教育王國

標題: 英普幼稚園上普通津貼小學有困難嗎?? [打印本頁]

作者: teteemem 時間: 14-9-26 13:39 標題: 英普幼稚園上普通津貼小學有困難嗎??

我個女而家16個月大, 要開始報N班, 我希望佢可以入到Joyful (Fotan), 晌BK & EK 都見到好多媽媽講話小朋友好鍾意返學, 好開心, 輕輕鬆鬆學到野... 咁我同老公講, 佢就話呢間得英文&PTH, 怕阿女辛苦, 而且我有朋友又話, 上到小學大部份都係廣東話教, 怕到時佢睇到D字淨係識PTH唔識老師講乜... 但我又咁諗, 英文PTH我都識, 但始終唔係native怕教錯佢, 廣東話, 我地日常會講, 教都容易D嘛... 各位媽媽, 你地點睇? 俾D comment 我得唔得呀? 雖然間學校未必收佢, 但係我想從多角度去諗, 我唔想自己鑽牛角尖諗埋一邊呀, 我又怕自己不自覺變咗怪獸阿媽....
其實我係想佢返學好開心咁可以學到好多野.... 有D學校係開心, 但學唔到D乜...

作者: vechibi 時間: 14-9-26 19:38 標題: 引用：我個女而家16個月大,+要開始報N班,+我希望

原帖由 teteemem 於 14-09-26 發表
我個女而家16個月大, 要開始報N班, 我希望佢可以入到Joyful (Fotan), 晌BK & EK 都見到好多媽媽講話小朋友 ...

非常ok

作者: yankaka 時間: 14-10-6 11:56

teteemem 發表於 14-9-26 13:39
我個女而家16個月大, 要開始報N班, 我希望佢可以入到Joyful (Fotan), 晌BK & EK 都見到好多媽媽講話小朋友 ...

我覺得日常你地都係用廣東話溝通, 咁只係返學嗰幾個鐘, 又點會話影響到升小後唔識用廣東話溝通呢?
反觀而家仍有不少小學係普教中, 相反幼稚園時打好普通話基礎係好事!

作者: teteemem 時間: 14-10-7 16:55

yankaka 發表於 14-10-6 11:56
我覺得日常你地都係用廣東話溝通, 咁只係返學嗰幾個鐘, 又點會話影響到升小後唔識用廣東話溝通呢?
反觀而家 ...

多謝你既意見呀

我都係咁諗, 不過屋企人有少少微言囉, 無大大反對, 但係我唔想我自己諗埋一邊做咗怪獸阿媽唔醒覺, 我想間學校可以同我一齊合力搵到阿女既才能喜好, 唔想埋沒嗟...

作者: koey329 時間: 14-10-9 22:31 標題: 回覆：teteemem 的帖子

其實我同你諗法都好近。。。我打算比個女讀英普pn，因為我個人認為個底一定要打得好，係屋企全廣東話，我只擔心佢英普比人差，反而真係唔擔心唔識廣東話，如果可以train到佢三樣都掂更好！放心啦，小朋友適應好快，如果學習太唔迫的話，小朋友都學唔到野，從來成績都係要練返黎

歡迎光臨教育王國 (/)