教育王國

標題: 我投降了 [打印本頁]

作者: rosenok 時間: 14-10-27 23:44 標題: 我投降了

高小，點先可以提升數學的興趣，成日掛住睇書，一做數就避，做到發皮氣

作者: bibitom 時間: 14-10-28 01:08 標題: 引用：高小，點先可以提升數學的興趣，成日掛住睇

原帖由 rosenok 於 14-10-27 發表
高小，點先可以提升數學的興趣，成日掛住睇書，一做數就避，做到發皮氣

要有興趣，首先要佢掌握到，有成功感才有信心，學校課程跟到進度之餘，讓他自己找些自己有興趣的数學题材的玩樂書本和games,例如数獨。。。

作者: YolandaTam 時間: 14-10-28 09:52 標題: 回覆：我投降了

會唔會係覺得太淺，唔想重複操練？我囡就係咁，只鍾意計多邊形面積同分數

作者: little_yolky 時間: 14-10-28 12:55

bibitom 發表於 14-10-28 01:08
要有興趣，首先要佢掌握到，有成功感才有信心，學校課程跟到進度之餘，讓他自己找些自己有興趣的数學题材的 ...

數獨好好玩, 我大肚生BB時, 帶埋NDS去玩。但唔知點解, 興趣原來無遺傳, 我囡囡見到數就覺得係數「毒」, 見到就驚。

作者: bibitom 時間: 14-10-28 13:19 標題: 引用：Quote:bibitom+發表於+14-10-28+01:08+要有

原帖由 little_yolky 於 14-10-28 發表
數獨好好玩, 我大肚生BB時, 帶埋NDS去玩。但唔知點解, 興趣原來無遺傳, 我囡囡見到數就覺得係數「毒」, 見 ...

数係唔使急住打底，佢現在小三我完全冇理過佢数學，連補充都冇做過，考試有時滿分有時成頁冇做，都由得佢。
我自已以前小學都係数學隊，中學都係讀 A.maths ，我完全唔認同細個操数係有用，理解係最重要，小學係要快手就高分，但上到高中就完全唔同。中英靠累積，数學靠概念

作者: rosenok 時間: 14-10-29 13:45

本帖最後由 rosenok 於 14-10-29 13:50 編輯

回覆 little_yolky 的帖子

我數都唔錯，佢真的一點也没有遺傳，

昨日8條文字題，全部列式對，答案3條對，其他無計或計錯("中學可用計數機，唔使曬時間計,睇多本書好過

作者: little_yolky 時間: 14-10-29 13:51

rosenok 發表於 14-10-29 13:45
回覆 little_yolky 的帖子

我數都唔錯，佢真的一點也没有遺傳，

無計? 點解會無計?

作者: hadwinboy 時間: 14-10-29 20:15 標題: 引用：+本帖最後由+rosenok+於+14-10-29+13:50+編

原帖由 rosenok 於 14-10-29 發表
本帖最後由 rosenok 於 14-10-29 13:50 編輯

回覆 little_yolky 的帖子

如果一個人初小加減乘除有概念但全部用計數機代計，唔知佢上到中學讀數學會點樣呢。

作者: rosenok 時間: 14-10-29 23:50

回覆 hadwinboy 的帖子

基本計算能力都無埋

作者: happy_lavender 時間: 14-10-31 09:11

我主要以遊戲引發阿仔對數學的興趣，如玩大富翁要佢做埋銀行計錢、玩擲骰仔就擲兩粒要佢加總數、外出用餐後要他計數，中了勁讚……久而久之佢就好鍾意，重主動要求學珠算。其實生活中也經常接觸數學，文字題的內容更是現實情況；你提下佢，讓小朋友留意都有D幫助。重點是答中要讚。

作者: do-re-me 時間: 14-11-8 03:29 標題: 回覆：rosenok 的帖子

最快見效係搵個有心機的私補提升佢興趣,我女好憎數學,而家好左d,唔抗拒

作者: rosenok 時間: 14-11-8 11:09

回覆 do-re-me 的帖子

是的但不易找到

作者: Olympian 時間: 14-11-9 11:20 標題: 引用：回覆+do-re-me+的帖子是的但不易找到

原帖由 rosenok 於 14-11-08 發表
回覆 do-re-me 的帖子

是的但不易找到

我信最好的老師一定係媽媽。我買了本教學範圍的書，知道佢今年要學咩平時教，好似happylavender咁做。盡量冇壓力。我仲會整下d教具讓他容易明白。我仔數感麻麻，我目標自己教快佢半個學期。我諗數感正常的人無須教快。不過我仔仲係k3，比較多時間。佢而家唔知自己數差架，仲以為自己好勁，keep住個動力好緊要。

作者: Queenielam88 時間: 14-11-9 16:57 標題: 引用：Quote:原帖由+little_yolky+於+14-10-28+發

原帖由 bibitom 於 14-10-28 發表
数係唔使急住打底，佢現在小三我完全冇理過佢数學，連補充都冇做過，考試有時滿分有時成頁冇做，都由得佢。 ...

絕對同意，小朋友數學概念清晰加上數感好，在小學階段真係輕鬆好多！以我個小三姪仔而言，佢數學科測考都是不用花時間去溫都可拿到好成績。但我認識有小朋友小二連看時間都仲未搞得掂，她媽媽要花大量時間跟她溫習及上補習班也是不見好轉，我見到佢就慘喇！！其實我信數學好真係天生㗎！

作者: Olympian 時間: 14-11-9 18:31 標題: 回覆：Queenielam88 的帖子

係呀，我都係到中四才有溫習數。一向唔溫就考。仲有，數學一教就識的人，係好難明白人地唔明d咩。即係我以前比人話點解大學生唔識教個仔幼稚園數學。真係要花點時間研究架。

作者: Queenielam88 時間: 14-11-9 18:59 標題: 回覆：Olympian 的帖子

數學好嘅人，唔明呢人唔明啲乜，呢句絕對係重點。相反而言，啲人亦唔會明點解數好嘅人一望條題目就即刻講個答案出黎！！

作者: little_yolky 時間: 14-11-10 12:23

happy_lavender 發表於 14-10-31 09:11
我主要以遊戲引發阿仔對數學的興趣，如玩大富翁要佢做埋銀行計錢、玩擲骰仔就擲兩粒要佢加總數、外出用餐後 ...

但係佢無次啱, 真係入唔到位讚。

上次買件玩具59蚊, 我俾60蚊佢, 問佢有無得找, 佢話有, 我問找幾多, 佢話10蚊。

作者: happy_lavender 時間: 14-11-10 12:30

little_yolky 發表於 14-11-10 12:23
但係佢無次啱, 真係入唔到位讚。

會否要從根本的數數再訓練過？我阿仔兩三歲時，我經常和他玩順序數數。後來我發覺他計數遇難時，會以數數解決。

作者: little_yolky 時間: 14-11-10 12:32

happy_lavender 發表於 14-11-10 12:30
會否要從根本的數數再訓練過？我阿仔兩三歲時，我經常和他玩順序數數。後來我發覺他計數遇難時，會以數數 ...

佢唔識倒轉數。BTW, 我阿囡7歲了。

歡迎光臨教育王國 (/)