教育王國

標題: 好沮喪～ [打印本頁]

作者: catli11 時間: 14-9-22 09:51 標題: 好沮喪～

女女n班，每星期都有份填色功課，每星期都筋疲力竭咁同佢一齊填，佢成日好似唔想填咁，好唔專心，填到出晒界，話又唔聽，想捉住佢手教佢又唔俾。

帶佢去上畫畫班，第一堂試堂問老師情況，點知老師話佢填色好叻，無出界，我完全唔相信。

番到屋企再拎番份填色功課出嚟，又係一樣唔填，亂嚟，出晒界，唔想做。

我應該點？係由佢亂填！學校會唔會覺得我係無教佢？但次次都好激氣，好沮喪～

作者: kiannang 時間: 14-9-22 11:21 標題: 回覆：好沮喪～

N班出界好正常，慢慢會再改善！

作者: YatLongcarcar 時間: 14-9-22 12:25

N班出界好正常，仲好細~
我個囝k2 (就黎4age) 學畫畫班學左一年, 現在做功課填色有心機可以好靚唔出界, 夾埋色, 但無心機時亂畫出界先旦咩都有@@"
佢剛剛學俾d 時間佢喇, 加油~

作者: notcool 時間: 14-9-22 13:22

a/ 每星期都筋疲力竭咁同佢一齊填 -1
b/ 佢成日好似唔想填咁 -1
c/好唔專心 -1
d/ 填到出晒界-1
e/話又唔聽-1
f/ 想捉住佢手教佢又唔俾 -1

Vs

點知老師話佢填色好叻+1

Relax, expect less and praise more

作者: Imjanety 時間: 14-9-22 15:04 標題: 回覆：好沮喪～

我囡都係n班個星期一次填色，個次我都由得佢油到出曬界㗎，佢鐘意油咩色就油咩，完全無迫佢，我諗佢份功課一定係全班最核突

佢地先得2歲幾，油得唔叻係正常，放鬆d,不要俾壓力佢吧！

作者: Lovemusicjai 時間: 14-9-22 15:43

由佢岀界啦，再慢慢培養興趣

作者: Joball 時間: 14-9-22 18:45 標題: 引用：女女n班，每星期都有份填色功課，每星期都

原帖由 catli11 於 14-09-22 發表
女女n班，每星期都有份填色功課，每星期都筋疲力竭咁同佢一齊填，佢成日好似唔想填咁，好唔專心，填到出晒 ...

有乜好激氣？兩歲人仔出界非常正常！
其實N班有功課先唔正常

作者: ray88911 時間: 14-9-22 21:27 標題: 回覆：Joball 的帖子

提示: 作者被禁止或刪除內容自動屏蔽

作者: ballg 時間: 14-9-22 23:32 標題: 回覆：好沮喪～

我同小朋友一齊畫，佢唔肯填，我就叫佢畫下圓形三角形咁，我就有我畫，佢有佢亂畫，佢一無耐性想走，我都唔迫佢，同佢講下次再玩過。我認為太緊張嚇怕佢將來就更加唔肯做功課。

作者: coco_cocopig 時間: 14-9-23 01:29 標題: 回覆：catli11 的帖子

提示: 作者被禁止或刪除內容自動屏蔽

作者: 綠林仙子 時間: 14-10-6 06:12 標題: 回覆：好沮喪～

提示: 作者被禁止或刪除內容自動屏蔽

作者: TwogirlsMama 時間: 14-10-7 08:49 標題: 回覆：好沮喪～

正常架，仲細，唔好太擔心^^

作者: hedhed 時間: 14-10-8 15:03 標題: 回覆：好沮喪～

N班學畫畫？收你小朋友果間畫室都似略水多。上年親子皇有專攔都話最早都要4歳先好學

作者: mechwts 時間: 14-10-10 14:52

本帖最後由 mechwts 於 14-10-10 14:58 編輯

出晒界好正常, 我囡又係一星期一次畫畫. 次次陪個囡畫, 佢都畫到花呢碌, 顏色又錯晒

. 有時佢心情靚, 仲貼滿貼紙(老師照CUP 3個印仔, 有時寫下COMMENT). 我覺得無問題, 呢個係學習過程之一, 佢覺得開心就得喇. 我既工作係引導佢, 鼓勵佢多嘗試, 培養佢做功課, 學習的興趣, 所以我囡每星期做功課都做得好開心.

見到有D同學仔交的功課, 油得勁靚, 又有層次, 連中文字都識寫(N1班). 我覺得亞爸亞媽幫手做功課, 呢樣本身已經係過左火位. 對住呢D家長, 不如以後老師開宗名義搵家長代做功課, 代考小學啦! 叫個細路仔返屋企唔好讀書喇.

作者: ChanPlumpy 時間: 14-10-11 14:46

油多幾次就好D架喇，咁細個手仔都未可以完全控制到

作者: pannaleung 時間: 14-10-11 15:52

提示: 作者被禁止或刪除內容自動屏蔽

作者: YSF1 時間: 14-10-12 11:18 標題: 回覆：好沮喪～

N班真係唔應該有功課啦

油出界太正常啦，你讚佢佢先有心機同你油。你鬧佢佢真係唔想同你一起做功課囉。

作者: anniellm 時間: 14-10-12 15:24 標題: 回覆：好沮喪～

提示: 作者被禁止或刪除內容自動屏蔽

作者: w.ling 時間: 14-10-26 13:55 標題: 回覆：好沮喪～

阿囡就2歲，下月先開始返n。但返pg，都會有時油下顏色，做下勞作。明白pg係想train佢手仔既肌肉，冇要佢畫同痴野都做得好，希望小朋友try多的，做下肌肉既training。我會見有的mama會幫小朋友揀顏色油靚靚，而我自己就唔會，都會教下佢貼下邊既，但我會有得佢畫到花哂。

作者: w.ling 時間: 14-10-26 13:59 標題: 回覆：好沮喪～

其實曾經睇過一個報導，details唔太記得，但睇完我buy架。HK會由細教小朋友填顏色，係一個框框內填色，其實係唔應該，應該係俾一張白紙佢自由發揮，等佢有思想空間。俾有圖案既佢油，佢地會由細形成左於框架下學習，思想等等。唔太識解釋返，希望大家明白我大約既意思啦。我自己都鍾意小朋友學畫畫架，我比較鍾意藝術既培養，覺得有藝術既培養，對品德既成長都會有幫助!

