教育王國

標題: 小朋友沒錯, 但老師堅持是錯, 你會點? [打印本頁]

作者: yolayoha 時間: 14-9-28 10:37 標題: 小朋友沒錯, 但老師堅持是錯, 你會點?

有學生小測時將"burn"的過去式寫左"burned"

由於學校只係教左"burnt", 所以老師話佢錯, 扣分了.

但其實兩個都係正確嘛, 我就叫佢返學校同老師講啦.

老師回答話:"我話呢個係錯就係錯!"

同學仔好無奈地同我講返, 我都唔知點回應了.

作者: yamaneko 時間: 14-9-28 12:24 標題: 回覆：小朋友沒錯, 但老師堅持是錯, 你會點?

我會同小朋友解釋英文有英制同美制的分別，小朋友識多d係好事，叻架！

在學校，小朋友沒錯，但沒有答中老師的答案，所有老師有權唔比分。因為返學除左學習知識，仲要學做人，尊重老師。老師考你有無聽書麻。世界上的知識那麼多，如果唔跟著老師的教導，老師點比分呢。

如果小朋友成熟，我會同小朋友講失分事小，得失老師事大。如果老師咁強勢，我唔會再同老師講，多安撫自己的小朋友，順順利利過度算了。

作者: Jane1983 時間: 14-9-28 12:39

我會同小朋友講番清楚，但吾會要佢同老師辯論，或者要老師認錯。

作者: MASAYA 時間: 14-9-28 13:04

本帖最後由 MASAYA 於 14-9-28 13:04 編輯

你是補習老師?

其實我都想知, 中學DSE會唔會出現英語美語呢類其實0岩但係唔畀分既情況?

作者: Yanamami 時間: 14-9-28 17:33

MASAYA 發表於 14-9-28 13:04
你是補習老師?

其實我都想知, 中學DSE會唔會出現英語美語呢類其實0岩但係唔畀分既情況? ...

中學有得拗的，我女就成日同老師講番，可以攞番分。小學老師“權威d”、“要面d”，中學老師只要你證明到自己個答案啱就俾番分你。

作者: tws2010 時間: 14-9-28 22:08

This is always the case.  I told my kid there are a lot of different alternatives when you learn something.  There are always different alternatives, but the teachers just stick to their model answers.  My kid knows very well when he is doing exam, he has to use alternative A, but in reality, he knows the other alternatives as well, no choice, that's reality.

The teachers even warn his whole class 'don't let your parents complain and chase for the marks, otherwise, everyone will be punished.'  That's our education.

Or this year, I found out the way my kid used to answer in P.4 was wrong, but then he used the same structure in P.5, this round, the teacher did not say he's wrong.  Maybe a strange thought, the teachers did not want the students to be too fast in learning.

作者: yolayoha 時間: 14-9-28 23:00

yamaneko 發表於 14-9-28 12:24
如果小朋友成熟，我會同小朋友講失分事小，得失老師事大。如果老師咁強勢，我唔會再同老師講，多安撫自己的小朋友，順順利利過度算了。

你這句話真的有點......"諷刺".

現令社會人人講求"公義", 老師也叫學生上街爭取權益, 要懂得向強勢者說"不!", 不可屈服於專政的領導者之下, 偏偏老師自己在校卻要當一個確確切切的"專政領導者", 不許學生向其有半分挑戰......唉......

作者: yolayoha 時間: 14-9-28 23:04

MASAYA 發表於 14-9-28 13:04
你是補習老師?

其實我都想知, 中學DSE會唔會出現英語美語呢類其實0岩但係唔畀分既情況? ...

呢個我反而知喎, 在公開試中美式英語應該可被視為錯誤架喎.

作者: sissysze 時間: 14-9-29 00:28 標題: 回覆：小朋友沒錯, 但老師堅持是錯, 你會點

同一個中文字，中文老師喎常識老師嘅筆劃都可以有不同，唯有同小朋友，做邊份功課就要跟邊個老師要求。否則無分係你自己嘅問題

作者: annie40 時間: 14-9-29 08:44

回覆 Jane1983 的帖子

我也會這樣做。順便解釋老師的老師教得不大好，所以老師學得有限和死板，老師沒有惡意的，依然要包容尊重老師。
剛好媽媽知道，因此你能認識更多，將來如果知道更多合適答案，請回來告訴媽媽。

作者: crispin 時間: 14-9-29 11:28

每間學校有自己嘅制度
老師都係跟marking scheme改，老師點教，學生就照做，呢個係傳統教學嘅模式
我仔間學校講到明，默書填充grammer，一定要寫課本/教材上嘅字，即英式英語
但作文就唔理，美式都唔會話錯
我覺得以上policy無問題，呢個唔係對錯或識唔識嘅問題，呢個係點樣攞高分嘅問題，就好似做數有step分一樣，唔係做得啱唔啱，而係你有無跟老師教嘅方法去做
錯咗，下次想攞高分就要學乖

作者: kenwong888 時間: 14-9-29 11:46

本帖最後由 kenwong888 於 14-9-29 11:47 編輯

yolayoha 發表於 14-9-28 10:37
有學生小測時將"burn"的過去式寫左"burned"

由於學校只係教左"burnt", 所以老師話佢錯, 扣分了.

