教育王國
標題: 好心痛好煩惱,請大家比d意見我,謝謝 [打印本頁]
作者: Alexming 時間: 14-10-5 00:04 標題: 好心痛好煩惱,請大家比d意見我,謝謝
仔仔兩歲, 返N班一,兩日巳開始比老師投訴. 講明K1 唔收佢,仲叫我快D同阿仔睇醫生同做行為治療,我真係好驚阿仔係過度活躍要食藥.仔仔一出世巳好百厭, 兩個幾月大巳同佢睇醫生{驚阿仔係過度活躍),因佢18日大巳玩轉身,兩個月大巳成功轉身.兩個幾月大巳玩爬.醫生話應該唔係,因我同醫生傾咗15分鐘,佢全程望住醫生.所以醫生話阿仔專注力好強.
到歲半去健康院我又問姑娘,阿仔唔聽人教.自細都係鍾意自己研究D玩具點玩唔比人教, 又好識用腦去對付你班大人,冇人冇嘢治到佢,又成日攪攪振,隻手成日攪人,隻腳成日踢人.一開口講嘢巳經係駁嘴.記性強到你唔信.我真係每日都同佢鬥智鬥力.好倦好辛苦又好驚.但健康院姑娘反而話佢似資優.(但我唔覺)
問題終於出現啦.每日返學佢都自己坐喺橈,唔同小朋友坐喺地墊上, 我問佢點解,佢答鍾意自己坐.得佢唔肯排隊,手手腳腳成日攪人.每日都要有個姨姨貼身睇住佢.老師話佢唔鍾意同其他小朋友相 處又唔識同人溝通,講到似自閉(其實阿仔自細都係只同D好大的小朋友玩),佢成日冇啦啦起身倒晒D玩具落地,老師話佢好影響其他小朋友.我頭都痛埋.問佢點解佢話因唔舒服(拍住心口講),又話唔鍾意返學. 老師話佢教十幾年書,你個仔一定有問題, 我連心理學都讀埋,快同你個仔睇醫生唔好錯過黃金治療期.你個仔係識好多嘢連我地都估唔到.但都真係有問題.我聽完都唔知喊咗幾多次.見大家話最快要四歲先知,咁呢兩年點算呢
請大家教我點做,同埋邊度可做行為治療呢.謝謝
作者: lillymarie 時間: 14-10-5 16:44
你唔好估估下，帶佢去睇醫生，問醫生可否轉介你去政府做評估啦！由專業心理學家去判斷好些。
作者: HappyCheerBaby 時間: 14-10-6 11:05
回覆 Alexming 的帖子
你試搵教仔專家問下，會唔會同教仔方法出現問題呀？
作者: I_O_U_baby 時間: 14-10-6 15:45
好明白小朋友行為實在令父母好困擾,
特別係N 班,識D唔識D, 3,4 歲時大D 認知多左會好D,
同小朋友既溝通技巧都好緊要,
記住佢地唔係有心同自己作對,有時可能真係未懂控制,
嘗試多了解佢背後既動機.
同埋我覺得要搵間比較小班,老師有耐性同包容對佢地好D.
我囝都係坐唔定果隻,升班轉左班主任好有心機教佢,
會成日諗D新方法令佢覺得無咁沉悶,佢返學返得開心左就少左搞事,
至於做評估, 你可以搵健康院轉介去CAC
http://www.dhcas.gov.hk/tc_chi/c ... s/cas_leaflet_c.pdf
約排一年可見醫生.
