教育王國
標題: 升中選中學，2 間中學高中課程咁，您會點揀......? [打印本頁]
作者: 小時了了 時間: 14-11-2 08:07 標題: 升中選中學，2 間中學高中課程咁，您會點揀......?
本帖最後由 小時了了 於 16-8-4 23:37 編輯
十一月開始好多中學簡介會及開放日，現為小女張羅升中資料，有2間我心儀中學。爬文時有前輩過來人提點升中選校時可以的話考慮埋高中課程，現我有點煩惱，如果，我講係如果2間無論地點及中學 Banding 一樣 (對我來說呢兩點已考慮了，係我自己評分 weight 係一樣)，呢兩間中學的高中課程選科組合及選修科的科目都好唔同，如果您地考慮，會如何選中學呢？
（暫時以我了解小女對文科如中史好有興趣及中史認識都幾好，但理科暫時我都唔知有無興趣，所以我用文科高中科程去考慮）
A 校高中課程選修科
4A2 班 (4 科必修科 + 3 科選修科，呢班一定係讀 3 科選修科)
1) 經濟學 +
2) 企業，會計與財務概論 / 地理/中國歷史 +
3)**生物/經濟學/企業，會計與財務概論/資訊及通訊科技/組合科學 (化學及生物)/地理/視覺藝術/ /世界歷史
4A1班 (4 科必修科 + 2 科選修科，呢班一定係讀 2 科選修科)
1) 企業，會計與財務概論 / 地理/ 中國歷史 +
2) **生物/經濟學/企業，會計與財務概論/資訊及通訊科技/組合科學 (化學及生物)/地理/視覺藝術/ /世界歷史
B校高中課程選修科 (我錯誤理解)
A 班 (4 科必修科 + 3 科選修科，呢班一定係讀 3 科選修科)
1) 中國文學 +
2) 歷史 +
3) 企業會計與財務概論
B 班 (4 科必修科 + 3 科選修科，呢班一定係讀 3 科選修科)
1) 地理 +
2) 中國歷史 +
3) 經濟
B校高中課程選修科 (正確資料)
A班 & B班
x1a: 中國文學; 地理
x2a: 歷史; 中國歷史
x3 企業會計與財務概論; 經濟; 旅遊與款待
C班 & D班 & E班
x1b: 經濟; 物理; 生物
x2b: 企業會計與財務概論; 資訊及通訊科技; 化學
x3 組合科學(物理及化學); 生物; 資訊及通訊科技
(1) 學生須於 X1a, X2a, X3 或 X1b, X2b, X3 三組科目中，各選一科，合共三科
例：中國文學 + 中國歷史 + 生物 // 物理 + 企業會計與財務概論 + 旅遊與款待
(2) 同一組別的科目會同一時段上課
(3) 但 X1a 與 X1b (同樣 X2a 和 X2b) 被視為兩個不同組別，不會同一時段上課
(4) 任何班別的學生均可選讀 X3 的科目
如果文科可以選：
i) 中國文學 + 中國歷史 + 經濟
ii) 中國文學 + 歷史 + 經濟
iii) 地理 + 歷史 + 經濟
iv) 地理 + 中國歷史 + 經濟
etc
作者: Leung2010 時間: 14-11-2 09:22
小時了了 ,
我冇經驗架, 只是與您分享個人見解喳:
文科人出路好少唔靠支筆及中英文.
修讀文學是有幫助的. 
此外, 企業，會計與財務概論/組合科學/經濟學 似乎退修率高, 成績不理想人多... 都要考慮 
作者: chocolatebean 時間: 14-11-2 09:46
單看A B 校的選擇, 好明顯揀A校, 因為比B校有更大彈性
作者: 憫父 時間: 14-11-2 18:48
A 校較好。
組合種類較多，有機會選生物，將來選大學時選擇會較多。
作者: 小時了了 時間: 14-11-2 21:40
多謝各位意見。呢兩間心儀中學都係直資來的，A 校討論區所見的談論功課比較繁多及比較谷，B 校即不詳。唉！好難諗及揀。
作者: IloveJJ 時間: 14-11-2 22:34 標題: 引用：多謝各位意見。呢兩間心儀中學都係直資來的
提示: 作者被禁止或刪除 內容自動屏蔽
作者: TwinWong 時間: 14-11-2 22:56
A校~科目多較弹性
但組合科學 (化學及生物), 到時就唔好揀, 选大學無咩前境
作者: khmama 時間: 14-11-2 23:30 標題: 引用：+本帖最後由+小時了了+於+14-11-2+08:31+編
原帖由 小時了了 於 14-11-02 發表
本帖最後由 小時了了 於 14-11-2 08:31 編輯
十一月開始好多中學簡介會及開放日，現為小女張羅升中資料 ...
作者: WinnieCatCat 時間: 14-11-2 23:52 標題: 回覆：升中選中學，2 間中學高中課程咁，您會點揀......?