Say sorry to teacher immediately!
But should return 100 times to the teacher in future!

作者: ericby 時間: 14-9-29 13:20

the teacher may be wrong, talk to principal or report to ED

作者: shadeslayer 時間: 14-9-29 13:39 標題: 回覆：小朋友沒錯, 但老師堅持是錯, 你會點?

家長睇開D便可了。阿女有次英文得零分，我向她解釋她沒錯，答不中老師心中的答案吧了。

作者: mk924 時間: 14-9-29 14:04 標題: 引用：有學生小測時將"burn"的過去式寫左"burned"

原帖由 yolayoha 於 14-09-28 發表
有學生小測時將"burn"的過去式寫左"burned"

由於學校只係教左"burnt", 所以老師話佢錯, 扣分了.

會不會有參考書可証明都係岩既?
好的老師應該接受其他答案, marking scheme好彈性的。
小朋友態度有誠意, why not?

作者: HaYi 時間: 14-9-29 14:14

我仔張動詞表要他們背, 是有列明2個的, 不過Spelling (小Dict) 要寫齊2個才可.

其實冇得同老師吵, 俾得佢改佢有灰色地帶, 佢不俾分都可以的, 尤其是中英文, 只要解俾小朋友聽2種都有就可以了.

作者: yolayoha 時間: 14-10-1 21:55

annie40 發表於 14-9-29 08:44
回覆 Jane1983 的帖子

我也會這樣做。順便解釋老師的老師教得不大好，所以老師學得有限和死板，老師沒有惡意的，依然要包容尊重老師。

咁講又有點難認同了, 包容? 如果唔o岩都要包容, 唔通同仔女講d大陸人隨地疴屎都係無惡意的, 只係無受過教育無文化架咋, 依然要包容佢地??? 香港人唔受呢套架喎.

作者: annie40 時間: 14-10-2 14:38

生活中充滿包容態度的家長，最大得益者是自己孩子。

愛錫自己孩子而又時刻關心記掛別人孩子的父母，分出的愛走一圈又加倍的回報在兒女身上。

兼愛的正能量比我們知道的神奇。好好享受吧！

作者: yolayoha 時間: 14-10-2 22:03

annie40 發表於 14-10-2 14:38
生活中充滿包容態度的家長，最大得益者是自己孩子。

愛錫自己孩子而又時刻關心記掛別人孩子的父母，分出的 ...

正解, 可惜通常都係"曲高和寡". 香港唔興呢套lu.

作者: annie40 時間: 14-10-2 23:38

就是因為唔興，更要去做。

別的孩子在樽頸地帶擠壓得死去活來去幹很「時興」的事。不時興的生活帶來寛濶的空間了。

作者: little_yolky 時間: 14-10-3 17:31

本帖最後由 little_yolky 於 14-10-3 17:32 編輯

annie40 發表於 14-10-2 14:38
生活中充滿包容態度的家長，最大得益者是自己孩子。

愛錫自己孩子而又時刻關心記掛別人孩子的父母，分出的 ...

囡囡剛剛數學測驗卷：
973 -- 百位是( )
      十位是( )
      個位是( )

973=(    )+(    )+(       )

我囡囡答：
[size=13.63636302948px]973 -- 百位是(900)
[size=13.63636302948px]       十位是(70)
[size=13.63636302948px]       個位是(3)

[size=13.63636302948px]973=(  3 )+(  70 )+(  900 ) ---> 一個大交叉, 因為標準答案係 900+70+3

[size=13.63636302948px][size=13.63636302948px]我同囡囡講, 你係無錯既, 不過, 下次要攞分, 你就要醒水啲喇！

作者: annie40 時間: 14-10-4 15:11

回覆 little_yolky 的帖子

little yolks,
自己也是在香港讀書長大，當然知道香港老師點比分，自己也會跟孩子解釋她也是對的，但考試測驗時，記得用老師的model answer。

教育上必須做到有情感交流的學習，因此保護孩子的純真至為重要，不然她便無法愛上學習，只有喜歡學習，才會享受。大部份本地教育的老師自己沒經過快樂學習的日子，難免總給孩子送上令人沮喪的話，做媽媽的要忍耐，大力吸氣，再呼氣，條氣順些，然後給孩子多些甜言蜜語，來化解或減低別人過錯的不良影響。

大部份孩子見媽咪不上心，自己也就不上心了。共勉之。

作者: Jane1983 時間: 14-10-4 15:59

回覆 little_yolky 的帖子

我女數學係有一次有類似的情况，就係答案對，但條式吾係老師想要果條。
個亞sir照剔佢，但就寫 indirect answer, watch out! 其事無所謂，佢交叉我女，都可以接受。

