教育王國

標題: 上午校vs下午校 [打印本頁]

作者: mingee 時間: 14-9-23 12:29 標題: 上午校vs下午校

小朋友由1歲開始，習慣夜晚12-1點睡，想報下年k1上午校，但怕佢起唔到身！同埋我地晚飯要8點左右才食(等c6收工回來)，11點食奶(佢一定要食，再玩完才肯瞓)！點搞？
另外，讀下午校係咪真係咁差？d人又話時間唔夠用、又話第時升小一會好辛苦！！

作者: mingee 時間: 14-9-23 12:31

希望有好心mama答我，因快要面試時揀上/下午校了，thx！

作者: twk005 時間: 14-9-23 12:41 標題: 回覆：mingee 的帖子

下午咪下午，大把人下午校都係甘上小學，大d先調節，無問題。

作者: fleshmoon 時間: 14-9-23 14:37

我女幼稚園都係返下午, 今年小一都要早起, 都起到身, ok啦. 可調節到的.

或你可比小朋友早d食飯先, 我都係咁, 一路都係小朋友食左先, 只有星期六日先一齊食飯.

作者: ballg 時間: 14-9-23 21:44 標題: 回覆：上午校vs下午校

小朋友咁細好難適應，到小一先改習慣應該反而容易。我仔都夜瞓，夜晚11點瞓到第二朝10點，要佢返上午會好辛苦。時間運用就睇個人，咁細個又真係有需要放學都去學甚麼甚麼嗎？

作者: gv2009 時間: 14-9-24 01:25

興趣班星期六日抽1-2個鐘學囉，就返小朋友生活習慣最好，而且下午班多數少人爭，入到心儀學校機會可能大d

作者: lauwingtai 時間: 14-9-24 01:47

下午好呀！我宜得小學都下午添，可惜冇。

作者: mixmos 時間: 14-9-25 12:49 標題: 回覆：上午校vs下午校

我個小朋友未返K1，都係夜食飯，夜瞓。情況跟你的小朋友差不多。我在佢返K1 前，用了兩個月的時間，慢慢將他的生理時鐘改為 0600起床，2100瞓覺，晚餐為了他，我都改為 1700 或 1800 食。最多 2000 陪老公食少少。

慢慢來，冇問題。

作者: yungchai 時間: 14-10-6 18:43

其實下午班都唔一定差, 我試過去阿女幼稚園做全日義工, 見到下午班啲同學仔反應好熱烈, 相反上午班好似未瞓醒無乜精神.
我個女k1前已經介咗午睡, 但早睡晚起(9pm瞓, 10am起身), 所以下午班好適合佢

作者: WinnieCatCat 時間: 14-10-6 19:15 標題: 回覆：上午校vs下午校

其實無論讀上午定下午，小學都要重新適應。下午班既要適應早起、上午班都要適應無午睡時間。我女好早已戒午睡，依家返下午班。下午班唯一唔好係較難安排平日上興趣班，不過我本身無諗住要囡囡十八般武藝，如要學有星期六日都夠了

作者: jason1978 時間: 14-10-6 19:28 標題: 回覆：上午校vs下午校

有啲幼稚園，一年上午，一年下午，無得比你揀

作者: soso3509 時間: 14-10-6 23:28

要夾硬一家一齊迫起身咪仲辛苦..
人人都係24小時一日架啦~~睇下點分配時間既姐!!
到升小一都仲有個暑假比一家人去調節啦...
報下暑期班咪又OK...再者..上/下午班都唔係話你想要就有...
都係等學校決定...你最多申請睇下轉唔轉到甘樣...
你應該諗埋如果心儀間學校收左你覺得比較辛苦既上午班...你仲take唔 take呢個offer~~

同埋有部分校...上午同下午班既課程唔一樣, 有D好似上午主流,下午英普咁,
你又要諗埋你朋友讀邊個較合適~係咪??

作者: MrBeast 時間: 14-10-7 09:00

好多野都是事在人為，問題是樓主想要上午班的原因會否justify the effort.

作者: toyandcar 時間: 14-10-7 11:42

我仔pn下午，而加k1轉左上午，其實上午同下午各有各好，以前讀下午，夜晚冇咁緊張，出街又吾使成日就住早d返，朝早亦吾趕，不過如果想學興趣班就返上午好d,下午較多選擇。而我仔以前都係好夜瞓，但當佢要返上午，要早起身，好自然就會早眼瞓，但我冇俾佢瞓晏覺，有時真係瞓左，都盡量吾瞓咁耐，佢而加八點幾就瞓，而食飯方面，咪俾佢食先囉。其實就算吾係就返學，小朋友太夜瞓都吾太好架！

作者: suki2500 時間: 14-10-7 13:04

本帖最後由 suki2500 於 14-10-7 13:07 編輯

回覆 mingee 的帖子

我同你case 一樣, 阿囡由細到大都係夜鬼, 最早都11:30先訓, 我7:15先返到屋企, 工人先可以煮(一對二, 煮唔到), 等c6返黎, 8:15先開飯, 食完都9:00, 再食下生果, hea一陣先沖涼, 所以真係無得早

阿囡由細到大訓唔夠就會大發脾氣, 所以選下午班好適合佢, 訓到自然醒, 之後食飯返學, 返咗一個月, 無扭過計過唔返, 心理況態好好, 宜家k1報名, 我都會揀返下午班

幾歲人仔, 何必噤辛苦呢~

歡迎光臨教育王國 (/)