過迦南 +

原帖由 vcb617 於 14-11-05 發表
方方，因為學術方面方方好過迦南

真係？！

作者: creama 時間: 14-11-6 02:07 標題: 回覆：請問你地k1會擇九龍塘迦南定對衡道方方

方方學術係真係好過迦南，佢英文都教得幾深，係校舍唔夠迦南大同靚

作者: HaMoMo 時間: 14-11-6 08:10 標題: 回覆：creama 的帖子

方方個校舍真係好舊

作者: HaMoMo 時間: 14-11-6 08:13 標題: 回覆：HaMoMo 的帖子

我打電話問時，方方話1個班主任，但迦南有2個班主任，班主任緊要嗎

作者: CYSJC 時間: 14-11-6 08:40 標題: 回覆：HaMoMo 的帖子

我小女讀迦南，他們同一班會分組上堂，每個班主任1:15左右，主要聯絡家長只有正班主任，其實全班一齊上堂個時吾止兩位老師系課室，希望幫到你

作者: nataliipapa 時間: 14-11-6 10:52

回覆 HaMoMo 的帖子

方方係雙班主任. 2個班主任都講得出小朋友既近況. 方方學術唔錯, 而且老師有愛心.

作者: winwinchu 時間: 14-11-6 13:58 標題: 回覆：請問你地k1會擇九龍塘迦南定對衡道方方

方方學術深的。

作者: Ivyhoyeeling 時間: 14-11-6 14:17

nataliipapa 發表於 14-11-6 10:52
回覆 HaMoMo 的帖子

方方係雙班主任. 2個班主任都講得出小朋友既近況. 方方學術唔錯, 而且老師有愛心. ...

同意...方方D老師好細心...有返咁上下年紀...都唔錯呀

作者: kakasky 時間: 14-11-6 14:25 標題: 回覆：請問你地k1會擇九龍塘迦南定對衡道方方

提示: 作者被禁止或刪除內容自動屏蔽

作者: cpc608 時間: 14-11-6 23:02

回覆 HaMoMo 的帖子

Funful

作者: rachelng80 時間: 14-11-7 15:32 標題: 引用：如題，請幫忙 +

原帖由 HaMoMo 於 14-11-05 發表
如題，請幫忙

方方, 學術深過迦南。

作者: MissMusic 時間: 14-11-7 15:36 標題: 回覆：請問你地k1會擇九龍塘迦南定對衡道方方

深就係好？小朋友會否跟唔上？

作者: rachelng80 時間: 14-11-7 16:20

本帖最後由 rachelng80 於 14-11-7 16:26 編輯

MissMusic 發表於 14-11-7 15:36
深就係好？小朋友會否跟唔上？

囝囝讀緊方方PN, 老師每星期會打電話給家長講小朋友情況,  非常細心及有經驗.  有一些事連我們家長也沒察覺到的, 老師也會提醒.

(e.g. 老師察覺到囝囝的手指不夠力, 叫我係屋企俾多O的 LEGO他玩, 訓練他的手指力. 老師還說, 如果手指不夠力, 囝囝日後學寫字不夠力, 便沒有信心, 沒有信心便影響到不愛寫字. 她說如果K1才察覺到, 便太遲了.)

除了學術上,  囝囝返學後, 自理能力也提高.  (e.g. 自己堅持自己收拾玩具, 回家自己自動自覺脫鞋子及洗手)
囝囝每天也讓著返學, 放學後回家也不停唱歌. 沒有覺得課程深, 跟唔上的問題.

作者: creama 時間: 14-11-7 16:41 標題: 引用：深就係好？小朋友會否跟唔上？ +

原帖由 MissMusic 於 14-11-07 發表
深就係好？小朋友會否跟唔上？

唔係深就好，不過太淺太happy school, 小朋友升小會辛苦d難適應。
Kv出名深，好少用家話跟唔上，睇下個家長點配合

作者: amoyresident 時間: 14-11-25 15:24

方方職員話,除左中文堂中文, 好多時間用英艾喎, 唔知係咪真的呢? 有無用家可以分享一下? 謝謝

我比較重視語言, 課程希望深, 覺得方方都OKAY, 但好少提及

作者: able65 時間: 14-11-26 22:49 標題: 回覆：請問你地k1會擇九龍塘迦南定對衡道方方

甘請問加南同方方一星期有幾多英文堂？好少人提加南課程，有無用家可分享？

作者: chanwendy 時間: 14-11-27 09:37

方方點樣深過迦南, 可否提出一些例子?