作者: Rattie 時間: 14-10-5 17:14 標題: 回覆：小朋友沒錯, 但老師堅持是錯, 你會點

女兒初小一次英測選擇題，學校出錯有兩個正確答案，A為 model answer 女兒答了B。我寫了張便條請老師打電話給我。老師第一句就是A是標準答案。我解釋我並非要求取回兩分，只是我未能給女兒解釋到為何她的答案是錯，我請老師講解好讓我懂得教導女兒往後應如何去選擇。
當然老師未能說服我。
我原先都以為事情會不了了之。
第二天老師再次致電，說經開會後同意A、B皆為正確答案，把所有測卷收回再改，有同學因為這兩分由肥佬變成合格。

作者: little_yolky 時間: 14-10-6 14:04

annie40 發表於 14-10-4 15:11
回覆 little_yolky 的帖子

little yolks,

係, 我哋就係唔上心, 所以阿囡都好理直氣壯覺得自己係啱, 無所謂。

一兩分無所謂, 可以豪俾老師, 但係, 我最唔鐘意老師成日改小朋友作文。雖然唔駛改正, 但又唔係錯字, 又唔係話有廣東話語法, 成日改到成篇紅晒, 搞到小朋友都無心機寫嘢, 小二階段唔係應該培養寫作興趣嗎, 改乜鬼呢。英文老師就唔會咁, 係有文法錯或錯字先會改。

但百年老校係咁, 佢有佢哋傳統, 但唔知點鼓勵阿囡就真。

作者: little_yolky 時間: 14-10-6 14:08

Jane1983 發表於 14-10-4 15:59
回覆 little_yolky 的帖子

我女數學係有一次有類似的情况，就係答案對，但條式吾係老師想要果條。

最大問題係要點解釋俾阿囡聽佢錯, 因為加法係三個數點調亂加都係一樣, 呢個concept仲要响前幾頁教科書講緊, 咁點解話阿囡錯呢? 唯有同阿囡講：你係啱既, 不過下次想攞分就醒定啲, 2分無所謂啦。

咁阿囡都好大方, 無介意果2分, 又好開心去玩。

作者: Jane1983 時間: 14-10-6 14:42

回覆 little_yolky 的帖子

我估老師係想教埋個位、十位、百位的概念。
其實最緊要小朋友學識左

作者: little_yolky 時間: 14-10-6 14:45

本帖最後由 little_yolky 於 14-10-6 14:46 編輯

Jane1983 發表於 14-10-6 14:42
回覆 little_yolky 的帖子

我估老師係想教埋個位、十位、百位的概念。

但題目上半部, 已有問題問：百位係( ), 十位係( ), 個位係( ), 小朋友全部答啱晒, 到題目下半部就問：973=( )+( )+( ), 題目只話填上適當答案。所以, 900+70+3同3+70+900, 不論數學概念或依題目作答, 都應該係啱的。無奈model answer必須係由百而十而個, 奈何。如果佢答70+3+900或70+900+3都話衰啲啫。

作者: HaYi 時間: 14-10-6 15:07

其實係架, 有時我見阿仔番來數學

5960
hundred place = ( )
佢寫900, 都不給分,
要寫nine hundred
(但題目冇明指示要write in words..)

我覺得上堂個係佢, 佢都要了解慣常做法.

作者: little_yolky 時間: 14-10-6 17:11

HaYi 發表於 14-10-6 15:07
其實係架, 有時我見阿仔番來數學

5960

你阿仔都好可憐。

作者: yolayoha 時間: 14-10-6 20:03

little_yolky 發表於 14-10-6 14:04
係, 我哋就係唔上心, 所以阿囡都好理直氣壯覺得自己係啱, 無所謂。

一兩分無所謂, 可以豪俾老師, ...

講開中文作文我先"慶", 某間小學中文科老師"奉旨"要批改造句, 連佢地話係"佳句"的, 都要改一餐.

最搞笑例子:

有學生作比喻句, 佢寫"星星像吊燈". 老師話錯, 一定要寫"星星像XX"的"model answer".

又有學生造句, 佢寫"小明勇敢地衝入火場救人......", 老師話錯, 一定要寫"消防員勇敢地衝入火場救人......"

呢d例子, 真係多不勝數. 每次見到我都啼笑皆非.

作者: tws2010 時間: 14-10-6 21:34

回覆 yolayoha 的帖子

Very agreed with you. 小朋友的創作空間被扼殺!!! The so called model answers kill so many students.

作者: mansum92 時間: 14-10-6 22:43 標題: 回覆：小朋友沒錯, 但老師堅持是錯, 你會點

咁我個仔間學校應該唔錯，我仔有一次寫: 我到森林找羊伯伯，可是他上了天堂。

老師都冇話佢錯

作者: little_yolky 時間: 14-10-7 09:27

yolayoha 發表於 14-10-6 20:03
講開中文作文我先"慶", 某間小學中文科老師"奉旨"要批改造句, 連佢地話係"佳句"的, 都要改一餐.

最搞笑例 ...

我係你真係會忍唔住寫信俾校長。

歡迎光臨教育王國 (/)