教育王國
標題: 想幫亞仔排政府test是否資優，請問會做什麼test架？點計分？ [打印本頁]
作者: BunnyBunny 時間: 14-11-1 01:29 標題: 想幫亞仔排政府test是否資優，請問會做什麼test架？點計分？
因近期越來越發現亞仔有異樣，
他剛讀K1,
是班中的麻煩學生，
因他成日上堂坐唔定，
要輔助老師成日伴隨左右，
聽其他老師講我亞仔上體能堂不能專心參加集體活動中，
引致班主任叫佢坐埋一邊自己玩，
上堂又行來行去，
唔集中上堂，
只是在他喜歡的講故事時間和播video時間先坐定定，
但係佢返到屋企同他做功課好多時一問他就識答，
平時情緒好大，
不能做自己要求的就有脾氣，
好怕失敗！
但他玩玩具的方式幾有創意，
有時估佢唔到會唸得噤特別。
有朋友話佢可能是資優生，
因覺得我個他學野比同年齡快，
所以我想幫亞仔在健康院轉介去test下他是否資優生。
想請問大家有無人知排政府做test會做D乜架？
點計分架？
我想知道，謝謝！
作者: bibitom 時間: 14-11-1 02:07 標題: 引用：因近期越來越發現亞仔有異樣，
他剛讀K1,
原帖由 BunnyBunny 於 14-11-01 發表
因近期越來越發現亞仔有異樣，
他剛讀K1,
是班中的麻煩學生，
我囝囝小二下學期被學校要求做了評估，因為真係有一部分老師覺得佢係過度活躍症，一部份老師和校長副校覺得係資優先搞左次評估。
佢上堂唔聽課，自己玩，脾气大，經常带漏野，口多手多，都係 過度活躍症和資優的特質，而佢成績好，學野快，記性好，唔補習唔温書都次次考第一，創作力强想象空間大等等，但評估完，我唔覺得學校有乜另外安排，我自已都同學校講左唔會有特别不同支持，他的成長教育計劃只會在高中先谂，小學我想佢快樂就得，所以你要想清楚
作者: BunnyBunny 時間: 14-11-1 06:53 標題: 回覆：bibitom 的帖子
似乎你個仔同我個仔都幾似啊！
噤你個仔做左評估後幾多分呀？
但你個仔可能已經大D你地可以睇多D野！
照我在網上看到的你仔算是有資優特徵啊！
你排政府做嗎？
Test什麼？
點計分？
排左幾耐啊？
另我見網上有些媽咪帶資優兒去讀一D有資優訓練課程系統的學校，
因聽我仔學校社工講有些學校會申請資源專做資優、有些專做過度活躍、讀寫障礙等等！
作者: Radiomama 時間: 14-11-1 13:33 標題: 回覆：BunnyBunny 的帖子
政府的資源多集中做自閉兒童、弱能兒童等測試，純看資優真的較少。
K1即是3歲左右，如果只為資優與否應等7-8歲才做測試，較準確。
情緒問題就找社工由情緒方面去跟進，學術方面的拔尖可待小學之後才撹。
作者: 浩霆豬豬 時間: 14-11-1 13:42 標題: 回覆：想幫亞仔排政府test是否資優，請問會做什麼test架？點計分？
政府係唔會幫小朋友淨係check資優㗎！通常都係老師覺得小朋友係情緒，行為有問題或學習方面有障礙先轉介，淨係想check資優可以打去中大或資優教育學院查詢，不過正式IQ test係六，七歲後做嘅！
作者: 小曳人 時間: 14-11-1 22:20
建議你先認識咩叫資優，以及常見問題
再從有乜幫到手去入手，而唔係咁早去做評估，因為評估唔會幫到你解決佢情緒嘅問題，但一位了解佢，細心關懷嘅媽媽就可以！
加油呀！
我自己就上緊認識遊戲治療嘅課程，希望從中學到點用遊戲幫佢
作者: BunnyBunny 時間: 14-11-1 22:28 標題: 回覆：小曳人 的帖子
多謝你，
其實我有點迷惘，
我有上網看過資優、自閉等兒童特徵，
但因不認識政府點安排而懊惱！
但如我小孩子是資優又點栽培？
他在學校常不尊心上堂、行來行去，但回家後又記得老師講也，平時有很多脾氣而無從入手！
作者: BunnyBunny 時間: 14-11-1 22:30 標題: 回覆：想幫亞仔排政府test是否資優，請問會做什麼test架？點計分？