現階段可睇下呢個機構幫唔幫到你:
http://www.pbridge.hk/hkcs/chi/intro.php
大家一齊加油
作者: natalietran 時間: 14-10-6 16:58
提示: 作者被禁止或刪除 內容自動屏蔽
作者: Alexming 時間: 14-10-6 23:49
回覆 Alexming 的帖子
多謝各位意見,今日同阿仔去健康院,姑娘幫我約咗下個星期五見醫生,到時睇下點,先謝謝大家
作者: 雪晴25 時間: 14-10-7 12:45
本帖最後由 雪晴25 於 14-10-7 12:45 編輯
我仔N班時都好似你仔咁成日被老師投訴, ,又係成日攪攪振,隻手成日攪人,隻腳成日踢人, 上堂坐唔定, 上年排佐政府CAC到今年9月先有得見醫生, 今年升K1 9月在太子參加佐間行為治療, 個姑娘好好教佐好多方法比我地, 如你想知可PM我比給資料你
作者: DollyCC 時間: 14-10-7 15:47 標題: 回覆：雪晴25 的帖子
雪晴25，我想知邊度上行為治療，可否pm我
作者: free_style 時間: 14-10-8 23:06
試下生物療法，幾有用的喎。我兩個小朋友都正在做緊，情緒會穩定好多的。
作者: Alexming 時間: 14-10-8 23:29
回覆 free_style 的帖子
請問可那裡做生物治療法,謝謝
作者: annie0517 時間: 14-10-10 22:30 標題: 引用：回覆+Alexming+的帖子 多謝各位意見,今日
原帖由 Alexming 於 14-10-06 發表
回覆 Alexming 的帖子
多謝各位意見,今日同阿仔去健康院,姑娘幫我約咗下個星期五見醫生,到時睇下點,先謝謝 ...
因為唔想錯過佢訓練黃金期，我排政府同時，即找私人訓練，一路做到依家。
如果你相信要抓緊治黃金期，就唔好等政府評估，叫你去幾廿次，每次check 一樣嘢，排除哂所有可能性，好多次之後先見到醫生做評估，你要攞佢嘅服務係咁架喇。另外，普通學校唔識教佢哋，你有私家醫生封信，如果真係有事，可以排政府，甚至特殊學校或有啲普通學校有兼收位等，佢哋有方法教佢哋行為同包容佢，每日都响學校教，行為改進比較明顯。
希望你盡快搵到啱嘅方法比你小朋友。
作者: Alexming 時間: 14-10-22 11:37
回覆 annie0517 的帖子
好多謝你,想請敎你喺邊度睇醫生同上堂,謝謝解答
作者: Cherriho 時間: 14-10-23 15:57 標題: 引用：+本帖最後由+雪晴25+於+14-10-7+12:45+編輯
原帖由 雪晴25 於 14-10-07 發表
本帖最後由 雪晴25 於 14-10-7 12:45 編輯
我仔N班時都好似你仔咁成日被老師投訴, ,又係成日攪攪振,隻手 ...
作者: annie0517 時間: 14-10-25 20:11 標題: 回覆：Alexming 的帖子
我未排到政府前在在私家做了評估，如你想要醫生資料，可以pm 你。 醫生那裏都有治療師，但好full. 幸好外面找到一個職業治療師，比到瞓練期，所以一直都有瞓練，不過我個女今年最終都要開始食葯，因為學校處理唔到，佢一人多就會被干擾，收唔到老師指令。但我小朋友平時同我哋一齊，我覺得進步咗好多，我唔肯定係咪一直有做訓練嘅成效，不過，我相信訓練有一定幫助。唔好灰心，早啲開始訓練或治療，唔好錯過治療黃金期。
作者: claudiaxxxxx 時間: 14-10-27 14:51
提示: 作者被禁止或刪除 內容自動屏蔽
作者: mimuib 時間: 14-10-28 02:07 標題: 引用：+本帖最後由+雪晴25+於+14-10-7+12:45+編輯
原帖由 雪晴25 於 14-10-07 發表
本帖最後由 雪晴25 於 14-10-7 12:45 編輯
我仔N班時都好似你仔咁成日被老師投訴, ,又係成日攪攪振,隻手 ...