你女兒仍未升中，以上科目均未讀過，很難預料她將來的志趣的，所以選較有彈性的A校較好。而且唯一B校有A校沒有的科目是文學，除非你女兒在這階段已顯示對文學的天份或熱愛，否則選A校選科較全面，文理商均有
作者: 小時了了 時間: 14-11-3 13:19
多謝大家好有用意見啊, 咁我知點做了.
A 及 B校直資都會報, 但B校用作面試實習之用, 目標是 A校
作者: vincher 時間: 14-11-4 08:32
回覆 小時了了 的帖子
好奇問下，喜歡中史的，会否想讀埋世史？我儿上年选科，抱怨学校冇中、世史同時兼收，
只可以二选一，
结果选了文學！……最弊佢中文差，讀文學，讀到气咳！
成日兼葭、涉江……x兮x兮……
作者: kwan_kwan3 時間: 14-11-4 08:45
跟據DSE考試結果去看, 只有十幾%私考生報考3X,其實即係一間BAND 1 中學開一班3X已足夠
作者: 小時了了 時間: 14-11-4 09:35
本帖最後由 小時了了 於 17-9-7 08:40 編輯
vincher 發表於 14-11-4 08:32 
回覆 小時了了 的帖子
好奇問下，喜歡中史的，会否想讀埋世史？我儿上年选科，抱怨学校冇中、世史同時兼收 ...
"好奇問下，喜歡中史的，会否想讀埋世史",
根據我廿幾年前自己文科生考會考(當年我讀1)中史, 2)世史, 3)中國文學及4) 經濟 + 必修科中英數3科, 嗰個時代我間中學文科選科一係選世史, 一係選地理, 我選了世史). 以我 N 年前經驗, 自己個人愚見中國文學與中史呢兩科好有關連, 當年中國文學要讀及考埋文學史, 當中我會好明及好清楚點解先秦時代文學, 如孔子, 孟子, 韓非子等, 因為春秋戰國時期好多戰爭, 好多說客去其他國家推銷自己治國理念, 故此有好多好好的文章.
嗰個時代我嘅世史科係由 Congress of Vienna 1814年至到第二次世界大戰結束, 我個人愚見中史 + 世史兩個唔同, 比較起來中國文學與中史呢兩科真係密切好多, 以讀書效率(功利主義)來說中國文學+中史會慳時間啲.
但係, 唔係好多間高中課程有中國文學讀, 唔通呢科好冷門? (當年我自己好鍾意呢科 
)
Vincher, 靜雞雞話您知, B 學校咪就係妳小兒的學校, 去年我有去貴校簡介會及觀課, 感覺非常良好, 但係討論區爬文留意到有前輩提點, 升中選校可以的話考慮埋高中課程, 所以我先至發現係咁樣, 好難諗. 升中選校太多野考慮
作者: little_yolky 時間: 14-11-4 12:08
vincher 發表於 14-11-4 08:32 
回覆 小時了了 的帖子
好奇問下，喜歡中史的，会否想讀埋世史？我儿上年选科，抱怨学校冇中、世史同時兼收 ...
作者: vincher 時間: 14-11-4 16:40
回覆 little_yolky 的帖子
我果个对其他科冇兴趣，就只喜歡2科史！
所以都有D後悔5选間可以修双史的学校俾佢！
虽然我也知道文史有密切关連，
但小儿中文就是不行，
叫佢修文學，很吃力呢！
作者: 小時了了 時間: 14-11-4 16:57
vincher 發表於 14-11-4 16:40
回覆 little_yolky 的帖子
我果个对其他科冇兴趣，就只喜歡2科史！
唔緊要啦, 您兒子那間必選3科, 大學要求 2科, 文學當放棄咁讀可唔可以呢?
作者: little_yolky 時間: 14-11-4 17:02
小時了了 發表於 14-11-4 16:57
唔緊要啦, 您兒子那間必選3科, 大學要求 2科, 文學當放棄咁讀可唔可以呢?
作者: little_yolky 時間: 14-11-4 17:17
vincher 發表於 14-11-4 16:40
回覆 little_yolky 的帖子
我果个对其他科冇兴趣，就只喜歡2科史！
作者: 小時了了 時間: 14-11-4 17:20
vincher 發表於 14-11-4 16:40
回覆 little_yolky 的帖子
我果个对其他科冇兴趣，就只喜歡2科史！
好奇亦關心一問, 您會唔會出年轉校, 找有商科或者有兩史中學重讀中四呢?
作者: vincher 時間: 14-11-4 17:25
回覆 小時了了 的帖子
5會！因小儿好鈡意间学校！我只能为他鋪定後路……出国不過，叫他讀好D！香港有得讀，留港……
作者: vincher 時間: 14-11-4 17:26
回覆 little_yolky 的帖子
好想历史系！但中大，冇佢份！资质差……又懒！
作者: Miss_Parker 時間: 14-11-4 19:28
話說我小學好鍾意中史, 有睇簡易史記, 但上到中三最憎就係中史
擇一間flexible D因為小朋友年年都5同
作者: 瑩瑩老豆 時間: 14-11-5 08:39 標題: 引用：+本帖最後由+小時了了+於+14-11-2+08:31+編
原帖由 小時了了 於 14-11-02 發表
本帖最後由 小時了了 於 14-11-2 08:31 編輯
十一月開始好多中學簡介會及開放日，現為小女張羅升中資料 ...
