教育王國

標題: 自閉會唔會過度活躍? [打印本頁]

作者: yurichoi 時間: 14-9-10 12:39 標題: 自閉會唔會過度活躍?

我個仔2011年11月bb,岩岩番k1，番左幾日，老師同我講，擔心佢太活躍，有特殊需要，再番左幾日，老師又同我講，擔心佢自閉，我完全冇諗過自閉，我之前都擔心過佢過度活躍，其實係佢2歲既時候，健康院醫生曾經轉介我去體能智力服務，不過當時因為佢唔佩合醫生要做既事，但佩合姑娘都做到晒，所以我冇去到，聽完學校老師講完，我打去申請檢查，而家等緊佢打黎約時間，究竟自閉證會唔會好活躍? 老師話我個仔冇眼神接觸，又唔識表達，但係我個仔成日了人講bye bye,又成日望住人地，只係叫佢名唔係好應，可能我係屋企成日叫佢 bee bee,bb之類既名

作者: 琪寶 時間: 14-9-10 13:59 標題: 回覆：自閉會唔會過度活躍

以我所知自閉兒也可出現過度活躍的情況，最好盡快安排評估(私人評估雖然貴，但會快好多)

作者: 球星媽咪 時間: 14-9-10 15:10 標題: 回覆：自閉會唔會過度活躍

有自閉症既小朋友會有機會，將來都好大機會有其他情緒問題如抑鬱，焦慮。

作者: idak 時間: 14-9-10 22:39 標題: 回覆：自閉會唔會過度活躍

我囡囡2歲時我都只係覺得佢係過度活躍，但健康院個醫生話佢有自閉特徵，CAC個醫生話無但又叫我排l位。你最好去做評估先，再問清楚d！

作者: hongbbn 時間: 14-9-10 22:58

我仔仔上星期做完政府評估，雖然個評估好求其，話係自閉症，但平時出街落公園係無時停，不停跑黎跑去，超好體力，之前去n1面試，都跑黎跑去。。。。。
我自己有時都懷疑緊有活躍。。。但我仔仔仲未肯講野。。。。

作者: pocoyo123 時間: 14-9-10 23:35

本帖最後由 pocoyo123 於 14-9-10 23:35 編輯

自閉好多時係會有埋過度活躍

作者: funghon 時間: 14-9-11 00:19 標題: 回覆：自閉會唔會過度活躍

自閉小朋友好活躍，係因為感統吾夠。帶多d佢去playground

作者: hongbbn 時間: 14-9-11 00:32

感統是什麼意思？？？

作者: chowqv 時間: 14-9-11 10:41 標題: 回覆：自閉會唔會過度活躍

我個仔有自閉，adhd.仲有……除左智力無問題，其餘份表有既，佢都有剔。

作者: yurichoi 時間: 14-9-14 14:58

如果真係有以上2個病，我個仔讀緊k1,使唔使轉學校?

作者: yicbc 時間: 14-9-15 19:21 標題: 回覆：自閉會唔會過度活躍

自閉症係有機會夾雜埋過度活躍症，適唔適合返而家間幼稚園，就真係要睇下啲老師包唔包容，如果包容唔到，佢哋就會好婉轉咁叫你仔退學，我都試過，超傷心

作者: coffeeyu 時間: 14-9-16 14:29

我個仔都系11年11月出生的，返左k1老師無同我講佢有問題，但系就叫我陪佢上堂，聽日先比佢自己試下，而家返緊系下午班，但我同佢上堂都睇得出佢坐吾定，又好容易發脾氣，都吾知有無問題，系屋企除左固執，大小肌肉都無咩力，又吾怎食野，都吾知怎幫佢

作者: Mikibk0505 時間: 14-9-16 16:05 標題: 回覆：coffeeyu 的帖子

快些去做私人訂評估，你仔仔同我仔仔情況好似！我個仔被評估為有自傾同感統失調

作者: chowqv 時間: 14-9-17 02:10 標題: 引用：如果真係有以上2個病，我個仔讀緊k1,使唔使

原帖由 yurichoi 於 14-09-14 發表
如果真係有以上2個病，我個仔讀緊k1,使唔使轉學校?

