教育王國
標題: 中一轉變，可以教我處理嗎？ [打印本頁]
作者: Giant 時間: 14-10-24 13:46 標題: 中一轉變，可以教我處理嗎？
中一開學快兩個月，發覺跟小學真係兩個世界，開學咁耐，我連班主任把聲都未聽過，再唔似小學開學後老師會打電話俾家長講吓小朋友問題，我都唔知小朋友適應成點，點解咁擔心呢？因為聽阿仔返嚟講，有兩位同學經常唔返學，開學至今返咗都冇兩個禮拜學，又唔似病；留堂又偷走，默書又出貓，又有打交問題；某同學打電話嚟，阿仔開speak phone，我就聽到對方粗口橫飛；有次佢哋約出去打波，阿仔轉過頭就返嚟，佢話某某銀包有千幾蚊，話請晒去睇戲，所以大家就唔打波改去睇戲，阿仔話要問過我先，對方就話佢死蠢，唔講阿媽唔會知。
其實係咪我多餘？妳哋小朋友中學嘅同學係咪都係咁？我真係擔心佢學壞。
作者: 黃巴士 時間: 14-10-24 14:51
本帖最後由 黃巴士 於 14-10-25 13:08 編輯
不是多餘啊! 你校開学至今，有否中一家長師生適應面談講座? 始終是初中, 如覺得唔妥，主動些电班主任了解。
作者: dubbies 時間: 14-10-24 15:41 標題: 回覆：中一轉變，可以教我處理嗎？
仔仔仲肯同你講，咁就借機讚佢正確，同埋話比佢聽你的底線。始終就算b1a都會有人唔讀書，都有活躍分子，至緊要有傾講，佢知要有交帶，咁就唔怕朋輩影響
作者: TwinWong 時間: 14-10-24 17:40
啊仔肯同你講, 咁交帶, 快D打去學校同老師了解下啦
作者: Yanamami 時間: 14-10-24 18:29
Such a good boy! 唔好俾d同學教壞佢。同仔好好傾下，叫佢留意下點樣選友。睇黎校風麻麻？
作者: Yanamami 時間: 14-10-24 19:55
学坏真係可以好快，—两个月就KO.多d保持同仔溝通，同佢交心多d，关心多d,俾佢知你擔心d乜会好d.
作者: CYWS 時間: 14-10-25 10:31
我個仔間中學開學左 2 個月, 上個月和下個月都有家長會, 不過我唔得閒去
, 睇嚟你個仔班同學仔好似品德唔係噤好喎 ! 你最好叫佢疏遠佢少少好 D, 唔好比佢帶壞呀 !
作者: chanyukyan 時間: 14-10-25 12:24
當然要即刻打俾老師了解下D同學,另一方面同亞仔傾下選擇朋友!
作者: phoebepanpan 時間: 14-10-25 12:42 標題: 回覆：Giant 的帖子
我仔中三了，中學跟小學玩法唔同，如老師搵家長肯定大件事，通常都跟學生攪掂。
你又諗下，都岩喎，中學家長仲唔放手？唔掛得出來工作的小朋友都有阿媽送飯阿媽幫請假
我都係昨晚參加家長會小圈子選舉，才見到班主任，但班主任好好，同我傾左好耐，了解到仔在班中情況，我亦反映左比班主任知，阿仔派到依班好唔開心，因為是全級成績差同最曳一班。
班中有同學已第3年讀中三
開學至今，共返左7日學。班主任相信佢會再讀第4年。該學生家庭有問題媽媽嚴重寵壞，亦相信是靠公援生活的懶人。
粗口依個語言，我仔話齋，粗口好普通一街都係，我自己唔講就得啦。
我仔都試過問我比唔比跟同學去網吧，同學都係叫佢唔駛話比我知。
最重要，你要教仔邊d 好人，邊d壞人，
作者: 黃巴士 時間: 14-10-25 14:00
我覺得要同班主任講吓, 起碼佢會"可能"做些事情隔開依D同學仔, 如編座位上.
同時, 當然地教導孩子選友. 父母是先避免有些事情發生, 有時候被壞孩子感染了, 青春期青少年, 同輩一句說話, 有力於父母十句.