作者: 小時了了 時間: 14-11-5 10:00
本帖最後由 小時了了 於 14-11-5 10:01 編輯
瑩瑩老豆 發表於 14-11-5 08:39
b校冇得揀科？
B 校選班咪就係選科了.
另外, 我都想了解中三升中四選科, 官校及津校通常係用名次先後而選呢? 如果名次後(坦白啲講即是成績差), 係咪只可以選其他同學選剩的學科呢? 本來自己有興趣或某些科目好的都選唔到自己心儀學科呢? 咁咪影響高中成績? 亦影響埋DSE 成績? 入大學機會細咗?
咁請教大家, 升中選校, 係咪選一啲中學高中時選科以湊夠指定數量同學報讀就開該學科好呢?
作者: TwinWong 時間: 14-11-5 12:00
小時了了 發表於 14-11-5 10:00
B 校選班咪就係選科了.
另外, 我都想了解中三升中四選科, 官校及津校通常係用名次先後而選呢? 如果名次後 ...
2/ 如多人揀同一科唔夠位, 就跌落CHOICE 2的科目, 選科要小心
3/ 到成績唔合格同學, 無位比佢地, 就邊科有位就比邊科佢地
高中選唔到心儀科目, 係 極之影響DSE成績, 除非小朋友肯發奮, 否則 入U机會較微
作者: ILoveCinderella 時間: 14-11-5 12:14 標題: 回覆：升中選中學，2 間中學高中課程咁，您會點揀......
Thanks for sharing！
作者: TwinWong 時間: 14-11-5 12:23
本帖最後由 TwinWong 於 14-11-5 12:24 編輯
TwinWong 發表於 14-11-5 12:00
是的, 1/ 當年學校要求全部科目合格, 再按名次分先後比選科同學
2/ 如多人揀同一科唔夠位, 就跌落CHOICE 2 ...
試过有學生因為唔合格要讀中史, 地理, ENG LIT, 唔鐘意LEE ~3 科, 真係讀到
作者: 小時了了 時間: 14-11-5 12:35
TwinWong 發表於 14-11-5 12:00
是的, 1/ 當年學校要求全部科目合格, 再按名次分先後比選科同學
2/ 如多人揀同一科唔夠位, 就跌落CHOICE 2 ...
好有用分享及資料啊.
我咁諗唔知正唔正確:
假設 1: 小女屬 Band 1 b/c, 如果選中學太盡, 真係中咗去 Band 1 a, 但她資質平庸, 假如中學級名次於中或下游 (可能唔係小女差, 只不過因為太多叻同學了) , 中三升中四選科剩蔗, 選唔到心儀科目, 後果是否會不敢想像?
假設 2: 小女屬 Band 1 b/c, 如果選中學選返 Band 1 b/c, 假如她將來有幸繼續 keep 住成績(都唔望佢有好大進步, 因中學課程深), 假如中學級名次於中或中上游, 中三升中四選科, 選到心儀科目大, 文憑試考得好機會大, 入U機會又大!
作者: 小時了了 時間: 14-11-5 12:37
TwinWong 發表於 14-11-5 12:23
試过有學生因為唔合格要讀中史, 地理, ENG LIT, 唔鐘意LEE ~3 科, 真係讀到 ...
唔合格, 試問點讀 ENG LIT 呀!!!!
作者: TwinWong 時間: 14-11-5 13:19
小時了了 發表於 14-11-5 12:37
唔合格, 試問點讀 ENG LIT 呀!!!!
作者: TwinWong 時間: 14-11-5 13:28
小時了了 發表於 14-11-5 12:35
好有用分享及資料啊.
我咁諗唔知正唔正確:
所以成绩較平庸 再考虑下点揀
作者: 小時了了 時間: 14-11-7 09:56
本帖最後由 小時了了 於 15-10-26 21:32 編輯
以下 links 對選科資料好好, 好有用, 同大家分享
香島的DSE大學聯招(2013)學系收生科目比重總表的連結列在下面
http://www.heungto.edu.hk/careerguidance/2013jupasintakesummary.pdf
高中選科策略 1
http://www.edu-kingdom.com/home.php?mod=space&uid=107125&do=blog&id=11872
高中選科策略 2
http://www.edu-kingdom.com/home.php?mod=space&uid=107125&do=blog&id=11878
高中選科策略 3
http://www.edu-kingdom.com/home.php?mod=space&uid=107125&do=blog&id=12120
作者: 小時了了 時間: 14-11-23 08:24
本帖最後由 小時了了 於 17-9-11 22:13 編輯
(只是我自己愚見, 不喜勿插! 我真的好大感受及開始慢慢調節自己不再追求高攀囡囡程度的中學了）
越來越覺得升中選校時，有兩點好重要因素一定要考慮：1）適合及吻合囡囡學業成績的學校 (; 2）高中選修科科目提供及科目組合，如果中三才發現囡囡的學習力有不逮而成績不理想而影響中四選科優先次序，又或高中選修科科目提供及組合不合心意才考慮轉校，後果。。。。。唉！
高中教育 --- 中三升中四，想轉校！
http://www.edu-kingdom.com/forum.php?mod=viewthread&tid=2871575&extra=page%3D1
hiedali: 阿女當年亦因學校唔俾她讀喜歡的科目而轉校, 今年DSE出來的成績是靠這科食糊的.
