教育王國

標題: 2歲女返了4wks n班開始出現倒退現象 [打印本頁]

作者: cherrylammm 時間: 14-10-1 01:35 標題: 2歲女返了4wks n班開始出現倒退現象

閒閒之前一路都好乖，返得好開心冇喊過，仲會自己行入學校，但上星期5開始就係咁喊，扭老師抱，仲訓埋覺，成件事都好突然，今個星期一又係咁，今日好啲，生日會，冇訓覺，但一送返學就喊到拆哂天，喊到我心都痛埋，但放學老師就話佢之後就冇再喊，仲笑住出黎，可能因為今日生日會好多野玩先冇事，頭先同佢傾計話聽日後日放假，星期5先再返學，佢一聽到要返學就即刻喊哂嗌唔好，叫媽媽陪，大家可以幫幫我教我點做嗎？見佢突然咁樣好心痛

作者: Taka12 時間: 14-10-1 14:43 標題: 回覆：cherrylammm 的帖子

佢係唔係原先冇喊，最近先喊?

上次我去聽某間pn的講座，個校長話返學第一日就喊嗰啲通常通常最易攪，因為小朋友知發生什麼事，通常返幾日就唔喊，但返學第一日唔喊嗰啲返耐咗就會喊，有啲仲會一喊喊成個月。

作者: cherrylammm 時間: 14-10-1 16:40 標題: 引用：佢係唔係原先冇喊，最近先喊? 上次我去聽

原帖由 Taka12 於 14-10-01 發表
佢係唔係原先冇喊，最近先喊?

上次我去聽某間pn的講座，個校長話返學第一日就喊嗰啲通常通常最易攪，因為 ...

咁我女咪有排搞

作者: Taka12 時間: 14-10-1 22:32 標題: 回覆：cherrylammm 的帖子

慢慢來啦。
返學第一日就喊嗰啲，因為佢地發覺唔見咗自己熟悉的人在身邊，所以喊。但過幾日，佢地會開始知道自己啲屋企人一定會來接番佢地，所以佢地就開始enjoy學校生活冇喊。
但一開始唔喊嗰啲，因為學校啲嘢對佢地好新鮮，新鮮到佢地都冇為意唔見咗屋企人，只掛住周圍新鮮的事物，所以冇喊。但時間一耐，啲新鮮感冇晒，佢地開始知發生咩事，所以會喊，但至於點解喊咁耐，我真係唔知，因為以上所講都係嗰位校長的經驗，我都係聽番黎。

作者: Dediamond 時間: 14-10-1 23:27

回覆 cherrylammm 的帖子

我女一樣.開頭個星期勁開心.係咁話要返學.當新鮮感過哂後就唔肯返. 喊左到而家三個星期.
最近又肯返.當然朝早送佢返學都仍會扭扭令令

作者: tammycby 時間: 14-10-2 00:03

我上星期聽寶寶幼兒院簡介會，個校長都係咁講

作者: yannietimb 時間: 14-10-2 14:33 標題: 回覆：2歲女返了4wks n班開始出現倒退現象

有d小朋友過一排發現返學原來要守規矩，才會開始抗拒，所以上星期家長會，主任都好直接話沒有喊的小朋友家長，暫時不恭喜你，因為小朋友未必已完全適應學校生活！我小朋友返n都仲喊緊，但我們知道他只是分離問題，唯有俾d耐性！

作者: isobelkaka 時間: 14-10-4 15:24

學校都有講過小朋友既表現會比較反覆, 父母要多加留意和自己要有平常心, 始終2歲人仔, 自己一個人要自己面對, 真的不易~但他們這一代的適應能力比我們強!

作者: yankaka 時間: 14-10-6 11:51

我見過大囝學校有小朋友喊到個幾月, 不過老師抱咗佢地入課室就已經唔喊

作者: megwong1 時間: 14-10-6 14:05

我小朋友一樣, 第3-4個星期開始喊, 朝朝返學打仗咁! 但老師同校長一早講左係正常! 而我小朋友入到學校又無野! 只係一起身就喊話唔返學唔肯著校服! 如是者已第9個星期返學, 今朝仍然一樣, 我都慣左, 用15分鐘強行換衫出門口….出左門口就無事, 有時仲會唱住歌返學…

作者: karinawong1031 時間: 14-10-6 15:08

我個仔返學第一日到依家都仲喊緊，仲要超級黐身，夜晚瞓覺仲會發惡夢紮醒，
呢排晚晚喊兩三個鐘，好似去返啱啱出世咁，人都癲

作者: waielsie 時間: 14-10-7 15:40

多謝以上媽媽心聲. 我個囡開學時都係無喊, 但近兩個星期喊住唔返學, 每朝早要搏鬥一番, 我心力交瘁了

作者: BBBQ 時間: 14-10-7 20:24 標題: 回覆：2歲女返了4wks n班開始出現倒退現象

我個囡都係咁，每朝一開眼就喊喵口話唔後番學，又痴身，又發惡夢，須知係過程要慢慢適應，但真係好心痛，

作者: cherrylammm 時間: 14-10-8 22:40 標題: 回覆：BBBQ 的帖子

唉琴日老師仲問我女點解個個都。開始定落黎唔喊但得佢一個係倒轉頭係咁喊，個個都唔喊得佢一個喊，我聽完個心好唔開心，講到我女好似特別差咁

作者: megwong1 時間: 14-10-9 15:27

幣家伙! 我個小朋友本來都只係一早起身就喊話唔返學, 我都習慣, 朝朝同佢打仗咁換衫返學...

點知, 昨日佢响學校瀨尿

, 呢幾日又唔係好午睡, 老師又話佢呢幾日情緒比較不穩, 有時會喊.............

慘喇! 由唔太擔心變左超擔心..............呢D真係倒退行為! 小朋友一向脾氣都唔好, 仲要連返學都咁.......

歡迎光臨教育王國 (/)