教育王國
標題: 九龍塘朗X….一間"很現實"的學校 [打印本頁]
作者: sadkid 時間: 14-9-9 23:00 標題: 九龍塘朗X….一間"很現實"的學校
我仔原本以為有幸被取錄, 上年可在這校開始PN, 聽說口俾不俗, 一家人滿心歡喜, 期待他可在這校由PN讀到K3, 甚至它的直屬國際小學, 雖然及後在家長會有提及PN上K1要通過考核。他是9月出生, 所以要到10月, 滿2歲後才可上課, 比較其他同學已在8月開始上課, 再加上是"細仔", 上課和學習表現較比下去。上課的第一天, 我客氣地向老師說小兒的學習要拜託他們的專業教導, 她回敬一句:「大家一齊努力吧!」 過兩天, 她來電講上課表現, 說他不專心, 坐不定, 並說:「他來這裏上堂前, 冇上過playgroup 嗎?」 其後坐不定情況已改善, 但上課表現不佳, 經常左顧右盼其他東西。約11月時, 即已上咗學一個多月, 學校開家長會講解K1課程及升K1考核情況, 他的老師會後跟我們說:「你哋最好揾定其他學校。」 幾星期後，主任致电說他通過不了考核, 暫時不會收他升讀K1, 叫我們在家多加訓練, 到2月時, 再考核一次, 她還說老師上課時已很俾心機教他。跟着幾個月, 我們在家除了家課, 也另外經常訓練他, 坦白說只有小進步, 而定期學校派的學習評估報告, 老師寫得很差, 大部分給劣等, 在一次電話談話, 老師說:「他唔明我嘅教導, 在這裏學唔到嘢。」到2月中, 主任再致電, 說他仍通過不到考核, 確定不會取錄升上K1, 讀完PN要離開。我們十分失望, 商量幾天後, 反正已有其他學校取錄9月K1, 決定通知校方提早離校, 不想浪費時間和金錢在這學校, 亦唔阻住它們上位做名校。
撫心自問, 小兒學習能力及表現的確比較滯後, 尤其當其他大部分同學都可通過考核, 而小兒兩次機會也失敗。但:
1. 小兒面試過其他PN, 有不取錄的例子, 如這校的要求是較高, 當初為何取錄他？如認為小兒資質差, 應一早不取錄PN。從以上列舉老師的談話, 短短開始上課幾個月, 令我感到它們較安於教導易處理的幼兒, 卻無心機及耐性培育能力較弱的學生。
2. 小兒當時只是2歲, 就要他和家人就要面對這些事, 會不會太現實和狠心吧？尤其聽到 "你哋最好幫佢揾定其他學校", 當時尚未有K1 offer時, 我的家人非常傷心及傍惶, 哭了多次, 幾乎患上抑鬱症。
3. 在我上學的年代, 成績差、考試幾科不合格的學生, 首先會被要求留級, 第二年仍無改善, 才會被趕出校。小兒在這校不是犯上打架、偷竊, 只是學習成績差, 是否連留級機會也不給予, 短短上學幾個月就要被踢出校？！
在這裏, 透過我的經歷, 想大家為仔女選學校時多加各方面考慮, 尤其是那些不確保直升K1的學校。
為我兒揀選這校, 兩歲開始上學不久便被趕出校, 蒙上污點, 是我人生其中一個最錯誤決定。
作者: gingerbearbb 時間: 14-9-9 23:13 標題: 回覆：九龍塘朗X….一間"很現實"的學校
老實說 我唔覺得學校做法有咩問題 亦唔關現唔現實 既然一早已知上k1 要通過評核 就應該有心理準備
家長不如正面啲 仔仔唔係被踢出校 唔係咩污點 只係未搵到間適合佢既學校而己
作者: canteen31 時間: 14-9-9 23:30
今時今日已經唔可以用我地嘅年代比較，學校都係一盤生意，學校如果唔適合你嘅小朋友，幾出名幾貴都無用。。。其實你N班知道唔適合都好過遲知吖
作者: tenko 時間: 14-9-9 23:42
我朋友係美孚think 都有同樣情況，應該係學校政策。
作者: activerabbit 時間: 14-9-10 00:35
家長無需太介意, 如果學校真係現實, 何不讓你的小朋友一直讀到K3, 多收三年學費不是更好嗎? 九龍塘乃名幼集中地, 學校對學生的學習能力有一定要求實屬無可厚非, 每個小朋友對學習知識的吸收能力各有不同, 再者你的小朋友是十月細B, 相比同年大B確實比較吃虧, 既然學校坦白道出你小朋友的問題所在 (學習遲緩), 那乾脆轉換一間合適的學校便是, 難道你喜歡學校勉強收多你三年學費而你小朋友什麽也學不到 ?