like_travel: 那請兒子今年比心機奪取好成績，拿取插班筆試入場券!筆試要考4小時...
http://www.edu-kingdom.com/forum.php?mod=viewthread&tid=2939477&extra=page%3D1&page=3
洋蔥頭媽咪: "校風同自信當然兩様都好重要，校風唔好多曳分子小朋友好易學壞，入左唔係能力以內中學，太高班自己跟唔上失晒自信影響亦可以好深遠，BK 都有唔少人分享過入左 b1 中學但跟唔上攪到留班，失自信，甚至要轉校，所以揀學校真係要量力。所以呢刻你問小朋友入勁校排中至尾佢答你唔介意，但到時可能會係兩回事。
小小個人經驗分享吓，我揀中學會睇長遠小小，而家一般要讀六年，而S3選科果年亦係最重要一年，揀選唔倒想讀科目足以影響孩子將來，好多家長響初中揀選中學時並未留意，但經驗告訴我選科係非常非常重要。所以揀一間達孩子能力，校風好，孩子讀得開心有自信嘅學校，就算係b2，亦唔代表就入唔倒大學，相反揀間勁校排中至尾，到S3想選科目又唔夠人爭，到時先係最慘。"
https://www.edu-kingdom.com/forum.php?mod=viewthread&tid=3422379&extra=page%3D1&page=7
Charissema: 今年很少人揀chem, 所以他讀到chem, 無轉校，但入不到比最喜歡的Bio, 呀女非常失望，寫了數封信給學校可否加一个位，學校一啲回覆都沒有，我只是要求加一個位，學校不需要加任何資源, 學校一点回覆也沒有，我覺得受不到專重！這是一間非常沒有人情味的學校，3、不，不是以學生為本
Charissema: chem, econ, ICT
ICT 第一堂阿sir便同他們講ict學生都是被迫讀或者被派讀，所以去年有好多人drop咗呢科， 又話有好多人留班， 完全discourage 啲學生， 因為少人考， 所以全部攞4及以上喎， 邊有咁嘅老師㗎
作者: 洋蔥頭媽咪 時間: 14-11-23 12:10 標題: 引用：+本帖最後由+小時了了+於+14-11-23+08:34+
原帖由 小時了了 於 14-11-23 發表
本帖最後由 小時了了 於 14-11-23 08:34 編輯
(只是我自己愚見, 不喜勿插! 我真的好大感受及開始慢慢調 ...
幸好天無絕人之路，小兒响冇乜選擇之中終於揾倒方向，須然將來會變成點冇人知，但最小已找到目標，作為父母唯有盡力幫助佢。
大家都要加油。 Good Luck ！
作者: IloveJJ 時間: 14-11-23 13:56 標題: 引用：Quote:原帖由+小時了了+於+14-11-23+發表本
提示: 作者被禁止或刪除 內容自動屏蔽
作者: 洋蔥頭媽咪 時間: 14-11-25 00:12 標題: 引用：Quote:原帖由+洋蔥頭媽咪+於+14-11-23+發表
原帖由 IloveJJ 於 14-11-23 發表
請問你仔學校既選科係點？可分享下要注意什麼嗎？
通常升中選校好多家長都會認為小朋友未接觸過中學科目，都唔知係乜，鍾意邊科，所以選科對大家小朋友黎講尚遠，未駛理住，但其實都唔—定，因為去到高小，小朋友特質，喜好性格已慢慢浮現，以我囝為例，佢數理感極強，但對要背頌嘅野就弱好多，亦討厭死記野，響以前好容易識別出呢類人適合讀理科，讀文科通常死得，但因現今已冇再分文，理，商科，現今通常百搭科，所以選校時就要選理科位較多學校先著數，相反小朋友怕數理，喜歡背頌，就應選歷史，文學類機會多或大路ｄ嘅學校。中學通常都會話有開xxx科目，好似様様都有，但要留意部份其實係好多限制。
作者: IloveJJ 時間: 14-11-25 11:26 標題: 引用：Quote:原帖由+IloveJJ+於+14-11-23+發表請
提示: 作者被禁止或刪除 內容自動屏蔽
作者: 小時了了 時間: 14-11-25 12:02
本帖最後由 小時了了 於 14-11-25 12:13 編輯
洋蔥頭媽咪 發表於 14-11-25 00:12
學校係set死晒嘅套餐，仲要係極小選擇，位亦開得唔多，只因學校分配得唔好，理科科目位少，真係害死人。eg. ...
"通常升中選校好多家長都會認為小朋友未接觸過中學科目，都唔知係乜，鍾意邊科，所以選科對大家小朋友黎講尚遠，未駛理住，但其實都唔—定，因為去到高小，小朋友特質，喜好性格已慢慢浮現........"
