教育王國

標題: In 得太多會厭戰嗎？ [打印本頁]

作者: lamlamfei 時間: 14-9-28 23:50 標題: In 得太多會厭戰嗎？

如題，大家可以分享下嗎？如何向小朋友灌輸概念，謝謝

作者: karen55407 時間: 14-9-29 00:13 標題: 回覆：lamlamfei 的帖子

我仔愈in愈有狀態

作者: Joystarter 時間: 14-9-29 01:28

第一次喊，第二次跳皮，第三次好定，第四次有信心但太深唔懂有失敗感！

作者: baby_jkk 時間: 14-9-29 06:22

我同小朋友講當玩，佢亦當游戲，但我都IN得幾多間，覺得緊張同好攰

作者: sunnygirl 時間: 14-9-29 06:42 標題: 回覆：In 得太多會厭戰嗎？

阿囡暫時未厭戰，反而係我有d厭

作者: Jane1983 時間: 14-9-29 07:56

一個個小朋友，亦睇一個個家長點處理效果可以好吾同。

舊年我女有個朋友仔，幾精叻，但有d寵壞、吾太聽話，對考學校吾太志在，佢父母亦覺得仔仔好到不得了，實掂。點知考直私全軍覆沒，一路捱到大抽獎又無運，佢亞媽面對現實，一路喊一路教...到畢業禮食飯，個小朋友真係脫胎換骨，成熟乖巧咗好多。捱呢一段，小朋友收益不少。

作者: baby_jkk 時間: 14-9-29 08:05

Jane1983 發表於 14-9-29 07:56
一個個小朋友，亦睇一個個家長點處理效果可以好吾同。

舊年我女有個朋友仔，幾精叻，但有d寵壞、吾太聽話 ...

好似你朋友咁，其實都係一件好事。無論結果終歸如何，有點經歷催人成長，得益都係自己!

作者: snow228 時間: 14-9-29 08:16 標題: 回覆：In 得太多會厭戰嗎？

如果收到waiting,reject 應該講個结果俾小朋友知？講好似好殘忍，唔講，個小朋友好難脱胎換骨

作者: Jane1983 時間: 14-9-29 08:19

回覆 baby_jkk 的帖子

我覺得係ga，小朋友有個經歷、磨練吓，父母借位教吓，係好事。
但當然，如果父母用錯方法，埋怨小朋友，鬧佢無用，咁只係會打擊佢自信。

作者: xowpooh 時間: 14-9-29 09:04 標題: 回覆：In 得太多會厭戰嗎？

我囡已經有offer，我本來不想再去in, 但她竟說要去，佢話唔in就會少一個机會，好開心佢識咁諗，仲成熟過大人

作者: CBabeY 時間: 14-9-29 10:14 標題: 回覆：In 得太多會厭戰嗎？

我仔一路in都有信心，自己都話有幾間有d唔識有d就信心爆棚，我地已輔導定佢，雖然可能自己答啱但唔代表佢最叻，有好多小朋友叻過佢，老師就未必會揀佢，所以佢明白每次要俾心機，但知道未必考到心儀。

作者: lamlamfei 時間: 14-9-29 10:16 標題: 回覆：In 得太多會厭戰嗎？

我都怕有Jane 講的情況出現。
小朋友academic 不俗，好記性但好易唔專心，算不上猛料因為勁人大有人在，老師眼中好學生，有時不十分聽父母話，已經認真跟她説了為什麼要面試但好像聽了點頭便是了。對自己的表現不十分在乎。她面試的表現不十分穩定，因為她試過面試出來輕描淡寫跟我説，"媽咪,老師剛才問的問題我一條也沒有答!" 但她可以複述個過程、故事內容是怎樣，老師問左乜，雖然我不肯定是否全部。
死未！
究竟點先可以令佢認真d? 請各位指點一下，萬分感謝！

作者: lamlamfei 時間: 14-9-29 10:22 標題: 回覆：In 得太多會厭戰嗎？

那次的面試是 group interview, 舉手答。
不知道是否因為不習慣"搶答", 且又不夠人快，所以便1條問題都冇答。

作者: LuLuKiuKiu 時間: 14-9-29 10:22

回覆 sunnygirl 的帖子

me too!