視乎學校既立場。當年阿仔評估一出，我都喊住問校長。感恩既係校長話：只要家長有排治療，學校盡力配合。一定唔會令小朋友無書讀。

作者: Man_elephant 時間: 14-9-17 11:23

提示: 作者被禁止或刪除內容自動屏蔽

作者: yurichoi 時間: 14-9-18 22:49

Mikibk0505 發表於 14-9-16 16:05
快些去做私人訂評估，你仔仔同我仔仔情況好似！我個仔被評估為有自傾同感統失調

...

自傾同感統失調係點解? 其實我今日同老公一齊去左填問卷，要等9個月左右先會見第二次，見第二次先會見小朋友，我好坦白同姑娘講，我有比平板個仔玩，姑娘話會影響集中力，唔可以成日玩，我都知衰，我已經冇再比機佢玩，真係會好驚，冇打機後各種問題好左小小，而姑娘有問卷想老師填番去，不過佢話等老師同小朋友接觸2/3個月先填比較好，今日都比姑娘罵完，其實真係好內疚，覺得好似係我一手搞到佢咁，而家只可以不斷訓練佢，姑娘話我個b而家講野方面只等於18個月既bb,表達唔到有意思句子

作者: Mikibk0505 時間: 14-9-18 23:12 標題: 引用：Quote:Mikibk0505+發表於+14-9-16+16:05+快

原帖由 yurichoi 於 14-09-18 發表
自傾同感統失調係點解? 其實我今日同老公一齊去左填問卷，要等9個月左右先會見第二次，見第二次先會見小 ...

我個仔有自閉傾向，包括少眼神接觸，有固執行為（例如一定要用屋企嘅學習廁所先肯vv,鍾意玩玩具車，有時會排車）至於感統失調方面，職業治療師話佢坐唔定，唔集中，鍾意四圍走，撞黎撞去，係因為佢大腦前庭覺失調，所以佢需要好多嘅郁動去刺激自己！我個仔嘅大小肌都唔係太好，所以行路同d動作有d倫盡。佢唔肯同同齡小朋友玩，又成日發脾氣！呢d係社交同情緒方面嘅問題！我個仔而家上午返私人密集，下午返N班，真係好辛苦！但係密集訓練係有幫助架！我係太子一間叫慧橋嘅中心做評估同密集訓練架！如果你等緊政府期間其實都可以舉帶佢去做上d感統訓練！

作者: Mikibk0505 時間: 14-9-18 23:21 標題: 引用：Quote:Mikibk0505+發表於+14-9-16+16:05+快

原帖由 yurichoi 於 14-09-18 發表
自傾同感統失調係點解? 其實我今日同老公一齊去左填問卷，要等9個月左右先會見第二次，見第二次先會見小 ...

唉，你唔好怪責自己啦！邊有媽媽會唔想個仔好。我工人之前成日俾電視我個仔睇，所以都令到佢專注力差!我而家一星期只俾佢睇2-3個鐘電視。如果你想仔仔多d表達自己，盡量唔好佢未開口要一樣野就俾佢, 一定要迫佢自己開口表達！我個仔都係呢兩三個月好多野講咋！所以要把握治療時間！大家一齊加油努力呀！

作者: yurichoi 時間: 14-9-20 18:18

Mikibk0505 發表於 14-9-18 23:12
我個仔有自閉傾向，包括少眼神接觸，有固執行為（例如一定要用屋企嘅學習廁所先肯vv,鍾意玩玩具車，有時會 ...

我同你情況好似，我而家要等9個月左右，先可以帶個仔見姑娘睇情況，而家我係屋企不停訓練，你用咩方法改善?

作者: yurichoi 時間: 14-9-20 18:21

Mikibk0505 發表於 14-9-18 23:21
唉，你唔好怪責自己啦！邊有媽媽會唔想個仔好。我工人之前成日俾電視我個仔睇，所以都令到佢專注力差!我而 ...

