教育王國

標題: 其實得果歲半人仔⋯ [打印本頁]

作者: cat128 時間: 14-10-12 00:27 標題: 其實得果歲半人仔⋯

其實得果歲半人仔，interview要識切野／講野／砌野／指眼耳口鼻等等，又係咪真係做得到呢？

（男仔，到依家都淨係鍾意掟野⋯

）

作者: kabemama 時間: 14-10-12 01:12

我睇啲舊post, 係啲家長講小朋友in完嘅表現，我真係嚇左一跳
（男仔too，未夠歲半，但言語能力才剛起步）

作者: kabemama 時間: 14-10-12 01:14

平常心啦，諗真，如果學校收嘅全都係高程度學生，自己小朋友被收都好大差距同壓力，咁即學校根本唔適合自己小朋友

作者: ddddssss 時間: 14-10-12 07:59 標題: 引用：其實得果歲半人仔，interview要識切野／講

原帖由 cat128 於 14-10-12 發表
其實得果歲半人仔，interview要識切野／講野／砌野／指眼耳口鼻等等，又係咪真係做得到呢？（男 ...

係真係可以做到的。但要train.

作者: littlekitty73 時間: 14-10-12 12:24 標題: 引用：其實得果歲半人仔，interview要識切野／講

原帖由 cat128 於 14-10-12 發表
其實得果歲半人仔，interview要識切野／講野／砌野／指眼耳口鼻等等，又係咪真係做得到呢？（男 ...

上年我都有同樣既疑問，但有時小朋友會有你估唔到既表現! No worry!

作者: andyan324 時間: 14-10-12 13:19 標題: 回覆：其實得果歲半人仔⋯

歲半已經算好，細b得1歲未夠

作者: lovecasey 時間: 14-10-12 13:40

全世界只有香港係咁

作者: crystal媽咪 時間: 14-10-12 16:30

真係有D小朋友可以做到.
當然每人都有快慢.
可以的話教下, 唔得的話, 最基本聽到名笑下(有反應/望下對方)
樂於玩不同的玩具.

走的時候揮手BYE BYE / 飛吻

作者: nic_bb 時間: 14-10-12 17:57 標題: 回覆：其實得果歲半人仔⋯

我仔仔月尾歲半，間中我都教佢新嘢，雖說不上叻(尤其講嘢直頭係水皮添!)，但經過我竭而不捨咁重複教，各方面都算識多咗少少，誰知N班interview考嘅嘢仲深！我地兩公婆又要返工，唯有放工後再努力d，唉……

作者: ccw1830 時間: 14-10-12 23:41

我都係咁諗……我仔19個月多d in N,而家仲未好叻咁指到五官，講野又唔多識，砌併圖唔識……都唔知點算

作者: megwong1 時間: 14-10-13 10:23

我上年同小朋友N班 interview, 同樣疑問! 我小朋友當時只識眼耳口鼻, 我已經覺得好叻! 點知見到好多小朋友同年紀但又真係咩都識，我都眼突! 當然最終大部分學校無收!

但我安慰自己, 果D學校捨難取易, 商業味比愛心大, 所以不是我杯茶!

的確香港情況好奇異! 苦了小朋友又苦了家長! 現實迫到本應有好快樂既童年, 但………..

作者: michanntan 時間: 14-10-13 18:56 標題: 回覆：cat128 的帖子

I totally agree with you. My baby is just a few months old and I am now worrying about playgroup and pre n etc. Can a young kid really achieve so much? I honestly don't think that schooling is necessary for kids younger than 2 years old, but then it seems like if we don't enrol our baby in PG, we won't be able to get into a proper Pre N and K1 etc... Any comments?

作者: rgalc 時間: 14-10-13 19:27 標題: 回覆：其實得果歲半人仔⋯

提示: 作者被禁止或刪除內容自動屏蔽

作者: hong4e17 時間: 14-10-13 19:31

提示: 作者被禁止或刪除內容自動屏蔽

作者: socute 時間: 14-10-13 19:45 標題: 回覆：其實得果歲半人仔⋯

平常心啦！勉強無幸福。教養之路咁漫長，總不能每一步都咁擔心。

作者: vvkennis 時間: 14-10-14 00:27

回覆 cat128 的帖子

平常心就好。我小朋友18m, 明白眼耳口鼻，說話都係剛起步。
我都係全職媽媽，靠的只係每日湊去婆婆度，搭車的時間，同佢傾計同佢講，講下講下就開始明。
大家共勉之啦。

作者: misshelen 時間: 14-10-14 01:33

cat128 發表於 14-10-12 00:27
其實得果歲半人仔，interview要識切野／講野／砌野／指眼耳口鼻等等，又係咪真係做得到呢？（男 ...

我個小朋友都係咁....好似咩都唔識咁....心諗：點in呀?

lee度啲媽媽真係好叻呀，識得教小朋友做咁多野

作者: victoryu19 時間: 14-10-14 08:52

The idea of interviewing kids is crazy to begin with.

作者: Moonlight819 時間: 14-10-14 09:55 標題: 回覆：其實得果歲半人仔⋯

其實之前我in較好的pn,真的大部份學生可以做到，甚至英文說出食物如bread,我囝囝也做到大部份。

作者: ivylam82 時間: 14-10-14 13:28

回覆 cat128 的帖子

其實講野唔難教,比佢睇多啲電視,每日當佢大人咁同佢傾下計,BB就學得好快。
我仔歲半時可以講三個字的說話,依家二十三個月,會同我投訴比隻貓打,叫爸爸番工賺錢買嘢,番完學可以話我知學校有哥哥拖佢手手,...講得出學校名同喺邊到, 屋企喺邊到, 最近識得講自己叫咩名....

我仔亦好早識砌lego,雖然只係不斷疊高...但我冇帶個仔去interview,因為我覺得歲幾人仔interview好古怪,所以依家讀緊既都係一間唔使interview既學校。

作者: Yang81 時間: 14-10-14 14:02 標題: 回覆：ivylam82 的帖子

咩學校唔使interview㗎？我都想比囡囡返。thanks

作者: prettygirl1205 時間: 14-10-14 16:28

Yang81 發表於 14-10-14 14:02
咩學校唔使interview㗎？我都想比囡囡返。thanks

有學校係先到先得, 不過唔多...

作者: samsam0428 時間: 14-10-15 15:35 標題: 回覆：其實得果歲半人仔⋯

我仔歲半識講好多野，識指晒五官手腳，砌切叠野都好叻，見人一定say hi飛吻，我無特別train,多d同唔同年紀既小朋友玩，佢會自然進步，但識晒咁多都無用，唔識都唔緊要，面試係好睇當天小朋友既表現同父母老師既交流

作者: joeycwm 時間: 14-10-15 15:47

我個囡識得切生果, 砌積木, 眼耳口鼻知道係邊, 但係唔會成日合作, 有時指到有時唔指唔到, 講嘢完全唔得, 連媽媽都唔係成日講

作者: ckmd 時間: 14-10-15 22:19 標題: 引用：歲半已經算好，細b得1歲未夠 +

原帖由 andyan324 於 14-10-12 發表
歲半已經算好，細b得1歲未夠

Agree! 我個9月尾细b

作者: Mcmugs 時間: 14-10-15 23:40 標題: 回覆：其實得果歲半人仔⋯

2年前阿女in N 時得14個月，雖然佢比同齡算Ok，起碼肯聽，都因為細B，offer 並不多，反而到最後in個几間，已經有歲半，好左好多！
今年阿仔同樣14個月，情況慘不忍睹，畢族男仔是先發展體能然後語言，講極又未必明，明又未必睬你，希望佢唔會冇書讀啦……

作者: ivylam82 時間: 14-10-16 17:50

回覆 Yang81 的帖子

港島區一間小幼兒學校, 收細B, 唔使interview, 但要住得近或上佢playgroup

歡迎光臨教育王國 (/)