教育王國

標題: 想問下小朋友返學後成日俾同學蝦，我們做家長的可以點做 [打印本頁]

作者: chu87377 時間: 14-9-28 00:00 標題: 想問下小朋友返學後成日俾同學蝦，我們做家長的可以點做

如題，阿女成日放學都同我講有個女同學成日蝦佢，（例如：阿女講錯少少就打佢，又閙佢，），阿女仲要係同果個女同學一間補習社，補完習一起玩的時候每一次都少少事就大大力打阿女或踢阿女，每次阿女只可以做輸家，一贏左佢，佢就問阿女係米欠打，因為果個小朋友實在惡，阿女都好怕佢，最慘係果個小朋友連佢阿媽都怕左佢，就算我個女跌傷喊，都俾佢話痴線，無用，少少傷都喊！！我做媽咪的好心痛但又吾知可以點做？？近日又一次一次咁屈阿女！！我真是好怕阿女會因為咁怕左返學或者對心理有影響，所以想問下我可以點做？？

作者: julinata 時間: 14-9-28 00:53 標題: 引用：如題，阿女成日放學都同我講有個女同學成日

原帖由 chu87377 於 14-09-28 發表
如題，阿女成日放學都同我講有個女同學成日蝦佢，（例如：阿女講錯少少就打佢，又閙佢，），阿女仲要係同果 ...

避開佢，唔一齊坐，唔一齊玩。對方小朋友係咪有些特殊問題的？（要接受治療？）

作者: chu87377 時間: 14-9-28 01:08

宜家已經吾同班啦，但聽阿女講果個小朋友有時課間都會過來穩阿女玩，佢雖然係女仔但好鍾意玩暴力游戲，打架遊戲就成日玩，或者要求玩兵捉賊，其他同學話吾想玩就可以，阿女一話吾玩，佢就問阿女係米想打吖，跟住就追阿女黎打，有時仲會起飛脚，佢自己阿媽話佢都吾聽，打左先停，我曾經問佢點解你成日蝦我個女，佢竟然仲答我鬼叫佢生得咁矮吖，又跑吾快！我聽到真是無言！！

作者: chu87377 時間: 14-9-28 01:12

我又吾可以成日話人家個女，叫自己個女吾好玩要走啦，佢有時又想玩，宜家仲要俾人屈，喊左好耐，哎！我宜家真是好吾開心好煩惱！！都吾知應該點做好！！

作者: kayi0556 時間: 14-9-28 08:56

自己去同果個小朋友講，呀囡唔得閒玩，叫佢唔洗搵呀囡
我諗家長出聲，有d 阻嚇作用

同學校老師反映下，留意下果個小朋友
而呀囡就叫佢見到個小朋友就走，或者去有老師的地方

作者: notcool 時間: 14-9-28 09:01

Ask her to tell the student she will report to the teacher. She will scream.
If outside, she will report to the police. STOP doing that.

作者: 已刪除用戶 時間: 14-9-28 20:29

同學校老師反映

同時教自己小朋友要自強

作者: Jane1983 時間: 14-9-28 21:07

同女女詳細解釋，動不動打佢、鬧佢、屈佢的，並吾係好朋友的所為，佢吾應該因為一時想玩，而同過個女仔玩，咁樣會令佢覺得蝦佢係ok的。

吾知道果個女仔情況有幾差，不過同一d性格咁dominant、咁霸道暴力的人做朋友，佢走歪路一定拖埋朋友落水，百害而無一利。得既話，轉去另一間補習社，見少d。

作者: sissysze 時間: 14-9-28 22:02 標題: 回覆：想問下小朋友返學後成日俾同學蝦，我們做家長的可以點做

要教嗰女唔好同呢啲小朋友做朋友，會被佢教壞。轉補習社啦

作者: albb 時間: 14-9-28 22:51

首先同自己個女個，遠離這種人，不能同呢種人玩，否則不要再投訴，另一方面班主任投訴，向學校投訴

作者: chu87377 時間: 14-9-29 12:48

多謝各位的意見!我已找過尼位小朋友的媽咪傾過,希望有改善!!我也同阿女傾過

作者: little_yolky 時間: 14-9-29 13:19

chu87377 發表於 14-9-28 00:00
如題，阿女成日放學都同我講有個女同學成日蝦佢，（例如：阿女講錯少少就打佢，又閙佢，），阿女仲要係同果 ...

1. 同學校反映, 備咗案先
2. 同阿女講, 就算被打都唔好同佢玩, 態度要堅定, 其實响學校真係無乜時間玩
3. 補習班時, 你要惡啲同個女仔講, 因為佢品格唔好, 所以唔會俾阿女同佢玩, 你態度亦要堅定, 唔好笑笑口好似講笑咁, 同個女仔講, 如果佢响學校打阿女, 阿女會講俾老師知, 你已經同老師備案, 如果响街度打阿女, 你會報警, 因為係犯法

作者: polly.pocket 時間: 14-9-29 16:34 標題: 回覆：chu87377 的帖子

如解決不了轉校。因為讀書時嘅bully係好影響心理發展的。有d重會痴線，情緒病的。但你女也要學習保護自己，因為到別學校也有機會受到bully。

作者: ysnmama 時間: 14-9-29 18:28

先教女兒生存之道，𨍭校只是逃避。每間學校總會有頑皮學生。如果轉了又遇上相同事件，又再轉？可以𨍭幾多次校？小朋友一樣可以有情緒困擾。

作者: fishchow 時間: 14-9-29 20:11 標題: 回覆：chu87377 的帖子

如果女女接受，可以培養她學詠春/台拳道/柔道。既可強身健體，又可自衛，終生受用。

作者: tutik 時間: 14-9-30 07:47

http://www.greatschools.org/pare ... od-friends-video.gs
同囡囡一齊睇，身邊近人唔太多有得自己揀，例如父母、親人、老師，唯獨朋友妳的確有自己選擇權。

同

歡迎光臨教育王國 (/)