教育王國

標題: 寫給準備報讀THINK的父母 [打印本頁]

作者: babykellie 時間: 14-10-24 18:16 標題: 寫給準備報讀THINK的父母

我仔宜家系THINK讀緊PN，開學至今班主任打電話來全部系負面評價，坐唔定，講野慢。我仔好遲先講野，如果遇到好的老師，會看到佢不斷在進步，鼓勵佢。結果該班主任只會講佢講BB話，話要帶佢去語言評估。縱有仔仔見到鍾意的老師喜歡上前拖拖手，佢盡然話滴行為要改善，話唔識表達自己，我唔知2歲小朋友喜歡同人親近滴行為究竟有咩問題，簡直系無言以對。老師話我仔坐唔定就無玩具玩，要坐系一邊望住其他小朋友玩

我地唔系所有野交學校滴父母，放學有幫小朋友溫習學校兒歌同溫書，但係眼見老師毫無愛心，之前去學校參加活動，班主任見到我仔完全零交流，連招呼都唔打，就連隔離班老師都會贊小朋友。真係唔想阻住間學校博出位扮名校，但係有甘滴老師，令我完全失望。根本等唔到出年轉校，宜家搵緊其他學校插班，有位即走。

提醒各位多一句，無論再好語境，再好課程，遇到毫無愛心的老師，簡直系對小朋友最大傷害！！！！

作者: cpc608 時間: 14-10-24 18:24

回覆 babykellie 的帖子

KLT campus?

作者: lawrainbow 時間: 14-10-24 18:31

回覆 babykellie 的帖子

我個仔讀緊,老師無心機教,校長成日黑面,RECEPTION無禮貌,成日SELL我轉讀全日制

作者: lawrainbow 時間: 14-10-24 18:38

回覆 babykellie 的帖子

馬鞍山 THINK
我個仔2歲時,老師話呀仔仲有BB話,叫呀仔去上言語治療
我話:帶呀仔去健康院
老師話:唔好去健康院,因為健康院排期慢,我地學校有一間合作開,做得好好,$500/鐘,要買10個鐘,即係$5000
最後我去左健康院,好怏就有期比我,一個月內就有期比我
健康院話:呀仔係正常,言語無問題

作者: babykellie 時間: 14-10-24 19:52

回覆 lawrainbow 的帖子

聽你講完明白晒, 多謝你指明佢地動機

作者: ddddssss 時間: 14-10-24 19:56 標題: 回覆：lawrainbow 的帖子

咁過份？？？

作者: deco99 時間: 14-10-24 21:27 標題: 回覆：babykellie 的帖子

多謝分享

作者: wendeedee 時間: 14-10-24 21:34 標題: 引用：我仔宜家系THINK讀緊PN，開學至今班主任打

原帖由 babykellie 於 14-10-24 發表
我仔宜家系THINK讀緊PN，開學至今班主任打電話來全部系負面評價，坐唔定，講野慢。我仔好遲先講野，如果遇 ...

Also ma on shan campus?

作者: ella_805 時間: 14-10-24 21:42

太過份啦！睇完好嬲！

作者: mirene.li 時間: 14-10-24 21:47 標題: 回覆：寫給準備報讀THINK的父母

未睇我重好想囡囡讀添
請問係邊間

作者: dingmanhoe123 時間: 14-10-24 21:54 標題: 回覆：mirene.li 的帖子

學校唔係上述那樣，不要信

作者: GAIALAI 時間: 14-10-24 22:53 標題: 回覆：寫給準備報讀THINK的父母

請多分享例子？我本身都幾想阿女入think 架

作者: xxHayleypaxx 時間: 14-10-24 23:08

我囡讀 MF LN, 囡囡好開心，日曰返屋企扮老師教唱歌，主任好好人，識叫晒全部同學名，我囡有時要攬下主任先入門囗，reception yee yee 離遠已認得我，爺嬷接返放學都好滿意，民族服晚會好多人但開心，主任同班主任攬住我囡影相，我囡仔好願意。
下年我想全曰，但只有十個位，我反而怕入唔到。

我的班主任很好我很放心，但不知其他班如何。

供参考，可能我好運入了好的班。

作者: yuetheima 時間: 14-10-25 08:11 標題: 回覆：寫給準備報讀THINK的父母

我囡都讀緊Think LN, 讀得好開心,老師好專業,教學亦好有方法,最重要係好有愛心,我地都係從事教育界的家長,問心我好滿意,只係學費貴了一點。我覺得好慶幸揀到一間咁好的幼稚園比囡囡作為人生學習的第一所學校。

作者: babykellie 時間: 14-10-25 10:10

其實我亦有朋友系同間學校讀書，遇到滴老師好好，話從來都係正面評價，話小朋友坐唔定正常，話不斷有進步，叫家長唔好擔心，我朋友亦十分慶幸遇到好老師。

所以我只能說我小朋友唔好彩，是否關學校事我唔知，但係我講滴野全部系事實，而我不止收到一個家長同我講佢地收到同樣comment。我知道間間學校個個老師都鍾意坐定定讀書小朋友，但係對於岩岩兩歲比較好動男仔，唔卑佢地時間去進步，去改進，直接為小朋友定性，會唔會太缺乏耐性？

作者: natpiglet 時間: 14-10-25 23:23

我小朋友都係美孚讀緊LN, 小朋友讀得好開心，主任及校長記得我個女的名字，有一次小朋友係學校瀨Boo Boo, 接放學回到家中，婆婆才致電給我知，我即刻打電話給學校想知詳情，個老師返而安慰我，說這些是小事，不用擔心，個個小朋友都會發生，而且學校嬸嬸已經幫小朋友沖涼，這樣的學校，我會一直繼續讀下去!!

作者: VancouverBC2005 時間: 14-10-26 15:32 標題: 引用：Quote:原帖由+babykellie+於+14-10-24+發表

原帖由 wendeedee 於 14-10-24 發表
Also ma on shan campus?

我舊年報左馬鞍山 N 班，報名時有張用英文寫的報名須知，見到佢啲「港式英文」，我真係唔敢俾我小朋友讀，今年報 K1 亦無再報 Think 啦

作者: apple_love 時間: 14-10-26 20:22 標題: 引用：我仔宜家系THINK讀緊PN，開學至今班主任打

原帖由 babykellie 於 14-10-24 發表
我仔宜家系THINK讀緊PN，開學至今班主任打電話來全部系負面評價，坐唔定，講野慢。我仔好遲先講野，如果遇 ...

我間唔中係ek都會見到同你好相似的case....另外有媽媽話miss 左個interview 但收到call有後補位，唔駛in就收

作者: megwong1 時間: 14-10-27 10:13

回覆 apple_love 的帖子

miss 左個interview 但收到call有後補位，唔駛in就收 ~~~ 果個咪我lor! 呢間學校實際情況我唔知, 因我不是用家! 但從上年報名既過程, 感覺間學校商業咪太濃!

作者: ddccmm 時間: 14-10-27 11:15

回覆 megwong1 的帖子

請問, 即係佢地唔洗IN收你BB又收咗你, 你都冇讀?

作者: megwong1 時間: 14-10-27 11:40

回覆 ddccmm 的帖子

係呀! 幾個月前收到CALL 話即收下午班! 不過我無要! 已經有OFFER! 除非小朋友無學校收, 我先會讀!

作者: ddccmm 時間: 14-10-27 11:59

回覆 megwong1 的帖子

I see, thanks!

作者: lawrainbow 時間: 14-10-27 14:03

回覆 GAIALAI 的帖子

我呀仔讀MOS THINK 上午校

我個仔2歲時,老師話呀仔仲有BB話,叫呀仔去上言語治療

我話:帶呀仔去健康院
老師話:唔好去健康院,因為健康院排期慢,我地學校有一間合作開,做得好好,$500/鐘,要買10個鐘,即係$5000
最後我去左健康院,好快就有期比我,一個月內就有期比我
健康院話:呀仔係正常,言語無問題

呀仔3歲時
老師說:其實你係出面報咁多興趣班,計番D價錢,同我地全日制價錢差唔多,點解唔選擇我地既全日制?
我無選擇轉全日,之後學校都有繼續SELL我轉全日,我無理會

今年9月,學校通告講,如果小孩在K2學期尾考試唔合格,就唔適合繼續係原校升K3,建議轉校

最近10月,學校帶學生出去參觀房屋署,走失左2個學生,一男一女,兩小孩企在馬鐵站,男孩有哭,女孩無哭,有位路過的婆婆發現,看見小孩的校服,就帶小孩回學校,交番比老師

作者: irlokith 時間: 14-10-27 16:09

我細仔都是讀緊MOS think, D老師好有愛心,會同我講亞仔的問題, 其他員工都好有禮貌, 大仔都在think畢業, 讀了4年, 每個月都有出外參觀, 他好開心每次出外的活動, 從未試過發生D咁既事, 係咪當中有問題呀?

作者: Sachr.baby 時間: 14-10-28 00:01 標題: 回覆：寫給準備報讀THINK的父母

我仔都係後備打來同我講你係咪要個位，我仔都in得好收左佢讀，因為係細仔遲入學，老師好好日日都跟進得好貼，每日都會同我講佢個情況點點點，好細心，真係留意到佢既情況，雖則我個仔其實同其他同班同學個level有極大差距，但老師都話唔洗擔心。其實每間都總有負面新聞，老師亦總有heart既老師，為返工定為教學，無話一單半單case就去介定呢間學校係九流呀。

我覺得如果覺得學校唔岩自己既理念or不滿可選譯去轉校，當然表達意見我都覺係人之常情，但唔洗不斷個個有關think 既topic都去洗版

作者: twinsstar1 時間: 14-10-28 12:40

回覆 Sachr.baby 的帖子

"唔洗不斷個個有關think 既topic都去洗版"
Agree ... left the same message on every thread about THINK and some of the info hasn't been verified ... just "heard from others" .....

My elder son studied in THINK years ago and my younger son is studying there now too. To me, it is a good school -- Nice and responsible teachers, rich language environment, fun activities and not too pushy -- if it is not good, I won't send my younger son there too.

My elder son is doing very well in a traditional primary school now esp English and I think it is to do with his solid foundation built in THINK. I did not arrange any extra English lessons for him that time but he was doing whole day school in THINK. May be that had made a difference?!

作者: Sachr.baby 時間: 14-10-28 12:55 標題: 回覆：twinsstar1 的帖子

我亦絕對同意，每一間學校都未必可能遇到到每一個老師都咁有heart, 但唔洗去不斷咁去力數間學校呀，覺得學校commercial,而唔適合自己咪轉校唔洗令到大家辛苦。

但我自己可以講本小朋友老師真係好take care佢，雖則細仔難以教導，但比我見到好有heart，覺得真係比咁貴都值得，因為小班教學，可以容易D處理到小朋友，所以我都決定家姐都轉埋過去。每個人都會有唔同經歷，可以分享，但唔該唔好再係到洗版。

作者: C.Humphrey 時間: 14-10-28 13:01 標題: 回覆：寫給準備報讀THINK的父母

校主邊間分校? 可否pm?

作者: sadkid 時間: 14-10-29 16:38

回覆 babykellie 的帖子

請參閱以下連結, 絕對真實.

http://www.edu-kingdom.com/forum.php?mod=viewthread&tid=2899006&extra=page%3D17

謝謝.

作者: THSo 時間: 14-10-29 17:38 標題: 引用：學校唔係上述那樣，不要信 +

原帖由 dingmanhoe123 於 14-10-24 發表
學校唔係上述那樣，不要信

同感，問左幾個同校MAMA谷，個個都冇遇到咁嘅情況！而且評價好好！

一係個別事件，一係樓主係打手？！

作者: THSo 時間: 14-10-29 17:39 標題: 引用：我囡都讀緊Think+LN,+讀得好開心,老師好專

原帖由 yuetheima 於 14-10-25 發表
我囡都讀緊Think LN, 讀得好開心,老師好專業,教學亦好有方法,最重要係好有愛心,我地都係從事教育界的家長, ...

作者: THSo 時間: 14-10-29 17:44 標題: 引用：我仔都係後備打來同我講你係咪要個位，我仔

原帖由 Sachr.baby 於 14-10-28 發表
我仔都係後備打來同我講你係咪要個位，我仔都in得好收左佢讀，因為係細仔遲入學，老師好好日日都跟進得好貼 ...