好認同"洋蔥頭媽咪"分享的見解.
舉例: 剛過去的星期六及星期日第一次帶小四的女兒參觀顏寶鈴及培基開放日. 我印象好深刻係小女參觀培基時(因為有之前一日參觀顏寶鈴經驗), 攞住張班房展覽圖, 第一句就話要去中國歷史班房參觀同埋玩遊戲, 佢玩中國歷史遊戲仲玩到上龍虎榜第九位, 佢超開心. 暫時來說, 以我觀察小女文科底子(中國文學及中史) 真係唔差, (我自己愚見自我幻想及認為小四嘅佢係幾好呢)
另一方面, 佢去參觀兩間學校的實驗室, 小女都好投入及好積極聽及玩, 事後問佢, 佢都覺得科學實驗好好玩, 佢依家對科學唔抗拒, 但佢依家未接觸過科學的英文專有名詞幾咁難背, 希望佢能夠用保持"科學好好玩"的心態去應付日後中學的科學科目.
經過剛過去的星期六及星期日帶同小四的小女去參觀中學開放日及玩不同科目的遊戲經驗, 我個人覺得小四及小五應該帶小孩去中學開放日參觀, 個人愚見小六有少少遲了, 有以下兩點我個人愚見:
1) 可以預先俾佢開眼界中學課程係點, 如果係打算考及讀 band 1 英中 (因為小女依家係中文小學), 課本係英文, 教學語言亦係英文, 俾小女知道及明白媽咪依家嘅苦心, 點解依家成日要佢睇多啲英文書, 聽及睇英文台的戲, 而我亦打蛇隨棍上話由依家開始, 慢慢每日俾少少啲小學課程的英文科學書俾佢睇, 等佢用兩三年時間學習及適應科學的專有名詞, 希望佢依家開始好好配合阿媽我嘅溫習大計, 若果唔係佢升中學就不敢想像了.
2) 可以俾佢有明確目標知道如果佢想讀XXX 中學, 要學業成績考到全級第XX名才可以考到及入到, 仲有兩三年俾佢自己追趕成績去達到自己嘅 dream school. 人嘅心理就係咁, 當自己好想去得到/達到某啲目標, 自己努力, 好過阿媽我日哦夜哦, 我緊張及勞氣過佢, 所以呢兩日我都不時同小女講, 妳想讀 XXX 中學, 您自己努力去爭取了. 如果小六才去參觀, 呈分試成績已差不多完, 大局已定了,
作者: 洋蔥頭媽咪 時間: 14-11-25 13:17 標題: 引用：Quote:原帖由+洋蔥頭媽咪+於+14-11-25+發表
原帖由 IloveJJ 於 14-11-25 發表
多謝你既詳細解釋!我個仔都係小二，我就係被而家啲選科，睇到頭都大埋其實會唔會男仔揀男校，就 ...
仲要佢呢兩科成績都唔錯，陰公 
所以我用左失敗嘅經驗同大家分享吓，太長氣，希望唔好介意。
作者: 結結巴巴 時間: 14-11-25 14:22 標題: 回覆：升中選中學，2 間中學高中課程咁，您會點揀......
套餐固然限制了學生的選擇，但散餐很考驗學校的能力。新高中的選修課程眾多，如果學校能為十幾甚至幾個人開一門課，說明學校的資源甚好；如果做不到，那麽散餐也只是有名無實。另外，不是所有學生都有能力修讀三科選修；有能力的，很少會全選文科，很多時會建議至少修讀一科理科。在有些學校，只有成績好的才可選理科。
作者: Jackieson 時間: 15-2-24 02:00
本帖最後由 Jackieson 於 15-2-24 10:02 編輯
回覆 小時了了 的帖子
真係好欣賞你為小朋友在小四時已為升中一事咁努力爬文，亦好佩服你已經睇透這個遊戲~~升中選校可以的話考慮埋高中課程、揀間適合的中學、應否追求高攀....
作者: kin818kin 時間: 15-7-29 12:26
小時了了 發表於 14-11-2 08:07
十一月開始好多中學簡介會及開放日，現為小女張羅升中資料，有2間我心儀中學。爬文時有前輩過來人提點升中 ...
我小兒今年小六，正採集各方資料包括直資，請你給予意見﹗
謝謝﹗
作者: 小時了了 時間: 15-10-26 14:52
又到去中學簡介會及開放日旺季了.
作者: 洋蔥頭媽咪 時間: 15-10-26 19:03 標題: 引用：又到去中學簡介會及開放日旺季了.
原帖由 小時了了 於 15-10-26 發表
又到去中學簡介會及開放日旺季了.
黎緊我都會同細仔睇多兩間，而家我更會考慮是否普教中，dse 中文已難，用普教更容易因詞彙及思維而影響成績，小兒亦唔想普教中(佢小學係普教)，我亦對中學普教中有保留。
作者: ANChan59 時間: 15-10-26 19:47
小時了了 發表於 14-11-7 09:56
以下 2 條 links 對選科資料好好, 好有用, 同大家分享
香島的DSE大學聯招(2013)學系收生科目比重總表的連 ...
One more.
作者: 小時了了 時間: 15-10-26 21:31
洋蔥頭媽咪 發表於 15-10-26 19:03
你今年帶小朋友參觀下，孩子有目標自然會更比心機。
黎緊我都會同細仔睇多兩間，而家我更會考慮是否普教中，dse 中文已難，用普教更容易因詞彙及思維而影響成績，小兒亦唔想普教中(佢小學係普教)，我亦對中學普教中有保留。
吓！"對中學普教中有保留"，可唔可以分享多少少您嘅睇法呢？因我女依家唔係普教中(即係廣東話教中文)，但我心儀幾間直資初中時有兩／三班係普教中，如果要入普教中嘅班，中一入學時要考普通話先至決家俾唔俾你讀普通話班。
作者: 洋蔥頭媽咪 時間: 15-10-27 08:18 標題: 引用：Quote:洋蔥頭媽咪+發表於+15-10-26+19:03+
本帖最後由 洋蔥頭媽咪 於 15-10-27 08:35 編輯
原帖由 小時了了 於 15-10-26 發表
吓！"對中學普教中有保留"，可唔可以分享多少少您嘅睇法呢？因我女依家唔係普教中(即係廣東話教中文)，但 ...
個人意見，我唔反對普教中，小兒小學亦係普教，我同意年紀小開始學多種語言係好事，小學適應/影響問題亦冇咁大，觀看小兒中文科成績算不錯，但普通話其實相對仍是弱，升中後中文/通識都須要更深入理解，詞彙及思維要更高層次，再加上要學文言文，普通話始於非母語，所以普教絕對未必能增強孩子中文能力，相反有機會令孩子詞彙缺乏而影響思維同成績。其實不少學者/校長亦分析過此等問題，亦指出現是普教中問題，例如老師水平與教材均未完善，學生詞彙缺乏等等.....
亦有任教普通話嘅老師自己亦反對普教中，其中原因是她認為學習中國語文最重要的是識字識詞，學習行文技巧，理解文章內容主旨，進而感受作者之意，明白作者深意，擇善而從之。要容易閱讀，理解文章，那有捨棄自己慣用語言而用一種外來語言去學習的道理？說以普通話教中文可使學生寫作書面語能力提升。這又是錯誤理解。
引用該老師陳述
[ 標準普通話中有很多與香港人習慣說的詞語在詞素轉換、詞語意義上有很大的分別，如強行普教中，不但令教學者施教困難，更令學生無所適從。如「返工」，粵普具有此詞，粵語是指上班，但普通話中卻是產品出現問題要重新加工的意思；「醒目」，粵語指聰明伶俐，但普通話卻指形象鮮明，教人一眼就看見；「發達」，粵語指發財，普通話只應用在工農商科技國防等領域水平甚高的國家或地方；而當說「要飯」，粵語指的是要添飯，普通話卻是忌諱，指的是乞丐；「班房」，粵語指的是課室，但普通話卻指牢房，其實這裏只列舉了五個較常用的例子，還有很多很多詞同義異的詞語，諸如「禿子」、「過節」、「小氣」、「密實」、「得意」、「人工」、「熱氣」……真是不勝枚舉。]
小兒用了6年時間普教中，亦領會到當中困難，利弊，我認為小學影響冇咁大，但我對中學普教則有保留。我明白亦有家長頗接受普教中。以上只係本人小小分享，不喜勿插。
作者: little_yolky 時間: 15-10-27 09:32
小時了了 發表於 15-10-26 21:31
吓！"對中學普教中有保留"，可唔可以分享多少少您嘅睇法呢？因我女依家唔係普教中(即係廣東話教中文)，但 ...
利申：我家女兒是普教中。
作者: TwinWong 時間: 15-10-27 09:34
本帖最後由 TwinWong 於 15-10-27 09:34 編輯
小時了了 發表於 15-10-26 21:31
吓！"對中學普教中有保留"，可唔可以分享多少少您嘅睇法呢？因我女依家唔係普教中(即係廣東話教中文)，但 ...
中學普通話多数只係學到中三就停,
DSE 說話用廣東話考
作者: 王家爸爸 時間: 15-10-27 09:49
little_yolky 發表於 15-10-27 09:32
普教中完全是用外語口語學習母語！所謂的我手寫我口完全是可以透過閱讀來培養出來。香港跟廣州不一樣, 他們 ...
作者: little_yolky 時間: 15-10-27 09:51
王家爸爸 發表於 15-10-27 09:49
我小朋友都係普教中，目的只係學多種語言。
作者: 王家爸爸 時間: 15-10-27 09:56
TwinWong 發表於 15-10-27 09:34
中學普通話多数只係學到中三就停,
DSE 說話用廣東話考
作者: 洋蔥頭媽咪 時間: 15-10-27 12:28 標題: 引用：Quote:little_yolky+發表於+15-10-27+09:32
原帖由 王家爸爸 於 15-10-27 發表
我小朋友都係普教中，目的只係學多種語言。
作者: IloveJJ 時間: 15-10-29 09:54 標題: 引用：Quote:原帖由+IloveJJ+於+14-11-23+發表請
提示: 作者被禁止或刪除 內容自動屏蔽
作者: 小時了了 時間: 15-10-29 12:41
IloveJJ 發表於 15-10-29 09:54
「因為去到高小，小朋友特質，喜好性格已慢慢浮現，以我囝為例，佢數理感極強，但對要背頌嘅野就弱好多，亦 ...
我自己就 shortlist 心儀個幾間, 係呢度 "中學交流" http://www.edu-kingdom.com/forum.php?mod=forumdisplay&fid=715 入個間中學度問, 逐間問呀. 有啲網友好有心好好, 影及scan 埋學校選科資料, e-mail 俾我, 又同我詳細 e-mail 及 pm 傾架.
作者: 洋蔥頭媽咪 時間: 15-10-29 13:20 標題: 引用：Quote:原帖由+洋蔥頭媽咪+於+14-11-25+發表
原帖由 IloveJJ 於 15-10-29 發表
「因為去到高小，小朋友特質，喜好性格已慢慢浮現，以我囝為例，佢數理感極強，但對要背頌嘅野就弱好多，亦 ...
作者: Yanamami 時間: 15-10-29 14:13
IloveJJ 發表於 15-10-29 09:54
「因為去到高小，小朋友特質，喜好性格已慢慢浮現，以我囝為例，佢數理感極強，但對要背頌嘅野就弱好多，亦 ...
作者: IloveJJ 時間: 15-10-29 14:43 標題: 引用：Quote:IloveJJ+發表於+15-10-29+09:54+「因
提示: 作者被禁止或刪除 內容自動屏蔽
作者: IloveJJ 時間: 15-10-29 14:44 標題: 回覆：小時了了 的帖子
提示: 作者被禁止或刪除 內容自動屏蔽
作者: 小時了了 時間: 15-10-29 15:29
Yanamami 發表於 15-10-29 14:13
中西史地理通常無乜人爭，放心！实揀到~但phy chem econ m1m2就爭死了！bafs就半熱~中国文学 eng lit music ...
係架, 仲有 "視藝" 呢科, 我心儀某兩間有呢科開, 其中一間校長簡介會講, 佢嘅"視藝" 科往績幾好, 又好多人選, 講到明因為人多報讀, 未必個個有得讀. (不過, 呢科唔關我女事)
反而, 如果我女真係有興趣嘅PE, 仲少學校會開呢科. 除非阿女真係要考津校體藝
作者: little_yolky 時間: 15-10-29 16:30
IloveJJ 發表於 15-10-29 09:54
「因為去到高小，小朋友特質，喜好性格已慢慢浮現，以我囝為例，佢數理感極強，但對要背頌嘅野就弱好多，亦 ...
作者: IloveJJ 時間: 15-10-29 22:08 標題: 引用：Quote:IloveJJ+發表於+15-10-29+09:54+「因
提示: 作者被禁止或刪除 內容自動屏蔽
作者: 洋蔥頭媽咪 時間: 15-10-29 22:13 標題: 引用：Quote:IloveJJ+發表於+15-10-29+09:54+「因
原帖由 Yanamami 於 15-10-29 發表
中西史地理通常無乜人爭，放心！实揀到~但phy chem econ m1m2就爭死了！bafs就半熱~中国文学 eng lit music ...
作者: little_yolky 時間: 15-10-30 08:51
IloveJJ 發表於 15-10-29 22:08
係呀！真係好似。我仔都鐘意歷史，成日睇歷史書。你女咁快講中學想讀歷史啦？之前有個帖，有個家長個仔，係 ...
作者: IloveJJ 時間: 15-10-30 10:16 標題: 引用：Quote:IloveJJ+發表於+15-10-29+22:08+係呀
提示: 作者被禁止或刪除 內容自動屏蔽
作者: 小時了了 時間: 15-10-30 10:20
本帖最後由 小時了了 於 15-10-30 10:42 編輯
洋蔥頭媽咪 發表於 15-10-29 22:13
係，理科入大學比較大路，所以好多學校理科都要爭餐死，文科就少競爭好多，不過就算學校有開，冇好嘅老師去教都係冇用，所以有時都要睇彩數，我諗直資學校應該好少少，會有較多資源去滿足學生須要。
都係架.
舉例, 之前我曾有一絲念頭考慮中華基金呢間架, 因為校風及成績口碑幾好咁, 本來舊年都打算去佢簡介會了解多啲. 後來係網 search 下資料, 發覺呢間好似投放好多資源係理科學術方面, 又參加啲科技公開比賽又攞獎咁, 我自己個人感覺好似阿女文科強, 呢間學校好似唔係好吻合阿女, 最後我無去簡介會, 我諗我都未必同阿女考呢間.
反而, 我教友嘅仔, 他理科強, 教友上一兩個月去聽咗間學校簡介會, 佢嘅仔今年亦會報考呢間.
