教育王國
標題: 懷疑bb自閉 [打印本頁]
作者: stone9876 時間: 14-9-29 13:26 標題: 懷疑bb自閉
我個bb係男仔,18個月大,
早2日,半夜有發燒我地走左去睇24小時既醫生攞退燒水, 到第2日先再去睇平時睇開既兒科醫生,
過程中, bb不時搖頭,之後醫生問左d問題, 之後就叫我地留意bb可能有自閉傾向.
但醫生叫我地唔洗驚住,可能bb學習比較遲,未必係真..叫我地去排下政府做個評估,
其實BB而家仲未識講野,連爸爸媽媽都唔識,我地以為男仔可能遲d先識..
不過會識叫"地地","玩玩",
係會所玩都好少埋其他bb,眼神都唔會有d交流.但有時,某d妹妹佢就係走埋抱住人..
以家我真係好擔心,真係唔知點算好,呢幾晚都瞓唔到,我知老婆都好擔心.
我地平時係比公公婆婆湊,到晚上就接回家
我想請教大家我地可以點做,點做先可以幫到個BB?
仲有想問有冇私人可以做評估?怕政府排期排太耐
同埋價錢大約係幾多?
最後真係感謝鄭醫生,如果唔係我地都可能未知個問題..
-----------------------------------------------------
(有熱心朋友pm左我可以去協康check.先多謝大家)
而家我,我老婆,公公,婆婆都唔知點算好,.
呢幾日,日日係度懷疑緊係咪自己張個環境做成bb既自閉.
每一做任何野都係度懷疑會唔會加深bb既傷害.
好痛.....真係好心痛, 真係唔知點做好.
作者: Vichang 時間: 14-9-29 18:39 標題: 引用：我個bb係男仔,18個月大,早2日,半夜有發燒我
原帖由 stone9876 於 14-09-29 發表
我個bb係男仔,18個月大,
早2日,半夜有發燒我地走左去睇24小時既醫生攞退燒水, 到第2日先再去睇平時睇開既 ...
作者: funghon 時間: 14-9-29 21:45 標題: 回覆：懷疑bb自閉
你叫佢個名，有冇應你？
作者: Jolly 時間: 14-9-29 22:10
網上有好多資料，找下autism symptom checklist. 心裡有數後，可以睇下有乜方法幫bb.
作者: legolas625 時間: 14-9-29 22:27
叫有無應你? 有無eye contact?
有無自我刺激或重複行為?如自轉，fing手或頭
玩玩具時有無另類方式，如排成一行，玩wheels
作者: stone9876 時間: 14-9-30 09:46
回覆 legolas625 的帖子
抱歉.昨晚很累沒回帖,
叫佢個名，他不會應我
eye contract會有,唔係完全冇.但唔多
返到屋會對我笑,但唔會走埋黎,之後就繼續自己玩自己
佢一開始玩玩具就一直玩,點叫都唔應,亦唔望我地,
唯一開心既係.我一攬住老婆,bb見到會走埋要我地一家人抱抱,
作者: stone9876 時間: 14-9-30 10:07
本帖最後由 stone9876 於 14-9-30 10:09 編輯
回覆 legolas625 的帖子
叫有無應你? 有無eye contact?
有無自我刺激或重複行為?如自轉，fing手或頭
玩玩具時有無另類方式，如排成一行，玩wheels
------------------------------------------------------------------------
佢係會所唔玩玩具,會走去玩滑梯/行樓梯,會一直重複玩
亦喜歡開櫃門,房門
自轉就唔多見,不過會係間屋度跑來跑去..
,有fing手同頭 <<<醫生見到所以叫我地要留意
不過呢個星期我地同佢玩多左,好似少左
也會久唔久"R"頸,<呢個唔知係咪病徵, 起初我地唔圍意,以為係蚊咬,
佢唔鐘意玩買既玩具,玩一陣就冇興趣,
反而喜歡玩我地平時生活中既物品,
如水樽,搖控器等等,會學我地對住電視"禁"制,
玩玩具唔會排成一行,
會疊高積木,跟手就推倒.
不過玩完一陣之後會掉落地下,
甚至掉去櫃後面條 "la" 度.