作者: wan_sosin 時間: 14-10-28 07:56 標題: 引用：Quote:原帖由+Alexming+於+14-10-06+發表回
本帖最後由 wan_sosin 於 14-10-28 08:20 編輯
原帖由 annie0517 於 14-10-10 發表
Alexming, 我想share 我嘅經驗比你參考吓時間，我個囡响20個月時join 咗個playgroup, 佢都係唔join circle ...
特殊學校和兼收位係唔會收單純有活躍問題嘅小朋友，除非自閉，學習遲緩，智能低於水平等…！
智能正常嘅ADHD小朋友，係入主流幼稚園同小學…
我仔四歲就係CAC 同時見咗三個醫生評估，醫生同我講，幼兒無乜嘢訓練到，假設就算一星期一兩堂，得一兩個鐘，都唔多會影響到個小朋友，所以，最重要係父母教！我之前問過明愛比幼兒嘅專注力班,都係話會教埋家長點做,返屋企自己訓練個小朋友.
所以小朋友去上堂訓練,最終必須父母去學,返到屋企再繼續訓練.
所以我自己去學點教小朋友，到目前我仔小一，一直無乜上過訓練，只係我屋企跟實，自己教，現在入了程度唔淺嘅小學，跟到功課，不用食藥！當然有係學校倒蛋，但唔係嚴重行為，無話走出位四圍行，打同學嗰種！
ADHD 就算去私家，都唔能夠幾歲証實到，如咁早可以確診，一就係私家手鬆，簽咗算，一係就非常嚴重，一係小朋友唔只單有ADHD,仲有其他問題！
作者: wan_sosin 時間: 14-10-28 08:03 標題: 引用：我未排到政府前在在私家做了評估，如你想要
原帖由 annie0517 於 14-10-25 發表
我未排到政府前在在私家做了評估，如你想要醫生資料，可以pm 你。 醫生那裏都有治療師，但好full. 幸好外面 ...
四歲半你比佢食藥？
你小朋友而家讀緊幼稚園嗎？
幼稚園點樣攪唔掂，都唔應該食藥，
食藥主要為咗能係學校學習到。
邊個開藥比你？
作者: wan_sosin 時間: 14-10-28 08:09 標題: 引用：Quote:原帖由+Alexming+於+14-10-06+發表回
本帖最後由 wan_sosin 於 14-10-28 08:14 編輯
原帖由 annie0517 於 14-10-10 發表
Alexming, 我想share 我嘅經驗比你參考吓時間，我個囡响20個月時join 咗個playgroup, 佢都係唔join circle ...
還有政府係唔會見幾廿次，佢哋無咁得閒！係CAC,一次見姑娘，第二次就會見醫生做評估，情況明顯的，即會確診，否則最多跟多一次！我第二次見醫生，之後就轉介兒童精神科，係排得耐，但只有兩三次！
作者: I_O_U_baby 時間: 14-10-28 10:52
4歲半食藥,真係聞所未聞,
始終係精神科藥物, 而4歲半還有好多變數,
所以好多CASE 都唔可以係6歲前確診,
莫講話開始食藥咁得人驚
作者: Alexming 時間: 14-10-28 23:36
回覆 wan_sosin 的帖子
唔好意思,請問咩叫ADHD,我唔係好識.謝謝我仔仔宜家間中肯同小朋友一起坐,但如果隔離係女仔,佢會攪人地D頭髮,男仔又冇嘢,佢四圍行,但原來係有學緊,因返屋企問返佢,佢會識讀返D字你聽,其實佢一直學嘢都好快, 什至比人快,一講就明,好多時你講一次佢巳經完全記得識得讀返晒比你聽.再講反而冇興趣仲走咗去. 真係唔知點解唯獨是D手腳係鍾意攪攪掁,樣樣都勁好奇,我真怕阿仔要食藥.
作者: wan_sosin 時間: 14-10-29 01:02
本帖最後由 wan_sosin 於 14-10-29 01:04 編輯
Alexming 發表於 14-10-28 23:36 
回覆 wan_sosin 的帖子
唔好意思,請問咩叫ADHD,我唔係好識.謝謝我仔仔宜家間中肯同小朋友一起坐,但如果隔 ...
真係極之萬分明白你嘅情況,我仔細個嘅情況同你仔都有部份似!
ADHD係專注力不足過度活躍症!
我仔好在無讀N班,佢入K1已3歲幾,否則情況可能同你差唔多,我仔由BB開始,已經好癲,K1前真係好驚佢入唔到學校讀書,好在3歲後,似返D樣,緊緊係佢入K時,叫控制到,都因為咁,我係佢歲半時無做嘢,全力教佢!
你而家唔好亂,諗清楚想你囝囝點樣,唔好亂搵評估!點都最好排CAC先!半年至大半年應該排到.你如果出去搵,都搵可信機構,協康,小童群益會,明愛等等,
如私人機構,佢好易會話你個仔叻,叫你做呢樣做嗰樣,做埋IQ test,花錢千千聲但無實質幫到.所以你要冷靜!
你仔手多腳多,係佢好奇想學嘢,但兩歲咁情況唔算大問題,因為本身呢個年紀會咁樣.[size=14.4444446563721px]我仔6歲,都仍然手多腳多,就真係煩啦!
雖然你囝囝現在整日忙個不停,但無論如何,一路大都會有進步的!總唔會一d都唔變,但要有耐性,變好咗亦都只係相對於佢本身個人,並非同其他小朋友一樣!當然其間必須要父母好努力教導,萬分愛心忍耐!
以你小朋友嘅聰明,應該理解力好,可以用對大一點小朋友嘅方法教佢.佢會明的,講住咁多先,最緊要唔好急住.
作者: Charlotte_mom 時間: 14-10-29 10:50
樓主, 以經驗我覺得有幾個大可能:
1. 自閉譜系: 唔識睇人眉頭眼額, 唔識收
我知坊間/網上好多自閉資料, 咩睇車碌, 重覆/強迫行為, 無眼神接觸丫嘛
我唔想嚇你, 但除左典型自閉, 仲有非典型自閉, 以上徵狀好多都唔中, 我仔就係了 (唔係我作的, 瑪麗精神科斷症的), 我仔無果d轉圈, 睇車碌, 唔肯同人玩果d, 但在理解情感/社交方面, 肥晒佬
2. 資優, 學野勁快, 或者某方面有好卓越成就, 不過好多時亦係社交出問題, 唔理人感受
3. adhd, 專注力失調及過度活潑, 其實係兩樣野: 專注力失調, 過度活潑, 多數兩樣都有, 又有可能一邊重好多, 一般政府要6歲至做評估, 按情況決定食唔食藥
以上情況, 亦可以一齊黎, 我仔就係非典型自閉+adhd, 亦有老師講過佢似資優, 算了佢又唔明顯, 我都唔想繼續評落去了
不過咁, 樓主, 現階段最主要的, 唔係個"title", 而係你點幫佢, 無論斷症未都好, 有樣野令你最頭疼的, 就係小朋友騷擾上課秩序被投訴, 有d野你可以做的, 就係安排專注力訓練(令小朋友在大家做一d佢覺得無趣的事情時, 都要保持專注同合作), 同社交能力: 做左咩人地會唔鐘意, 點去睇人地嬲唔嬲, 應該幾時stop, 點解要同人溝通
我仔而家上緊聖基道健苗軒, 係學校社工介紹的, 我覺得好好, 佢係遊戲中學習, 小朋友玩得好開心, 社工亦好專業, 每堂de-briefing分析返小朋友做左咩, 點反應, 點改善, 中到呢......我老公直頭話個姑娘好似識睇相! 中晒
你可以去呢度睇睇, 中心季刊就有課程
http://www.kidsmind.org.hk/site/kids/home/index.html
我見佢p11有個跨專業訓練小組, 可能幫到你(2.5-3.5歲), 會比平時課程貴, 我亦唔肯定係咪要有專業評估報告至收, 你可以打去問問, 講返小朋友情況佢地會俾到d意見你
另外有本書我可以推介俾你, 係自己同小朋友訓練專注力的, 叫"5分鐘玩出專注力", 天地圖書較齊
下面條link有d有關專注力分享, 可以了解下
http://www.books.com.tw/web/sys_ ... 10443114&page=1
呢條link有內文preview
http://www.books.com.tw/products/0010443114
當然, 去上course就最理想, 我仔之前係上小童群益會的
http://hke.bgca.org.hk/0785/fullpage.aspx?l=C&id=731
(唔好意思港島我熟d)
作者: Charlotte_mom 時間: 14-10-29 10:51
唔記得講: 天生我才, 小朋友一定有過人之處, 要好好掌握, 加油
作者: laupig 時間: 14-10-30 14:42
Charlotte_mom, 多謝你的資料, 非常實用.