我想提醒樓主, 學校只是一個學習地方, 老師頂多只是一個輔導性質, 教導小朋友永遠都是我們為人父母的責任, 不應把教導兒女的責任推缷予老師或别人, 所謂養不教 父之過 / 母之過, 只有教不嚴 師之惰, 何時聽過養不教 師之過 ??
作者: feipow 時間: 14-9-10 06:15 標題: 回覆：九龍塘朗X….一間"很現實"的學校
提示: 作者被禁止或刪除 內容自動屏蔽
作者: cherryird 時間: 14-9-10 08:41
提示: 作者被禁止或刪除 內容自動屏蔽
作者: Jane1983 時間: 14-9-10 09:09
「趕出校，蒙上污點」- 不要這樣想，先2、3歲人仔。這些挫折佢自己吾知的，做父母就啃咗去，不要想太多，主要著眼如何幫小朋友更好地發展。
作者: esmetam67 時間: 14-9-10 10:01
I can tell this is Think's policy.
作者: tam_bb 時間: 14-9-10 10:11 標題: 回覆：九龍塘朗X….一間"很現實"的學校
有兩位朋友都經歷類似情況，相信這是學校的政策。但不要氣餒！知道有位2010年9月細B，九龍塘校也是這樣說嗰位pn小朋友跟唔上，叫佢搵第二間K1。但嗰位小朋友後來K1考到KV，讀了一年。最近從Facebook知道佢9月開學時讀德望（但唔清楚是轉做超大repeat k1 ，定係插班K2）。加油！
作者: 豬脾 時間: 14-9-10 10:32
讀得唔開心, 轉學校未必唔係唔好嘅。宜家間間學校都係現實 ka la, 我地都要習慣下。振作d, 宜家search下搵邊間學校申請好喇, 加油。
作者: ahmatt 時間: 14-9-10 10:41
回覆 sadkid 的帖子
讀金錢掛帥的學校，難道你期望學校會有教無類?
作者: kwan_0128 時間: 14-9-10 11:33
呢種學校唔係賣愛心, 有呢個情況好正常呀, 我以前都聽唔少呢個情況
所以選擇學校真係要考慮清楚小朋友既性格, 資質, 選擇適合既學校
K1又係一個新的開始, 忘記唔開心既事啦
作者: BBBQ 時間: 14-9-10 11:50 標題: 回覆：九龍塘朗X….一間"很現實"的學校
只覺現在的學校只是一盤生意，輸打贏要，已沒有有教無類這回事
快樂童年最重要，不要唔開心，幫小朋友搵過一間好學校
作者: ilovewife 時間: 14-9-10 12:05
其實我想問下考核係考d 咩的？？
作者: Oilyblackmouth 時間: 14-9-10 12:13 標題: 回覆：九龍塘朗X….一間"很現實"的學校
加油! 唔適合.早知好過遲知!
