教育王國

標題: 你小孩適合那類學校？ [打印本頁]

作者: daisylhn 時間: 14-10-22 21:56 標題: 你小孩適合那類學校？

點睇小孩適合邊類學校？
你哋點睇自己孩子？覺得佢適合那類學校？

我女現k1，係敏感型孩子，處事很小心，愛照顧別人，感性，愛玩模仿平日生活的遊戲，唱歌和講嘢都好叻，膽子小，謹慎，非常有主見（亦可話牛精），愛指揮其他人（甚至有些比佢大一兩年的孩子），活動能力很強，但不大喜歡按程序做事，所以功課總加了幾筆其他嘢

一講佢功課，佢就亂畫，唔識面對失敗😓

要開始做升小準備，有些擔心佢面對傳統教育會和老師有衝突，考慮是否找一些活動教學的學校；但我（教普通話）又教過傳統名校小朋友，又不少係呢類難攪的小朋友（即好有控制欲同主見，要說服佢先會合作嗰類），同佢性格好似。

唔知應點引導佢好，我見過呢類小朋友，引導得好可以好叻，但一錯左就可以壞得好緊要

都幾頭痛

作者: little_yolky 時間: 14-10-23 10:10

daisylhn 發表於 14-10-22 21:56
點睇小孩適合邊類學校？
你哋點睇自己孩子？覺得佢適合那類學校？

你囡囡性格都好多樣性：
處事很小心、謹慎, 但又不大喜歡按程序做事, 功課會加多幾筆
膽小, 但又非常有主見牛精, 愛指揮其他人, 活動能力很強

其實無論傳統學校定活動教學, 都係一樣的, 除非你去國際學校。讀小學配合唔到老師一定無運行。

作者: mimics218 時間: 14-10-23 10:19

提示: 作者被禁止或刪除內容自動屏蔽

作者: MASAYA 時間: 14-10-23 10:54

綜觀你所說，我大女除了謹慎這點外，其它都跟你女兒一樣

我一直認為她不能讀傳統要坐定定的學校，升小時我問過幼稚園老師，她建議我女入讀相對嚴格的活動教學小學，她說這種性格要在初小階段好好學習怎樣自律，因為幼稚園是間happy到不行的happy school，所以剛入讀小一我女很不習慣，但現在很適應了

作者: Honey 時間: 14-10-23 15:16 標題: 回覆：你小孩適合那類學校？

小朋友係屋企同係學校可能表現不同，k1太细未定，k2下學期可問老師。

作者: maem 時間: 14-10-23 16:01

little_yolky 發表於 14-10-23 10:10
你囡囡性格都好多樣性：
處事很小心、謹慎, 但又不大喜歡按程序做事, 功課會加多幾筆
膽小, 但又非常有主見 ...

我覺得係香港, 除非國際學校/某D特別的學校, 大部分無論幼稚園還是小學, 配合唔到老師, 情況都是一樣, 小學只是演變得更嚴重. 有哪個老師不想要一班守紀律又聽話的學生?

作者: Yanamami 時間: 14-10-24 08:04

本帖最後由 Yanamami 於 14-10-24 08:06 編輯

Honey 發表於 14-10-23 15:16
小朋友係屋企同係學校可能表現不同，k1太细未定，k2下學期可問老師。

係呀！我女同楼主女都有9成似，但分別係佢好知"頂”,係学校同屋企係两个人！不过对功課就從唔会乱黎｡

作者: daisylhn 時間: 14-10-24 08:06 標題: 引用：綜觀你所說，我大女除了謹慎這點外，其它都

原帖由 MASAYA 於 14-10-23 發表
綜觀你所說，我大女除了謹慎這點外，其它都跟你女兒一樣

我一直認為她不能讀傳統要坐定定的學校，升小時我 ...

可否比啲貼示邊啲學校係相對嚴格的活動教學學校？
因剛開始睇小學，仍未十分了解⋯⋯陳守仁？林文燦？蔡繼有？

謝謝您

作者: mimics218 時間: 14-10-24 09:12

提示: 作者被禁止或刪除內容自動屏蔽

作者: MASAYA 時間: 14-10-24 10:45

daisylhn 發表於 14-10-24 08:06
可否比啲貼示邊啲學校係相對嚴格的活動教學學校？
因剛開始睇小學，仍未十分了解⋯⋯陳守仁？林文燦？蔡繼 ...

我們沒有考直資和私校，只是大抽獎津校，1-1-1報了一間基督教 (教會學校相對較注重紀律) 的活動教學小學 (不過津校的所謂活動教學其實都只是較多小組討論，適合說話多的小孩)
不過多數較好的教會學校自行最少要20分，統一派位只能填第一志願，要留意這點

作者: momama 時間: 14-10-24 15:03 標題: 回覆：你小孩適合那類學校？

兩個女性格天南地北，我相信傳統教學，所以由我決定，一齊讀傳統學校。

作者: kwan_0128 時間: 14-10-24 17:42

你個小朋友同我女98%相似, 我女都係讀K1
我女係學校好識做, 是老師覺得好聽話既好學生
不過係家中就相反, 叫佢做功課又坐唔定
我都諗過係咪要讀直資比較好, 傳統死谷學校應該唔啱佢
但要考直資唔容易呢

作者: daisylhn 時間: 14-10-24 22:19 標題: 引用：兩個女性格天南地北，我相信傳統教學，所以

原帖由 momama 於 14-10-24 發表
兩個女性格天南地北，我相信傳統教學，所以由我決定，一齊讀傳統學校。

...

咁返學情況理想嗎？

作者: daisylhn 時間: 14-10-24 22:20 標題: 引用：樓主想了解小學,+可去學校網頁看/小一選校

原帖由 mimics218 於 14-10-24 發表
樓主想了解小學, 可去學校網頁看/小一選校版
這幾年考小學競爭非常大, 建議早些裝備好小朋友. ...

我由舊年N班開睇了

但都希望多聽用家感覺

作者: daisylhn 時間: 14-10-24 22:22 標題: 引用：你個小朋友同我女98%相似,+我女都係讀K1我

原帖由 kwan_0128 於 14-10-24 發表
你個小朋友同我女98%相似, 我女都係讀K1
我女係學校好識做, 是老師覺得好聽話既好學生
不過係家中就相反, ...

我女做功課一時時，但未夠力揸好筆，畫線填色做唔好就忟，亂來

作者: momama 時間: 14-10-24 23:10 標題: 引用：Quote:原帖由+momama+於+14-10-24+發表兩個

原帖由 daisylhn 於 14-10-24 發表
咁返學情況理想嗎？

冇問題！一樣米養百樣人，一個社會乜人都有，一間學校有唔同性格嘅小朋友。

作者: elizatyy 時間: 14-10-25 13:17

阿B 好細個已經坐得定, 但膽子小，所以KG 和小學我都㨂了鼓勵學生發言和多活動的學校。

歡迎光臨教育王國 (/)