我的孩子都是ADHD+asperger, 仲有ODD, 不敢亦明知無機會考到HKUGA. 好羨慕你仔女順利入學又有支援.
好希望有個FB群組可以俾家長呻下, 收下料, 問下意見. 沙律媽, 考慮下.
再次衷心感謝你!
作者: Charlotte_mom 時間: 14-10-30 15:30
唔考下, 點知wor! 試左先, 唔得當俾50蚊去玩遊戲歎冷氣
我都覺得我仔呢方面較好彩
, 咁多年黎, 我真係見住老師, 社工, 主任都幫左我仔好多, 我個仔
! 社工熟晒, 訓輔組常客, 有專責老師同佢傾計, 見過校長, 見過家長, 見過教育心理學家連警察都出埋場, 因為佢我真係大開眼界我至知原來學校除左教書仲做左咁多野
但學校從來無為難佢為難我, 當我仔攪到見社工/訓輔, 佢地見我係同我講, 下一步點行, 點去建立返小朋友自信, 點去幫佢, 令佢有動機肯主動, 呢樣係我衷心感激的, 作為一個阿媽, 無野比有人錫自己小朋友更重要
作者: Alexming 時間: 14-11-1 00:17
回覆 wan_sosin 的帖子
好多謝好多謝你的解答,令我明白多咗好多, 也令我冇咁亂,十分感激你,
作者: Alexming 時間: 14-11-1 00:29
回覆 Charlotte_mom 的帖子
好多謝你的分析同比咗咁多資料我, 之前我一直不知所措,也不知如何入手同找幫手, 你比我的資料真的幫咗我好多, 希望可以幫到我仔仔,希望佢以後可以開開心心返學.好多好多的希望. 好開心大家的幫助, 其實我可以喺到找答案同傾訴下,真係好好多,一直以嚟好大壓力, 同埋不至一次比人破口大駡我冇家教,個心好痛好痛. 也因比人駡個仔攪到我嘈交.眼見個仔比人駡比人打,我真係心痛到唔識講.多謝咁多位.
作者: wan_sosin 時間: 14-11-1 17:45 標題: 引用：回覆+wan_sosin+的帖子
好多謝好多謝你的
原帖由 Alexming 於 14-11-01 發表
回覆 wan_sosin 的帖子
好多謝好多謝你的解答,令我明白多咗好多, 也令我冇咁亂,十分感激你, ...
作者: Nekota 時間: 14-11-4 14:57
提示: 作者被禁止或刪除 內容自動屏蔽
作者: Charlotte_mom 時間: 14-11-4 22:18 標題: 引用：回覆+Charlotte_mom+的帖子 好多謝你的分
原帖由 Alexming 於 14-11-01 發表
回覆 Charlotte_mom 的帖子
好多謝你的分析同比咗咁多資料我, 之前我一直不知所措,也不知如何入手同找幫手 ...
