教育王國

標題: 有冇小一學生比老師體罰 [打印本頁]

作者: lunlun2012 時間: 14-9-18 21:51 標題: 有冇小一學生比老師體罰

如題。小女現在就讀深水埗官立小學小一。今天晚上同小女傾D學校生活。小女已經講過多次，班主任好惡。我就問老師有冇打人，佢就話有哦。我問打邊度，佢話打手板同手臂，用D紙板。仲有罰企。我女都比罰企過。企響門口同自己個位。
自認個女唔係好乖D小朋友，係屋企都會比我鬧同罰。只係想了解一下，體罰同罰企這種情況在小學普遍嗎？有冇其他學生有過這種情況？

作者: wonderbaby 時間: 14-9-18 21:59 標題: 回覆：有冇小一學生比老師體罰

體罰絕無可能，罰企會有

作者: lunlun2012 時間: 14-9-18 22:19

wonderbaby 發表於 14-9-18 21:59
體罰絕無可能，罰企會有

多謝，我要去調查清楚一下。我都驚小朋友亂講。因為佢話老師好惡話過幾次。我就唔肯定佢係冇被打過定係有被打過唔敢講。

作者: Jane1983 時間: 14-9-18 22:25

吾敢話一定無，因為之前都有揭發過教師打學生，但機會真係好細。因為爆咗出來，你打個幼兒，老師都好大件事的，正常、受過訓練的老師都吾會咁做。

作者: lunlun2012 時間: 14-9-18 22:28

Jane1983 發表於 14-9-18 22:25
吾敢話一定無，因為之前都有揭發過教師打學生，但機會真係好細。因為爆咗出來，你打個幼兒，老師都好大件事 ...

我女話打的好輕，仲演示比我睇，話唔痛。但就話冇打過佢。我心諗，冇打過你你又知佢打的好輕唔痛？

作者: Jane1983 時間: 14-9-18 22:32

回覆 lunlun2012 的帖子

話無打佢咪好lor，可能你女都乖

一班咁多人，可能亦有比較曳仔和多口，開始時老師可能覺得吾惡d、嚴d，會鎮吾住個場，希望慢慢好d。小學老師係嚴肅d，和幼稚園果種，真係好吾同，小朋友慢慢會適應。

作者: karen55407 時間: 14-9-19 12:29 標題: 回覆：有冇小一學生比老師體罰

以我知普遍小學都無體罰，罰企就會有。但仍有小學有老師會體罰。

作者: sososu 時間: 14-9-19 12:32

企.....

作者: MASAYA 時間: 14-9-19 12:37

上年有幼稚園生被綁手跪地既新聞，唔可以體罰既規矩係有，守唔守真係因人而異

作者: 小星兒 時間: 14-9-19 18:23 標題: 回覆：有冇小一學生比老師體罰

試過全班抆耳仔罰企

作者: little_yolky 時間: 14-9-22 17:23

小星兒發表於 14-9-19 18:23
試過全班抆耳仔罰企

無理由全班都衰喎。

作者: jollyma 時間: 14-9-22 17:39 標題: 回覆：有冇小一學生比老師體罰

有！聽聞有D樂器/補習班老師好鍾意扯學生耳仔，正規老師比較少

作者: Jane1983 時間: 14-9-22 18:47

回覆 little_yolky 的帖子

有d老師興玩連坐，一個曳，全班罰。

作者: sunnygirl 時間: 14-9-22 22:06 標題: 回覆：有冇小一學生比老師體罰

我都聽過有老師會體罰學生，例如用書拍學生個頭，通常都係個d上左年紀的老師，可能佢地仲用緊幾十年前個套去教

作者: water13 時間: 14-9-22 23:16 標題: 回覆：有冇小一學生比老師體罰

我女話學校老師試過掹同學耳仔:;pppp:

作者: little_yolky 時間: 14-9-23 09:41

Jane1983 發表於 14-9-22 18:47
回覆 little_yolky 的帖子

有d老師興玩連坐，一個曳，全班罰。

最憎呢啲, 一人做事一人當。我囡小一時, 學期初午膳時間有所謂室長(即高班同學去低班看管住食飯), 因為有啲小朋友曳, 好嘈, 室長居然罰全班同學企响定食飯。我哋知道後馬上致電班主任了解, 因為校長表明學校唔喜歡用罰來教育學生, 係用奬勵, 一個小小的室長居然有如此大權, 做罰埋連坐, 於理不合。班主任亦從善如流, 表示會轉告室長用其他方法。後來, 囡囡話室長日日手攞住張貼紙, 乖既同學有貼紙, 無再罰了。

作者: Jane1983 時間: 14-9-23 09:58

回覆 little_yolky 的帖子

好彩家長消息靈通，及時制止！一班小朋友乖極都會有d嘈，午飯時間比佢地輕鬆d都好。
我去過學校做lunch mom，好正常，有d傾計聲，有d笑聲，你估監獄咩！

作者: little_yolky 時間: 14-9-23 10:00

Jane1983 發表於 14-9-23 09:58
回覆 little_yolky 的帖子

好彩家長消息靈通，及時制止！一班小朋友乖極都會有d嘈，午飯時間比佢地輕鬆d都 ...

學校都好好, 從善如流。

作者: MASAYA 時間: 14-9-23 10:59

little_yolky 發表於 14-9-23 09:41
最憎呢啲, 一人做事一人當。我囡小一時, 學期初午膳時間有所謂室長(即高班同學去低班看管住食飯), 因為有啲 ...

原意係想小朋友知道咩係社會責任，自己做錯事會連累其他人，但其實道理講唔通，出到社會做錯事，其他人係會受連累 (各種情況都有，但唔係受罰)，反而學校裡面咁樣累街坊式處罰會產生小圈子，以前d學校好鍾意咁樣罰，而家好少lu

作者: siuchubb 時間: 14-9-23 16:12

我聽朋友說她親友的女係一間大埔都幾出名的小學讀小一, 佢嗰班主任超嚴, 開學無耐, 因有人上堂傾計就罰全班同學個個都要貼張膠紙係嗰嘴上面, 唔俾佢地傾計, 真係離譜.

作者: paulinefll 時間: 14-9-23 21:37 標題: 引用：我聽朋友說她親友的女係一間大埔都幾出名的

原帖由 siuchubb 於 14-09-23 發表
我聽朋友說她親友的女係一間大埔都幾出名的小學讀小一, 佢嗰班主任超嚴, 開學無耐, 因有人上堂傾計就罰全班 ...

好可怕，呢種都係體罸

作者: little_yolky 時間: 14-9-25 11:29

siuchubb 發表於 14-9-23 16:12
我聽朋友說她親友的女係一間大埔都幾出名的小學讀小一, 佢嗰班主任超嚴, 開學無耐, 因有人上堂傾計就罰全班 ...

奇怪, 點解家長唔同校長講, 因為呢個係唔能夠接受, 就算只貼傾偈同學都唔應該。我哋學校就主要安排較友善(個樣)的老師做小一班主任及副班主任, 等小朋友升小一適應時無咁驚。

作者: lunlun2012 時間: 14-9-27 19:31

原來咁多都係咁。我仲未向校長查詢，最近個女冇再講老師有體罰。其他家長都有講，果個班主任係比較嚴D。不過本周四去學校聽講座，見到個主任又響係度大大聲，叫D全體學生全部企響度，因為小憩時間，有幾個學生太過吵。。。世間險惡，學校都係咁！仲有見到校車保姆另外帶住D學生交比老師，話係坐車時太過調皮D學生。我只是第一次去學校，就見到里D。。

作者: lunlun2012 時間: 14-9-27 19:47

小星兒發表於 14-9-19 18:23
試過全班抆耳仔罰企

好過分。。。

作者: julinata 時間: 14-9-28 00:59 標題: 引用：Quote:little_yolky+發表於+14-9-23+09:41+

原帖由 MASAYA 於 14-09-23 發表
原意係想小朋友知道咩係社會責任，自己做錯事會連累其他人，但其實道理講唔通，出到社會做錯事，其他人係會 ...

如果用於低年班，就更加一啲用都無，唔通一個小朋友唔交功課，老師罰全組小朋友，咁其他組員可以幫到果個小朋友下次唔欠交功課咩。

歡迎光臨教育王國 (/)