所以, EK 好多過來人家長成日語重心長話 -------- "沒有最好, 只有最適合"的學校, 我自己都信呢個理念, 希望儘量為阿女選最適合佢嘅中學
作者: sammag 時間: 15-10-30 16:14 標題: 引用：Quote:原帖由+little_yolky+於+15-10-29+發
原帖由 IloveJJ 於 15-10-29 發表
係呀！真係好似。我仔都鐘意歷史，成日睇歷史書。你女咁快講中學想讀歷史啦？之前有個帖，有個家長個仔，係 ...
作者: IloveJJ 時間: 15-10-30 16:47 標題: 引用：Quote:原帖由+IloveJJ+於+15-10-29+發表係
提示: 作者被禁止或刪除 內容自動屏蔽
作者: sammag 時間: 15-10-30 19:47 標題: 引用：Quote:原帖由+sammag+於+15-10-30+發表我個
原帖由 IloveJJ 於 15-10-30 發表
考古學家好差架?我又唔知喎!我仲問佢想唔想做添?
作者: sammag 時間: 15-10-30 19:50 標題: 回覆：升中選中學，2 間中學高中課程咁，您會點揀......?
其實依家唔係好似我地以前咁分文理商科，我聽人講，除左揀理科出路好之外，要揀一些有把握既科，例如鍾意中史，就揀，可以爭取高分。
作者: 洋蔥頭媽咪 時間: 15-10-30 20:12
回覆 小時了了 的帖子
https://m2.facebook.com/notes/%E6%B8%AF%E8%AA%9E%E5%AD%B8/%E6%98%9F%E5%B3%B6%E6%97%A5%E5%A0%B1%E6%99%AE%E6%95%99%E4%B8%AD%E6%8E%A8%E8%A1%8C%E9%81%87%E9%9A%AA%E9%98%BB-%E5%B8%AB%E8%B3%87%E8%AA%9E%E5%A2%83%E6%AC%A0%E5%A5%89-%E5%AD%B8%E7%94%9F%E8%A9%9E%E7%AA%AE%E8%AA%9E%E5%A1%9E/657531724303556/
揾番呢編報導，唔知大家有冇睇過
作者: 洋蔥頭媽咪 時間: 15-10-30 20:46 標題: 引用：其實依家唔係好似我地以前咁分文理商科，我
原帖由 sammag 於 15-10-30 發表
其實依家唔係好似我地以前咁分文理商科，我聽人講，除左揀理科出路好之外，要揀一些有把握既科，例如鍾意中 ...
作者: 瑩瑩老豆 時間: 15-10-30 21:13
小時了了 發表於 14-11-2 08:07
十一月開始好多中學簡介會及開放日，現為小女張羅升中資料，有2間我心儀中學。爬文時有前輩過來人提點升中 ...
作者: 小時了了 時間: 16-8-4 23:23
本帖最後由 小時了了 於 16-8-4 23:33 編輯
我都唔知點做人阿媽，做升中資料搜集及分析原來做錯晒！
原來B校唔係我兩年前我所講嘅只有兩個文科組合，我真係大錯特錯了。
B校高中課程選修科
A班 & B班
x1a: 中國文學; 地理
x2a: 歷史; 中國歷史
x3 企業會計與財務概論; 經濟; 旅遊與款待
C班 & D班 & E班
x1b: 經濟; 物理; 生物
x2b: 企業會計與財務概論; 資訊及通訊科技; 化學
x3 組合科學(物理及化學); 生物; 資訊及通訊科技
(1) 學生須於 X1a, X2a, X3 或 X1b, X2b, X3 三組科目中，各選一科，合共三科
例：中國文學 + 中國歷史 + 生物 // 物理 + 企業會計與財務概論 + 旅遊與款待
(2) 同一組別的科目會同一時段上課
(3) 但 X1a 與 X1b (同樣 X2a 和 X2b) 被視為兩個不同組別，不會同一時段上課
(4) 任何班別的學生均可選讀 X3 的科目
即時我女如果文科可以選：
i) 中國文學 + 中國歷史 + 經濟
ii) 中國文學 + 歷史 + 經濟
iii) 地理 + 歷史 + 經濟
iv) 地理 + 中國歷史 + 經濟
etc
咁樣睇，B校原來高中選科都好多組合，原來都唔差！咁呢間我都可以重新再考慮下。
作者: anthony8899 時間: 16-8-4 23:43
回覆 小時了了 的帖子
選科是在中四, 都有一段時間, 學校會不會都有變化呢?
小朋友的專長都會不會有變化呢?
作者: 小時了了 時間: 16-10-23 08:02
本帖最後由 小時了了 於 16-10-23 08:02 編輯
今年終於輪到阿女報學校了，其中兩間直資有普通話及廣東話教中文，我同阿女都決定咗自選廣東話教中文。
作者: shypama 時間: 16-10-23 11:15
小時了了 發表於 16-10-23 08:02
今年終於輪到阿女報學校了，其中兩間直資有普通話及廣東話教中文，我同阿女都決定咗自選廣東話教中文。:wah ...
| 歡迎光臨 教育王國 (/) |
Powered by Discuz! X1.5 |