大家都係過來人，知道果種感受。所以更要互相支持呢
！肯俾心機就一定有進步呀
作者: myanyan 時間: 15-1-7 17:48
提示: 作者被禁止或刪除 內容自動屏蔽
作者: wylucia 時間: 15-1-10 07:21
回覆 雪晴25 的帖子
我仔仔也有同樣問題，可否pm資料給我？謝謝！
作者: gg33 時間: 15-1-14 21:42 標題: 引用：+本帖最後由+雪晴25+於+14-10-7+12:45+編輯
原帖由 雪晴25 於 14-10-07 發表
本帖最後由 雪晴25 於 14-10-7 12:45 編輯
我仔N班時都好似你仔咁成日被老師投訴, ,又係成日攪攪振,隻手 ...
作者: marie209 時間: 15-3-10 16:13
帶佢去睇醫生，問醫生可否轉介你去政府做評估啦！由專業心理學家去判斷好些。
作者: Alexming 時間: 15-3-11 23:40
回覆 marie209 的帖子
多謝你.巳於上星期見完醫生, 開始時醫生話可能阿氐保加症.測試完話係資優,所以自我中心好強,好鍾意挑戰,會選擇人嚟睬,攪到社交方面唔好,頭腦轉得太快, 好易學壞,要盡快安排行為治療同要單對單上堂, 但也排定心理醫生同精神科,怕到四,五歲時都唔改善仲有一手準備.醫生話咁細個睇唔到有冇過度活躍,但暫時唔似.另外大d再測智商,睇下資優係邊方面才重點敎育.
同埋想請敎大家,我仔係九龍兒童體能智力中測驗中心見完醫生評估完比咗封信轉介我去油麻地排心理醫生,請問是否係大家講的CAC,因我還未去預約,唔知排幾耐會有得上堂,定有嗰封信巳有得上堂.謝謝解答
作者: lillymarie 時間: 15-3-12 05:50
Alexming 發表於 15-3-11 23:40
回覆 marie209 的帖子
多謝你.巳於上星期見完醫生, 開始時醫生話可能阿氐保加症.測試完話係資優,所以自我 ...
作者: Alexming 時間: 15-3-12 17:35
回覆 lillymarie 的帖子
我已喺嗰到做完評估。即宜家去政府到約期(轉介信)
作者: I_O_U_baby 時間: 15-3-16 09:49
本帖最後由 I_O_U_baby 於 15-3-16 09:50 編輯
Alexming 發表於 15-3-12 17:35
回覆 lillymarie 的帖子
我已喺嗰到做完評估。即宜家去政府到約期(轉介信)
恭喜你有個資優的孩子!
想請問你點解咁快可以排到智能中心見醫生?
因我上年11月排時只見姑娘,家長/學校做問券,
見醫生要等1年以上.
CAC 有D 免費3P 課程, 不過要辦公時間上,
你可以問下CAC D姑娘上下,
GIFTED 孩子要比多D耐心去教導,
嘗試多D了解佢,佢地覺得有人明白佢,
親子關係好佢地自然會聽話多D.
同埋佢地聰明, 大大下知規矩就會越來越好.
我囝係無耐性,唔鍾意守規, 想玩但見條人龍就會嘈,
宜家大D見佢又進步左.
我覺得上天派佢黎係要訓練我既EQ
一齊努力!
作者: Alexming 時間: 15-3-22 23:01
回覆 I_O_U_baby 的帖子
可能因為有老師比好差的評語同問卷掛,我約11月登記,都話要等一年,我都估唔到3月頭巳約我可見醫生了.
作者: Alexming 時間: 15-3-22 23:03
回覆 I_O_U_baby 的帖子
多謝你鼓勵, 我都知仔仔要改善返好D行為要比好多愛心同耐性, 我弓一定會努力,謝謝你
作者: I_O_U_baby 時間: 15-3-25 18:52
Alexming 發表於 15-3-22 23:01
回覆 I_O_U_baby 的帖子
可能因為有老師比好差的評語同問卷掛,我約11月登記,都話要等一年,我都估唔到3月頭 ...
所以校長同我講份問卷好TRICKY,好容易就好填到學校都覺得小朋友係ADHD.
佢話佢會好小心填. 我都唔知咁做啱唔啱, 因我囝又真係做好多其他小朋友唔會做既野.
我驚因為校長無如實去填, 而佢真係既話, 反而錯過左治療時間.
作者: Alexming 時間: 15-3-25 18:57
我問過一定資料保密,所以唔介意老師點填。絕不影響將來小學派位
作者: s.andp 時間: 15-3-29 05:47 標題: 回覆：好心痛好煩惱,請大家比d意見我,謝謝
提示: 作者被禁止或刪除 內容自動屏蔽
作者: Alexming 時間: 15-3-30 14:19
回覆 wan_sosin 的帖子
你好,想請教。我仔14年11月排CAC.15年3月已見到医生,跟住約期見兒童精神科, 亦已安排15年4月15見医生。請問你所指要排好耐才可做治療是否(第一次)見完兒童精神科医生計起,請問大概幾耐。先謝謝解答
作者: wan_sosin 時間: 15-3-30 14:39 標題: 引用：回覆+wan_sosin+的帖子
你好,想請教。我仔
原帖由 Alexming 於 15-03-30 發表
回覆 wan_sosin 的帖子
你好,想請教。我仔14年11月排CAC.15年3月已見到医生,跟住約期見兒童精神科, 亦已安 ...
上來講多D你小朋友情況，相信呢道有很多家長會幫到你！
作者: Alexming 時間: 15-4-1 19:26
回覆 wan_sosin 的帖子
謝謝你
作者: Appleyee0890 時間: 15-4-21 01:29 標題: 回覆：好心痛好煩惱,請大家比d意見我,謝謝
唔該pM資料比我丫!
作者: tszlambaba 時間: 15-5-8 02:09 標題: 回覆：雪晴25 的帖子
你好，我女女20個月剛評估為自閉傾向，但我個人認為佢係過度活躍，日日冇時停吾係跑就係跳，無限精力，除非做佢鍾意做既野同訓教先會停落黎，心理醫生都話比同岭小朋友過動，返playgroup又係自己係到跑完全吾聽人講，好失控，可以pm資料幫幫我嗎?
作者: kitkatiemama 時間: 15-5-13 10:54 標題: 回覆：annie0517 的帖子
請問私人評估那間好？
作者: kitkatiemama 時間: 15-5-13 11:19 標題: 回覆：Charlotte_mom 的帖子
我想問私人評估那裏好？
作者: Esther_mama 時間: 15-8-3 05:14 標題: 回覆：free_style 的帖子
我都想知，可給我資料嗎？
作者: hoki116 時間: 15-9-27 07:57 標題: 引用：+本帖最後由+雪晴25+於+14-10-7+12:45+編輯
原帖由 雪晴25 於 14-10-07 發表
本帖最後由 雪晴25 於 14-10-7 12:45 編輯
我仔N班時都好似你仔咁成日被老師投訴, ,又係成日攪攪振,隻手 ...
作者: DollyCC 時間: 15-9-27 21:09 標題: 回覆：I_O_U_baby 的帖子
3p 我之前同健康院講想上,姑娘問點解想上,我話小朋友adhd想學。姑娘即話唔啱我上,佢地比正常,我來到例子同人唔一樣,叫我去精神科。激到我死
作者: hoki116 時間: 15-9-28 07:16 標題: 引用：Quote:原帖由+Alexming+於+14-10-06+發表回
原帖由 annie0517 於 14-10-10 發表
Alexming, 我想share 我嘅經驗比你參考吓時間，我個囡响20個月時join 咗個playgroup, 佢都係唔join circle ...
作者: annie0517 時間: 15-10-2 09:19 標題: 引用：Quote:原帖由+annie0517+於+14-10-10+發表A
原帖由 hoki116 於 15-09-28 發表
想請教那里做評估?
作者: joy321 時間: 15-10-4 00:54 標題: 回覆：好心痛好煩惱,請大家比d意見我,謝謝
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |