教育王國
標題: 三個月寶寶深度弱聽，望住BB忍唔住喊... [打印本頁]
作者: sofimama 時間: 14-10-14 23:25 標題: 三個月寶寶深度弱聽，望住BB忍唔住喊...
知道消息後同老公經常以淚洗面，覺得對唔住BB，擔心佢大個俾人歧視，帶佢來呢個世界係我害左佢...有沒有過來人可以做做好心分享吓？我怕我同老公精神都捱唔住了😥😥😥
作者: 濼晴 時間: 14-10-15 02:59 標題: 回覆：sofimama 的帖子
不用怕 早排定支援服務 同帶耳机可同正常人一樣
作者: sofimama 時間: 14-10-15 04:37
回覆 濼晴 的帖子
謝謝你鼓勵。醫生建議佢做人工耳蝸，講到好似好簡單咁。有冇深度聽障b家長分享一下我可以點樣幫BB?使唔使學手語？
作者: icanhear 時間: 14-10-15 11:04
本帖最後由 icanhear 於 14-10-15 11:05 編輯
患深度聽障的小朋友通過助聽器或／及人工耳蝸是可以成功學習聆聽及說話，有些患深度聽障的小朋友在手術及訓練後，發展出超越同齡健聽孩子的表達及理解力。(可參考最近730的文章中提及到的小朋友 http://www.am730.com.hk/article-229360).
可以參考一下以下的網站，香港有好多組織為聽障兒童提供有效早期訓練，幫助聽障兒童學習聆聽及說話：http://hearingimpaired-services.blogspot.hk
努力呀!
作者: 花師奶2012 時間: 14-10-15 12:22 標題: 回覆：三個月寶寶深度弱聽，望住BB忍唔住喊...
我bb兩個半月，深度弱聽，醫院建議做人工耳蝸
下星期會見教育局特殊教育组
唉，唔知喊左幾多次……不過我地係最幫到bb的人，不要放棄！
作者: sofimama 時間: 14-10-15 13:30
回覆 花師奶2012 的帖子
咁我地BB差吾多大喎. 可否PM你詳談?
作者: 花師奶2012 時間: 14-10-15 14:20 標題: 回覆：sofimama 的帖子
當然可以啦
作者: Letter_lalaland 時間: 14-10-16 15:22
本帖最後由 Letter_lalaland 於 14-10-16 15:24 編輯
中文大學有用資料：
http://www.cuhk.edu.hk/cslds/jcslco/
嬰兒手語班及手語雙語中文閱讀班課程資料更新
嬰兒手語班及手語雙語中文閱讀班的課程資料包括上課時間及課程費用等已經更新，有興趣參與上述課程的家長，請填妥以下報名表格，郵寄 至沙田香港中文大學手語及聾人研究中心。負責老師會盡快與家長聯絡，商討及安排課程事宜。如有查詢，請致電與本中心同事聯絡。
家長分享：
手語如何協助聽障子女學習我們在5年前知道自己的女兒是聽障的時候，當時真的好難接受和不開心，但是事實也要接受。那時唯有等待做手術，因為我的女兒的聽力達致深度 ⋯⋯
http://www.cuhk.edu.hk/cslds/jcslco/sharing_zh.html
http://www.cuhk.edu.hk/cslds/jcslco/events_zh.html
聖若翰天主教小學 全校參與 高度共融
星島日報 親子王周刊 - 二零一三年十月十日
SEN學童入讀主流學校，對學校及學生而言，均是一項重大挑戰。為營造聾健師生共同融合的雙語教學環境，香港中文大學手語及聾人研究中心與九龍灣聖若翰天主教小學合作，於二ＯＯ六年展開賽馬會手語雙語共融教育計劃...