作者: w.ling 時間: 14-10-26 14:01 標題: 引用：女女n班，每星期都有份填色功課，每星期都

原帖由 catli11 於 14-09-22 發表
女女n班，每星期都有份填色功課，每星期都筋疲力竭咁同佢一齊填，佢成日好似唔想填咁，好唔專心，填到出晒 ...

加油呀! 做mama係辛苦，佢地仲好細，慢慢黎啦。佢地開始有自己思想架啦。

作者: cck216 時間: 14-10-27 16:07 標題: 回覆：好沮喪～

唔洗沮喪喎。。我仔都係N。。出界屬正常事啦，亂畫更加經常發生，要狂係佢隔離係咁講油邊到，唔係周圍油㗎!!
我都有額外買d 填色畫冊比佢得閒練習下，好似佢喜歡車。。我就買車主題提高個興趣囉。。其實我都只係想訓練返個專注力，填得靚唔靚我個人覺得無所謂!!

作者: Julybabe 時間: 14-11-16 10:01 標題: 回覆：catli11 的帖子

其實無需要沮喪la, only 2，3歲人仔，吾油、亂油好正常姐……咪由得佢自由發揮lor,如果比我便會由得佢，油得几多得几多，功課照交！

作者: yannietimb 時間: 14-11-17 00:04 標題: 回覆：好沮喪～

其實n班日日有功課都真係唔正常，我姨甥仔n班時又係每日一張大過A4既圖畫要油顏色，佢每日都唔願做，差不多每日份功課都係阿媽等佢訓左幫佢油，因為迫都迫唔黎，姨甥仔係有點發展遲緩，到現在k3，終於脱胎換骨，自己主動做功課，有時小朋友能力未及，等佢hea做啦，愈迫佢失去興趣更慘！

作者: Orelia 時間: 14-11-17 08:39 標題: 回覆：好沮喪～

禁細個小肌肉未發展好，佢地油油係會好累的，如果唔想佢出界，佢油時你用張紙頂住D邊位就OK，油得多就會進步，不用緊張

作者: 朵朵 時間: 14-11-19 12:38 標題: 回覆：Joball 的帖子

同意

作者: chun_bb_kwan_bb 時間: 14-11-19 16:55

提示: 作者被禁止或刪除內容自動屏蔽

作者: moondream3003 時間: 14-11-19 18:35 標題: 引用：女女n班，每星期都有份填色功課，每星期都

原帖由 catli11 於 14-09-22 發表
女女n班，每星期都有份填色功課，每星期都筋疲力竭咁同佢一齊填，佢成日好似唔想填咁，好唔專心，填到出晒 ...

你是否要求太高呀， N 班咋， K1 都未必得啦，小肌肉都未ready, 小心你已經嚇怕左佢啦。

作者: moondream3003 時間: 14-11-19 18:36 標題: 引用：其實曾經睇過一個報導，details唔太記得，

原帖由 w.ling 於 14-10-26 發表
其實曾經睇過一個報導，details唔太記得，但睇完我buy架。HK會由細教小朋友填顏色，係一個框框內填色，其實 ...

agree

作者: hong4e17 時間: 14-11-24 14:12

提示: 作者被禁止或刪除內容自動屏蔽

作者: lolomaymay 時間: 14-11-26 12:27

提示: 作者被禁止或刪除內容自動屏蔽

作者: catcatma 時間: 14-11-26 21:49 標題: 回覆：好沮喪～

2歳的幼兒是屬於塗鴉期，即係在紙上亂畫線條，當中可見幼兒能否用多種色彩、或線條的深淺評幼兒的手肌能力，而出界與否又関乎到手眼協調和空間感的能力，大人看似簡單的填色，但2歳的小朋友就不那麼容易了，或者比佢畫大筆畫會好玩D和易控制支筆。如你了解過幼兒畫畫的各發展階段，了解下就不會那麼擔心了。

作者: vpo0615 時間: 14-12-3 14:54

係囉, 扼殺小朋友D創意.

作者: msbear 時間: 14-12-8 11:17

唔好太緊張啦, 只不過二歲多嘅小朋友, 做家長都要放鬆下, 唔係精神壓力過大啦, 好易影響親子關係~

作者: hysalice 時間: 14-12-10 19:28 標題: 引用：女女n班，每星期都有份填色功課，每星期都

原帖由 catli11 於 14-09-22 發表
女女n班，每星期都有份填色功課，每星期都筋疲力竭咁同佢一齊填，佢成日好似唔想填咁，好唔專心，填到出晒 ...

我係同路人，我囡剛返N班，返到屋企唔肯做油顏色功課，連揸筆都唔願意。莫講話出界。問過學校老師，在學校老師揸佢手油，又可以叫佢油，佢都會油少少。但在屋企，佢連俾我揸佢手都唔俾。我諗緊俾唔俾佢參加畫畫班，提升興趣

歡迎光臨教育王國 (/)