教育王國

標題: 就黎interview k1…. [打印本頁]

作者: lilygang 時間: 14-10-14 23:21 標題: 就黎interview k1….

好擔心，個女唔識形狀，唔識顏色，問名唔答，問年齡更唔識，但都算獨立，唔怕生保，離開我唔會喊，唔會走黎走去，玩完玩具會執好，唔會因為無得玩扭計。
但拒有少少發展遲緩，識聽指令但唔識造句，請問係咪好多幼稚園都無希望？

作者: apple_love 時間: 14-10-14 23:30 標題: 引用：好擔心，個女唔識形狀，唔識顏色，問名唔答

原帖由 lilygang 於 14-10-14 發表
好擔心，個女唔識形狀，唔識顏色，問名唔答，問年齡更唔識，但都算獨立，唔怕生保，離開我唔會喊，唔會走黎 ...

In k1我覺得識講野一定有著數，不過你女有你女的優點，我仔識講自己名，幾多歳，住邊、顔色數字形狀，a-z都認到，但佢臭脾氣同無耐性，其實都好大鑊

作者: cutegilian 時間: 14-10-15 16:01

提示: 作者被禁止或刪除內容自動屏蔽

作者: Katherinee 時間: 14-10-15 19:46 標題: 引用：Quote:原帖由+lilygang+於+14-10-14+發表好

原帖由 apple_love 於 14-10-14 發表
In k1我覺得識講野一定有著數，不過你女有你女的優點，我仔識講自己名，幾多歳，住邊、顔色數字形狀，a-z都 ...

我果個都係，在家同我地雞啄唔斷，出到去就唔出聲，好難控制佢表現，隨緣。反而唔識仲有得教下谷下，識多一樣係一樣

作者: hamufamily 時間: 14-10-15 22:14 標題: 回覆：就黎interview k1….

我仔坐唔定，返學周圍走，係屋企好多野講，識答好多野，不過淨係識答同講英文。識聽廣東話，但講不太好。去到新地方變"暗春"唔出聲。識都唔講....

作者: soso3509 時間: 14-10-16 09:16 標題: 回覆：就黎interview k1….

係咪細b?? 其實老師有經驗..衡量到小朋友能力..
唔洗太擔心...如果考佢玩玩具..只要佢有耐性玩..
就算錯都唔緊要...舉例..如果老師要求小朋友攞某個顏色既玩具..攞錯唔緊要..最緊要肯攞比老師..
因為識分享其實都好重要...

或者教定佢一兩樣...就算佢講錯/ 攞錯...都好過無..
家長切忌緊張..唔好幫手...因為老師都要睇家長配合..
或者有意外收獲

作者: soso3509 時間: 14-10-16 09:18 標題: 回覆：就黎interview k1….

同埋盡量教佢要坐定...要有eye contact, 等老師知道佢其實有留心..識同唔識就另一回事...講真如果乜都識就唔洗讀幼稚園啦..大家一齊加油!!

作者: kwan_0128 時間: 14-10-16 10:06

其實幼稚園最緊要揾間啱小朋友既
發展遲緩唔等如冇適合既幼稚園, 有好多村校老師都好有心機教, interview要求又唔高
相反發展比人慢既, 比間神校你讀小朋友咪仲辛苦, 跟唔上挫敗感又大
加油呀!

歡迎光臨教育王國 (/)