教育王國
標題: 請問有無資優+亞氏保加的家長。 [打印本頁]
作者: eric5354 時間: 14-10-22 09:44 標題: 請問有無資優+亞氏保加的家長。
希望找到同路人。
作者: YanKanMom 時間: 14-10-22 14:18
囝囝快十歲, 六歲半時在政府CAC評為亞氏保加, 一直沒有做IQ測試, 只是有報讀中大資優課程, 故不知算不算是同路人。
作者: carrai 時間: 14-10-28 13:53
我係半個同路人喇!我女係資優加adhd!最細果個都12歲!
我好希望大家可分享揍班細路的苦與樂!
作者: szeching 時間: 14-11-4 23:23
你好! 我囡囡都是 , 我好少見到有資優 + 亞氏保加的家長在此分享! 好開心!
我囡囡小五 , 她的學業成績滿意 , 但社交和情緒就令我非常頭痛. 你們同樣面對這些問題嗎? 可否分享!
作者: YanKanMom 時間: 14-11-5 11:24
回覆 szeching 的帖子
我也只是見步行步。初小時讓他上過一些社交/情緒課程,這兩年已沒有上了,因覺得作用不是太大。現時面對他的情緒如固執要人跟他那一套,不願聽人的意見,我盡量控制自己的脾氣(有時也會忍無可忍的,但爸爸脾氣也很大,如我也控制不了,將變六國大封相)。讓他發泄哭鬧一輪後,平靜了,他多數會要我親返他,因他自覺要修補關係。幸好在外他會加以控制,甚少發作。社交仍是弱的,難入群入組,獨處多。他是有動機與人做朋友的,但礙於技巧不佳,交友方面始終未如理想。我會跟他多說交友的竅門,盼望他在失敗中自我改善,從而摸索一條屬他的交友路。我會讓他明白只有兩條路,一是沒有朋友自己學懂悠然自處,若是有動機結交朋友,就需從失敗中學習有效的方法。做媽媽的當然想他快樂成長,亦固然會因他受傷而心痛,但知道有些事最終仍需由他親自面對的。
作者: szeching 時間: 14-11-5 23:18
回覆 YanKanMom 的帖子
YanKanMom,
我囡囡10歲, 她的情況跟你囝囝有點兒相似. 小一時評為亞氏保加, 於是上社交/情緒班約兩年, 之後因為課程完結, 所以暫停. 二年級時在中大評估為資優, 所以在中大上了些課程.
囡囡渴望交朋友, 可惜她的社交技巧不好, 再加上別人覺得她言行舉止有點古怪, 又直腸直肚, 於是沒有一個固定朋友或真正朋友. 她時常因交朋友或朋友相處的問題而不開心, 甚至哭, 我經常要輔導她, 解釋問題所在, 教她怎樣處理. 有時我都覺得好煩, 又是這朋友相處問題.
另一個問題是在上課時, 老師投訴她經常不專心, 發白日夢, 畫公仔, 叫她答問題, 她又懂得回答, 考試成績又排全級頭10名內, 不過操行只得B. 我屢勸她上課專心, 但她時常不能做到. 老師話她自我中心, 經常沉醉自己世界裹. 有時囡囡話上課好悶, 所以畫畫.
當有問題發生時, 有時我想想, 這是因亞氏保加所引起? 還是資優特質? 怎樣處理? 不過最後, 我決定見招拆招.
作者: YanKanMom 時間: 14-11-5 23:53
回覆 szeching 的帖子
其實有時我也分不清囝囝的問題是亞氏保加症抑或資優所引起, 又或且兩樣都有。漸漸也覺得不重要了,總之是盡量協助他發揮所長, 另一方面誘導他改善弱點。預了過程不會一帆風順, 情况時高時低, 心情時起時落,但心存盼望孩子是可進步的 , 否則自己被愁苦刺透時更幫不了孩子。
作者: sarworld28 時間: 14-11-6 00:10
我女五歲K3,同你們真的很相似。她的學術上的優異沒有被發掘,老師每日只complaint她寫字慢、不懂跟同學相處、發脾氣、發白日夢。其實女兒已經四歲懂英中翻譯,五歳已喜歡讀shakespeare。因為行為不被接受,不能原校昇上小學,所以在努力找小學中。
作者: rakui 時間: 14-11-6 12:59 標題: 回覆:請問有無資優+亞氏保加的家長。
我女四歲半k2, 年頭做咗test醫生話係高功能自閉,醫生話準確d係亞氏保加,不過新定義冇咗,佢建議6歳做資優測試。k1冇朋友,k2開始認得小朋友,多咗同同學玩,有幾個特別friend。情緒控制麻麻地,遇到唔如意、自己做得唔好就大發脾氣。佢鍾意嘅嘢就好專注,唔鍾意就睬你都傻。講佢鍾意嘅話題,佢就口水多過茶。人哋同佢講嘢,鍾意就答,唔鍾意就唔答。影相九成時間唔肯望鏡頭。3個月大就對文字好奇,一歳前已經認得超過百個英文生字,例如head, elephant, polar bear etc,宜家睇緊chapters book 例如 magic tree house等。中英文口語算native程度,普通話識聽唔多識講。煩惱當中,唔知佢點考小一,因為佢就算識都未必答。

作者: sarworld28 時間: 14-11-6 13:55
Rakui, 同我個女真的完全一樣。我只希望她在學校找到伯樂。但不知幾時才遇到這樣的老師。
作者: rakui 時間: 14-11-6 14:20 標題: 回覆:sarworld28 的帖子
喺香港搵間包容嘅主流小學,應該唔多容易。你女學校是龍校嗎?

作者: derek0811 時間: 14-11-6 14:30 標題: 回覆:rakui 的帖子
同我個仔又完全一樣。喜歡文字及數學,睇緊字海書。

作者: rakui 時間: 14-11-6 14:53 標題: 回覆:請問有無資優+亞氏保加的家長。
最近開始學琴,又唔肯練習老師敎咗嘅歌,偏偏要彈後面未教個d,又唔覺佢天生識sight reading,迫佢練老師敎咗嗰d佢就發脾氣好大力彈,更甚係將首歌升半key!我俾佢激到嘔血。佢冇情緒時可以好乖好sweet,一發脾氣就完全變成另一個人⋯⋯

作者: sarworld28 時間: 14-11-7 08:39
回覆 rakui 的帖子
是。不過只有85%能升上自己小學因為小學位比幼稚園的位少。
作者: sarworld28 時間: 14-11-21 14:55
好心傷。連弟弟讀緊幼稚園的二線小學都reject咗家姐。很傷心為何家姐的面試表現會如此呢!
作者: YanKanMom 時間: 14-11-21 17:26
回覆 sarworld28 的帖子
這類遊魂慢熱的孩子在小一面試中真的不顯眼, 當年囝囝幸得姊姊已入讀, 最後學校也錄取了他, 換了今天競爭惡化, 有姊姊也幫不到多少的了。入讀後, 弟弟的平均成績卻比姊姊好。因此, 不用灰心, 就算現在入不到心儀的學校, 只要孩子的資質是可以的, 她總會有所表現的。不過,孩子的情緒社交發展也要高度關注,成績可以並不是全部。
作者: kmmum 時間: 14-11-23 22:44
回覆 sarworld28 的帖子
我囡囡6歲,現小一. 情況和你囡囡一樣. 情緒.社交有極大問題. 所以,我選小學時, 一線津校不會選, 多功課多默書(必須有音樂/運動)亦不選. 選了間有40%上英中. (小班教學). (我區選一線尾的小學. 排第3/4).
亦問過社工朋友,知道這小學有處理/自閉/亞氐/語障'學生.
現在小一. 如我所料, 第一個月阿囡在校表現不太好.喊著認識的朋友,喊著抄寫多, 上堂大叫.
老師雖然嚴, 但亦包容. 煎熬了兩個月. 現在情況好一點.
幸運地,在校認識了數個家長小朋友都有自閉/ADHD 各方面問題. 知道學校會包容.
所以,你選小一時,要多加學校的SUPPORT
作者: cl_kaka 時間: 14-11-24 11:21
rakui 發表於 14-11-6 12:59 
我女四歲半k2, 年頭做咗test醫生話係高功能自閉,醫生話準確d係亞氏保加,不過新定義冇咗,佢建議6歳做資優 ...
我仔同你個女有8成似-“情緒控制麻麻地,遇到唔如意、自己做得唔好就大發脾氣。佢鍾意嘅嘢就好專注,唔鍾意就睬你都傻。講佢鍾意嘅話題,佢就口水多過茶。人哋同佢講嘢,鍾意就答,唔鍾意就唔答。影相九成時間唔肯望鏡頭。”
我仔而家5歲半認中文字好叻,但寫就好慢!英文就一般,但數學佢又好有興趣,我地無特別教,但佢可以心算計到3位數加減!
醫生都有建議夠6歲時去做IQ Test!我都未諗到同唔同佢去做IQ Test!
作者: rakui 時間: 14-11-25 01:33 標題: 回覆:cl_kaka 的帖子
咁你小朋友考小一如何?可有經驗或心得可分享呢?

作者: cl_kaka 時間: 14-11-25 12:35
請問你地有無帶小朋友去做資優測試?我仔仔情緒會好大上大落,小小事情都可以大喊一輪!佢喊完亦一樣會要我鍚返佢或攬住佢!佢唔鬧情緒時真無好可愛,但一情緒時就好似魔鬼咁!我有時會問佢點解要咁樣喊,你覺得喊可以解決到問題或者可以令我地讓你?我分唔到究竟係亞氏保加影響定資優影響情緒!我近排有諗好唔好真係去做下資優測試,但又會諗記性好,對數字計數呢方面好,認字叻其實呢D都係亞氏保加特徵,去做資優測試又好似好無謂!但又諗去做測試係唔係可以令我更清楚了解佢既長處呢?我明白媽媽應該係最清楚小朋友既問題,唔應該靠評估,但有時當幾樣問題出現時就真係好想好想帶佢去評估一下!
作者: cl_kaka 時間: 14-11-25 12:45
rakui 發表於 14-11-25 01:33 
咁你小朋友考小一如何?可有經驗或心得可分享呢?
我只想搵間輕鬆D既小學比佢!直資只報左一間,津貼/官津方面都係考慮一D 2線愉快學習,比較小抄寫既學校!會著重學校有無社交同情緒支援呢幾方面既野!
作者: YanKanMom 時間: 14-11-25 16:49
回覆 cl_kaka 的帖子
阿囝最近大喊的原因主要是他不接受自己有些數做錯了(數不是他的強項)或有些東西達不到他心中要求,吵完也會說對不起及要我錫番他,但就是忍不住發作,雖然很偶然會有一次控制到。我猜他(快十歲了)道理上是知道不應發脾氣,但意志仍薄弱。我沒有帶他做IQ測試,只是有參加中大資優課程。因為覺得就算他只是亞氏保加抑或同是資優兒,都是那樣教導的了,況且也不容易分清楚他的情緒到底受那方面影響。不過,在EK亦有前輩贊成做IQ測試的,原因讓家長更了解孩子在不同範疇的強弱。既然妳有囉囉卛的感覺,那不妨在歲數足時做測試吧。
作者: rakui 時間: 14-11-25 20:15 標題: 回覆:cl_kaka 的帖子
其實我又冇特別想做資優測試,反而著重佢情緒管理和社交技能多d。我女肯做功課,學術上我未係太擔心。反而唔知點幫佢考到適合嘅學校,正所謂,你揀人,人揀你。

作者: sarworld28 時間: 14-11-27 08:36
各位同路人,我特別喜歡在這裡chat因為大家面對的都很相似。想話比大家知自行派位收了我個女,真的很大驚喜。她不用再四處interview。我帶她去註冊時,她問我是否再去interview,我心有點酸。她都疲累了也變得公式化。
作者: cl_kaka 時間: 14-11-27 11:20
sarworld28 發表於 14-11-27 08:36 
各位同路人,我特別喜歡在這裡chat因為大家面對的都很相似。想話比大家知自行派位收了我個女,真的很大驚喜 ...
恭喜呀!我無直資同私小offer,自行又唔中,而家要等大抽獎!
作者: rakui 時間: 14-11-27 15:38 標題: 回覆:sarworld28 的帖子
恭喜!👏👏👏

作者: S-Kwok 時間: 14-11-28 21:10 標題: 回覆:請問有無資優+亞氏保加的家長。
亞氏喺社交上有問題,其意思係跟同齡小朋友社交上有問題? 還是跟任何人無論年紀比他大(如成年人)或小?

作者: YanKanMom 時間: 14-11-29 11:03
回覆 S-Kwok 的帖子
據觀察囝囝的行為, 他同任何人社交也有一定的問題, 就是傾向說自己有興趣的話題, 交談過程中較單向, 未能相向地與人交談. 只不過與成年人交談, 問題好像少一點是由於成人會因他是孩子而遷就他, 同齡的就不會有如此耐性了. 因此, 如不改善, 長大了一樣會有社交問題的. 但因囝囝智力尚可及仍有交朋友的動機, 加上我們從旁不斷提醒, 他是會慢慢修正的.
作者: S-Kwok 時間: 14-11-29 11:53 標題: 引用:回覆+S-Kwok+的帖子
據觀察囝囝的行為,+他
原帖由 YanKanMom 於 14-11-29 發表
回覆 S-Kwok 的帖子
據觀察囝囝的行為, 他同任何人社交也有一定的問題, 就是傾向說自己有興趣的話題, 交談 ...
小兒剛升小一,最近老師跟我講懷疑他是阿氏保加。原因係覺得佢有社交問題,而且偏執,一定要完成手上嘅工作,否則會發脾氣。
例如佢發覺自己漏咗嘢喺其他課室,會堅持去攞返,要經解釋,明白點解老師不讓他回課室取回方會放棄。又例如,佢去圖書館借書,一定要借到先肯回課室。不過,提點後有改進。
從小兒n班開始,班主任給我的評語都係一樣:
1)社交有問題,唔明白點解小朋友點解會咁做,但經解釋(不過可能要解釋幾次),明白道理後會有改善,下學期交友情況轉好。(我自己全職湊,我跟小兒出外玩,小兒確係唔喜歡跟同齡小朋友玩,但愛跟比化小嘅小朋友玩及照顧他們,或跟比他大嘅人或成人玩。依我所看,他愛跟比較需要照顧嘅小朋友玩或我們成年人眼中,很醒目或叻嘅同齡小朋友玩)
2)堅持己見,不過都係經解釋,明白後會改
3)有創意,諗嘢天馬行空
4)聰明
5)學嘢快,講1,2次就明,能舉一反三
6)上堂遊魂,但問佢幾條問題都會答到
不過,最近2星期,小兒寫字寫得好慢,又經常擦,好似點寫佢都覺得唔靚,情況嚴重到係堂課只寫咗名。
另外,試過老師堂上講咗寫作題目,教咗佢地點寫,佢完全唔知。
從前小兒寫字很快,好喜歡寫嘢,什麼都愛寫,寫故事、餐牌、信、便條……,但呢2個星期經常話唔識寫(我感覺佢怕寫錯,所以跟佢講寫嘢唔會錯,可以放心寫,嗰刻佢好似突然明白原來寫作係唔會錯)。
另外,近2星期,
1)摺衫要摺得好整齊(連內褲都要摺)
2)成日問有冇昆蟲入咗口(我問佢係咪試過,佢話有人同佢講有昆蟲喺佢嗰頭上)
3)成日問啲嘢係咪已經放好(唔知係咪跟之前試過喺學校漏嘢有關)
4)成日怕污糟(如手上有一點毛粒都要攞走)
我好擔心佢係自閉或亞氏保加,所以想多了解

作者: S-Kwok 時間: 14-11-29 11:57 標題: 回覆:請問有無資優+亞氏保加的家長。
不過小兒並冇要指定行一條路線,一定要排列好物件。相反,佢喜愛新事物,愛試新嘢。
講嘢都會有眼神接觸(但唔一定次次都會),都會識睇別人眉頭眼額(雖然唔叻)

作者: S-Kwok 時間: 14-11-29 12:06 標題: 回覆:請問有無資優+亞氏保加的家長。
仲有,小兒怕失敗,對自己要求高,例如,計錯數會發脾氣,話自己無腦漿,錯幾條(幾十條數)話自己無用。

作者: YanKanMom 時間: 14-11-29 15:17
回覆 S-Kwok 的帖子
囝囝的情況與你描述你的囝囝是頗相似的,他很愛昆蟲但又怕昆蟲飛埋身,也試過問是否有蟲在他的頭髮內。其實很難分他的表現是因亞氏保加定資優引致的, 如果有擔心,最好找專家評估一下。
作者: lillymarie 時間: 14-11-29 17:46
本帖最後由 lillymarie 於 14-11-29 17:48 編輯
S-Kwok 發表於 14-11-29 12:06 
仲有,小兒怕失敗,對自己要求高,例如,計錯數會發脾氣,話自己無腦漿,錯幾條(幾十條數)話自己無用。
...
我最近在思考這問題。有個youtube video正正講怕失敗這問題,如果你不介意聽英文,花時間聽聽,可能會覺得有用。http://youtu.be/pN34FNbOKXc
介紹一本書給你:
心態致勝
http://blog.monkeypotion.net/book/miscbook/mindset-the-new-psychology-of-success
這本書講中哂小朋友怕失敗,和錯了少少就罵自己無用的種種反應。
有句說話:
If I win because I am a winner, then when I lose, I must be a loser.
這話解釋了為何有些人很怕失敗和輸,因為在他們心中覺得自己「應該」好叻,所以做任何事亦「應該」做得好好。佢地會好努力去證明自己係叻係聰明。如果稍有失誤,就會好受打擊。因為做得唔好,就好似表示佢地其實唔係想像中咁叻,佢地會驚別人的眼光,認為若有少少錯少少失敗,別人就會覺得佢地好差。
呢本書讓我明白咗好多,亦提供一些方法去幫小朋友。有興趣的話,你去搵下。公共圖書館有呢本書。
作者: S-Kwok 時間: 14-11-30 18:13 標題: 引用:回覆+S-Kwok+的帖子
囝囝的情況與你描述你
原帖由 YanKanMom 於 14-11-29 發表
回覆 S-Kwok 的帖子
囝囝的情況與你描述你的囝囝是頗相似的,他很愛昆蟲但又怕昆蟲飛埋身,也試過問是否有 ...
咁請問大家會去邊度檢?(私人機構)

作者: Doymama 時間: 14-12-1 00:39 標題: 回覆:S-Kwok 的帖子
我仔仔宜家K1,已經有好多大家提過的特徵。我都係期期先覺得仔1仔有明顯問題,學校老亦多左投訴。
協康會有assessment做,你可以查詢下。

作者: YanKanMom 時間: 14-12-1 10:13
回覆 S-Kwok 的帖子
囝囝是在政府的兒童評估中心評估的
作者: 傻太 時間: 14-12-1 11:14 標題: 引用:回覆+S-Kwok+的帖子 囝囝的情況與你描述你
原帖由 YanKanMom 於 14-11-29 發表
回覆 S-Kwok 的帖子
囝囝的情況與你描述你的囝囝是頗相似的,他很愛昆蟲但又怕昆蟲飛埋身,也試過問是否有 ...
請教昆蟲跟阿氏有什麼關係?

作者: YanKanMom 時間: 14-12-1 12:24
回覆 傻太 的帖子
未必有什麼關係. 可能是其中一種他偏愛的物種, 像有些亞氏孩子偏愛恐龍,巴士,...等吧.
作者: S-Kwok 時間: 14-12-3 17:36
我查詢了小童群益會及協康會. 2間比GE期差唔多. 想問吓有冇話邊間做好啲.
作者: sarworld28 時間: 14-12-22 15:53
來個小一總結:女兒入咗女拔2nd in但最後得不到offer. 在另一間家長同小朋友齊齊final interview, 我終於明白她是活在自己世界,校長問問題她完全被房間裏的物件吸引。回答問題完全沒有望著校長。當然最後都得不到offer. 我相信她學術的能力,她五歲已成功完成Cambridge Flyers的考試,但她的自我、遊雲,我真沒她辦法。感恩!主給她成功在自行收生入了我們喜愛的學校。
作者: rakui 時間: 14-12-22 23:02 標題: 引用:來個小一總結:女兒入咗女拔2nd+in但最後得
原帖由 sarworld28 於 14-12-22 發表
來個小一總結:女兒入咗女拔2nd in但最後得不到offer. 在另一間家長同小朋友齊齊final interview, 我終於 ...
恭喜你小朋友派得心儀學校!我完全明白她的情況,學術上超班,卻沒有辦法在與別人溝通時表現出來,很無奈。未來一年,我也要陪我小朋友預備及報考小一,真的前路茫茫。

作者: sarworld28 時間: 15-1-2 18:02
可否分享下你們有沒有通知學校關於小朋友是亞氏保加?這有好處嗎?
作者: YanKanMom 時間: 15-1-3 09:40
回覆 sarworld28 的帖子
我們沒有通知學校囝囝有亞氏保加, 但有告訴老師囝囝語言表達及溝通不佳. 學校也分別安排過短期的言語小組及社交小組予囝囝上課.
作者: bb8608 時間: 15-1-4 22:00 標題: 回覆:sarworld28 的帖子
見到你小朋友的情況也跟我嗰囝差不多。又係 K3, 讀九龍塘傳統 KG, K1 & K2 的老師也可容納他的性格 (比較自我,有 temper, 活在自己世界中,學術完全冇問題)。但 K3 的老師比較老派,唔接納佢,話佢有 ADHA, 寫字 ugly, 唔識同人相處,全班也知他是最 naughty, 老師只看到他的短處,冇去了解他。我認,阿囝係有 d 問題,但我覺得老師冇諗方法去 handle。
我初時以為活動敎學的小學會比較啱我小朋友,但 in 咗幾間也唔得,嗰時也好 sad,好 lost. 反而學術性的就 ok, 放下心頭大石。
適合與,宜家唔知,但起碼有 offer, K3 也讀得輕鬆d,初時好驚要 K3 張成績表去叩門。
阿囝唔多望住人講嘢,比較易分心。下星期有機會和他到 某小學3rd in見校長,我也好想知道他 interview 時的表現是如何!

作者: sarworld28 時間: 15-1-4 23:37
YankaNmom, 我這星期剛去完政府兒童醫院,它定了我女兒亞氏保加。要求我簽同意書把報告送去將讀的津貼小學。其實我女兒在一位教育心理學家跟進了四個月(每星期見兩次)。她認為我女兒有類似亞氏症狀,但覺得我女兒的思想比一般人複雜和高智慧。所以沒有輕易斷症。我也見到女兒這幾個月情緒有進步,所以想了解多一點才下決定。
作者: sarworld28 時間: 15-1-4 23:48
回覆 bb8608 的帖子
好明白你的心情,因為一個月前我的情緒都被這小一遊戲變得大上大落。如果你小兒已有offer, 就放鬆心情吧!他有在外面上社交班嗎?我很希望在女兒上小一前減少她的問題,得到愉快的小學生活。
作者: bb8608 時間: 15-1-6 22:40 標題: 引用:回覆+bb8608+的帖子 好明白你的心情,因為
原帖由 sarworld28 於 15-01-04 發表
回覆 bb8608 的帖子
好明白你的心情,因為一個月前我的情緒都被這小一遊戲變得大上大落。如果你小兒已有of ...
冇上社交班,我驚冇乜用,又唔平喎。邊間好㗎?

作者: piglet0529 時間: 15-1-7 09:27 標題: 引用:YankaNmom,+我這星期剛去完政府兒童醫院,
原帖由 sarworld28 於 15-01-04 發表
YankaNmom, 我這星期剛去完政府兒童醫院,它定了我女兒亞氏保加。要求我簽同意書把報告送去將讀的津貼小學 ...
我仔早幾個月政府兒科醫生寫"自閉症譜系", 佢有提及高功能&亞氏保加, 但話已歸類入自閉症譜系, 黎緊數月後會再有政府心理學家做小一前評估, 請問你女兒是否寫作"亞氏保加症"?

作者: cl_kaka 時間: 15-1-7 16:43
piglet0529 發表於 15-1-7 09:27 
我仔早幾個月政府兒科醫生寫"自閉症譜系", 佢有提及高功能&亞氏保加, 但話已歸類入自閉症譜系, 黎緊數月後 ...
我約1年前係政府評估,但我無任何醫生信!政府心理學家你係自己去排定係評估果度叫你去?
另想問下,當時你仔係政府評估既過程係點?因為我係政府做評估時,當時我仔4歲左右,個醫生首先叫我仔砌積木,再寫字同畫公仔,之後就拎左將A4字咁大既紙,紙上面有中文詞語叫我仔讀,讀完後醫生就叫我仔讀數字,之後每次講幾組數字,叫我仔講返出黎,或叫佢由尾講返上頭⋯⋯最尾就講故事,比D咭叫我仔排返個故事出黎,然後再叫我仔講故返出黎,最後就係拎D圖出黎,問圖入面既人做緊咩,佢地望住D咩⋯⋯!成個過程,差不多1個半鐘有多,我仔去到尾段已唔想再答,同醫生講你唔好再問啦!最尾個醫生同我講,佢而家都無咩問題,同人溝通眼神接觸都無問題,唯獨係心智解讀較差,而且你話佢之前眼神接觸差D,又唔鍾意同同年齡既小朋友玩,應該都係果類野喇,亞氏保加啦!不過小朋友記性好好,對數字好敏感,認知都好好,你同小朋友6歲時帶佢去私人機構做IQ TEST啦,除非小朋友有特別問題,如果唔係政府唔會幫小朋友做IQ TEST!我成個評估過程係咁既,你地有無唔同呢?
作者: Cedric_mama 時間: 15-1-7 17:00
回覆 cl_kaka 的帖子
你好, 政府真係只叫你自己帶仔仔去私人做IQ Test我仔係四歲左右, 係教院蕊展計劃評左高功能自閉傾向. 不過當時專家話佢好輕微. 好難係坊間搵到啱佢的社交班
但就教左一d方法自己train 佢.
現在五歲d眼神接觸好左.不過同你係正苦一樣. 當時專家有話佢好聰明. 超好記性
最近我發現佢背數字好另. 背背埋埋好多車牌號碼. 連車的型號都知埋
有朋友提我囝囝可能係資優. 我都苦惱應唔應同佢去做評估
作者: cl_kaka 時間: 15-1-7 17:30
Cedric_mama 發表於 15-1-7 17:00 
回覆 cl_kaka 的帖子
你好, 政府真係只叫你自己帶仔仔去私人做IQ Test我仔係四歲左右, 係教院蕊展計劃評左 ...
我仔都係,記性好好!當時政府既醫生都有同我講係好輕微,不過我一直都有帶仔仔係D私人機構上社交!最近同社交班姑娘提起,政府醫生有提議叫我帶仔仔去做IQ TEST,佢地都認同覺得我應該帶仔去做,因覺得我仔認知能力超越左同年齡既小朋友!我同姑娘講我除左覺得我仔記性好,對數字好敏感兼情緒有時好大上落外,唔覺佢有邊方面係資優,但記性好,對數字好敏感呢D係亞氏特徵,姑娘話係,所以好多亞氏既小朋友都係資優!
我都仲諗緊做唔做好!
你小朋友做評估過程係點架?係唔係都好似我係政府咁?
作者: Cedric_mama 時間: 15-1-7 17:39
cl_kaka 發表於 15-1-7 17:30 
我仔都係,記性好好!當時政府既醫生都有同我講係好輕微,不過我一直都有帶仔仔係D私人機構上社交!最近同 ...
有份好長的問卷我做. 問返小朋友平時生活d野專家就帶左阿仔去房仔. (有玻璃我望到)
同你做的差唔多. 都係攞d玩具問下佢野. 又俾d書叫講圖中d人做嘜
但專家就俾我仔反客為主. 問返佢好多野 (例如點解你間房個到有個突出嚟的野. 嘜嚟嫁)
跟住又我傾下阿仔平時生活有嘜習慣
作者: piglet0529 時間: 15-1-7 19:24 標題: 引用:Quote:piglet0529+發表於+15-1-7+09:27+我
原帖由 cl_kaka 於 15-01-07 發表
我約1年前係政府評估,但我無任何醫生信!政府心理學家你係自己去排定係評估果度叫你去?
另想問下,當時 ...
我仔做既test同你仔一模一樣, 做完原本個兒科醫生想同我講我仔冇問題, 但因為當時早個月學校老師同我講我仔有的情緒問題, 想我帶佢去評估下, 所以我叫學校寫左封信比我, 內有佢地擔心的行為問題, 之後個醫生再問我的平曰行為就評左, 可能因為咁佢都想我仔大的再評, 所以排多左個期都唔定

作者: piglet0529 時間: 15-1-7 20:24 標題: 引用:Quote:Cedric_mama+發表於+15-1-7+17:00+回
原帖由 cl_kaka 於 15-01-07 發表
我仔都係,記性好好!當時政府既醫生都有同我講係好輕微,不過我一直都有帶仔仔係D私人機構上社交!最近同 ...
我仔也是智力冇問題, 看來也算某的方面資優, 發顛地愛鐵路地埋天文星球

作者: sarworld28 時間: 15-1-7 21:40
回覆 bb8608 的帖子
其實我試過跟姑娘小組、跟姑娘單對單(最貴)、現在跟敎育心理學家跟進的小組。沒有話那一個最好,不過我覺得半年至一年就要review是否應該要轉形式。
作者: sarworld28 時間: 15-1-7 22:06
回覆 piglet0529 的帖子
我都唔知那個政府的只叫姑娘的是否醫生。她是寫"自閉症譜系", 佢有提及高功能&亞氏保加, 已歸類入自閉症譜系, 她之前都有refer我哋去瑪麗醫院但二月才見。但我覺得她沒有經驗和不專業,因為她處理唔到我個女的情緒。她做完這個小一評估見我的時候,當住我個她面話我個女"惡死"。我女不愛被評估的感覺,所以我知道她會把不滿情緒放大十倍。
作者: piglet0529 時間: 15-1-8 09:21 標題: 引用:回覆+bb8608+的帖子
其實我試過跟姑娘小組
原帖由 sarworld28 於 15-01-07 發表
回覆 bb8608 的帖子
其實我試過跟姑娘小組、跟姑娘單對單(最貴)、現在跟敎育心理學家跟進的小組。沒有話 ...
我帶佢上過幾個社交情緒班, 比普通小朋友的, 只有一個比自傾的, 發覺呢的小組幾好, 我仔都有進步, 我們鼓勵他運用學到的技巧與同學相處, 之後上左K3後比佢係自己間幼稚園延展, 老師已反映佢同同學仔已互動了很多, 很欣慰! 但相信上小學後仍不時需要上社交班

作者: piglet0529 時間: 15-1-8 09:26 標題: 引用:回覆+piglet0529+的帖子
我都唔知那個政府
原帖由 sarworld28 於 15-01-07 發表
回覆 piglet0529 的帖子
我都唔知那個政府的只叫姑娘的是否醫生。她是寫"自閉症譜系", 佢有提及高功能&亞 ...
Oic, 我們所遇的很類似, 我個精神科期四月, 我會帶埋之前學校封信同K3新的學校評估去

作者: cl_kaka 時間: 15-1-8 10:56
sarworld28 發表於 15-1-7 21:40 
回覆 bb8608 的帖子
其實我試過跟姑娘小組、跟姑娘單對單(最貴)、現在跟敎育心理學家跟進的小組。沒有話 ...
想問下教育心理學家你係邊到搵架?
作者: sarworld28 時間: 15-1-8 12:38
只因為我朋友見到我女兒有情緒問題,所以介紹比我。見她有方法便試一試,女兒四個月來都有進步。這裡好像不方便比名嗎?
作者: Cedric_mama 時間: 15-1-8 12:43
因我係作蕊展計劃做評估. 個邊只做自傾/自閉
所以無再俾其他野follow
其實孩子資唔資優我唔太緊張
只係想好的方法幫佢. 上左k3被投訴上堂發夢,唔跟指示
評估又識晒.
阿仔將會升的私小應無嘜support我都知點好
作者: sarworld28 時間: 15-1-8 22:41
要唔要follow up, 其實每個小朋友的問題程度都不同。我的前題是會否影響學校生活因為這是她花最長時間而又沒有同父母一齊。這是最容易出現社交問題。
作者: baubaulee 時間: 15-1-9 15:07 標題: 引用:回覆+YanKanMom+的帖子 YanKanMom,++我囡
原帖由 szeching 於 14-11-05 發表
回覆 YanKanMom 的帖子
YanKanMom,
可介紹社交情緒班嗎?

作者: baubaulee 時間: 15-1-11 00:03 標題: 回覆:請問有無資優+亞氏保加的家長。
請問有冇小朋友參加過足球或籃球班,教練有教阿氏小朋友嘅經驗㗎?

作者: YanKanMom 時間: 15-1-11 14:48
回覆 baubaulee 的帖子
可到協康會或小童群益會查問一下
作者: Okok_boy 時間: 15-1-18 11:21 標題: 回覆:請問有無資優+亞氏保加的家長。
同路人,小兒小一,從來學科也不是我擔心的範疇,只是情緒和社交是我一直擔心的問題,臨升小一前的暑假,終於帶左佢去私家做評估,是亞氏保加,心理學家建議唔使刻意同學校講,可能問題會出之後先同學校交待,終於,11月度,開左學二個月,老師打比我,確實觀察到小兒的情緒和社交問題,在校一遇到不如意就會發脾氣,連在主任面前都照亂講野,與同學們相處比較表面,好擔心他愈高年級的社交愈弱,學業方面,成績5名以內,個個老師也讚他聰明,在考試前我也不需特別準備,我信上天是公平的,雖然在情緒社交方面在每日都擔心,但亞氏小朋友在學業上令我們擔心少一樣,現在無特別進行training,只是咁多年來都靠我做媽媽的提示,做媽媽的知道他已進步了許多,但在小學裏仍有好多問題是我每天擔心的,好高興在這裡遇見終於和小兒差不多case的家長們,多多指教!希望大家可多點支持!

作者: piglet0529 時間: 15-1-18 12:58 標題: 引用:同路人,小兒小一,從來學科也不是我擔心的
原帖由 Okok_boy 於 15-01-18 發表
同路人,小兒小一,從來學科也不是我擔心的範疇,只是情緒和社交是我一直擔心的問題,臨升小一前的暑假,終 ...
您好! 小兒K3也是相同問題, 請問您仔小一老師發現問題後有冇安排進行小一識別? 同有冇相關社交小組訓練?

作者: Okok_boy 時間: 15-1-18 20:49 標題: 回覆:piglet0529 的帖子
學校已將報告給社工,之後會約心理學家,但因我果份評估報告是私家的,未知學校方面點處理,因學校的社交小組是必須要確診才可安排參加的,所以我自己都好想在出面找社交小組!但真的不知在哪找.

作者: sarworld28 時間: 15-1-20 08:32
回覆 Okok_boy 的帖子
請問你的小朋友愛多說話嗎?我還未能夠分清楚資優同亞氏。因為兩樣如果有的情緒特質太相似。為什麼心理學家定了他是亞氏而非資優呢?
作者: cl_kaka 時間: 15-1-20 09:57
回覆 Okok_boy 的帖子
你可去聖基道健苗軒查詢社交課程!
作者: Cedric_mama 時間: 15-1-21 15:07
本帖最後由 Cedric_mama 於 15-1-21 15:20 編輯
回覆 sarworld28 的帖子
小朋友幾歲同係做嘜類型評估
我仔當時四歲. 做一個只focus自閉. 同自傾的評估當然專家有提佢極聰明
不過佢個工具唔係評資優. 而我仔亦未到個適合年齡
作者: Okok_boy 時間: 15-1-21 21:50 標題: 引用:回覆+Okok_boy+的帖子 請問你的小朋友愛多
原帖由 sarworld28 於 15-01-20 發表
回覆 Okok_boy 的帖子
請問你的小朋友愛多說話嗎?我還未能夠分清楚資優同亞氏。因為兩樣如果有的情緒特質 ...
其實我自己都有懷疑,因兩者實太似,當然,心理學家的評估不能說100%準確,但知道結果後再上網睇返d特徵,真的好似,感恩亞氏屬高智能自閉,他們的記憶力特強,所以,心理學家也教我們教導他,要先強記,後運用,先文字,後語言,這方法好work!

作者: Okok_boy 時間: 15-1-21 21:52 標題: 引用:回覆+Okok_boy+的帖子 你可去聖基道健苗軒
原帖由 cl_kaka 於 15-01-20 發表
回覆 Okok_boy 的帖子
你可去聖基道健苗軒查詢社交課程!
Thanks for info~

作者: Okok_boy 時間: 15-1-21 21:56 標題: 引用:回覆+Okok_boy+的帖子 請問你的小朋友愛多
原帖由 sarworld28 於 15-01-20 發表
回覆 Okok_boy 的帖子
請問你的小朋友愛多說話嗎?我還未能夠分清楚資優同亞氏。因為兩樣如果有的情緒特質 ...
我仔是多說話型,當對自己有興趣的話題會滔滔不絕,因為他會講好多大人用的名詞,別人有時會覺得他說話「老積」,但到真正對話時,會發覺他其實表達未算流暢,與同齡交談未能再作入一層的溝通~

作者: sarworld28 時間: 15-1-22 11:57
上星期六,我出席了一個資優情意的講座。其實我女兒又是十分十分相似。博士說資優都有SEN小朋友,真的好像我們的一班小朋友。你們都search 一下 Dr. Sylvia RIMM 了解多D。
作者: Rachelmummy2008 時間: 15-1-22 13:03
sarworld28 發表於 15-1-22 11:57 
上星期六,我出席了一個資優情意的講座。其實我女兒又是十分十分相似。博士說資優都有SEN小朋友,真的好像 ...
我有去10/1的講座,無去到上星期的,可否講些重點分享下?和有什麼和你女兒相似的地方呢?
作者: sarworld28 時間: 15-1-22 16:59
http://hkage.org.hk/en/hl/2015/resources.php
You may refer to the slide in the website. The slides about intellectual, sensual, imaginational, psychomotor and emotional. These are 99% match my daughter.
However, these are also similar to Asperger. I am still learning more about that.
作者: annie0517 時間: 15-2-4 19:40 標題: 回覆:sarworld28 的帖子
請問你幾分自行成功?

作者: sarworld28 時間: 15-2-4 23:22
回覆 annie0517 的帖子
20分首名+宗教. 全是luck.
作者: piglet0529 時間: 15-2-15 11:29 標題: 引用:Quote:原帖由+sarworld28+於+15-01-04+發表
原帖由 piglet0529 於 15-01-07 發表
我仔早幾個月政府兒科醫生寫"自閉症譜系", 佢有提及高功能&亞氏保加, 但話已歸類入自閉症譜系, 黎緊數月後 ...
昨晚買了這本書, 已看了三份一, 很深的感受跟領會, 我仔的自閉程度較微而天份才能也較書中的小朋友微, 但看到的情況實在相似, 書中講到點解要迫佢去學不能學的事而拒絕讓佢學想學的事? 這本書很值得亞氏的家長看

圖片附件: myphoto.jpg (15-2-15 11:29, 56.61 KB) / 下載次數 78
/forum.php?mod=attachment&aid=NDA0NTJ8ZDk5OTI0NGV8MTc2MDYwNjk5NHww

作者: sarworld28 時間: 15-2-16 23:54
回覆 piglet0529 的帖子
多謝你的分享。我跟我的女兒每天都在面對這問題。女兒每日上學都很努力跟同學溝通,但她經常都給同學和老師誤解是壞情緒和不懂得跟同學相處。她每星期都有一兩天在學校𥚃哭,全因她不懂得同學跟她是説笑還是說真。只要同學說一聲不跟她再做朋友,她已經可以大哭一場。
作者: pppwong 時間: 15-2-17 16:58
sarworld28 發表於 15-1-20 08:32 
回覆 Okok_boy 的帖子
請問你的小朋友愛多說話嗎?我還未能夠分清楚資優同亞氏。因為兩樣如果有的情緒特質 ...
我同一D姑娘傾過, 很多資優兒也有ASPERGERS一的
作者: pppwong 時間: 15-2-17 17:13
cl_kaka 發表於 15-1-7 17:30 
我仔都係,記性好好!當時政府既醫生都有同我講係好輕微,不過我一直都有帶仔仔係D私人機構上社交!最近同 ...
你介唔介意分享在那些中心可以上訓練社交的課﹖
我小朋友只有2歲, 語言很好, 在家中活躍正常, 但他很害怕社交環境, 返了3個月學也很害怕老師, 不投入任何講故事或唱遊活動, 不說話, 不和小朋友交流. 因他年紀太少, 沒有評估可做, 但我又確是好擔心!
作者: Okok_boy 時間: 15-2-18 02:30 標題: 引用:Quote:原帖由+piglet0529+於+15-01-07+發表
原帖由 piglet0529 於 15-02-15 發表
昨晚買了這本書, 已看了三份一, 很深的感受跟領會, 我仔的自閉程度較微而天份才能也較書中的小朋友微, 但看 ...
感謝分享,好想快些買來看,再深入了解我們既聰明又獨特的星星孩子!

作者: piglet0529 時間: 15-2-18 04:31 標題: 引用:Quote:原帖由+piglet0529+於+15-02-15+發表
原帖由 Okok_boy 於 15-02-18 發表
感謝分享,好想快些買來看,再深入了解我們既聰明又獨特的星星孩子!
...
我不期望我仔有書中的咁出色, 不過看後會知佢有不一樣的天賦去自我發展, 我們的角色係造就一的環境, 社交方面亦雖定時幫手踢一巴

作者: cl_kaka 時間: 15-2-18 10:07
回覆 pppwong 的帖子
小朋友2歲怕陌生都正常,唔使太擔心!
我小朋友係灣仔聖基道健苗軒上堂,你可以上去佢地web-site睇下
http://www.kidsmind.org.hk/site/kids/home/index.html
作者: pppwong 時間: 15-2-18 13:49 標題: 引用:回覆+pppwong+的帖子 小朋友2歲怕陌生都正
原帖由 cl_kaka 於 15-02-18 發表
回覆 pppwong 的帖子
小朋友2歲怕陌生都正常,唔使太擔心!
Thank you! 我睇左,似乎3歲以上才有合適的班。會留意住!
其實我最擔心是孩子一定要上合他程度的堂,否則可能會越上越差,始終社交障礙也有不同程度!所以打算找定好多資料,不斷嘗試。他肯定不是自閉,但社交是落後了很多,情緒大起大落,和一些心理學家傾過,有可能是gifted。可是他又不是特別叻,我也擔心是aspergers...縂之希望越早改善他社交問題越好吧...

作者: coffeejoeybb 時間: 15-2-22 09:27 標題: 回覆:請問有無資優+亞氏保加的家長。
我女係好熱愛社交,但永遠要做話事人,成日同同輩或差一兩年既鬧交,成日忍唔到口鬧人,,大個佢三四年既小朋友同佢就冇咩問題,我女非常自我中心,衝動,自我有一對公平方式,直腸直肚,任何人既事都管都理,世界只圍著佢轉,(對任父母都一樣,加以提醒當你冇到)懶叻,冇耐性,專注力只對佢有興趣既野,其如一概遊雲,坐定定既遊戲、學術,全部唔鐘意,返學上堂,永遠坐唔定有蟻咬咁,出街食飯行街塔車,永遠坐唔得定,郁手郁腳郁身郁勢,其實班主任都叫我做評估,我成日比屋企人潑冷水,個個細路都咁樣架啦,駛鬼禁緊張咩,驗乜鬼!
有冇確診jm話我知,點驅分,其實我k1已經估梗自己個小朋友係咪亞氏!依家k3,班主任叫去check但冇話似亞氏

作者: pppwong 時間: 15-2-22 13:22 標題: 引用:我女係好熱愛社交,但永遠要做話事人,成日
原帖由 coffeejoeybb 於 15-02-22 發表
我女係好熱愛社交,但永遠要做話事人,成日同同輩或差一兩年既鬧交,成日忍唔到口鬧人,,大個佢三四年既小 ...
有懷疑是adhd嗎?

作者: S-Kwok 時間: 15-2-22 23:02 標題: 引用:我女係好熱愛社交,但永遠要做話事人,成日
原帖由 coffeejoeybb 於 15-02-22 發表
我女係好熱愛社交,但永遠要做話事人,成日同同輩或差一兩年既鬧交,成日忍唔到口鬧人,,大個佢三四年既小 ...
似Adhd, 可以揾專家評估吓

作者: sarworld28 時間: 15-3-30 23:32
現K3這星期學校日日投訴,她做project愛話事、問答問題都不舉手便大聲說出來、做自己愛做的事、社交技巧差。有同學喜歡她因為她學術强、有創意和敢言。有同學不喜歡她因為她很不聽老師話同經常發脾氣。老師日日鬧她都冇她辨法。我作為媽媽真的很累了。
作者: rakui 時間: 15-3-31 13:37 標題: 回覆:sarworld28 的帖子
有冇check感覺統合?有冇刷身呢?我女刷密d真係定少少。

作者: sarworld28 時間: 15-3-31 17:18
是什麼刷呢?沒用過。在那裡買呢?
作者: rakui 時間: 15-3-31 18:36 標題: 回覆:sarworld28 的帖子
我女在一所私人機構做職業治療,治療師要求我們每兩小時刷身一次,我女反應良好,減少衝動行為/情緒。刷是在那機構買的。三月份開始上堂,她三月份的考試(對話那種)和面試都有不錯的成績。當然幼稚園仍然有投訴啦,例如推完人say sorry冇望住對方(我女亦另有解釋)。

作者: sarworld28 時間: 15-3-31 19:23
回覆 rakui 的帖子
我女兒都是在學校推撞但她事後說她不想這樣的。可否給我這機構的名字呢?謝謝!
作者: rakui 時間: 15-3-31 19:45 標題: 回覆:sarworld28 的帖子
我女話其實佢冇推人,佢只係迫個同學陪佢玩。

作者: rakui 時間: 15-4-17 12:15 標題: 回覆:請問有無資優+亞氏保加的家長。
我小朋友有幸考到一間國際學校,學校也知她的情況,但願她可以在稍微有包容而又沒有壓力地學習、成長。

作者: sarworld28 時間: 15-4-17 13:10
Congratulation! 可否透露那一間?希望你小朋友讀得開心快樂。因我有三個小朋友,我還放棄了份工作陪伴她們。暫時未能考慮國際學校。
作者: rakui 時間: 15-4-17 14:56 標題: 回覆:sarworld28 的帖子
我只有一個孩子,跟你也一樣,為了她放棄了自己的事業。但我相信這犧牲都會是值得的。大家一起加油。

作者: eric5354 時間: 15-4-17 17:26
rakui 發表於 15-4-17 12:15 
我小朋友有幸考到一間國際學校,學校也知她的情況,但願她可以在稍微有包容而又沒有壓力地學習、成長。:ilo ...
你有$唔同,可以去外国升學,比較包容。
香港根本好少這些服務,而且好貴。
歡迎光臨 教育王國 (/) |
Powered by Discuz! X1.5 |