教育王國

標題: 小一生，覺得數學堂悶，有少少作反，點做好? [打印本頁]

作者: ren 時間: 14-9-16 10:44 標題: 小一生，覺得數學堂悶，有少少作反，點做好?

小朋友本身好中意數學，但宜家小一數學教緊10以內數數，加減，
佢覺得悶，上堂唔開心，仲同我講話每日期待上數學堂，
但一上堂老師仲要溫番上一堂的範圍，攪到佢冇晒心機，
佢話唔會舉手答老師的問題，即使全班都舉手識答，佢都會鬥氣唔舉，
我應該點開解佢好?
有冇其他jm小朋友，可能本身中文或英文好，而覺得返學悶?

作者: momama 時間: 14-9-16 11:04 標題: 回覆：小一生，覺得數學堂悶，有少少作反，點做好?

幼稚園或自己教得太快就會有呢個問題，所以揾小學要啱程度。如只係覺得數學淺，喺屋企教英文數囉。

作者: ting916 時間: 14-9-16 11:21

有畤又幾悶,Ａ一ｚ大小楷也可以教一星期,只怪小孩聰明過其他

唯有自己保持水準,老師會睇得岀,到時有拔尖的！加油！

作者: moondream3003 時間: 14-9-16 11:46 標題: 引用：幼稚園或自己教得太快就會有呢個問題，所以

原帖由 momama 於 14-09-16 發表
幼稚園或自己教得太快就會有呢個問題，所以揾小學要啱程度。如只係覺得數學淺，喺屋企教英文數囉。

...

我都係在家超前教英文數，仔勁喜歡，上堂悶都無法，仔仔上堂當比其他小朋友溫多一次書，在家溫少次

作者: Jane1983 時間: 14-9-16 12:20

我女數學都係超前好多，不過佢開始時成日要跟番老師規 - 連綫要用間尺劃整齊、識答案都要寫公式、數物件配對即使數對，都要一個跟一個連好……

好彩佢無作反，都願意跟住做。

作者: ren 時間: 14-9-16 12:38

回覆 momama 的帖子

英文數係好提議喎，我小朋友英文弱

作者: Charlotte_mom 時間: 14-9-16 13:38

同老師商量, 俾D挑戰題工作紙佢做, 滿足下佢需要

作者: wan_sosin 時間: 14-9-16 14:12 標題: 引用：我女數學都係超前好多，不過佢開始時成日要

原帖由 Jane1983 於 14-09-16 發表
我女數學都係超前好多，不過佢開始時成日要跟番老師規 - 連綫要用間尺劃整齊、識答案都要寫公式、數物件配 ...

你囡囡好好，縱使悶都有良好態度！
合作係對老師同課堂嘅尊重！

其實有幾多個上到小一唔識1-10數數，小學要重頭教過係過度期，我仔都話悶架，佢同我講，佢上堂做晒功課，作業，可以答問題就去答，有嘢做好過坐係到！快D上完小息有得玩，好似我哋返工等放工咁囉。

作者: Jane1983 時間: 14-9-16 15:05

回覆 wan_sosin 的帖子

真係，上學期d嘢多數小朋友都識，其實都好，比佢地慢慢適應環境。

作者: kennyklt 時間: 14-9-16 21:05 標題: 回覆：小一生，覺得數學堂悶，有少少作反，點做好?

真心講句，大部份小一生考試都科科A，學校會慢慢加壓

作者: hadwinboy 時間: 14-9-16 22:49 標題: 回覆：小一生，覺得數學堂悶，有少少作反，點做好?

我個仔反而好開心，因為做功課唔洗用腦1分鐘做完張數數工作紙，好快可以去玩！

作者: Jessy 時間: 14-9-16 22:52

好快就會好深啦，d文字題好多很tricky架，認多點中文字數學才會高分

作者: fishballbaby 時間: 14-9-17 08:27 標題: 回覆：小一生，覺得數學堂悶，有少少作反，點做好?

小兒的數學也超前了一年，但一直也是英文數，現在初開學雖然淺，但可藉這機會學中文及適應，也是一件好事。
我囝囝也沒有作反，並且覺得好似無功課一樣，非常開心。

作者: miffy^o^ 時間: 14-9-17 09:55

提示: 作者被禁止或刪除內容自動屏蔽

作者: grandmalolo 時間: 14-9-17 14:35

其實很多小一生末入學已上了很多XYZ 超學年班或k3學校已交小一課程，所以一入學更是食老本、好似無乜難度。慢慢加多文字題或多挑戰題，上高年班就見真章。我覺得小一生初入學最好培養自已溫習和自我管理的習慣。

作者: fishballbaby 時間: 14-9-17 17:28 標題: 引用：其實很多小一生末入學已上了很多XYZ+超學年

原帖由 grandmalolo 於 14-09-17 發表
其實很多小一生末入學已上了很多XYZ 超學年班或k3學校已交小一課程，所以一入學更是食老本、好似無乜難度。 ...

作者: sandra28 時間: 14-9-17 21:26 標題: 回覆：小一生，覺得數學堂悶，有少少作反，點做好

我女都話而家教D野好淺！唔洗温習! hea 住做功課！中默仲自己背埋課文！

轉個角度諗都係好事！而家環境、同學及科目都要重新適應！佢可以適應好D 一>起碼仲有時間玩！

作者: HaYi 時間: 14-9-18 14:08

對呵, 底打得好多小一生輕鬆好多, 尤其有D學校P1 仍在ABC / 單數加減的階段, 叻的學生一定會覺得淺, 哩有自己學另外的.

作者: ren 時間: 14-9-18 16:21

多謝各位的意見，
宜家諗住用數學做引，用英文數，文字題來温習中英文，
得閒都會俾d out-syllabus 嘅數學題試下佢，
仲要時時提佢，幾悶都唔好同老師唱反調。

歡迎光臨教育王國 (/)