佢唔會喜歡玩車仔唔見佢玩車仔轆,
不過會走去玩high chair個大轆.....
作者: Pekkle1214 時間: 14-9-30 11:52
現在才歲半，叫醫生寫紙排政府，自閉要3歲才check到，自閉與否，3歲會好明顯。
作者: legolas625 時間: 14-9-30 13:28
我仔16個月已去CAC評估，為strongly suspect austism，已排E+S位，等緊過2歲再做評估，先叫正式診斷。其實你小朋友的情況，同我仔有D似，早發覺就早幫佢改善。
作者: legolas625 時間: 14-9-30 13:30
可以要求健康院寫信轉介，聽聞普通醫生都可以寫信轉介，排CAC要半年至9個月，排住先，心急的可以去搵私人機構做評估，但好貴，5000至8000元。
作者: stone9876 時間: 14-9-30 14:51
回覆 legolas625 的帖子
剛打左去協康問18個月bb想做評估
個姐姐叫我去web site download 左form.
我去左..但張Form係for 2-6歲,
跟手就再打去再問清楚...個姐姐就話冇得做..
另有個0-5歲既 幼兒訓練服務
http://slp.heephong.org/cht/files/staticpage/278/PST%209.2014.pdf
又唔知岩唔岩用...電話問.佢又叫我查web T.T
作者: Alam123 時間: 14-9-30 18:16 標題: 回覆：stone9876 的帖子
你快點叫健康院or 私家医生寫信去CAC排着先。之後可參加協康幼兒訓練，不過一堂50分鐘都要成500元，你可join幾堂學些技巧回家和BB練住先。
作者: legolas625 時間: 14-9-30 22:00
你可問埋links或step等私人機構，評估費用會比協康貴，最緊要問清楚可否排政府位
協康幼兒導師可俾歲半BB報，首堂評估完可再決定是否上堂，我仔曾參加
作者: stone9876 時間: 14-9-30 23:13
回覆 legolas625 的帖子
thanks .大家今日打左幾個電話
Suggest我地去見左健康院姑娘先,我地約左10月中
作者: plavix 時間: 14-9-30 23:28 標題: 回覆：stone9876 的帖子
不要太擔心，我地阿仔兩歲個陣都去做過評估（因為未能說話，不聽指令，情緒波動大，不能用手指指物件等），仲使佐好多錢去私家醫院做評估，評估結果係自閉同低能。醫生講因為她快將離開醫院自己開診所，著我們之後去她新開業的診所復診。但因為我老婆係教師，接觸過不少的自閉學生，知道自閉孩子的行為模式，所以完全不相信醫生的判斷。所以我們儘快去了政府CAC做評估，得出來的結果是語言發展比較慢，其他都正常。
所以不要過份憂慮，等政府評估再看結果，孩子還很小，我們阿仔現在快三歲了，已經快快樂樂的上學（只是說話還是較差，但已經進步很多）。希望總是在人間！
作者: stone9876 時間: 14-10-1 18:16
今日係會所,BB主動走去其中1位2,3歲既姐姐度(我心中很開心,差點想流淚 ),
不過始終對其他BB就冇乜反應...
下午我地去左沙灘,但BB唔肯落沙玩...一落地就尖叫....不過喜歡掘沙(係媽媽懷抱中)
最後我地只好坐左一陣就走左..唔想刺激個BB
作者: heiheima88 時間: 14-10-1 20:44 標題: 回覆：stone9876 的帖子
bb仲細, 好多野大大下會改變, 唔使太擔心住, 可以就排定政府, 上網睇多d資料, 有定心理準備, 同bb多d互動, 慢慢黎, 一定有幫助。我仔細個d行為好似自閉症, 玩車只玩轆, 玩開門關門, 迷上直升機螺旋槳, 講野唔鐘意望人等等。而家大個左無左呢類行為, 問番佢點解以前唔望人唔啋人, 佢話唔想望唔想應囉, 激死
作者: stone9876 時間: 14-10-1 23:57
回覆 heiheima88 的帖子
好多謝你..比到D正能量我.我亦希望BB冇事
始終事件才發生了一星期.
老實講,我仲未有足夠心理準備.
真心希望BB冇事..
原本打算生多個BB,有2個,而家真心考慮變多了.
作者: legolas625 時間: 14-10-2 13:28
我覺得要做兩手準備，一來先排定評估，排要時間，可以再決定要唔定評估，二來要自己了解下咩叫自閉，睇下小朋友似唔似，因為小朋友有D特徵係同自閉似，如果小朋友有某方面的問題行為，幫佢戒和改善，例如我仔細個鍾意開關門、玩櫃桶，呢D係重覆行為，你一方面要唔好俾佢玩，一方面俾佢知道呢個世界仲有好多野玩，引導佢去玩。如果唔鐘意玩具，係咪唔岩佢玩，唔鐘意玩，同唔識玩。有需要可以做訓練，聽下意見，回家自己教。
作者: hongbbn 時間: 14-10-2 22:59
本帖最後由 hongbbn 於 14-10-2 23:02 編輯
我仔仔同樓主情況好相似,症狀都都好似....我仔仔而家27個月了
強烈見義你試下介奶,介蛋,介小麥類食物
我仔仔介左約一個月,其實都係九月頭係政府check到係自閉症,跟住見到尼度,有人介左三大食物有好轉,之後我馬上試
真係有好轉左
*而家叫仔仔,之前叫十聲都唔會望下我,而家叫五聲 / 有時一叫就望過黎
*小左跑黎跑去
*小左開關門
*小左令頭
*---不過多左用腳指行路.....>_<
*脾氣好左小小....但都係一唔順佢意,就發脾氣,不過尼個每個小朋友都係咁,可以慢慢教
過多幾日,我帶我個仔返大陸幼稚園讀住書先,因為香港政府排緊位,讀特殊學校,但我相信我仔仔未去到咁特殊既地步,但外面機構一黎又係要排隊,二黎貴...負擔唔起好多個月....
因為尼個係長期作戰.....
都係返去讀書,睇下有無好轉
有書讀好過由佢係屋企,讀書係一個群體,細路仔好容易有樣學樣,好快學識,比我地大人教,仲更加快
作者: stone9876 時間: 14-10-3 11:00
本帖最後由 stone9876 於 14-10-3 11:12 編輯
回覆 legolas625 的帖子
昨天係假期,去左姑媽度玩.
我地特登放手比姑媽同佢玩,
起初都唔肯理姑媽,仲周圍攪姑媽d野
熱左身後姑媽帶左bb落街去行一陣
我地(爸爸媽媽)專登唔一齊去, 之後聽姑媽講返,
起初bb先開始不安,明顯2頭望,
bb都有尖叫左幾聲,不過姑媽同佢講一陣會見返爸爸媽媽,都安撫到落黎
成個過程約15分鐘,bb都冇喊
最後我地去左姑媽個會所玩,好明顯bb好開心,唔係淨係玩樓梯,滑梯,都有玩其他玩具
不過都係少同其他bb互動.
---------------------------------------------------
我地好擔心,而家由bb手中搶走佢既野(就算係爸爸媽媽)佢都會尖叫,
唔順佢意就尖叫.或唔比佢玩都會叫..佢唔會用手指指,
只會拉我地既手.我地掰唔知唔拎比佢就叫...
不過如果有d野第一次就唔比佢玩(如佢成日攪個電插SO),佢又冇事,但又會成日試....
仲有,姑媽都留意到bb有時會2眼放光,,眼定定...好似好空洞既眼神.
我地如果發現到,會即時引開佢既注意....
fing 頭,手 明顯少左好多...呢幾日都唔覺有
而家就最擔心都係呢幾個問題, 唔知應該點先可以改到bb既脾氣,同bb唔埋人,叫佢個名冇反應等等...
我地都問左幾個機構.都係先叫我地去健康院排(之前兒科醫生既referal letter 己有),
再去機構申請.我地就約左健康院10月中打針同申請排期
作者: stone9876 時間: 14-10-3 11:05
本帖最後由 stone9876 於 14-10-3 11:24 編輯
回覆 hongbbn 的帖子
介奶,介蛋,介小麥類
我會試一下,不過又擔心bb夠唔夠營養.