作者: KT0603 時間: 14-10-27 11:20 標題: 回覆：中一轉變，可以教我處理嗎？
提示: 作者被禁止或刪除 內容自動屏蔽
作者: KT0603 時間: 14-10-27 11:38 標題: 回覆：中一轉變，可以教我處理嗎？
提示: 作者被禁止或刪除 內容自動屏蔽
作者: TwinWong 時間: 14-10-27 11:45
我成日都同啊囡講, 自己拽拽都唔可以教壞同學
作者: austism 時間: 14-10-28 08:16 標題: 回覆：中一轉變，可以教我處理嗎？
洗$好個人，我識人，男仔讀b1學校，一星期媽媽比$500佢，包乘車，每日十元，即一個week $50車$，剩下$450，在校他不買任何飮，只飲水，吃飯也每星期吃一餐$50以上，其他平平地在學校 canteen 吃，每星期有200-250剩，入銀行，話以後有需要時用，不會亂花$。
樓主，你小朋友好乖，你要讚下佢，話比佢知你好信佢，又好欣賞佢。
作者: 樂恩媽 時間: 14-11-2 22:19
阿仔都有講有同學每天零用錢是$200-, 因父親是業主, 收租的。 感恩阿仔沒有羡慕人, 我只給$50-一星期零用錢(車資飯錢另付), 他也很知足, 不亂花費, 因他的目標是儲錢買玩具。真單純!
作者: KT0603 時間: 14-11-3 14:52
提示: 作者被禁止或刪除 內容自動屏蔽
作者: Giant 時間: 14-11-3 16:55 標題: 引用：我覺得最不能適應的，是家長本人。我都好唔
原帖由 KT0603 於 14-10-27 發表
我覺得最不能適應的，是家長本人。我都好唔慣，一個同學、家長都不認識，所謂家長會，是全級家長一 ...
作者: 黃巴士 時間: 14-11-3 17:14
Giant 發表於 14-11-3 16:55 
係囉，嗰日家長日，全班同學連家長一齊，班主任話不如分享吓小朋友升中後的轉變，全場冇人出聲，心諗，小朋 ...
作者: KT0603 時間: 14-11-3 22:12 標題: 引用：Quote:原帖由+KT0603+於+14-10-27+發表我覺
提示: 作者被禁止或刪除 內容自動屏蔽
作者: miffy^ 時間: 14-11-4 10:47
提示: 作者被禁止或刪除 內容自動屏蔽
作者: 黃巴士 時間: 14-11-4 11:43
本帖最後由 黃巴士 於 14-11-4 11:53 編輯
phoebepanpan 發表於 14-10-25 12:42
我仔中三了，中學跟小學玩法唔同，如老師搵家長肯定大件事，通常都跟學生攪掂。
你又諗下，都岩喎，中學家 ...
我倒有不同意見. 我孩子都是中三, 我所參與的是"知道", 而不是介入同學間. 當然地, 我不是怪獸家長, 不是像看"牛"般釘著.
我比較支持"家教合一"--- 溝通. 如孩子班上某些同學因"蝦"新老師, 令課堂秩序差, 而此某小撮人影響全班普遍學習進度, 我會想知道而勸導他. 亦希望由老師協調勸告所有同學, 各家長又可各自管理好自己孩子.
中學生引誘多及大, 有些孩子思想幼稚, 本質不差, 有時他/她們糊塗地去跟風, 自己都不知道. (當然地, 有些孩子是十分大膽, 挑戰校規. )
因此, 個人覺得如果初中不與孩子處理好對事情的某些定位, 高中更什.
有些事說出來未必可以改善, 亦明白老師能力有限, 但起碼家長及老師知道, 盡量去避免及疏導. 而不單只是"無奈"!!
**不喜不要插"**
作者: 鋒媽 時間: 14-11-4 14:11
小兒今年中1, 有好多事情都要一起適應.....
例: 1) 我校系想同學與同學之間解決問題, 盡量學校吾做中間人解決問題.可能想佢地成長.
2) 家校合作 (但當然要投訴N次後,先會有反應)
3)出街見到同學要我離開幾呎等等
有時我自己都想放手給他成長, 但好多時都撞版.
例如 : 測驗啦, 口講就識曬, 但成績回來就炒曬, 點能真的令我安心放手.
好似有好多無耐
Phoebepanpan : 我校都有1個讀咗3年中一同學, 還耍跟我仔同斑!
以上是我呢兩個月感受.
作者: 黃巴士 時間: 14-11-4 18:40
回覆 鋒媽 的帖子
例: 1) 我校系想同學與同學之間解決問題, 盡量學校吾做中間人解決問題.可能想佢地成長.>> 視乎問題大小??
2) 家校合作 (但當然要投訴N次後,先會有反應) >> 正常
3)出街見到同學要我離開幾呎等等 >>>>>>>>>>>>>> 我小時候都係咁, 我孩子現在係咁, 所以我明白.
自私D講句, 如果唔聽書的同學, 沒阻礙其他想聽書的同學; 行為有不良的同學, 沒影響其他同學, 我作為家長不會介入.
| 歡迎光臨 教育王國 (/) |
Powered by Discuz! X1.5 |