作者: Diane俊俊媽 時間: 14-11-27 14:22 標題: 回覆：請問你地k1會擇九龍塘迦南定對衡道方方

兩間相比沒有特別大分別，因與朋友讀方方的兒子對比過課程和書本，教學大家也是關愛小朋友的，一樣是好學校

不過，在環境和升小方面絕對是迦南較優勝

以我大仔小學來計小一叩門interview, 也是收迦南為多

，希望幫到你

作者: Diane俊俊媽 時間: 14-11-28 12:06 標題: 回覆：請問你地k1會擇九龍塘迦南定對衡道方方

還有，迦南英文每天都上堂，k3時每天會上三個半小時學，中文英文已教小一程度的課程來讓小朋友適應升小，例如擴張，重組，改寫，閱讀理解等等. . .要親身去學校了解比較好，始終小朋友讀三年

作者: HaMoMo 時間: 14-11-30 02:40 標題: 回覆：Diane俊俊媽的帖子

俊俊媽，明白晒👍👍

作者: juju207 時間: 14-11-30 09:45

方方感覺上比較多人放飛機
冇諗過有人會放棄迦南而選擇方方

作者: CCelia 時間: 14-11-30 11:01 標題: 引用：+本帖最後由+rachelng80+於+14-11-7+16:26+

原帖由 rachelng80 於 14-11-07 發表
本帖最後由 rachelng80 於 14-11-7 16:26 編輯

你小朋友讀邊班？我嘅一定無耐唔耐打來，我班班主任係開學時打過一次電話嚟之後就無，仲同我講，你小朋友無咩，我唔打俾你啦。唸起都火！

作者: mv_lee 時間: 14-11-30 13:00 標題: 引用：Quote:原帖由+rachelng80+於+14-11-07+發表

原帖由 CCelia 於 14-11-30 發表
你小朋友讀邊班？我嘅一定無耐唔耐打來，我班班主任係開學時打過一次電話嚟之後就無，仲同我講，你小朋友無 ...

我諗係個別老師，我仔老師都耐唔耐打比我，而且如果自己有問題，點解唔主動同老師了解？呢d野好双方。

作者: Cheesepop 時間: 14-11-30 13:09 標題: 引用：兩間相比沒有特別大分別，因與朋友讀方方的

原帖由 Diane俊俊媽 於 14-11-27 發表
兩間相比沒有特別大分別，因與朋友讀方方的兒子對比過課程和書本，教學大家也是關愛小朋友的，一樣是好學校 ...

會否因迦南多分校vs 芳芳得兩間，咁十間嘅小朋友入學總數一定多過兩間，可能因為之前見朋友好遲先申請迦南都仲有位，感覺佢地好易入，相反自己之前in 芳芳n 唔收(細b），感覺芳芳要求高點吧！

作者: amoyresident 時間: 14-11-30 13:14 標題: 回覆：Cheesepop 的帖子

好似迦南難入過方方喎。另外，請問是否好少大B讀方方？

作者: Diane俊俊媽 時間: 14-11-30 13:35 標題: 回覆：Cheesepop 的帖子

應該是你朋友小朋友in得比較好

作者: 細咩咩 時間: 14-11-30 13:39 標題: 回覆：Cheesepop 的帖子

方方又點只兩間分校呢？其實我冇見過人話收過方方的reject letter，但迦南就好多，而最後放棄方方嘅就好多

作者: creama 時間: 14-11-30 14:38 標題: 引用：兩間相比沒有特別大分別，因與朋友讀方方的

原帖由 Diane俊俊媽 於 14-11-27 發表
兩間相比沒有特別大分別，因與朋友讀方方的兒子對比過課程和書本，教學大家也是關愛小朋友的，一樣是好學校 ...

無一間小學會話收迦南定方方多d，我覺得呢段有d誤導性,
迦南前幾年排位都係津校多，唔係話迦南程度差，係喺入面讀d家長未必及名幼個d咁進取去考直資及私校，我有朋友上年迦南出唻考左11間直資私校，無一間收，佢有後悔無同佢出去補英文，因為好似去in陳守仁咁講，佢仔in完出唻已經同佢講返唔識d英文拼句，

而方方真係少人提d, 比較傳統，但佢著重自細寫字，英文同普通話，英文深過迦南係行內街知，不過其他方面比較我就真係唔清楚。

作者: CCelia 時間: 14-11-30 20:41 標題: 引用：Quote:原帖由+CCelia+於+14-11-30+發表你小

原帖由 mv_lee 於 14-11-30 發表
我諗係個別老師，我仔老師都耐唔耐打比我，而且如果自己有問題，點解唔主動同老師了解？呢d野好双方。

...

找了，我老公直頭去了學校同老師講，之後就有這個回覆，阿囝條褲濕了，士但就寫張紙條嚟，打個電話都無，所以我無咩期望，無期望就無失望！我只係想反映，唔係個個老師都咁好，可能我唔好彩！

作者: Diane俊俊媽 時間: 14-12-1 10:42 標題: 回覆：請問你地k1會擇九龍塘迦南定對衡道方方

小學無正面會說收哪間幼稚園多，但兒子讀了6年小學，我又是家長義工，對校內運作熟悉，而家長間都會說從哪幼稚園來的，比較下就會清楚，當然每間學校都有擁戴者，各有各好，來自再好的學校也有，不是只有迦南最好，但這post只是比較這兩間學校，我沒有誤導人，是實話實。