唔知有乜要留意呢..
蛋: bb而家食好多唔同野,而家都唔係成日食
小麥類: 呢個反而好少,bb主糧係米飯,其他小食係薯仔,生果,小麥麵包都係間唔中先比佢食少少
奶:就麻煩d..而家早上,下午共2次,bb好喜歡飲....
作者: legolas625 時間: 14-10-3 13:30
尖叫是因為佢唔識表違，發脾氣，抑或是尋求聲音刺激? 睇你寫應該係前者，細路尖叫好平常。
教佢表達自己，和你簡單溝通，如學識咩叫"俾"，"指"想要的物件，攤大手板"要"物件，同埋唔好就咁拿走佢D野，數5秒話拿走，加埋講例如Bye Bye車車，你話唔得時，亦可以加埋搖頭、搖手動作，等佢明白你意思。
另外可以用吹Bubbles教佢指，叫佢用指篤穿波波，我仔用了2個月才完成學識，而家識指想要的物件，亦會指東西叫我睇下。
作者: legolas625 時間: 14-10-3 13:34
唔理人，就要同佢玩多D親子遊戲，玩D佢鍾意的野。
叫人唔理，試下有目的地叫佢，唔好在背後叫試佢，或者係又叫，唔係又叫，佢會覺得無需要應，又例如每次叫親有應就有獎賞如食物，等佢知道要應人，有著數。
作者: Alam123 時間: 14-10-3 13:47 標題: 回覆：legolas625 的帖子
請問你係買哪款吹泡泡？我全是一吹就好多泡泡，有冇一次吹一個泡的？
作者: stone9876 時間: 14-10-3 14:14
legolas625 發表於 14-10-3 13:34 
唔理人，就要同佢玩多D親子遊戲，玩D佢鍾意的野。
叫人唔理，試下有目的地叫佢，唔好在背後叫試佢，或者係 ...
我可能真係係又叫唔係又叫.....
我地試下先....新手父母乜都唔識....
作者: legolas625 時間: 14-10-3 15:14
回覆 Alam123 的帖子
咩款都得，但要有一個圏兜住一個泡，俾你慢慢教，俾佢慢慢篤，亂咁飄一定篤唔切
作者: a328 時間: 14-10-3 15:42
- ask your PED to give u a letter and fax the letter to the govt depart for assessment
- inform your health care centre nearby and tell what the doctor and tell you and they will arrange a mini assessment.
- the assessment can be done around 2-3, so if u line up now, the time ur turn is just at the right age for assessment,
- ACT QUICK!
作者: esmetam67 時間: 14-10-3 17:47
lack of eye contact sometimes depends on character
not socialize with other kids...still normal at this age
but if your doc suspects, u better queue at the CAC first, also queue at Heep Hong as it takes time
if affordable, can check at private doc. It is said the best time to know is by 2 years old.
作者: stone9876 時間: 14-10-3 17:58
回覆 esmetam67 的帖子
i will queue the CAC next week by 健康院.
my boy really lack of eye contact, maybe cause by his personality.
we hope he can change after the training.
作者: sizzlers 時間: 14-10-4 09:57 標題: 回覆：懷疑bb自閉
明白你依家會好擔心，但要諗得正面d先可以照顧好bb, 太自責太擔心對事情無幫助。
bb 仲細，趁依幾個月多d教佢同人溝通，教佢表達自己想要咩，多d眼神接觸，可能要重覆好多次都唔識架，但總有一天會成功，要把握間呀，加油
作者: legolas625 時間: 14-10-4 18:26
我仔經過8個月，在無戒口情況下，眼神係好左，當然有時會遊魂，但你要迫佢望人，威迫利誘要佢做，佢肯望，你一定要鼓勵，有反應俾佢，進步唔係幾日會出現，係要以月計，你要有耐性，俾時間俾小朋友
作者: stone9876 時間: 14-10-4 22:51
今日.很灰的一天.
