教育王國

標題: 九龍塘朗X….一間"很現實"的學校 [打印本頁]

作者: sadkid 時間: 14-9-9 23:02 標題: 九龍塘朗X….一間"很現實"的學校

我仔原本以為有幸被取錄, 上年可在這校開始PN, 聽說口俾不俗, 一家人滿心歡喜, 期待他可在這校由PN讀到K3, 甚至它的直屬國際小學, 雖然及後在家長會有提及PN上K1要通過考核。他是9月出生, 所以要到10月, 滿2歲後才可上課, 比較其他同學已在8月開始上課, 再加上是"細仔", 上課和學習表現較比下去。上課的第一天, 我客氣地向老師說小兒的學習要拜託他們的專業教導, 她回敬一句:「大家一齊努力吧!」過兩天, 她來電講上課表現, 說他不專心, 坐不定, 並說:「他來這裏上堂前, 冇上過playgroup 嗎?」其後坐不定情況已改善, 但上課表現不佳, 經常左顧右盼其他東西。約11月時, 即已上咗學一個多月, 學校開家長會講解K1課程及升K1考核情況, 他的老師會後跟我們說:「你哋最好揾定其他學校。」幾星期後，主任致电說他通過不了考核, 暫時不會收他升讀K1, 叫我們在家多加訓練, 到2月時, 再考核一次, 她還說老師上課時已很俾心機教他。跟着幾個月, 我們在家除了家課, 也另外經常訓練他, 坦白說只有小進步, 而定期學校派的學習評估報告, 老師寫得很差, 大部分給劣等, 在一次電話談話, 老師說:「他唔明我嘅教導, 在這裏學唔到嘢。」到2月中, 主任再致電, 說他仍通過不到考核, 確定不會取錄升上K1, 讀完PN要離開。我們十分失望, 商量幾天後, 反正已有其他學校取錄9月K1, 決定通知校方提早離校, 不想浪費時間和金錢在這學校, 亦唔阻住它們上位做名校。

撫心自問, 小兒學習能力及表現的確比較滯後, 尤其當其他大部分同學都可通過考核, 而小兒兩次機會也失敗。但:

1. 小兒面試過其他PN, 有不取錄的例子, 如這校的要求是較高, 當初為何取錄他？如認為小兒資質差, 應一早不取錄PN。從以上列舉老師的談話, 短短開始上課幾個月, 令我感到它們較安於教導易處理的幼兒, 卻無心機及耐性培育能力較弱的學生。

2. 小兒當時只是2歲, 就要他和家人就要面對這些事, 會不會太現實和狠心吧？尤其聽到 "你哋最好幫佢揾定其他學校", 當時尚未有K1 offer時, 我的家人非常傷心及傍惶, 哭了多次, 幾乎患上抑鬱症。

3. 在我上學的年代, 成績差、考試幾科不合格的學生, 首先會被要求留級, 第二年仍無改善, 才會被趕出校。小兒在這校不是犯上打架、偷竊, 只是學習成績差, 是否連留級機會也不給予, 短短上學幾個月就要被踢出校？！

在這裏, 透過我的經歷, 想大家為仔女選學校時多加各方面考慮, 尤其是那些不確保直升K1的學校。

為我兒揀選這校, 兩歲開始上學不久便被趕出校, 蒙上污點, 是我人生其中一個最錯誤決定。

作者: lovecasey 時間: 14-9-10 00:33

完全明白，我女兒考過這間的PN, 不收，之後主任來電話小女很多問題，又問是不是父母照顧或姐姐看。又叫佢不如上佢地playgroup之後再interview. 但小女上其他playgroup 時無老師話有問題。感覺好似一定要上佢playgroup . 屈錢

作者: owennam 時間: 14-9-10 01:37 標題: 引用：完全明白，我女兒考過這間的PN,+不收，之後

原帖由 lovecasey 於 14-09-10 發表
完全明白，我女兒考過這間的PN, 不收，之後主任來電話小女很多問題，又問是不是父母照顧或姐姐看。又叫佢不 ...

之前其他分校如麗港城都有媽咪數臭

作者: cskm71 時間: 14-9-10 07:23 標題: 回覆：九龍塘朗X….一間"很現實"的學校

是否馬鞍山都有分校的？仲lum住報。

作者: Lovelebron 時間: 14-9-10 07:43 標題: 回覆：九龍塘朗X….一間"很現實"的學校

莫道你在選擇人，人亦能選擇你；冇緣就應該分開，廿年後你的小朋友學業有成，到時你乜都唔記得啦。cheer up! 小朋友最重要都係身心健康。

作者: yyshiu 時間: 14-9-10 09:43

本帖最後由 yyshiu 於 14-9-10 09:55 編輯

幸好你有為小朋友作好準備及有K1 offer，我諗既然學校唔garantee上K1，作為家長真係要幫小朋友報定多幾間k1打底，可能更好的反而之後K1果間。

作者: babykellie 時間: 14-9-10 10:26

回覆 sadkid 的帖子

坦白講我對樓主心情感同身受，小兒剛剛上該間PN一個月，老師每次打電話來全部系數小兒坐唔定，周圍走啦，講野發音唔正確啦，全部系負面信息，令到我都差點抑鬱。講真，2歲男仔坐得定好少，如果老師只肯教乖乖坐定，不如一早講明，唔收好動寶寶好過。我地都明白要教育小朋友，需要學校同家長一齊努力，都有系屋企訓練佢，我想老師之所以咁講系希望將教不好滴責任全部推系父母同小朋友自己身上。宜家我已經打定主意K1一定轉校，雖然小兒返學都算開心，但係如果繼續留系度聽老師成日講負面消息，我會崩潰！

作者: legolas625 時間: 14-9-10 10:36

此處不留人，自有留人處，幼稚園已變成一盤生意，無有教無類

作者: legolas625 時間: 14-9-10 10:40

係咪X思? 佢當年無收我9月出世的仔

作者: sionmisa 時間: 14-9-10 11:09

重諗住幫我個女報埋尼間PN,見你地甘講真係要諗清楚, 成6千蚊學費,唔係平呀, 成日打黎話自己仔女咩野唔好,都幾大壓力,

作者: JoJo 時間: 14-9-10 11:59

版主按: 閣下已在談幼稚園發出相同帖, 現將此帖關閉, 請到以下連結查看.

http://www.edu-kingdom.com/forum ... ead&tid=2899006

歡迎光臨教育王國 (/)