教育王國

標題: 留班 [打印本頁]

作者: 咪咪2007 時間: 14-10-11 11:01 標題: 留班

覺得阿女未開曉，跟唔上，有無家長試過留班，可以自己要求嗎

作者: yolayoha 時間: 14-10-11 14:55

叫佢特登科科考零分, 咁學校應該俾佢留; 否則, 學校好少會俾學生留級.

作者: Yanamami 時間: 14-10-11 14:57

講真，要留班的確都唔喺禁容易~

作者: Jane1983 時間: 14-10-11 15:13

回覆 yolayoha 的帖子

咪制，太差有時直接勸退ga。

作者: Soundervolt 時間: 14-10-11 19:47 標題: 回覆：咪咪2007 的帖子

首先跟學校傾下妳囡女嘅問題，對正下藥，睇下校方諗法去配合。我囝仔間學校校長喺家長會講到明話有希望重讀一年會有幫助嘅同學先至可以留班，如果太差連留都冇幫助嘅話就唔會有留班嘅安排。

作者: skkeung 時間: 14-10-11 20:18 標題: 引用：覺得阿女未開曉，跟唔上，有無家長試過留班

原帖由 咪咪2007 於 14-10-11 發表
覺得阿女未開曉，跟唔上，有無家長試過留班，可以自己要求嗎

不赞成原校留！

作者: Fanny媽媽 時間: 14-10-11 23:50

我仔在2年級時讀得不太理想..我自己同學校傾要求留班, 最後成功留左一年, 宜家的確讀得左好多

作者: HaYi 時間: 14-10-12 10:35

我見有些26字未寫齊的都照上2年級, 我想留班的機會真好少, 至少我未見過識的人留過.

作者: ponnychan 時間: 14-10-12 10:45

我外甥仔係十月細B, 當年功課跟唔上, 我妹係中學教師, 決定俾個仔留班一年, 唔記得留邊一年, 只記得係初小. 依家外甥仔係高中生, 讀Band 1學校, 聽說成績仲名列前矛, 當然阿妹係中學教師, 可能功課上有幫助, 但同樣道理, 阿妹係中學教師, 都睇得長遠, 寧願俾佢留班一年.

作者: ponnychan 時間: 14-10-12 10:50

不過, 都要補充一句, 外甥仔又初小到依家高中, 都好多年, 唔知依家外邊咩形勢.

作者: momama 時間: 14-10-12 12:52 標題: 引用：我見有些26字未寫齊的都照上2年級,+我想留

原帖由 HaYi 於 14-10-12 發表
我見有些26字未寫齊的都照上2年級, 我想留班的機會真好少, 至少我未見過識的人留過. ...

乜學校？

作者: 已刪除用戶 時間: 14-10-12 15:40

我仔小二時,有同班同學中英數常全部不及格,

但佢一樣今年升左小三.

作者: Queenielam88 時間: 14-10-12 20:37 標題: 回覆：CALVEN 的帖子

我所知有一間私校，如最後一個學段有一科主科唔合格就要留班！

作者: sallyshlau2 時間: 14-10-13 09:36 標題: 引用：覺得阿女未開曉，跟唔上，有無家長試過留班

原帖由 咪咪2007 於 14-10-11 發表
覺得阿女未開曉，跟唔上，有無家長試過留班，可以自己要求嗎

你個女是否大細？

作者: little_yolky 時間: 14-10-14 17:23

Queenielam88 發表於 14-10-12 20:37
我所知有一間私校，如最後一個學段有一科主科唔合格就要留班！

我以為所有學校都有規定添。

我囡囡學校就係咁, 如果中英數唔合格又50以上, 可以試升, 如果49分, 就要留班, 一科都要。術科及常識就可以有2科唔合格, 但都要50分以上先可以試升。第二年如果同科再唔合格多一次, 就算有50都要留班, 體育唔合格都要留班, 需然無乜可能唔合格。另外, 術科兩科唔合格又低過50亦要留班。所以, 我哋俾囡囡個底線係：合格。

作者: Olympian 時間: 14-10-14 17:44 標題: 回覆：咪咪2007 的帖子

官津一級只有3%學位供留班。所以要真的最落後的幾位同學才有機會。但學校會考慮家長意願，有家長不想留班。那你可大概計算有沒有機會。早些跟學校講你有意留班。

作者: sonkhl 時間: 14-10-14 18:00

各位,我不贊成在小學留班.可以嘗試在暑期兩個月補回一些未跟上的.再計劃來年如何不再"未跟上".要留班,把這一年光陰留在中六DSE吧.更有價值.

作者: ray88911 時間: 14-10-14 19:37 標題: 回覆：留班

提示: 作者被禁止或刪除內容自動屏蔽

作者: 咪咪2007 時間: 14-10-14 20:36

回覆 Fanny媽媽的帖子

你個時小朋友平均分幾分，學校比留

作者: Fanny媽媽 時間: 14-10-15 22:53 標題: 回覆：咪咪2007 的帖子

小一時我仔平均分得3x..到二年級時就4x至5x，考全級尾10，跟住考完第一次試我就同班主任傾，到考完final exam我就寫左封請求信比學校，老師都話唔一定考第尾先有得留，係學校覺得可以幫到該位學生先會批准，同埋可能我仔係細仔(12月尾出世)，所以種種原因加埋學校肯比留班，所以我覺得由考完第一次試開始可以同班主任傾傾，至少可知道學校既留班要求，如果到考完final exam先表態往往都冇機會，加油呀！

歡迎光臨教育王國 (/)