不知是否我們既突然改變,
今天居然聽到佢講街街,公公...雖然唔係爸爸同好清楚,但是都聽得好開心
不過,今天心惰很灰很灰,
今日BB沒有午睡,突然BB有上下fing頭(5次),用腳尖行路(下午, 晚上沒有),同走入去櫃入面(2次).
心情真的好DOWN...
作者: stone9876 時間: 14-10-5 08:17
想問一下大家, 而家我地真係好徬徨
排期見醫生,健康院,評估都要時間
係呢段時間我地可以做D乜?
而家我地爸爸媽媽已經係24小時輪流倍住BB
已經唔敢放他在床仔上...
以前如果我地唔得閑,會放玩具,電視同BB係BB床度,
做完先同BB落地玩.而家我地唔敢LA..
作者: Alam123 時間: 14-10-5 13:37 標題: 回覆：stone9876 的帖子
呢段時間你應好好装備自己，看些有關自閉的書了解下先，參加協康的家長資源中心。上網search 下有關資料課程各種療法，做好心理準備。
作者: DearBabie 時間: 14-10-5 15:20
本帖最後由 DearBabie 於 14-10-5 15:21 編輯
如果bb識講街街公公，証明問題唔大架。我仔1歲7個幾月而家一個字都唔識講
作者: DearBabie 時間: 14-10-5 15:20
錯了，係1歲7個幾月先啱
作者: stone9876 時間: 14-10-6 10:12
呢幾日.唔知係咪玩得多.
而家bb半夜 會醒左...會站起身之後向後跌
我太太怕向後會跌親頭,出手扶住..
之後就重複咁玩.02:00am 可以玩幾個鐘
其實呢樣係睡前都玩, 起初唔為意..
而家又未問到醫生.....唔知點stop佢好..
一方面bb咁玩唔知係咪正常,另一方面亦影響我地既睡眠....
作者: DearBabie 時間: 14-10-6 11:44
想問你bb 識唔識用手指指野
作者: stone9876 時間: 14-10-6 12:22
DearBabie 發表於 14-10-6 11:44
想問你bb 識唔識用手指指野
基本上唔聽指令,
心情好就會同人拜拜...心情唔好唔理你....
作者: KINGKI0308 時間: 14-10-6 14:07
樓主, 我都係一個 A 仔媽咪, 今年仔仔排到特殊學校入學
但按我所知, 依家政府 CAC 閑閑地排 1年至做到評估, 如果小朋友真係有問要再排 E, I, S 位, 又再排最少一年, 即係浪費 2年時間
樓主又驚私人評估又貴又呃人, 可考慮基督教心橋, 心橋有好多中心遍佈, 你可上網搵資料, 去心橋缺評估 (都要輪候, 我估大約 3 個月啦)
評估報告出,如有問題, 可直接攞報告去 CAC 搵醫務社工排位, 可慳返 D 時間
E 位 = 早期訓練 (每星期最少有 1 個鐘)
I 位 = 兼收位 (普通幼稚園內嘅特殊位)
S 位 = 特殊幼稚園
作者: csyy 時間: 14-10-6 15:09 標題: 回覆：stone9876 的帖子
Bringing the Early Signs of Autism Spectrum Disor…：
http://youtu.be/YtvP5A5OHpU
這段片有比較早期徵兆和一般小孩的行為不同之處，希望你小朋友沒有以上行為
作者: natalietran 時間: 14-10-6 17:06
提示: 作者被禁止或刪除 內容自動屏蔽
作者: Vichang 時間: 14-10-6 18:49 標題: 引用：我個bb係男仔,18個月大,早2日,半夜有發燒我
原帖由 stone9876 於 14-09-29 發表
我個bb係男仔,18個月大,
早2日,半夜有發燒我地走左去睇24小時既醫生攞退燒水, 到第2日先再去睇平時睇開既 ...
作者: stone9876 時間: 14-10-7 07:56 標題: 回覆：Vichang 的帖子
已約cac月尾見姑娘了，等唔切健康院
在等既期間，而家決定先上1對1既訓練，雖然好貴 成700蚊一堂。1個星期上3堂 睇進度上5堂。我知會做成經濟壓力，但真係冇辦法，
而家在選那間，比較合適
作者: stone9876 時間: 14-10-8 15:03 標題: 回覆：stone9876 的帖子
請問大家ABA 同 職業治療有什麼分別？
作者: Alam123 時間: 14-10-8 18:42 標題: 回覆：stone9876 的帖子
職業治療係train小手肌感统問題，ABA教認知。
作者: stone9876 時間: 14-10-9 07:40 標題: 回覆：Alam123 的帖子
如果，小朋友大小肌肉冇問題，咁我要選aba? Aba的course好貴 1星期5堂 ，1堂約3小時，約2xxxx .我想學3個月，之後再轉。經濟壓力，但3個月到半年應該沒問題
請求指教。。。
作者: 琪寶 時間: 14-10-9 08:35 標題: 回覆：stone9876 的帖子
大小肌冇問題不等如感統冇問題。我初時也以為我女兒應該不需要職業治療，但為求安心也去做了評估，發現原來女兒有本體覺不足、前庭覺太敏感等影響到她對身邊事物會有過敏反應。而且職業治療的訓練有助develope腦部的connection, 與言語治療雙管齊下，對我女兒有明顯功效。(樓主，我見你說兒子有fing頭的問題，這似是本體覺不足引致的行為，建議可做OT評估讓專業人士俾意見，OT評估在坊間機構做約$800-$1000左右)
作者: stone9876 時間: 14-10-9 09:42
回覆 琪寶 的帖子
我們己將bb情況講比steps既姑娘知.
已約steps明.做評估...但佢冇講明係做乜.
只係叫我地做個assessement (約1xxx)
感統assessment係另外一個test?
作者: 琪寶 時間: 14-10-9 11:57 標題: 回覆：stone9876 的帖子
如果是$1xxx, 我估是初步甄別的assessment, 完成此assessment後再按你兒子的需要建議你再做其他評估
作者: Catonmama 時間: 14-10-9 16:22
回覆 stone9876 的帖子
唔知道你住邊區呢, 我小朋友係經兒科醫生, 不過係排大口環兒童醫院, 一樣係政府醫院做評估, 評估完都可以排政府service....應該排around 9 個月就會做到評估, 可能快過你等cac.
另一方面歲半其實好細, 盡早介入進步會好明顯的，其實好多機構都有service, 不過我只比較熟港島區的, 心橋協康耀能明愛仲有健苗軒等等~~~ 邊度有service就做住先啦, 加油!
作者: stone9876 時間: 14-10-9 18:01 標題: 回覆：Catonmama 的帖子
我的是屯門區，cac係排政府
而家
自己先搵私人上住先。
加油，
作者: stone9876 時間: 14-10-13 10:44
上星期去完私人做一個普遍既評估.
結果又係....叫我地做一個專業既自閉評估<==呢個私人都要排1個月.
個兒童導師同bb玩左好多個遊戲同問左我地D問題.
最後同我地講bb好明顯地有感統上既問題.
所以叫我地盡快先做感統評估.之後再做治療
同埋要上一個結構course,單對單既職業治療,即訓練bb要專心上堂同社交既野...
呢個係1星期3堂,1堂50分鐘....(呢個course,我唔知係乜野...,不過排協康,職務治療要半年以上...我地有理冇理上住先...)
至於語言delay,呢個就遲一步再算,
作者: legolas625 時間: 14-10-13 13:23
我仔兩歲，語言方面，歲半太細，太早做SP，會太早燒錢，因為學語言是先認知，即了解字的意思，之後先學講，父母可以做的是教小朋友學多D字先，不斷重覆教，認識物件名稱和動詞，確定佢明白，如你話要波，識拿波俾你，之後迫佢開口講，教佢模仿發音，迫多左，佢明白要出聲，就會自發講。我仔而家在呢個階段，一面學緊多D字，一面試學組織短句，已上緊ST，希望幫到你。
慢慢黎啦，要俾時間阿仔，我都仲解決緊應名、眼神問題，大家努力。
作者: kmbaby1229 時間: 14-10-13 14:02 標題: 回覆：stone9876 的帖子
請問你係邊間私人？我都搵緊私人評估，排緊cac
作者: stone9876 時間: 14-10-13 14:20
回覆 legolas625 的帖子
應名我地呢度真係好失敗...
去到私人評估,因為要玩遊戲...玩好多既小遊戲
兒童導師一叫bb個名,bb都會先望一望,跟住姑娘就會吸引bb走過去一齊玩.
10次10次都有回應.
唔知係咪因為有玩具玩..
不過bb一玩完就會走返我手邊,或周圍亂咁攪.
呢2個星期我地上左Playgroud, 而家又多左一個問題..就係上堂完全唔理老師,
自己周圍攪...又唔坐得耐,一夾住佢唔比佢玩..佢又開始尖叫...
希望個職業治療有幫助la..
而家bb,已經識講街街..我地一著鞋,佢就"街街街街街街街)
另一個都識係地地地地,食完飯坐得耐都會講地地地
就係爸爸媽媽唔識...
作者: stone9876 時間: 14-10-13 14:23
回覆 kmbaby1229 的帖子
pm左你.
大家一起加油
作者: DearBabie 時間: 14-10-13 15:08
你平時叫你bb 個名佢應唔應你?當你講爸爸或媽媽時佢會唔會望住爸爸或媽媽
作者: stone9876 時間: 14-10-13 15:41 標題: 回覆：DearBabie 的帖子
以前真係唔應，而家知道唔好係又叫唔係又叫，好左少少，
而家都10次都有幾次望下我。
果姑娘叫我唔好心急，開始叫名最好係bb面前
慢慢練。。。比d時間。
爸爸媽媽應該識分，有次叫bb比玩具媽媽，我地2個都申出手，bb正確比到媽媽，不過係都唔叫。。
作者: BabyAndre 時間: 14-10-14 15:56
回覆 stone9876 的帖子
You are not alone! Don't be upset. Early intervention is really important, starting helping your son now through some ABA training at home and bring him for training when he reaches 2 years old. He will gradually improve.
作者: stone9876 時間: 14-10-17 16:26 標題: 回覆：stone9876 的帖子
早幾日見完健康院姑娘
同佢講左bb情況
佢亦有同bb互動同玩，
佢話以佢既經驗話bb唔多似自閉
係有學習少少延遲
安慰我地比多d耐性比自己同bb
老實講，我個心都定左d,但亦明白姑娘都係以佢既經驗同短時間接觸未必作準
但亦都比左d希望我，我地都唔敢鬆懈
黎緊就到cac見姑娘，希望繼續有好消息拉
作者: Jasmine-4711 時間: 14-10-17 17:04
其實咁細check唔真.我仔2歲半check話非自閉,到4歲半再check先話有事.佢對熟人才有eye contact亦好鐘意同其他小朋友玩,會同女孩拖手添.自閉男 童多數愛玩車,仲排成一行,但人人有異...非太嚴重 的好難分得出
作者: claudiaxxxxx 時間: 14-10-21 13:18
提示: 作者被禁止或刪除 內容自動屏蔽
作者: Alam123 時間: 14-10-21 14:43 標題: 回覆：claudiaxxxxx 的帖子
Where to get the ABA training in Kowloon side?
作者: Winnie1000 時間: 14-10-21 19:56
可了解一下感觉運動，3歲可开始。
作者: Lingyau1221 時間: 14-10-21 23:31 標題: 引用：不要太擔心，我地阿仔兩歲個陣都去做過評估
原帖由 plavix 於 14-09-30 發表
不要太擔心，我地阿仔兩歲個陣都去做過評估（因為未能說話，不聽指令，情緒波動大，不能用手指指物件等）， ...
作者: plavix 時間: 14-10-22 10:44 標題: 回覆：Lingyau1221 的帖子
無自閉，不過講嘢仲係比同年齡嘅細路仔慢。
作者: DearBabie 時間: 14-10-26 02:03
想問問健康院俾左d咩test或問題俾你，你小朋友有咩test 或問題pass唔到
作者: DENNIS201 時間: 15-1-16 01:37
stone9876 我個歲半仔同你仔情況差唔多
可唔可以PM 有關資料?
我住屯門的
| 歡迎光臨 教育王國 (/) |
Powered by Discuz! X1.5 |