作者: ballg 時間: 14-9-10 12:15 標題: 回覆：九龍塘朗X….一間"很現實"的學校
學校其實面試已經知道係細b, 學習能力自然比大b弱，收完細b又唔接受細b嘅情況，我認為好過份。小朋友未必知發生甚麼，但家長唔好太唔開心，大細b將來都會接合，祝你找到一間有愛心有耐性的學校！
作者: kim107 時間: 14-9-10 12:37 標題: 回覆：sadkid 的帖子
唔適合自己唯有離開，每個小朋友都唔同，學校亦難說有錯，要上位嘅學校一定係咁，覺得唔啱就唔好嘥時間去勉強，小朋友又辛苦，老師又會施壓力，係我就搵第二間。
作者: 貝珠 時間: 14-9-10 12:38 標題: 回覆：九龍塘朗X….一間"很現實"的學校
我以為think 比較似國際學校，唔介意坐唔定的小朋友。
咁坐唔定的小朋友，有什麼學校唔介意架？
作者: didier99 時間: 14-9-10 13:02 標題: 引用：我仔原本以為有幸被取錄,+上年可在這校開始
原帖由 sadkid 於 14-09-09 發表
我仔原本以為有幸被取錄, 上年可在這校開始PN, 聽說口俾不俗, 一家人滿心歡喜, 期待他可在這校由PN讀到K3, ...
作者: HaYi 時間: 14-9-10 13:14
我大仔 (中B) 都在朗思(另一campus) 讀N1, 佢上K1的考核個時都好易, 通常是考到外校放棄的多. 可能九龍塘的campus K1 多人想入, 又見樓主是細B會留難,
現在最好不要再去想個間學校是無情定無理, 轉左第2間K1都要睇下小朋友發展, 會不會在P1前repeat 做超大仔考小學好D.
作者: SS0512 時間: 14-9-10 13:55 標題: 回覆：九龍塘朗X….一間"很現實"的學校
楼主不要氣餒和自責。小朋友成長步伐有快有慢，他朝話唔定是個優異生。同學校夾唔到，轉去其他學校，對小朋友利多於弊
作者: 球星媽咪 時間: 14-9-10 14:07 標題: 回覆：九龍塘朗X….一間"很現實"的學校
同小朋友選幼稚園真係要多番考慮，學校既辦學理念都要留意，我覺得名校唔一定適合小朋友，相反好多學劵學校都好有愛心。
作者: L+H 時間: 14-9-10 14:29
我b而家1歲多d，上星期六返左美孚果間playgroup.
感覺係屈錢。佢相當明白家長為佢地pn班先報佢地d playgroup. 貴唔緊要，但課程唔啱1嵗小朋友，感覺係齋揾錢，無心做好佢…… 因為美孚少幼兒園，所以先要報佢
我b由10個月就返playgroup, 呢間無論大人細路都覺得唔好玩。
作者: megwong1 時間: 14-9-10 15:12
唔好唔好開心了! 每個小朋友進度不同, 每間學校的政策/教師的質素都唔同! 樓主已有學校收仔仔K1, 已可放下心頭大石! 相信樓主經濟能力不俗 (見你原本打算讀埋THINK 國際小學), 這已經比很多人好了, 可以額外給予更多資源去培育小朋友! 小朋友今日進度慢, 不等於將來一家差! 加油吧!
如果你是講緊THINK, 我對它感覺是較現實 (藍田那間), 捨難取易! 我小朋友上年沒有IN過, WAITING 卻打黎說直接收佢 ( 我想是因為大B吧!但我最終沒有TAKE 個OFFER! ) 其實而家好多學校, 已變成一門生意了! 生意味濃了, 相對地教學熱誠就減退
作者: esmetam67 時間: 14-9-10 15:14
回覆 ilovewife 的帖子
the content is exactly the same as the interview conducted to outsiders
my daughter was commented the same, not suitable, need 2nd assessment in this feb
turn out, she passed, but from am to pm
so I gave up
now she is studying at a half dragon K, very happy
作者: Evilo 時間: 14-9-10 15:30
我無諗住報呢間，聽講係比較勢利...