作者: 大肥羊 時間: 14-9-29 10:24

snow228 發表於 14-9-29 08:16
如果收到waiting,reject 應該講個结果俾小朋友知？講好似好殘忍，唔講，個小朋友好難脱胎換骨

...

除左進級果D,其他result我唔會主動講俾小朋友聽,佢問我有冇學校收佢我就如實答但會潤飾下個答案~

我覺得唔需要主動話佢知俾人reject,佢唔需要呢個資訊都會o係呢幾個月裡面成長,成熟好多好多,呢個人生經驗係好珍貴, 大家努力同小朋友儘量輕鬆地開心地捱過佢

作者: mimics218 時間: 14-9-29 15:00

提示: 作者被禁止或刪除內容自動屏蔽

作者: lovebb2 時間: 14-9-29 16:21 標題: 引用：如題，大家可以分享下嗎？如何向小朋友灌輸

原帖由 lamlamfei 於 14-09-28 發表
如題，大家可以分享下嗎？如何向小朋友灌輸概念，謝謝

其實我自己都唔知點解要in, 更不知怎向小朋友解釋？？？

作者: janice3604 時間: 14-9-29 16:26

我個仔就愈戰愈勇,頭兩次有

,之後果幾次表現穩定,所以我覺得早D俾佢熱身IN下的策略正確.

作者: xowpooh 時間: 14-9-29 17:02

首先帶小朋友參觀吓學校, 最好有得體驗同玩遊戲, 同佢講吓學校有乜優點 (當然係跟據你小朋友preference), 問佢想唔想讀呢間, 小朋友有得玩通常都會話想, 跟著話佢知如果想讀就要面試表現好d, 有禮貌d, 盡量答哂d問題, 老師先會選你架等等.....

作者: lamlamfei 時間: 14-10-1 00:24 標題: 回覆：xowpooh 的帖子

作者: maomaochoi 時間: 14-10-1 06:51 標題: 引用：Quote:原帖由+lamlamfei+於+14-09-28+發表

原帖由 lovebb2 於 14-09-29 發表
其實我自己都唔知點解要in, 更不知怎向小朋友解釋？？？

我同阿仔講，面試係俾你睇下你鍾唔鍾意間學校。點解要見咁多間？係因為要比較一下你最鍾意係邊間。但老師見咁多學生，佢地都係想揾最鍾意的學生。我解釋俾佢聽有可能你鍾意間學校，但間學校唔鍾意你。就好似有人鍾意食榴槤，但你唔鍾意。最後提點佢要注意的地方。我都鼓勵佢講番面試內容俾我聽，等我可以準備一下下次的面試，不過我會話傾計，叫佢話俾我聽係入面做過乜，有乜鍾意有乜唔鍾意。其實都可以俾我了解佢喜歡邊間學校，始終係佢讀唔係我讀

作者: py84ko 時間: 14-10-1 09:27 標題: 回覆：In 得太多會厭戰嗎？

樓主所講的厭戰是大人還是小朋友呢？如果是大人，因為我今年沒有返工，可以唔使要請假期帶佢去面試，但我可以想像如果父母是在職的，相信真係好辛苦。而我小朋友，好彩沒有一間撞期或同一日見兩間咁，所以佢都ok, 因為佢真係以為去小學玩咋！

作者: ayvicki 時間: 14-10-1 09:46 標題: 回覆：In 得太多會厭戰嗎？

其實只in 適當的，小朋友第一、二次當然會害羞，但三四次已經掌握！
但每次應該順其自然，莫說小朋友自己in ,
就算家長自己in果part 都未必會答得好好！
所以只當是遊戲一場！不要太在意反而有更好的效果！

當年我小朋友都是未懂事的一群，每次都當去玩遊戲！我會同佢講，入去玩基本原則，
要有禮，唔識答問題唔緊要，最緊要有禮貌守規則，只要做到，玩完出黎媽媽就請佢食朱古力！

作者: lamlamfei 時間: 14-10-1 10:22 標題: 回覆：In 得太多會厭戰嗎？

多謝大家的分享 :)