作者: goldiegoldie 時間: 14-10-16 23:21 標題: 引用：知道消息後同老公經常以淚洗面，覺得對唔住
提示: 作者被禁止或刪除 內容自動屏蔽
作者: goldiegoldie 時間: 14-10-16 23:23 標題: 引用：我bb兩個半月，深度弱聽，醫院建議做人工耳
提示: 作者被禁止或刪除 內容自動屏蔽
作者: sofimama 時間: 14-10-17 10:28
各位，尋日去左聯合兒科覆診，十萬個嬲+無奈…
帶埋阿囡等左一輪，入去見醫生淨係話個測試結果都係「不正常」，要轉介耳鼻喉。究竟詳細測試結果係點？佢仲有幾多聽力？佢話佢係兒科，唔識講解份報告。
然後我攞住封轉介信去將軍澳醫院排期，佢竟然俾左個2015年7月既期俾我！到時阿囡已經1歲了，先第一次見耳鼻喉？？？
最後我自己睇封轉介信，睇到話囡的聽力係結果係 “bilateral wave V not present”，自己打去問醫生朋友，話相信係深度，情況不理想…
我事後先知醫院應該會寫信轉介去教育局及CAC跟進的，但我又冇呢封信。請問我依家可以點做？冇理由等一年！
作者: sofimama 時間: 14-10-17 10:33
letter_lalaland, 謝謝你, 之前亦有了解個呢個嬰兒手語班，我諗住讀12月果期。你係老師定家長，有興趣我可俾資料你。
Goldiegoldie，我囡係fail左初生聽力普查，然後兩個月大再返醫院做BAER test。咁你點幫囡做follow up？
作者: 花師奶2012 時間: 14-10-17 11:44 標題: 引用：Quote:原帖由+花師奶2012+於+14-10-15+發表
原帖由 goldiegoldie 於 14-10-16 發表
你bb點驗琲深度弱聽？我囡囡歲半。聽力測試合格。但遲緩都有轉介做腦電波測試。點知fail左。亦都係話深度弱 ...
作者: carmenkmlo 時間: 14-10-17 13:20 標題: 回覆：sofimama 的帖子
Sofimama,
小朋友下次返健康院打針/檢查…
拿埋報告去,同姑娘講…
叫他們轉介去CAC，
去到CAC再找社工協助輪候排政府…
妳小朋友情況，CAC一定受理…
如果健康院拒絕，要找社署…
作者: arialzsc 時間: 14-10-17 14:44
bb仲細，唔需要那麼早考慮手語。早一點進行干預，小朋友發展的潛力很大，要有信心。
我大仔也是先天深度弱聽，四個月佩戴助聽器，兩歲做耳蝸，一路都有做言語治療至四歲左右。現在六歲，聽說都與正常小朋友無明顯分別。
政府如果幫唔到，可以去私家配助聽器，再等政府的複診。政府資助的助聽器都未必夠深度小朋友用。
作者: LivedLee 時間: 14-10-19 20:45 標題: 回覆：sofimama 的帖子
一般排期只係文書俾，會等好耐，之後有醫生review。如果嚴重，特別係BB，會通知你調早。
作者: LivedLee 時間: 14-10-19 20:51 標題: 回覆：sofimama 的帖子
一般唔會轉教育局，你可以搵聯合的醫務社工傾下，由佢迫返兒科，幫你約CAC。開牌板後，你再決定出唔出去做assessment同填form2。
作者: 周c奶 時間: 14-10-20 15:20
讓我也分享一下小女的情況…
小女早產，出院的聽力測試fail，之後即刻排期做另一個測試，係要貼好電線訓覺做的(我唔記得叫咩名)，報告結果一隻耳嚴重，一隻耳深度。報告後，再轉介去耳鼻喉科，教育局配耳機，cac…等等。過幾個月後，cac排到見聽力學家了，測試結果係中度。我當時都唔信，因為之前話深度果份報告係在醫院用電腦儀器得來的。但我反覆又反覆去專科覆診及測試，結果都係中度。後來，我去了聾人xx會問，得知原來有些小朋友的聽覺神經是會在出世後仍繼續發展。所以……
大家要加油，自己小朋友有事，做家長當然係好擔心！但希望在明天！小朋友的發展潛力係大人們無法估計的！！
作者: yannietimb 時間: 14-10-21 11:32 標題: 回覆：三個月寶寶深度弱聽，望住BB忍唔住喊...