冇錯！同意及支持！

作者: Chowandwoo 時間: 14-10-29 17:58 標題: 回覆：寫給準備報讀THINK的父母

咁都得?邊間呢？我報左lam tin添

作者: wawali777 時間: 14-10-29 23:09 標題: 回覆：THSo 的帖子

我囡囡也在THINK LT讀緊LN, 老師，校長，校務，姨姨們都好細心和有耐性，而且與家長的溝通好好，民族晚會好有教育意義，令小朋友有更多課堂以外的學習機會，係一間好有心教導的幼兒園。

作者: puikit2012 時間: 14-10-29 23:51 標題: 回覆：寫給準備報讀THINK的父母

舊年我有報名，叫曬d父母去排隊，話明只收頭400個份表。我朝早六點去排，第200多籌，in完卑waiting。後來先知有人500幾號籌原來都有的in，仲收左。所以我覺得叫人去排隊羅籌就是噱頭。辦到好似好勁的學校。我個間是mos分校。

作者: isobelkaka 時間: 14-10-30 19:24

今年學校改為抽籤面試……
看似公平，但我相信亦有家長質疑他們……其實只要大家不喜歡這間學校，就會覺得甚麼都不對。
我們去年排通宵的……坊間有很多幼兒園，家長不認同的，還有很多選擇。

作者: brng 時間: 14-10-31 10:56

我小朋友在朗思就讀, 至今我對學校非常滿意。

開學初期, 家庭發生了變化, 加上課程深了許多, 特別是英文課, 我小朋友情緒極不穩定。他每天嚷著不肯返學, 要求轉校, 大吵大鬧, 甚至在課堂也採取“不合作"態度, 使我極度困擾。校長知悉情況後, 從不同層面協助我小朋友。課堂上, 老師以賞罰分明的原則, 堅持我小朋友完成他要做的事情; 而校長和主任則不時鼓勵他。

兩個月後, 情況好了很多。他很喜歡上學, 有次,我問他是否仍要轉校。他認真地想了想, 然後說: 「我不轉校了, 因為我現在做得有少少好嘛。」在零英語的家庭環境下, 我小朋友現能以簡單英語跟外籍人士溝通。對我而言, 最重要不是他說英語有多流俐, 而是他對自己能以英語回答時所流露的那份自豪。我知道學校花了很多功夫讓我小朋友由做不到至做到, 由害怕到勇於嘗試, 而他也從中慢慢建立了自信。

論課程, 朗思不是最深的; 論考直資私校的成績, 它也不是最亮麗的。但我仍然感恩小朋友遇到了有心的校長、主任和老師, 讓他學習成長。

以上純粹我個人的分享, 希望準備報讀的父母能從多一個角度了解這所學校。

作者: Mcmugs 時間: 14-10-31 18:16 標題: 回覆：寫給準備報讀THINK的父母

我自己無小朋友讀過think,但有3位朋友經驗，都是讀同一間think,可和大家分享:

第一、二位朋友都非常喜歡學校，老師有愛心，程度適中，小朋友開心又學到野。

第三位朋友卻有類似樓主的經歷，不知是否小朋友和班主任不投緣，詳細不便多說，似终是人家私穩。

我想帶出的是，就算很好的學校，也會有好和不好的老師，那不祇是think,其他學校也有可能吧！

作者: natpiglet 時間: 14-11-1 17:44

我小朋友讀緊mei foo N 班，think是一間有愛心的學校，湊小朋友返學時，校長及主任係門口接小朋友，小朋友入學校門口喊時，見到校長抱起小朋友，並安慰他，女兒讀了一個星期，主任及校長已記得女兒名字，連乳名都記得，之前學校晚上聯歡會，有灘位遊戲玩，眼見有些家長帶已讀小學的小朋友返去玩，可見他們真是喜歡學校。而阿囡日日回家都會唱學校教的歌及提起2位老師，所以我覺得不要聽遍面之詞，問多幾個用家意見

歡迎光臨教育王國 (/)