教育王國

標題: 黎緊有班際表演，我好想比個仔參加，但是。。。。。。。 [打印本頁]

作者: 跳躍精靈 時間: 14-10-15 13:39 標題: 黎緊有班際表演，我好想比個仔參加，但是。。。。。。。

黎緊有個k1班際表演的機會都係全班小朋友唱歌+動作之類
我好想比個仔都一齊參加
但係我怕到時人人都跟到歌曲動作，得佢唔知發生咩事就有可能會表演中途有情緒>.<
而且佢又未控制到小便，更怕佢唱唱下歌瀨尿！

問老師意見，佢地又淨係話：嗯。。。你考慮下先啦咁
唉。。。。
我估全班同學都一定會參加的(雖然回條上可以揀願意或不願意，但呢d校内小表演都應該冇乜家長反對參加ga la), 到時同學仔上哂台得佢一個坐係台下，雖然佢唔識用言語表達但也可能唔理解點解自己冇份吧？

大家認為我應該比個仔參加嗎？

作者: cat1028 時間: 14-10-15 15:32

我仔上年k1...畢業禮都係填參加表演, 結果係唔俾.
㸃解: 學校話佢企唔定,,,怕佢上台驚會跌落台.
仲建議我全家不要去看表演.
**一定要填參加, 上唔上到台不重要(有定心理準備), 等佢有期待, 練習時投入d.

作者: cat1028 時間: 14-10-15 15:38

我問過老師表演用首歌, 揾左YouTube, 抄埋歌詞, 同佢一齊唱, 仲認下字.

作者: lambk 時間: 14-10-15 16:58 標題: 回覆：cat1028 的帖子

Yes,要填參加！學校唔俾再算！

作者: Jolly 時間: 14-10-16 07:09

參加！提出你去協助排練。video左動作返屋企同仔仔練習。到當日可睇仔情況才決定上唔上台。提出去後台幫手。
上台唔上台都唔係重點，重點係參與過，出過力。祝過程開心。

作者: LeeCC 時間: 14-10-16 07:42

本帖最後由 LeeCC 於 14-10-16 07:55 編輯

我个仔幼稚園時聖誕表演学校規定个个要參與，冇咁叻个D都着靚靚拿住道具企兩边搖下身，拍下手跟住唱，老師企身边陪伴提示，叻个咪前排載歌載舞，人人有份上台
到K3，大部份同學都歌舞連場，有几个男仔扮詩歌班拿住歌書搖身，几个女仔扮天使搖星星棒，这些小朋友大部分係sen的，他們的角色真的是多一個唔多，少一個又唔觉，到時扭计唔上台，中途返後台都唔緊要，我个仔係其中一个，佢地有份表演都好開心，也好落力
為期一個多月的排練，学識走位，忍耐，是一個好好訓練機會，不要放棄

N班同K1時老師要求阿仔着片衭在裡面

加油

作者: ding1 時間: 14-11-1 13:20 標題: 回覆：黎緊有班際表演，我好想比個仔參加，但是。。。。。。。

相反。學校有表演，又要自費百多元買表演服。自知小朋友不太好，表演日又是星期六，撞訓練日子。所以填不參加。

老師打電話來遊說我們說要參加。理由一，不應為了節省百多元而放棄表演。二，小朋友雖然弱，可能訓練後仍不能表演，但如果不買表演服，學校不會安排小朋友參加訓練。學校會用一個月的上課時間訓練學生，如果不參加表演，小朋友在那段時間只能坐在教室的一角很悶。沒有活動給他。最終我無奈答應。

作者: LeeCC 時間: 14-11-1 18:03

表演要買戲服？

我仔幼稚園不需要買，只需自備樽領白色長袖衫和長白袜

作者: ding1 時間: 14-11-1 20:24 標題: 回覆：黎緊有班際表演，我好想比個仔參加，但是。。。。。。。

這間學校是要強迫家長幫襯買東西的。參加學校表演要給錢學校買表演服。另外，學校會定期幫學生影學校生活照，然後向你收費，曬埋給你，是強迫買的。還有其他的。

歡迎光臨教育王國 (/)