加油呀，聽障小朋友在父母滿滿的愛裡面成長，一樣可以跟健聽小朋友沒兩樣的！現在科技發達，幫助很大的，你直接找教育局聽障服務，他們應該可以幫助你的，先為bb配耳機，排早期訓練，手語本人認為可以遲一步，我bb中度至嚴重，現在兩歲多，沒有學手語(不排除大點俾佢學),雖然發音未太正確，但他說話已很流暢，早確診早訓練幫助很大！
作者: bb65 時間: 14-11-6 11:46
囡囡去年出生時2次ear test fail, 2次都是75分貝才聽到, 我的西醫朋友跟我講他們角度是沒有什麼可以做到, 都系叫定期檢查,早d接受訓練及帶耳機... 但他建議可嘗試中醫針灸,因此由囡囡6個月大時開始給她針灸,不知道是女兒慢慢長大還是真系針灸有效, 囡囡由原先的75分貝下降至現在的45分貝)
現在等政府的e及i位同時, 我亦都有安排囡囡去宣美(私位)上堂接受訓練,但導師覺得囡囡聽聲反應都幾好, 叫我現階段不用給囡囡帶耳機, 待繼續觀察後才再決定
因我的朋友女兒都是出生時雙耳都有弱聽, 醫生都系叫帶耳機, 但我朋友沒有幫女兒帶, 都是通過針灸, 到現在她女兒已是3年級學生, 一直可正常上堂及溝通, 成績仲要好好添
各位bb爸爸,媽媽要加油啊 (希望在明天)!!!
作者: yuenkate 時間: 14-11-16 23:26
我表姐個仔單耳深度聽障，另一耳嚴重，半歲開始一直戴耳機，到5歲做人工耳蝸。全靠言語治療同耳機幫忙，而家發音不大問題，只係語言仲差少少。及早上言語治療同戴耳機最幫到小朋友!
作者: 2013Chow 時間: 14-11-17 08:12
我兒子是聾人，以前沒有地方可以和同路人分享!
現在大家雖然會有難過，擔心自己的小朋友聽力和語言問題。但可以在這裡互相鼓勵和分享，這真是個好好的溝通平台!
我有些意見，小朋友或者BB需要學手語嗎?其實我覺得父母學了手語同小朋友都可以說話!(意思是說話和手語一起用)對小朋友好處更加多!
現在好多健聽人都喜歡學手語!
作者: icanhear 時間: 14-11-17 08:44 標題: 回覆：2013Chow 的帖子
若口語已經流暢（如：健聽人仕），學手語是興趣吧！像學韓語或日語一樣。
作者: sofimama 時間: 15-3-26 23:29
多謝各位！很久冇上來分享（做了媽媽真係冇私人時間）。囡囡依家已經8個月啦。同大家分享吓近況：
1/ 囡囡已戴耳機三個月，戴機後明顯會多左發聲。
2/ 亦都剛開始到聾福（聰伶計劃）及私人訓練。
3/已排期今年八月做人工耳蝸手術，好緊張！
4/因為囡囡聰力問題，學左好多新字（auditory verbal therapy/ cochlear implant),去左好多新地方，亦都認識了好多好人。
多謝各位的過來人分享，我這個新手媽媽，遇著個咁棘手的囡囡，實在很需要大家的支持。希望我未來都有能力，與其他父母分享經驗。
多謝各位！
作者: nting 時間: 15-6-16 16:40
bb65 發表於 14-11-6 11:46 
囡囡去年出生時2次ear test fail, 2次都是75分貝才聽到, 我的西醫朋友跟我講他們角度是沒有什麼可以做到, ...
我小朋友都係測試到中度嚴重 . 想問多D有關你提到既針灸資料。可以分享多些嗎?例如係邊到做, 做左幾耐等等。
作者: misslily 時間: 15-6-21 12:39
排定支援服務
及早intervention! 如果冇S位可讀, 搵d 私人治療
不用灰心! 同bb 一齊加油!
作者: Esther515 時間: 15-6-22 10:27
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |