教育王國

標題: 仲返唔返童軍好? [打印本頁]

作者: 小冬 時間: 14-10-12 23:46 標題: 仲返唔返童軍好?

小朋友有自閉傾向，情緒較差，返左一個多月幼童軍，由面試果日已經話唔想返，跟住到依家都係，本來想佢學獨立，但見到佢好多時因小事而同人嘈，嬲時更會打人踢人，跟住就被其他人笑或杯葛，我好心痛!而且又覺得那裏的老師甚至社工係唔識點handle呢類特殊需要的小朋友，唔啱就罰，或者由佢自生自滅，我想幫佢退團，空出來的時間讓他參加其他活動，去下公園活動下身體或者同其他小朋友玩都好(學下社交)，因為佢升小一都平日都無咩時間做運動，我的想法對嗎?依家佢都成日同我講想自己返學，我開始覺得唔一定要返童軍才學到獨立。

作者: Olympian 時間: 14-10-13 17:53 標題: 引用：小朋友有自閉傾向，情緒較差，返左一個多月

原帖由小冬於 14-10-12 發表
小朋友有自閉傾向，情緒較差，返左一個多月幼童軍，由面試果日已經話唔想返，跟住到依家都係，本來想佢學獨 ...

他已表示不想去，我會專重他的決定。況且不是必要的。

作者: misshk12 時間: 14-10-13 22:42

回覆小冬的帖子

聽落童軍導師唔識HANDLE, 係一個問題。成日被罰、被冷落，對小朋友的成長都唔係咁好，但對其他人來講，參加童軍就係要服從紀律，所以做錯咪罰囉。佢地唔會明白A仔的難處同埋感受。

你當初想小朋友參加童軍係想佢獨立,除此之外，有無其他原因呢？你衡量下有無其他課外活動都可達到你想要的目的？如果可以，咪退出囉。而且小朋友越大越難迫佢做D唔喜歡的事，沒必要為了小小活動影響到親子關係吧。

作者: 小冬 時間: 14-10-14 00:00

本帖最後由小冬於 14-10-14 00:05 編輯

老公同導師話我應該帶佢回中心參加童軍後即刻走，我留一陣小朋友又成日向我發脾氣投訴(導師通常遲十分鐘才入去)，再係咁第時我要同埋佢返工!所以我都唔知點好。老公仲話一個星期得兩個小時在童軍，除左學校，佢仲可以去邊度學聽指令同紀律?

作者: spw 時間: 14-10-14 09:10

學習聽指令，其實有好多活動都有教，如果你硬要小朋友返童軍，我怕佢的自尊心同自信心會愈來愈低！會唔會攪好佢的情緒先，才參加這些比較嚴格守紀律的活動呢？

歡迎光臨教育王國 (/)