教育王國
標題: 想問下有冇資優小朋友試過幼稚園跳班? [打印本頁]
作者: 小貓貓兔 時間: 14-11-3 00:52 標題: 想問下有冇資優小朋友試過幼稚園跳班?
本帖最後由 小貓貓兔 於 14-11-19 10:32 編輯
想問下呢度有冇家長試過同小朋友跳班呢? 會唔會有邊間學校容易D, 或者邊間對呢D另類小朋友既support好D呢?
作者: mandytanghk 時間: 14-11-3 10:46
本帖最後由 mandytanghk 於 14-11-3 10:46 編輯
回覆 小貓貓兔 的帖子
不知你囝囝是否資優, 但智能以外, 大小肌肉如何呢 ? 即使很聴明, 跳班會有很多問題考慮, 如果大小肌肉不是特別好, 在高一級可能會比其他小朋友比下去而影響自信.
小朋友性格亦有關, 主動的, 或是內向形的.. 適應能力如何都要考慮..
另何, 小學如不讀私校直資的話, 自行會冇左適齢分.
作者: Rachelmummy2008 時間: 14-11-3 12:52
和小女相似。
K1守規矩但好快做完，只有呆坐和玩自己的手指。
作者: 小曳人 時間: 14-11-3 14:20
本帖最後由 小曳人 於 14-11-3 14:22 編輯
記住，返幼稚園主要唔係學學術嘢，咁樣心理上好過d
世界上咁多人，小朋友要學校同同齡相處，而呢個年紀未識溝通唔多出奇，當然女仔應該快d，但唔算大問題
如果你確定佢學術上無問題，就主力發展課外認知，多d體驗型活動，keep住好奇心！以我仔為例，學校嘅嘢只係責任，佢一定要守規矩，佢鍾意嘅嘢大多數响課外書裡面！
至於你講跳班，我知有極少數學校有混齡班
但基於大小肌發展唔同，真係唔好搞跳班，要跳嘅就K2試報國際學校G1或私小P1
作者: 小貓貓兔 時間: 14-11-3 14:22
其實佢大肌肉好差
就算依家, 都已經比同齡小朋友比下去 /_\
因為佢係內向形, 我諗緊可能有D大D既小朋友撩下佢, 佢反而會好D
因為如果冇人同佢講野, 佢真係可以唔同人地講野的
我而家都係見步行步, 對佢將來讀小學時係點, 甚至我地果時仲係唔係香港, 我都係冇咩頭緒的... 
作者: piglet0529 時間: 14-11-4 09:46 標題: 引用：+本帖最後由+小貓貓兔+於+14-11-3+00:54+編
原帖由 小貓貓兔 於 14-11-03 發表
本帖最後由 小貓貓兔 於 14-11-3 00:54 編輯
我女3歲5個月, 2011年5月B, 今年開始返K1
作者: piglet0529 時間: 14-11-4 09:49 標題: 引用：其實佢大肌肉好差就算依家,+都已經比同齡小
原帖由 小貓貓兔 於 14-11-03 發表
其實佢大肌肉好差
就算依家, 都已經比同齡小朋友比下去 /_
因為佢係內向形, 我諗緊可能有D大D既小朋友撩 ...
作者: 四隻貓 時間: 14-11-4 10:10
回覆 小貓貓兔 的帖子
讀緊邊類型幼稚園? 會唔會考慮轉去課程較緊密但又多活動教學既幼稚園如劍嗚, 學之園?
作者: 小貓貓兔 時間: 14-11-4 10:40
本帖最後由 小貓貓兔 於 14-11-4 10:41 編輯
我都覺得係, 不過返完學之後就冇咁多時間陪佢, 下午主要係公公婆婆湊
所以有時諗如果學校D野深D, 同學仔o岩玩D, 一次過搞掂咪好囉XD
呢排煩緊佢返學既野就冇咩時間心機同佢做大肌肉training, 又未約朋友仔玩, 我有朋友讀child psy, 都話覺得佢其實最需要既係呢D
作者: 小貓貓兔 時間: 14-11-4 10:43
本帖最後由 小貓貓兔 於 14-11-4 10:45 編輯
回覆 四隻貓 的帖子
佢果間係kln tong既(算係)happy school, 其實課程淺唔緊要, 佢開心就得, 但我總係覺得佢返學好似on 居居咁, 又唔同同學玩, 又唔玩學校playground, 又唔知佢上堂係咪開心, 會唔會換左個環境又好D。
因為佢係出面上興趣班, 見到晒成個開心樣, 同返學果時都幾唔同架...