作者: hoihoima 時間: 14-10-1 11:42

lamlamfei 發表於 14-9-28 23:50
如題，大家可以分享下嗎？如何向小朋友灌輸概念，謝謝

我孩子的幼稚園幫了很大忙去幫學生作心理準備，教導和提醒他們認真面試。成個K3都是面試氣氛，所以孩子們都很投入，知道這是他們要認真做的事。感謝學校！

作者: lamlamfei 時間: 14-10-1 11:45 標題: 回覆：hoihoima 的帖子

可以分享一下學校在面試上如何幫助學生嗎？
我的小朋友學校只有幾天的模擬訓練

作者: baby0903 時間: 14-10-1 23:48

會厭戰！不過係我！可能阿仔都有！

報左幾間，全部second in 都冇，我自己已心灰意冷！可能佢愈見愈厭，其實佢知道唔係去玩甘簡單，可能怕輸索性唔答某D問題！次次問佢玩咩問咩都唔願講或者唔記得，但一向記性好好！唉…

So far仲未講比佢知result,又唔知係咪佢問題，所以唔想話佢！

作者: haileyB 時間: 14-10-2 03:50 標題: 回覆：In 得太多會厭戰嗎？

我女原本都喜歡面試，亦有狀態，但試過有一日in3間，我係好累，呀女直頭第三間話唔去，去到話唔講野添，雖然佢呢個行為不對，但我明白真係會好累，我教咗好耐亦引導咗好耐，最終都in哂3間。之後㴝緊又有一日in3間，我決定放棄一間遠既，兼且如果呢間overrun, 第二間會遲到，好讓她全日有狀態。可惜的是c6話我做法不對而鬧交，他認為呢個階段人人都辛苦，我沒殺了呀女入學機會，好唔開心。

作者: maomaochoi 時間: 14-10-2 10:13 標題: 引用：我女原本都喜歡面試，亦有狀態，但試過有一

原帖由 haileyB 於 14-10-02 發表
我女原本都喜歡面試，亦有狀態，但試過有一日in3間，我係好累，呀女直頭第三間話唔去，去到話唔講野添，雖 ...

一日3間？一日2間我都覺得累...好彩so far 我都係一日一間

作者: zoewong426 時間: 14-10-2 10:24 標題: 引用：我女原本都喜歡面試，亦有狀態，但試過有一

原帖由 haileyB 於 14-10-02 發表
我女原本都喜歡面試，亦有狀態，但試過有一日in3間，我係好累，呀女直頭第三間話唔去，去到話唔講野添，雖 ...

我以為你老公話你好申請咁多間攪到阿女咁攰添！咁第二間有幾心儀？

作者: jamiemammy 時間: 14-10-4 20:37 標題: 回覆：In 得太多會厭戰嗎？

My son certainly is. Today he said he didn't want to... And so he said some of the answers wrong... And it's not too many for him (just one school one week). Is this too much? He is feeling our pressure I guess, and worried that he won't get accepted. I tried not to push him too much and said he can just be himself and do his best he can. Maybe this system is really too much for everyone. I'm the one to take him to interviews and it's tiring for me too (although I'm just waiting outside most of the time). Imagine what it's like for the kids

作者: EduKing 時間: 14-10-4 20:54

提示: 作者被禁止或刪除內容自動屏蔽

作者: tantanmama 時間: 14-10-4 23:04

我女已in咗9間, 另有兩間因撞期而放棄了. 試過一朝有3間, 無可能趕得切去晒, 只好放棄其中一間. 我女無厭戰, 我厭戰多D, 尤其係最心儀學校2nd in完無offer, 我真係唔想再玩呢個game. 但可惜我係95網, 靠大抽奬

, 問過自行果間, 今年20分都多人, 要抽

作者: jamiemammy 時間: 14-10-4 23:44 標題: 回覆：In 得太多會厭戰嗎？

Me too. 都亥95網惟有勤力D啦剛再同啊仔pep talk. 希望佢下次把握機會（今天去interview有D玩野講歪音激死😰）

作者: IRK 時間: 14-10-5 16:19 標題: 回覆：In 得太多會厭戰嗎？

可能有信仰，亦有母校在手，我和孩子説，盡力而為便可以了，不過要求他自問是真的盡力，結果就交給上帝。一直以來孩子的表現越來越好，由初初渾渾噩噩到現在主動仔細無遺覆述內容。結果如何不能控制，但每週看到他的成長，已很感恩！

歡迎光臨教育王國 (/)