作者: Diane俊俊媽 時間: 14-12-1 11:17 標題: 回覆：請問你地k1會擇九龍塘迦南定對衡道方方

每間學校都有人考到直資，和考不到直資，這位家長只用一位小朋友就衡量整間學校，而且我也有朋友讀街坊幼稚園都能入到陳守仁呀！
另一方，又不是讀直資的一定比津官校好，請清楚知道很多直資小學因重英輕中，在TSA
就輸掉了官津小，所以入讀band1中學的學生以官津小多，除非要入讀神級名校吧，就要好好從小部署，除了入神級幼稚園還要獎狀，家長的支持很重要。

作者: mv_lee 時間: 14-12-1 11:27

本帖最後由 mv_lee 於 14-12-1 11:28 編輯

我想講我仔係8月B, 讀緊九龍塘方方N, 返左學3個幾月岩岩先發現佢已經識晒星期1-日, 仲有12個月份的英文. (呢2樣野我係屋企冇教過)

而迦南係點我就唔知啦!!

利申: K1我都有九龍塘迦南OFFER, 但見岩岩見到個仔有成果, 所以我會留係方方!!

作者: 細咩咩 時間: 14-12-1 11:56

回覆 Diane俊俊媽的帖子

冇錯, 好認同你講嘅嘢. 囡囡而家喺迦南讀緊PN班, 班裡面嘅同學好多都係家姐阿哥喺度讀緊高年班, 呢啲家長話今年PN嘅書係深過之前好多, 我其實都覺得深, 一開學已經教句子, 但奇怪真係吸收到, 囡囡開咗學幾個月, 呢幾個月都明顯進步係講句子, 想問問題就會講what is it? do you know?, where are we? what are you doing?, 我問番佢轉頭, 佢都可以完整句子回答, 連普通話簡單應對都做到, 雖然兩間相約, 但綜合環境設施, 老師, 程度, 課本吸引度, 我就會揀迦南

作者: Diane俊俊媽 時間: 14-12-1 12:11 標題: 回覆：細咩咩的帖子

係呀！我細女暑假時公文學到A, K3開學後迦南課程開Turbo, 佢地循序漸進得好好反而快過公文英，現在學緊C級都一樣跟到.

作者: able65 時間: 14-12-1 13:42 標題: 回覆：請問你地k1會擇九龍塘迦南定對衡道方方

我有個難題，仔仔出年年頭插N班讀方方(做細b)，會俾佢讀下。但而家有黃埔加南N班 15年學期offer (做超大b)。其實都意向黃埔加南，因為近，住附近。但又見大家講方方學術好，課程深。加南課程淺。所以有d十五十六好難揀，大家有咩意見呢？

作者: Diane俊俊媽 時間: 14-12-1 14:11 標題: 回覆：able65 的帖子

你要諗學費車程問題，近家方便接送.
N班即是年頭只有2歲便要坐校車，你要衡量吧！
另外，15年免費教育剩下的金錢又可用來培育小朋友，真的吸引呀！

作者: siub_813 時間: 14-12-1 16:10

回覆 CCelia 的帖子

對，我都曾經對方方這所學校有期望過，可惜。。。只能說有愛心的老師我都遇不到。

作者: able65 時間: 14-12-1 16:44 標題: 回覆：Diane俊俊媽的帖子

thx, 方方唔會搭校車，自己接送，所以location係好緊要，莫講話我有3個鐘free time, 想少d 交通時間對我同仔仔都好。至於我提15年，意思係2015年9月入學，唔好意思我之前寫唔清楚

作者: able65 時間: 14-12-1 16:46 標題: 回覆：請問你地k1會擇九龍塘迦南定對衡道方方

同埋方方好似多印度net...

作者: Diane俊俊媽 時間: 14-12-1 19:38 標題: 引用：同埋方方好似多印度net... +

原帖由 able65 於 14-12-01 發表
同埋方方好似多印度net...

作者: 濼晴 時間: 14-12-1 20:38 標題: 引用：回覆+CCelia+的帖子對，我都曾經對方方這

原帖由 siub_813 於 14-12-01 發表
回覆 CCelia 的帖子

對，我都曾經對方方這所學校有期望過，可惜。。。只能說有愛心的老師我都遇不到。:thi ...

朋友都係 pn 兩位朋友老師既愛心都一般

作者: linda-yuen 時間: 14-12-1 20:52 標題: 回覆：請問你地k1會擇九龍塘迦南定對衡道方方

我囝囝也是金巴倫道迦南PN, 迦南老師好有愛心，小朋友學習得開心，深唔深就不清楚，但之前對唱歌跳舞無興趣，現在已經識唱十首八首，一些童謠例如：小老鼠，樹上爬，要把月亮帶回家，月亮高高掛天空，哎吔哎吔拿不下，全部一字不少讀完，還有其他唔寫喇。哈哈啥，成日係屋企要我冋佢一齊唱，一齊讀，還有現在PN已經認得一些字，例如：人，口，媽媽，爸爸，女，男，山，日....這些都是在學校裹學到的，所以，我小朋友係迦南返學真係好開心

歡迎光臨教育王國 (/)