作者: Evilo 時間: 14-9-10 15:31
樓主, 男仔係遲啲發育唔駛唔開心, 你地應該開心咁快就發現左呢間學校唔啱小兒，唔駛佢捱多3年。
作者: evawyma 時間: 14-9-10 16:32
poor kid. Maybe it will be better for your kid to repeat PN and becomes a super big boy so that he will have less pressure on studying.
作者: pinky8618 時間: 14-9-10 16:43
樓主, 唔好唔開心
小朋友先兩三歲, 今日唔代表將來
幾多偉人名人細個個時都係唔太叻的
作者: 超班BB 時間: 14-9-10 17:38 標題: 回覆：九龍塘朗X….一間"很現實"的學校
聽完樓主咁講之後，我更加相信當初的決定是對的！
作者: warren.tsang 時間: 14-9-10 17:45
提示: 作者被禁止或刪除 內容自動屏蔽
作者: HCHmum 時間: 14-9-10 18:58 標題: 回覆：九龍塘朗X….一間"很現實"的學校
樓主唔好唔開心，我同你有類似經歷，我囝囝係10月B，之前讀藍田分校，佢做完第一次評估唔pass，當時又冇第二間K1收佢，真係好徬惶。後來第二次評估pass咗，學校俾咗pm offer我地都冇要，因為囝囝由學期頭喊到學期尾，我相信囝囝唔適合呢間學校，決定轉校，依家讀緊半龍K1。
作者: cscsmlkyh 時間: 14-9-10 20:52 標題: 回覆：九龍塘朗X….一間"很現實"的學校
仲以為呢間幾好？好多人讀又多campus, 中英都強。我有親戚小朋友讀，佢地應該都好滿意，雖然升小學去左傳統女校
作者: tiggeryyw 時間: 14-9-10 21:33
無謂勉強,𨍭校心 安理得。免一日到黒估幾時又叫你仔走。天下間又不是得佢一間。又冇擔保一定直上名校
作者: bubuG 時間: 14-9-10 22:04 標題: 回覆：九龍塘朗X….一間"很現實"的學校
其實學校唔收返佢K1未必係壞事。唔適合俾佢勉強上了K1大家辛苦。幼兒園/幼稚園老師評語通常比較客氣，如果佢評語是那麼率直，你自己也要多注意小朋友發展。
作者: soso3509 時間: 14-9-10 22:28
唔洗甘諗喎,,學校都係想自已個升學水平有保障..
唔係點收咁貴學費
小朋友自已未識甘諗既...你地都唔好諗到係污點啦..
其實好多學校都係甘...既然講明唔係直升..就要自已有定心理準啦
搵過間合自已小朋友既學校仲好啦...夾硬升上去..老師成日講唔好評語對大家都唔好...先幼稚園..唔好比甘大壓力一家人...加油!!!
作者: noellechu 時間: 14-9-10 22:30 標題: 回覆：九龍塘朗X….一間"很現實"的學校
其實樓主吾使upset, 小朋友咁細，何須為間學店勞氣！
當年犬女報pn 呢間學店waiting offer, 居然同家長講校舍未裝修好，叫家長揀番單日或雙日，我心諗，你係咪有病！好彩多得佢吾收，犬女讀超有愛心迦南pn,再上到好好嘅幼稚園k1,今年仲有間好好小學收！
所以樓主，忘記呢間學店，努力向前！
作者: Cattdogg 時間: 14-9-11 00:24
其實學校己經講消楚同比多次機會你，如果覺得無人情味第一次叫你揾定學校你就好走，搵錢學校係甘現實，你寫甘多嘢我只覺得你係輸打贏要，重要講間學校不是。
作者: bbforever 時間: 14-9-11 01:27
好多幼兒班都唔係直上K1，上唔番K1咪再找其他幼稚園，唔好咁灰啦！傷身啊！