作者: JCR 時間: 14-11-4 10:52
的確,上幼兒園是去適應團體生活,在此之前,小孩的生活範圍多在家,即使再超班,他長大後還是在團體中生活,衹是他在這團體中扮演啥角色,資優並不代表他可離群索居，,還是要適應團體生活,而上幼兒園主要是讓小孩學會自理。現在的小孩命太好了，多數家中都有傭人,飯來張嘴,但去了幼兒園就必須學會基本的自理
上幼兒園前,每個小孩的學習各有不同,但這是一個長途賽,不是短跑,更何況,人外有人
作者: gitmee 時間: 14-11-4 11:38
當年囝囝skip了K3，學業上無問題，但情緒有點波動，需要時間適應。今年他已入了大學，回想當時做那個決定，為的是希望囝囝能夠就讀適合他的學校。不過話說回來，今時今日的教育環境，跟當年有很大差別，競爭大了很多，家長的壓力也沉重得多。
作者: JCR 時間: 14-11-4 14:08
skip K3 可能還好,直上小一,都是新朋友,小學有六年,小學跳級,小孩大人都會有壓力,小孩原來的同級同學可能不和他做朋友,更嚴重就是排擠,他需重新交新朋友,而這些新朋友原來又高他一級,這很考驗小孩的社交能力與承受能力，
作者: 小貓貓兔 時間: 14-11-5 09:57
尋日見左psychologist, 佢都係比較concern佢社交問題。
但係我女突然又肯返學啦喎 
所以... 依家又唔係咁迫切要諗呢個問題lu
俾佢玩左一鑊... 激死...
作者: 小貓貓兔 時間: 14-11-5 09:59
依家同佢搵多D朋友仔出黎玩先, 發展下社交先...
作者: 廷廷媽 時間: 14-11-5 10:55
我覺得你小朋友就算佢跳到K3, 要融入K3小朋友, 你個小朋友都要主動去同佢地玩, 幼稚園最主要TRAIN佢地同人相處同自理能力, 學習上快與慢唔使咁緊張....
作者: s.andp 時間: 14-11-9 10:06 標題: 回覆：小貓貓兔 的帖子
提示: 作者被禁止或刪除 內容自動屏蔽
作者: s.andp 時間: 14-11-9 10:07 標題: 回覆：想問下有冇資優小朋友試過幼稚園跳班?
提示: 作者被禁止或刪除 內容自動屏蔽
作者: yannietimb 時間: 14-11-9 11:29 標題: 回覆：想問下有冇資優小朋友試過幼稚園跳班?
其實未必一定要跳班，可考慮轉其他學術高既幼稚園，我姨甥女是偏向資優但有社交障礙，今年升了小一，佢開心左好多，主要是課程深左，同認識了幾個朋友，小學其實都幾多功課測驗，而家問佢如果有得揀，想講幼園定小學，佢答案好肯定係小學，話因為以前無朋友（原來佢幼稚園時同學係k1成班上，即三年都同一班同學，三年無朋友), 升左小學換了環境又有小朋友同佢交朋友，同埋佢話幼稚園玩既玩具很無聊！佢間幼稚園都係happy school, 所以其實有時真係錯配，叻既小朋友向一間淺既學校真係可能會無左份滿足感，我suggest你先轉換下環境，讓佢找回上學的樂趣，和學習動機！
作者: 小貓貓兔 時間: 14-11-9 12:49
本帖最後由 小貓貓兔 於 14-11-9 12:55 編輯
我都係不停諗緊其他可能性, 雖然呢間學校唔係差, 但感覺上佢對另類少少既小朋友支援唔係咁好, 我地去搵校長傾, 同佢講開個女情況同我既擔憂, 佢都好似唔係好想聽咁, 只係同我地覺講冇問題冇問題, 呢個年紀既小朋友係咁, 又冇嘗試去了解我個女多D。
如果搵到間好D既學校, 我會同佢轉校囉。
而家諗緊搵英文上堂的幼稚園繼續讀K1, 因為佢鍾意英文上堂, 但平時講開中文多所以要有一段適應期, 所以唔會諗跳班住。
作者: 小貓貓兔 時間: 14-11-9 13:57
本帖最後由 小貓貓兔 於 14-11-9 13:59 編輯
回覆 s.andp 的帖子
雖然我個女冇讀n班，但n班唔係應該唔會點教野架咩？學術上應該滿足唔到佢架喎香港真係好難轉校，好似一揀左，唔啱都冇得走咁...
作者: s.andp 時間: 14-11-9 14:05 標題: 回覆：小貓貓兔 的帖子
提示: 作者被禁止或刪除 內容自動屏蔽
作者: 小貓貓兔 時間: 14-11-9 14:16
回覆 s.andp 的帖子
我個女3歲前都係唔同小朋友玩架，3歲後慢慢好d，而家會同同學仔打下招呼，我已經覺得好大進步 
作者: chowqv 時間: 14-11-10 00:53 標題: 回覆：想問下有冇資優小朋友試過幼稚園跳班
點跳，都係要足歲數先可以讀小一。
作者: wan_sosin 時間: 14-11-10 07:38 標題: 引用：點跳，都係要足歲數先可以讀小一。
+
原帖由 chowqv 於 14-11-10 發表
點跳，都係要足歲數先可以讀小一。
不過如入國際學校都可以5歲入小一！
作者: 小貓貓兔 時間: 14-11-10 10:38
其實唔介意佢可唔可以早入小一，如果跳班真係適合佢既，到時唔夠歲數冇學校收，寧願俾佢玩一年。
因自己唔係怪獸家長，我覺得最重要係佢返學返得開心，因為小朋友呢個年紀係應該要覺得學習係一樣愉快既野。我地揀學校既標準都係要切合佢性格同能力，等佢返得開心。
好彩佢而家又肯返返學
(如果一直唔肯返，我諗我會同佢停學同轉校... 而家就可以觀望下，睇下有冇更好既選擇)
作者: Angelafyfy 時間: 14-11-14 15:19 標題: 引用：其實唔介意佢可唔可以早入小一，如果跳班真
原帖由 小貓貓兔 於 14-11-10 發表
其實唔介意佢可唔可以早入小一，如果跳班真係適合佢既，到時唔夠歲數冇學校收，寧願俾佢玩一年。
因自己唔 ...
我覺得我囡既情況同你囡好似。但佢社交上，和人眼神接觸上冇問題。今年，同佢報幼稚園，我都係普通村校，冇諗過會冇朋友，同埋上堂會冇心機尼D問題
作者: 小貓貓兔 時間: 14-11-14 19:32
本帖最後由 小貓貓兔 於 14-11-15 08:13 編輯
冇呀... 佢3歲半應該未做得test住?
唉 我覺得得我「賴」左野既原因係 因為舊年報幼稚園既時候冇預到佢會識英文, 所以冇諗過國際學校 (事實上佢interview果時只識英文單字, 就算in左都入唔到)
而佢發展又比我地想像中快, 佢間學校口碑都唔係差, 當時諗住俾佢開開心心咁玩3年, 估唔到會出現依家既情況
不久之前去左佢學校觀課, 我好留意其他小朋友上堂既樣, 有D 冇咩表情, 有D好投入, 好開心, 有D坐唔定周身郁。
但係唔知點解我覺得佢個樣同其他小朋友係唔同的 (唔知係咪主觀)... 佢上堂時個樣係好認真, 好嚴肅既... 佢睇/聽到D有興趣既野既時候, 佢會碌大隻眼, 豎起晒耳仔, 佢個樣令我覺得佢唔係好似K1既小朋友, 好似更似小學生
睇完之後我更想同佢轉校, 因為feel到其實佢既學習意欲真係好強, 但學校課程滿足唔到佢既求知慾。
(後加) 仲有另一個想轉既原因係 其實呢間學校既教學模式 又唔係好幫到佢地社交發展多數都係老師講野, 同學仔聽, 冇咩小組活動或者討論, 小朋友又唔係好多機會發言
依家同佢搵緊學校, 要寫信去插班, 又報定幾間國際學校。
繼續頭痕中...
作者: bearwhat 時間: 14-11-14 22:19 標題: 引用：+本帖最後由+小貓貓兔+於+14-11-14+19:46+
原帖由 小貓貓兔 於 14-11-14 發表
本帖最後由 小貓貓兔 於 14-11-14 19:46 編輯
冇呀... 佢3歲半應該未做得test住?
作者: 小貓貓兔 時間: 14-11-15 08:05
回覆 bearwhat 的帖子
好似好好玩咁! 咁K2 咪會去K3班房度聽野?
作者: Radiomama 時間: 14-11-15 09:38 標題: 回覆：小貓貓兔 的帖子
你的想法其實是嫌現在的幼稚園不是心中理想吧。會安排覌課的學校其實已不俗，你囗中所講的理想幼稚園可能存在，但不代表就適合你的孩子。
父母總覺得自己的子女是特別的，放鬆一點吧，K1才開始不夠半年，不斷盤算轉校只會令你miss咗培育重點。
作者: Rachelmummy2008 時間: 14-11-15 13:48
我曾經幫囡囡轉幼稚園。
N班二月開始讀，老師說她比同齡成熟。
K1十二月開始早上不願意返學，持續幾個月，有少動作令我不得已一定要轉校，她學習能力不錯，我選了一間教學術好但不太死板和另一間愛心學術淺但有活動的幼稚園插K2。
前者rejected 後者收了她。
作者: Rachelmummy2008 時間: 14-11-15 14:08
如果時光倒流我會再選多幾間考插班。
沒法子唯有讀住先，然後選合適的小學。
幸運是老師真的很留意她，心理上她得到照顧，當然學習上她悶透了，不斷重覆。K2家長會老師只叫我自己教多D，唉！我都知啦。
唯一可以做的是自己教，找出面D興趣班，私人老師教下keep 住她的學習興趣。
作者: Rachelmummy2008 時間: 14-11-15 14:15
她不知是否太悶了，還好認真主動提出好多次要學第四種語言。
作者: 小貓貓兔 時間: 14-11-15 20:20
你囡囡現在k2? 其實佢既情況，可能比我女更適合跳班，而且老師應該已清楚佢情況。
有冇認真考慮過?
作者: Rachelmummy2008 時間: 14-11-16 00:00
本帖最後由 Rachelmummy2008 於 14-11-16 00:02 編輯
囡囡已經小一，她是細囡，c6反對跳班和IQ test 。
教導囡囡方面，我喜歡全人教育，好細個就已經自己訓練她的大小肌肉，學術上我中英文雙方面同時期伴讀，數學我用生活的材料教她，所以我並不驚訝她覺得幼稚園太淺。
我懷疑她的智力是有一次剛四歲時，親戚送一盒katamino 給她，我從來没有和她玩過類似的遊戲，第二天我拆出來給她砌，她不消兩分鐘將所有形狀砌回長方形裡，我自己去嘗試下，在無說明書幅圖，我根本砌不進去的。
你提過迷你lego ，我囡囡也是看說明書，很快便完成，我没有幫她，她又無砌錯。
其實我培育她的目的是想她做一個勤力的學生而已，我自己也是一個好普通的媽媽。
作者: 小貓貓兔 時間: 14-11-16 10:49
回覆 Rachelmummy2008 的帖子
可能你c6不想催谷個女，但如果資優兒童勉強和一班能力不相稱既同學一齊，可能佢學習上反而有挫敗感，提不起興趣，而且會學識將自己既能力收埋以免招來同學嫉妒...
咁佢依家間學校適合佢嘛？
作者: 細咩咩 時間: 14-11-16 16:16 標題: 回覆：想問下有冇資優小朋友試過幼稚園跳班
請問樓主最後有冇做到資優test呢? 我囡囡應該同閣下嘅小朋友一樣大，情況類似，其實十二個大已肯定認得晒A-Z大細楷同數字，基本圖形同顏色，兩歲前講嘢方面英普同廣東話都可以以完整句子溝通，小肌肉都發展不錯，歲半時已懂畫線畫圓圈，而家幾筆已經畫到好多物件同動物，好多老師同自己朋友都會問佢係咪屬於資優，本來只係覺得每個小朋友發展有啲快慢，但問嘅朋友越多越認真，令我都真係開始認真考慮呢個問題，但唔知有邊度可以做test
作者: 小貓貓兔 時間: 14-11-17 00:30
回覆 細咩咩 的帖子
我都識人係心理學方面專長，據我所以咁細未必一定可以做test, 但如果你覺得有需要我都可以幫你問下既。
不過好奇，如果佢超前咁多，學習上佢有冇問題?
作者: Angelafyfy 時間: 14-11-17 01:58 標題: 引用：回覆+細咩咩+的帖子 我都識人係心理學方面
原帖由 小貓貓兔 於 14-11-17 發表
回覆 細咩咩 的帖子
我都識人係心理學方面專長，據我所以咁細未必一定可以做test, 但如果你覺得有需要我都 ...
咁其實讀村校，真的會減低學習興趣嗎？之前偶然情況下，囡囡上了八堂日文playgroup. 佢上了四堂已經識，日文既顏色，兔子，熊，數字，其他四五個動物，三角形，正方形。老師都覚讚佢學得快。我自已更out 左我預期，我冇諗過，佢學日文都咁容易。因為中，英一早已經識。跟住我試埋法文既1-10. 佢無端上樓梯，可以由1數到七。法文都冇混亂。
我開頭冇為意，偶然見到資優尼個版面，先入來看看。睇來我要認真研究下選擇幼稚園既問題了。
作者: 小貓貓兔 時間: 14-11-17 10:06
本帖最後由 小貓貓兔 於 14-11-17 10:08 編輯
回覆 Angelafyfy 的帖子
我覺就... 就算返學悶, 都唔會減低 佢其他方面既學習興趣既。不過我覺得咁細個小朋友要佢捱悶係好慘既一件事, 同埋令佢過早對返學有負面印象。
香港係一個好變態既地方，明明學習可以係好開心既事, 偏要搞咁多野出黎, 搞到D細路不似人形。
我原本冇打算俾佢入國際學校係因為覺得佢細個先發展母語係好重要既事。但既然佢有能力讀, 我都會盡量同佢揀返國際學校, 起碼一定唔會跟香港學制讀上去。香港教育俾班垃圾狗官把持住, 朝令夕改, 仲要教育為政治服務, 一時通識又要必修, 跟住見到D學生識諗野反政府又話要變返選修... 不過一時未走得, 唯有盡量搵最好學校既俾佢。
作者: 小貓貓兔 時間: 14-11-17 10:19
所以如果大家覺得自己仔女比同齡小朋友發展得快, 千祈唔好選太淺的幼稚園, 免得同我一樣賴野... 
作者: Anniemun 時間: 14-11-17 13:44
本帖最後由 Anniemun 於 14-11-17 13:59 編輯
小貓貓兔 發表於 14-11-3 14:22 
其實佢大肌肉好差
就算依家, 都已經比同齡小朋友比下去 /_\
因為佢係內向形, 我諗緊可能有D大D既小朋友撩 ...
想問樓主小朋友是否讀屋村幼稚園? 如果是的話, 家下好多唔係本地的同學, 冇你地咁有HEART 會教, 尢其英文, 所以你覺得小朋友出眾是正常的。學校老師可有說同學仔突出? 去高一班觀課後, 如做功課和project 會讓她參加? 小肌肉未發展得好, 做抄寫時會出現什麼問題? 如真的可跳班, 同學仔真的可應付? 我仔也是資優, 在3yrs 已能閱讀報紙, 2yrs 已懂畫4格漫畫, 中英文也懂得寫, 我們沒選擇跳班, 反而是鼓勵他在校多參加活動, 學好自理和人際關係, 放假帶他去郊外, 上山下海, 見多一些, 就知世界有多大了。
作者: 細咩咩 時間: 14-11-17 14:04 標題: 回覆：小貓貓兔 的帖子
暫時冇，因為佢而家讀緊間pn都係谷嗰啲，但老師都話發覺囡囡好多時一教完一首新兒歌或者唐詩，佢好快已經背到，老師就話囡囡好專心上堂，暫時未發現有學習上嘅問題，但近排K1面試，就留意到有時問題太淺佢會唔專心
作者: 細咩咩 時間: 14-11-17 14:09 標題: 回覆：Angelafyfy 的帖子
係呀，我嗰時係囡囡接近兩歲上日文pg，佢都係上咗幾堂已經記到晒數字，動物同顏色，我自己識少少法文，都有教囡囡，佢都唔會搞亂，但我一直覺得有心教就自然會識，係近排先考慮係咪應該帶佢去test同做乜test，同埋又諗test到係咁又點呢
作者: 小貓貓兔 時間: 14-11-17 14:20
回覆 Anniemun 的帖子
我地暫時放棄跳班的諗法了，因如果可解決佢遇到的問題，當然是不跳為上。不過可能之前d post冇講清楚。始終佢發展唔係好平均，能夠唔跳而解決問題是最好的，多一事不如少一事。
你仔好叻，我女小肌肉都唔係發展得好好, 不過冇特別train佢，由佢自己畫下公仔先。
作者: 小貓貓兔 時間: 14-11-17 21:00
小朋友真係冇得迫, 好似我細仔, 14個月仲係乜都唔識, 同家姐9個月果時差唔多, 佢要用自己既速度成長, 我地都冇佢辦法
作者: Radiomama 時間: 14-11-17 21:26 標題: 回覆：想問下有冇資優小朋友試過幼稚園跳班?
樓上Anniemum説得好好，希望大家不要過份看重孩子在學術、語文上的追求。幼稚園時期，培育自理、同理心、開朗性格更重要。
有時孩子比其他人超前只是一時三刻，甚至是早教的結果；當然好處是你對他有信心、自然會有正面助力幫他更好地發展。但不要令他輕看別人，每人都有優點，要一起學習欣賞和包容。
作者: Angelafyfy 時間: 14-11-18 01:06 標題: 引用：係呀，我嗰時係囡囡接近兩歲上日文pg，佢都
原帖由 細咩咩 於 14-11-17 發表
係呀，我嗰時係囡囡接近兩歲上日文pg，佢都係上咗幾堂已經記到晒數字，動物同顏色，我自己識少少法文，都有 ...
作者: wan_sosin 時間: 14-11-18 07:48 標題: 引用：Quote:原帖由+細咩咩+於+14-11-17+發表係呀
原帖由 Angelafyfy 於 14-11-18 發表
咁其實係因為家長識教，定係個小朋友真係資優呢?
女仔本來就發展比較快，加上如果是乖巧聽教的女仔，學得比人快些是會的，要知是否真的天資過人，都要等待一下，一路長大再慢慢觀察！
呢道都有好多媽咪比咗好好意見，認真參考下啦！
作者: Radiomama 時間: 14-11-18 08:29 標題: 回覆：Angelafyfy 的帖子
如果已經開始早教，而子女又能吸收和喜歡學習，那麼他在IQ Test之中拿多少分根本不重要，我睇唔到120與140有何分別。
培育學習興趣和品格是大家的目標吧！
不過如果以為用IQ Test score去報名校，那是大錯特錯，走錯方向。
作者: YanKanMom 時間: 14-11-18 11:43
回覆 Radiomama 的帖子
作為家長, 在初發現孩子的資質突出時, 是會有些迷茫的。一方面擔憂自己不懂得好好地培養孩子, 發揮他們的潛能優勢, 另一方面也難免有點飄飄然, 認為孩子非囊中物(其實可能只是自我感覺良好吧了)。這都是我曾有的想法。 不過, 慢慢會發現, 現今聰明孩子多的是, 有些孩子不單聰明, 還情緒穩定平和, 而自家那個可能是另一回事。因此, 漸漸會以平常心看待此事, 反而認清我最能幫助孩子的, 不只是側重發揮他所長, 也要協助他修正自己的短處, 最終作一個身心靈平衡健康的人。
作者: 小貓貓兔 時間: 14-11-18 14:51
睇到各位的意見，加上近排觀察所得，思考了很多!
我呢個女固然有突出的地方, 但亦有很多令人擔憂的性格特徵。上得呢個板, 都知呢度大把叻既小朋友既家長, 所以絕對唔係黎晒命。
其實人的能力一定有高下之分, 每個小朋友都係獨立個體, 有不同性格, 學校係制度化下的產物, 當然不會亦不可能照顧到每一個小朋友的需要。只不過既然有選擇的空間，當然是盡量找一間最適合的學校。就算是跳級, 亦不代表小朋友各方面都比別人優秀, 更不是用作證明自己的手段。
作為家長, 應該做的是了解小朋友的長短處, 同時「拔尖」和「補底」, 以及盡量選擇一個合適的環境。
我自己一直也在摸索中，越了解得多, 就越想得透澈。
共勉之。
作者: Rachelmummy2008 時間: 14-11-19 14:42
4歲幾之後，也想現今的小孩普遍比較聰明，所以在這個forum 爬左文，又看有關書籍，了解多D。
一山還有一山高，先天後天都緊要的。
現在小一我大部份學校教的就由得她自己上堂去留心，默書測驗我無跟，看看成績如何再打算。
作者: Rachelmummy2008 時間: 14-11-19 14:52
其實我最擔心是情緒及社交方面。
而我見到你的posts 後，想起這兩年轉幼稚園又升小學，面對一些懷疑及問題，忍不住講了自己的經歷。
相信和其他家長一樣，每個小孩也是個體，無人會完全一模一樣。
希望你找到適合的學校和囡囡喜歡返學吖！
作者: 小貓貓兔 時間: 14-11-20 11:04
本帖最後由 小貓貓兔 於 14-11-20 11:16 編輯
回覆 Rachelmummy2008 的帖子
媽媽一定係諗得比較多野, 因為最了解仔女的通常都係媽媽... 有問題可以及早發覺!
大家都係交流下心得, 有時別人的經驗亦可以借鏡。我剛剛又睇到D以前我忽略左既野... 就係太多太「真」既玩具, 反而扼殺左佢想像既空間, 再加上佢可能少去街, 大肌肉又比較差, 可能對外面世界唔夠安全感。
所以而家多D同佢出去玩, 多D運動, 個人會開朗D, 多D自信, 唔會太側埋一面, 同埋「清空」下個腦, 應該頭腦都會靈活D... 仲有換緊D玩具, 俾多D open-ended既野佢玩。呢兩日都已經觀察到有D變化。
你都加油! (見到你係一個細心的好媽媽, 相信你囡囡都一定係好乖的)
作者: 小貓貓兔 時間: 14-11-20 11:13
其實資唔資優都係一個label啫, 唔使太介懷 (不過要切合返呢個版既主題而已), 重點都係因材施教!
作者: s.andp 時間: 14-11-21 03:54 標題: 回覆：想問下有冇資優小朋友試過幼稚園跳班?
提示: 作者被禁止或刪除 內容自動屏蔽
作者: hinhei 時間: 14-11-21 23:39 標題: 回覆：想問下有冇資優小朋友試過幼稚園跳班
其實幼稚園跳班真係唔係好讚成，除非真係諗住去國際讀小一。
否則因未夠歲數而夾硬讀多年k3仲悶！
我女一直都只讀普通幼稚園到而加小學都係，佢一樣好開心同好有成功感。佢在校一直也得特出，幼稚園時甚至老師同我講都唔知當佢小朋友定大人好，所以佢兩私下以老朋友稱乎！
到小學無精英班，我都怕行錯佢會悶。但因小學以小組進行，佢變咗要付責組員的學習，佢自己識無用，要教人，我覺得這是另類學習。從中要學包容忍讓。
到小二終於同佢做咗iq test, 出嚟好高分但我仍然是堅持不早教，就算在外學的也一定不是學校要學的東西。所以佢都係要係學校學，否則係唔會識。佢好快識，所以係學校佢得到好強的滿足感同自信心，只有時都會投訴老師煩同長氣，hahaha!
所以我覺得唔係要學幾多，係要學點樣去學，學校裏不只學學術上的東西，還有很多很多其他嘢學的。這些也是很重要，甚至比學術重要，但往往又最易被人忽略！
作者: 天悅 時間: 14-11-24 15:38
小貓貓兔 發表於 14-11-20 11:04
回覆 Rachelmummy2008 的帖子
媽媽一定係諗得比較多野, 因為最了解仔女的通常都係媽媽... 有問題可以及早 ...
| 歡迎光臨 教育王國 (/) |
Powered by Discuz! X1.5 |