請問大家：另IQ test可在那裡做？幾多歲做較合適？
作者: Radiomama 時間: 14-11-1 23:08 標題: 回覆：BunnyBunny 的帖子
K1 的小孩不守課堂規矩是諒解的，但品德和情緒培育卻是家長應留意的。
資優測試在香港常見使用「韋氏第四版」，適合7歲或以上。中文大學、香港資優學院、小童群益會、明愛等機構都有這自負盈虧項目/服務，$3000-5000不等。
小兒8歲才在中大做測試，無情緒問題；至今主要參加中大的資優課程，費用是每個course約$3000；另外還有美國一些網上課程，每三個月的學費約$5000。
作者: Radiomama 時間: 14-11-1 23:16 標題: 回覆：BunnyBunny 的帖子
要処理孩子脾氣問題，小則看書，大則上課。我指要學習的是家長。
作者: BunnyBunny 時間: 14-11-1 23:17 標題: 回覆：Radiomama 的帖子
謝謝你留言！
我和丈夫對仔仔德育、行為上都很著重，
自己本身又不是沒規舉的人，
但唔知做乜亞仔對某些東西一悶就走，
他反應快連老師都認同。
其實我亞仔而家在學校學的尤其是英文都已經學過，
所以有朋友同我講她個人覺得亞仔比同歲小孩子學野快，
其實已經可以跳級！
所以叫我可從資優生方向搵。
另外，
原來出去找人test噤貴！
而你小孩子現讀的資優課程跟普通在校內的課程有什麼分別？
你小孩子讀的資優課程算是課外再補習嗎？
作者: BunnyBunny 時間: 14-11-1 23:18 標題: 回覆：Radiomama 的帖子
請問小則看書的意思是否看書時也發脾氣？
作者: BunnyBunny 時間: 14-11-1 23:23 標題: 回覆：小曳人 的帖子
我睇黎都要再次去睇多D資優小朋友特徵後再去先自我評估我小朋友的情況！
作者: Radiomama 時間: 14-11-2 06:25 標題: 回覆：BunnyBunny 的帖子
1）K1-3 應當慢慢教導小孩認識自己然後別人，學習學校生活、禮貌、愛心、快樂地遊戲就可以了。
2）學術上的跳班在小學、中學出現也許較合理，甚至不跳班只選擇合適程度的學校也大有人在。
3）中大的資優課程是為小三至中學生而設，多在聖誕、復活節及暑假開課，有的安排在星期六；屬增潤課程，與學校課程無關，有科學、數學、思考、創作、電腦等科目，以擴濶眼界為主。
4）美國的網上課程按學科和美國課程而辧，可由小一讀到中學畢業。
5）小則看書，是指家長時間不多的話，就買書學習如何培育小孩、有時間呢，就可去上課。不少社服機構有做家長課程，多上一點，對孩子有幫助。樓上JM提到透過遊戲幫小孩，我覚得是個好建議。
作者: 廷廷媽 時間: 14-11-5 09:57
政府唔會幫你做資優評估, 如果有其他問題, 過度活躍, 自閉.....果D政府先會幫你做智力評估, 我仔而家9歲, 排緊去資優教育學院做測試, 費用要$4200. 如果你個仔得K1, 咁細去做都未必準, 大D可能再要去做, 不如等小學有6歲先再考慮啦....
作者: I_O_U_baby 時間: 14-11-6 10:45
我囝在學校同你囝情況有D似,
老師話佢似資優,叫我帶佢去做評估,
咁細做評估其實唔準確,因小朋友腦部仍在發展中,
但學校叫做,我咪照做,始終做左無壞,
而我本身亦有懷疑我囝係咪過度活躍/專注力不足,
評估的臨床心理學家亦會有建議.
結果係我囝IQ 屬中上,但臨床話因佢心急,想玩第二樣,
所以有D圖佢無心機睇,就樣樣話無野,睇唔到,所以報告有可能低估了小朋友能力.
但佢睇到我小朋友坐唔定,多言,衝動,唔留心聽指示,
覺得佢好似ADHD, 寫紙我去排政府跟進.
有部份的資優生兼有ADHD, 亦有好多ADHD 小朋友IQ 比較高,
CHECK 下無壞,最緊要係多認識自己小朋友,
睇下點幫到佢地.
作者: BunnyBunny 時間: 14-11-6 12:35 標題: 回覆：廷廷媽 的帖子
嘩！
私人都好貴！
作者: BunnyBunny 時間: 14-11-6 12:41 標題: 回覆：I_O_U_baby 的帖子
請問你帶囝囝去邊度test啊？
幾錢？
你囝囝幾歲做test?
作者: wan_sosin 時間: 14-11-6 13:48 標題: 回覆：想幫亞仔排政府test是否資優，請問會做什麼test架？點計分？
想問樓主，若然你真的check 到你小朋友係資優，咁你又有乜打算處理佢嘅行為問題？
相反，如果結果佢只係較聰明又未到資優，你又會點做？
依家小朋友很多都IQ高，IQ 12X都幾多下，130以上亦唔少，分數代表住什麼呢？你本身期望小朋友點樣呢？
你小朋友還小，腦部發展又未穩定，現在check 完個結果等於佢將來嗎？
我仔足6歲問過資優教育學苑，佢都叫我7歲先好去！但而家我嘅諗法偏向唔去check多D,佢其實係ADHD踩界，返學係有D唔投入，有D曳，但行為不致太差，老師尚處理到佢，但佢成積理想！所以我都問自己，咁check 黎做乜？除非佢之後出現大問題啦！
作者: I_O_U_baby 時間: 14-11-6 14:33
回覆 BunnyBunny 的帖子
我在小童XX會做, $3,800, 但我唔太鍾意個臨床心理學家,
就算話我囝似ADHD, 都無比乜建議我 點幫佢,
剩係話乜都無乜用,總之排到黎睇下駛唔駛食藥.
我囝CHECK 時4歲2個月.
好似上述BK MUM 話齋,咁細其實唔太準, 唔一定要做,
不過我囝校長叫我做,有報告可以了解佢多D,
知佢邊方面強弱, 如果佢太坐唔定,唔留心指示,
上小學老師都會轉介去做評估.
問過臨床心理學家朋友, 呢類小朋友家長懂得如何管教先最緊要.
培養佢既學習興趣, 正面既鼓勵同懂得欣賞佢好重要,
下下打駡只會影響佢自信和大家既關係,對佢地無幫助.
還有就是幫佢搵間合適既小學, 太傳統果D要小朋友坐定定的學校,
老師只會不斷投訴, 或IGNORE 小朋友, 因覺得佢曳,阻住大家上堂,
小朋友長期被人投訴,自己都無癮,無心上學.
我黎緊都會搵小學,主要搵D活動教學, 有支援過動症的學校,
只要搵到可包容佢地既老師 (當然唔係指佢可以唔守規)
可啟發佢地, 佢地自然可以發揮所長.
作者: I_O_U_baby 時間: 14-11-6 14:41
你小朋友仲細, 只係K1, K1既專注力只係好短,10分鐘,
其實真係好難要坐定定上堂,只係宜家幼稚園普遍教得深,
為追課程小朋友就要坐定定學習.
專注力係可以訓練,我囝今年同上年比已經進步左好多,
所以老師一直都話佢唔似ADHD.
作者: miriam 時間: 14-11-8 01:45
BunnyBunny 發表於 14-11-1 23:17 
謝謝你留言！
我和丈夫對仔仔德育、行為上都很著重，
好多野好早就學左, 上堂實悶架, 悶起上黎咪四圍行做下巡場囉, 既然一早學左老師問到實答到架, 就算父母朋友問都識答, 咁咪係其他人眼中覺得超學年或資優囉.
作者: I_O_U_baby 時間: 14-11-10 15:33
miriam 發表於 14-11-8 01:45
"在家合作, 在外反叛" 都係父母教導問題有關, 係屋企有壓力時無得減壓, 咪返到學校黎大解放囉.
好多野好早 ...
而且父母明白佢地多D,會知點先治到佢地, 可能佢地未曳已經STOP 左佢地,
而且在家單對單,比較容易控制行為, 在學校老師一個睇咁多個,
佢地睇唔晒小朋友就搵到機會走棧。
我自己就好少教佢學術野,費事佢上課更唔專心,
但好多時老師問返小朋友識既, 唔一定係學術野,
好似我囝學校每日都有同學分享新聞,
我囝最憎係呢個環節,佢就最唔留心, 自己搵野玩, 你睇佢無聽,
但完左老師放學問佢佢又識講邊個分享同新聞既內容,
呢D 一定唔可以係屋企預先教識啦.
| 歡迎光臨 教育王國 (/) |
Powered by Discuz! X1.5 |