作者: sunnymama2 時間: 14-9-11 06:58
我囝囝讀緊pn，幫囝囝選pn如果唔可以直升的我一定唔棟。你一早知，冇得怨咁多
作者: SK3 時間: 14-9-11 14:11
Dear sadkid,
我個仔讀過馬𩣑山PN，佢班主任call 我話佢要repeat PN，原因係言語發展遲緩，佢咁専業話呀仔有問題，我同老公就去見主任問阿仔點遲緩? 個主任話班主任用錯字眼，之後show K1要學的56個中文詞語俾我地睇，話佢會跟唔上，再見校長，又sale 我叫阿仔讀全日。最後我們K1轉了去第二間，阿仔讀得好開心，現在小二了。希望你小朋友也找到一間愛護用心教導他的學校。
作者: sadkid 時間: 14-9-15 16:28
在這主題下看到各種意見及聲音，有認同，亦有批評。尊重言論自由，每個人的睇法，在乎從那個角度或身份去諗，希望你們明白從我角度看整件事的感受。
感謝給予我鼓勵的每一位。
作者: tonyjaaa 時間: 14-9-16 13:54
Thanks for sharing 
作者: Mrs.TamC9 時間: 14-9-16 14:45 標題: 引用：在這主題下看到各種意見及聲音，有認同，亦
原帖由 sadkid 於 14-09-15 發表
在這主題下看到各種意見及聲音，有認同，亦有批評。尊重言論自由，每個人的睇法，在乎從那個角度或身份去諗 ...
作者: tyuen 時間: 14-9-17 09:58
小女讀過同校N班, 當年比樓主小朋友更細, 只是十一月細B.
我不認為學校金錢掛帥, 因為學校一早已收小女, 8月開學時, 小女不足兩歲, 所以只可在十一月插班, 而學校其實收少了三個月學費.
當年小女都不可通過第一次評核, 但第二次收了. 而評核準則和外來學生一致. 據我所知, 他們幼稚園和小學都有留級制度, N班我就不知了.
sadkid, 雖然我們沒有完全經歷你和你小朋友遭遇, 但幼稚園選校只應是人生小插曲, 希望你們找到一間合適的學校
作者: AmberC 時間: 14-9-25 00:05 標題: 回覆：九龍塘朗X….一間"很現實"的學校
MF campus 都唔掂, 我小朋反番學有一半時間話唔要番學, 教唔到d乜, 回家未試過唱英文歌, 我一早預咗要再塭k1, 有幸有其他收, 一早通知學校, 點知嗰主任超現實, 有說話聽, 我都算, 只想好來好去, 依家我小朋友係新學校好開心, 約一星期已經回來唱兩三句英文歌, 總之, 我唔建議朋友去考, 實在不值.
作者: Potato001 時間: 14-9-25 08:09 標題: 回覆：sadkid 的帖子
朋友的小孩讀另一間分校，學校建議repeat n班
作者: cathleenli_0704 時間: 14-9-25 09:45 標題: 引用：朋友的小孩讀另一間分校，學校建議repeat+n
原帖由 Potato001 於 14-09-25 發表
朋友的小孩讀另一間分校，學校建議repeat n班
作者: Chilical 時間: 14-9-25 14:02
好能真係人夾人啦~見上面有jm話mf分校唔好,我個仔返而好開心,日日返黎亨歌仔~老師比我感覺細心有愛心。
不過小朋友讀得唔開心,自己對間學校冇信心,我都支持轉過第二間
作者: Potato001 時間: 14-9-27 06:49 標題: 引用：Quote:原帖由+Potato001+於+14-09-25+發表
原帖由 cathleenli_0704 於 14-09-25 發表
請問你係邊間分校？？因為我小朋友係讀藍田分校，老師又好好，仲要仔仔好鐘意返學！！同埋都無叫我repert
...
作者: holidayhwx 時間: 14-9-27 10:19
仔仔唔适合间学校，稳其他间得啦。唔一定要读拒个间。唔好捞气。
作者: natpiglet 時間: 14-9-27 22:18
小朋友係mf 讀緊n班, 他好喜歡上學, 亦時常在家中唱學校歌, 而學校亦有排cd 給家長, 使家長和小朋友在家中一起唱歌, 本人覺得不俗, 會繼續升k1
作者: bb_angel 時間: 14-10-5 20:40 標題: 回覆：九龍塘朗X….一間"很現實"的學校
我個仔讀緊mos think pn，又冇問題喎，反而我覺得老師好細心又交帶，反咗兩個星期已經好鐘意返學，回家又唱中、英、普兒歌。而且學校係主題教育，我buy喎！仲有好多cd同書可以係屋企學習！
作者: 貪靚媽 時間: 14-10-5 21:05 標題: 回覆：九龍塘朗X….一間"很現實"的學校
老師講'一齊努力'和詢問教育背景也有問題嗎
作者: zchow 時間: 14-11-3 11:21
我女PN亦讀馬鞍山分校,老師真係好好.而同學中有11月12月出世的,足2歲時插班,後來知道其中有一位男同學真係老師建議重讀PN,但佢父母都好認同老師意見.再者,老師亦真係開學不久已解釋清楚PN不是直升K1,是要通過評估的,但會有多過一次的機會,以及老師會盡力幫助.
我又唔覺得學校好勢利喎,學費係同區比貴D囉
作者: longsky 時間: 14-11-3 11:28 標題: 回覆：九龍塘朗X….一間"很現實"的學校
呢d學校唔讀都唔係自己損失
作者: creama 時間: 14-11-3 11:37 標題: 回覆：九龍塘朗X….一間"很現實"的學校
其實我覺得學校無咩問題，好多學校都唔係包pn直升k1, 如果老師都講話盡過力都攪唔掂你小朋友，可能你小朋友真係唔適合呢間學校，何苦叫佢勉強跟辛苦咁多年…
面試只係十幾分鐘，有時真係要返到學先知小朋友真章，
龍校都唔係包升小啦，如果係你小朋友真係跟唔到，升唔到k1,而話間學校有問題，我覺得咁對間學校好唔公平，
利申，我小朋友唔係讀呢間
作者: babykellie 時間: 14-11-3 11:45
回覆 creama 的帖子
因為你唔系間讀，唔系你小朋友，你可以說得如此客觀，好似好合乎情理。系，如果幼稚園升唔到小一，我覺得無可厚非。但試問2歲大滴小朋友個個講野有前有后，啱啱返學兩三個月，學校唔卑耐性，老師唔想浪費時間教小朋友，踢你見醫生，趕你出校，系家長問題定老師問題？
作者: creama 時間: 14-11-3 14:18 標題: 回覆：babykellie 的帖子
所以我講，如果唔適合呢間學校，何謂勉強，倒不如搵其他學校，但無謂咁樣話返之前嘅學校，
有d家長可能覺得比左學費，你就應該教好佢，應該接納佢，但有無諗過咁樣可能增加左個班主任嘅負擔而可能會影響埋其他學生，
或者媽咪可以搵d小班教學又無咁高要求嘅學校，令到佢小朋友可以得到更多嘅照顧，
只不過係間學校唔適合個小朋友，並唔係大家嘅錯，如果n班已經輸打贏要，你點過香港嘅教育制度。sad but truth.
作者: ahmatt 時間: 14-11-3 14:40
一般人認為國際幼稚園是更多元和包容性更大，算是合理期望。只是現時很多學校並非真正國際幼稚園，極其量可稱為英語教學的牟行幼稚園。不被接納的學生只會繼續被放棄或成為班中的壞標籤，作為家長實在要戴眼識校，因為遇上缺乏人文道德價值的老師，任何小朋友都有機會受害。
作者: 阿早! 時間: 14-11-3 14:48
我反而覺得既然小朋友已在該校讀書, 佢的程度是否達標老師應該知道, 何須再評核? 我出去考K1人地唔知小朋友先要INTERVIEW, THINK評核作用我覺得只係令你感覺學校公平地去拒收一D佢地唔想要的小朋友.
| 歡迎光臨 教育王國 (/) |
Powered by Discuz! X1.5 |