教育王國

標題: 2015年DSE疑問 [打印本頁]

作者: Ahling2004    時間: 14-10-10 09:55     標題: 2015年DSE疑問

如題.
請問各位出年仔女考DSE媽咪, 你們的學校己派左報左考DSE的申請表格沒?  JUPAS 是否也開始申請? 如果明知成績唔達標都可以申請JUPAS嗎?
家中小兒咩都講的唔清唔楚, 問佢都答話沒OK. 再問有咩要準備, 又話沒得住.  再問以防萬一滑鐵盧準備下其他, 又話沒想到. 總之問親佢的答案都好飄忽不定, 或者佢唔想我地幫佢起主意. 但我地心中真係有底, 佢咁的成績及學習態度一定入唔到大學, 而佢自已成日話想考大學, 點解唔面對現實, 好好同我地商量下將來出路呢? 唉....


作者: wwyee    時間: 14-10-10 10:23     標題: 回覆:2015年DSE疑問

你嘅問題我都想問,係咪即等同升中志願咁排呢?




作者: tangko    時間: 14-10-10 10:23

本帖最後由 tangko 於 14-10-10 10:26 編輯

回覆 Ahling2004 的帖子

學校會為校內各中六學生按其選修科目向考試局報考DSE,經覆核後學校會派回繳費通知書予學生自行繳費,費用按不同科目及修讀科數收取,到時可按指定方法或網上繳交便可。

至於JUPAS,則要學生自行於JUPAS網頁開設使用者賬戶,填好個人資料並繳付HK$420後(可即時以信用卡繳付),開立使用者賬戶便完成。日後只要再次登入JUPAS網頁內的使用者賬戶,便可填報自己的20個大學選科項目及提交PERSONAL STATEMENT或其他OLE資料。

因昨天剛和女兒一起創建了JUPAS的使用者賬戶,所以有這樣的概念,有錯請指正,謝謝!


作者: Ahling2004    時間: 14-10-10 14:20

回覆 tangko 的帖子

非常謝謝你的幫忙!

作者: moon88    時間: 14-10-10 23:16

記得 16 Oct 前先交考試費。
作者: Betty媽咪    時間: 14-10-13 13:24

DSE 是由學校負責報名, 但考試費是學生負責去交, 避免過期付加費, 16號前要憑單繳交, 好方便, 7仔交亦可, 亦可用繳費靈.

JUPAS 學生要自行開啟帳戶, 報名費亦可經網上繳交. 交費最後限期為12月2日.
作者: Ahling2004    時間: 14-10-16 09:06

過去一週, 學校已通知自行交DSE的報名費, 我已交左.  
JUPAS的帳戶都已開左, 交埋費用. 咁請問要在幾時之前要上綱填20個自願?
以上2樣做齊, 暫時係唔係無咩要急需辦理啦?

個仔到依家都沒清晰自已條路點行, IVE又話唔去, 自資又話唔想, 反而想副學位, 但讀副學士,好多家長都唔支持, 點解呢? . 想問: 除非係好勤力讀, 如果唔係就會浪費時間呢個原因?

謝謝幫忙!
作者: ryanhowh    時間: 14-10-16 09:55

提示: 作者被禁止或刪除 內容自動屏蔽
作者: wwyee    時間: 14-10-16 11:49     標題: 回覆:Ahling2004 的帖子

我嘅想法係有動搖,我參考過一D資料,唔知對你有無幫助。
做晒你所講嘅兩樣之後,就等到12月選排位,而諗住聯招信心唔大嘅,差唔多12月有好多自資嘅學士,副學士,高級文憑嘅學院開始招生,睇下有無邊間有科目有興趣,去報名,面試,算係買個保障(留位費5千),如果好彩聯招收,咁可以返去自資度,扣除行政費可以攞返留位費,如果唔收(係無得退返),就疊埋心水返去自資。
而副學士所讀年期要4年(1年約5萬或以上),如果讀得成績來上埋大學又幾年,銀彈係要必須充裕先考慮,小朋友心智唔喺太成熟,我會考慮打算比佢讀。而我小朋友上年做過暑假工,大約知道要面對嘅壓力,亦會考慮搵有機構實習嘅高級文憑讀,希望學以致用,唔駛咩都唔識就出黎社會。
以上係我呢排對佢地升學初步認識嘅概念,唔知有無咩野,我誤解左,如果有請過來人指點指點。




作者: Ahling2004    時間: 14-10-16 16:04

回覆 ryanhowh 的帖子

THANKS

作者: Ahling2004    時間: 14-10-16 16:06

回覆 wwyee 的帖子

我打算好似你咁安排, 買個保障.

作者: wwyee    時間: 14-10-16 16:25     標題: 回覆:2015年DSE疑問

副學士係兩年,多謝提點。那若成績許可升上大學,那究竟應該讀幾多年先可成位學士?




作者: ryanhowh    時間: 14-10-17 17:11

提示: 作者被禁止或刪除 內容自動屏蔽
作者: toyotacar2    時間: 14-10-17 18:23

想問如果想報   自資 / 高級文憑 招生  可以在那裡找到資料?                                                                  我問个仔  佢就セ都唔知 ,一点也不緊張,俾佢激死
作者: Ahling2004    時間: 14-10-20 13:57

上E-PPA 系統找下.
我那個都係懶到好似蛇咁, 你急佢唔急, 有時真係無心情幫佢找哂資料.
作者: shshwby    時間: 14-10-20 22:00

http://www.ipass.gov.hk/edb/index.php/ch/home

在以上網頁可查閱有關政府及非政府資助的學士/副學位等課程




歡迎光臨 教育王國 (/) Powered by Discuz! X1.5