你仔仔幾大? 我個仔到而家都唔肯主動表達講野，我地而家都係逼佢每次要講唔該要咩咁

作者: Mikibk0505 時間: 14-9-20 20:06 標題: 引用：Quote:Mikibk0505+發表於+14-9-18+23:21+唉

原帖由 yurichoi 於 14-09-20 發表
你仔仔幾大? 我個仔到而家都唔肯主動表達講野，我地而家都係逼佢每次要講唔該要咩咁 ...

我仔仔而家2歲8個月，基本上佢而家好主動表達自己，佢會表達俾我地知佢要咩唔要d咩，會主動叫人。我個仔8月之前一直都有上言語治療，一星期1-2次，我係屋企都有同佢做口肌訓練。我個仔之前都係要迫佢佢先肯講，佢唔講出自己嘅要求我就唔理佢，由佢喊，可能而家大個左，漸漸佢明白到如果佢唔講出黎係得唔到想要嘅野，慢慢佢就越講越多野！我個仔仲麻煩，超無耐性好心急，我成日要佢講同學習等待，所以佢成日發脾氣，中心嘅老師教我要堅持，唔可以俾佢以為發脾氣我地就要滿足佢，呢方面我仲訓練緊佢。其實真係要知道你仔仔係唔肯講野定佢係唔明白你地嘅指令，真係要評估左至知！

作者: coffeeyu 時間: 14-9-21 11:29

回覆 Mikibk0505 的帖子

你系邊度做，幾錢，我睇過d都要幾千蚊，我對於我來講真系好大壓力

作者: coffeeyu 時間: 14-9-21 11:41

學校主任終於同我講話我囝專注力不足，叫我参加學校的訓練等佢可以跟返同齡小朋友同等老師無甘辛苦，我同意左，唸住10月返兒科覆診時同醫生講嚴重d,睇可吾可以快d比佢做評估

作者: Mikibk0505 時間: 14-9-21 12:47 標題: 回覆：coffeeyu 的帖子

我而家係太子一間中心上緊密集，一個月成8000呀，真係好貴！如果而家學校提供訓練俾你，咁你可以等10月評估完先啦！而家就多d同佢做家居訓練，至於專注力問題，你試下要佢坐定定5分鐘，你陪佢玩玩具例如砌積木，另外準備一樣佢最鍾意嘅玩具或食物，當佢想離開坐位或者能完成指令時，就獎勵佢。如果佢能夠坐定5分鐘，之後再延長時間。最好就睇少d電視，iPad，慢慢黎啦，加油呀！

作者: Mikibk0505 時間: 14-9-28 13:03 標題: 回覆：coffeeyu 的帖子

Hi,你仔仔情況點呀？我啱啱幫個仔安排左pn退學，上次老師打俾我同我講我個仔成日上上下堂訓著左，又話佢跟唔上，我聽到都心痛，我遞信嘅時候老師好開心，好似終於令我知難而退！不過我自己都無Hi,你仔仔情況點呀？我啱啱幫個仔安排左pn退學，上次老師打俾我同我講我個仔成日上上下堂訓著左，又話佢跟唔上，我聽到都心痛，我遞信嘅時候老師好開心，好似終於令我知難而退！不過我自己都無咁大壓力，起碼阿仔唔駛日日喊住返學，情緒咁唔穩定！

作者: lauywa 時間: 14-12-20 13:39

回覆 yurichoi 的帖子

我仔去CAC睇完一次后，都話要等起碼九個月，点知N班開學幾個月后（上個月），學校話阿仔仍講好少野，我打去CAC講番學校既反應，並問可否提早見医生，原本話要等多3個月（出年2月），点知第二天CAC打比我話医生突然有個期（兩星期后）呀！

作者: coffeeyu 時間: 14-12-20 17:43

回覆 coffeeyu 的帖子

系觀塘循道，主要系專注力訓練，哩個學期已上完8堂，效果幾好，免費的，下個學期都有，我當比啊仔去玩，每堂45分鐘

作者: 聽雨聲 時間: 14-12-20 22:17

回覆 coffeeyu 的帖子

學校好好呀

作者: myanyan 時間: 15-1-7 16:52

提示: 作者被禁止或刪除內容自動屏蔽

歡迎光臨教育王國 (/)