教育王國

標題: 如果小朋友讀得唔開心你會唔會比佢番香港？ [打印本頁]

作者: karennmokk 時間: 14-9-9 19:51 標題: 如果小朋友讀得唔開心你會唔會比佢番香港？

如果小朋友日日打黎喊，好唔開心，而且覺得好辛苦，唔想留係英國想番香港你會唔會比佢番？

作者: 亮燈 時間: 14-9-9 20:22

咁就要了解下發生乜野事先，之後再決定。

作者: karennmokk 時間: 14-9-9 20:27 標題: 引用：咁就要了解下發生乜野事先，之後再決定。

原帖由亮燈於 14-09-09 發表
咁就要了解下發生乜野事先，之後再決定。

小朋友話習慣唔到當地生活，一日先得一兩個鐘頭堂，而且番學聽唔明老師講咩(係香港讀開國際學校)

作者: scso 時間: 14-9-9 20:33

回覆 karennmokk 的帖子

第一年去讀？可能未揾到伴，過一陣會好，我仔第二天己識晒全房同學，一房住八個學生算多嗎？全房連埋我仔得兩個華人，其它幾個係俄羅斯及南美人，我仔開心到有時忙記打電話比我，激死我

作者: 亮燈 時間: 14-9-9 20:46

karennmokk 發表於 14-9-9 20:27
小朋友話習慣唔到當地生活，一日先得一兩個鐘頭堂，而且番學聽唔明老師講咩(係香港讀開國際學校)

...

小朋友年紀細？阿仔讀year 10，一間房兩個人，同房係香港人，都識左好多外國同學，今日剛去利物浦一天遊，好開心。

作者: karennmokk 時間: 14-9-9 20:53 標題: 引用：回覆+karennmokk+的帖子第一年去讀？可能

原帖由 scso 於 14-09-09 發表
回覆 karennmokk 的帖子

第一年去讀？可能未揾到伴，過一陣會好，我仔第二天己識晒全房同學，一房住八個學 ...

佢係第一年去讀

作者: karennmokk 時間: 14-9-9 20:53 標題: 引用：Quote:karennmokk+發表於+14-9-9+20:27+小

原帖由亮燈於 14-09-09 發表
小朋友年紀細？阿仔讀year 10，一間房兩個人，同房係香港人，都識左好多外國同學，今日剛去利物浦一天遊， ...

已經yr12

作者: 亮燈 時間: 14-9-9 21:07

karennmokk 發表於 14-9-9 20:53
已經yr12

有冇問學校了解下？

作者: scso 時間: 14-9-9 21:26

回覆 karennmokk 的帖子

你小朋友係香港讀國際學校應該好快會習慣D英文發音，叫佢試一排先啦，了解下佢有什麼問題家長可以向學校反映，我仔去到都唔知聽到有無一半，佢又唔會問老師，佢話估到一半明白，但佢大膽好易識朋友，同學仔差不多年紀很快己玩埋一齊，呢兩日都同同學仔打波，起初我都怕呀仔唔習慣咸，我要迫住留多幾天陪佢，點知佢都ok，當日趕火車走果時忙記big hug錫下呀仔，反而爸爸很擔心不安，係火車一小時由已打了三次電話比呀仔

作者: 亮燈 時間: 14-9-9 21:29

scso 發表於 14-9-9 21:26
回覆 karennmokk 的帖子

你小朋友係香港讀國際學校應該好快會習慣D英文發音，叫佢試一排先啦，了解下佢有 ...

你阿仔好叻，我阿仔就被動，冇咁大膽。

作者: scso 時間: 14-9-9 21:45

回覆亮燈的帖子

但一房八人好似多咗D,要G12 , G13先可住一人房，最唔方便係連微波爐都無，房間無水飲要落樓下攞，請問租校服每人有幾多套替換？我你派得兩件恤衫，一條西衭，一條呔，一件校褸，一套體育服，好似唔多夠替換，平時係香港着一次洗一次，唔會着幾日先洗，請問你們學校派幾多套校服？

作者: Flowerlam 時間: 14-9-9 21:58

karennmokk 發表於 14-9-9 20:53
已經yr12

男定女？可能未識到新朋友，如果識到就好快適應到。
再睇多1星期先，然後同老師傾下小朋友情況。
如果真係唔適應都冇辦法，始終個個人都不同，
要認真考慮！

作者: smallfoothk 時間: 14-9-9 22:16 標題: 回覆：如果小朋友讀得唔開心你會唔會比佢番香港？

可能有思鄉病，就最怕，先安慰小朋友，試上一個term先，如不能，只好回來。

作者: Macau媽媽 時間: 14-9-9 22:56

我剛剛都同女傾左一陣, 佢心情好差, 仲喊左一陣, 我問佢咩事, 佢話同學偷左佢筆盒, 我話你有冇同先生講, 佢話有, 但個先生吾多理佢, 我同佢講叫佢同班主任講, 我問佢同學有冇安慰你, 佢話有D香港人同學安慰佢, 佢而家好憎D鬼妹鬼仔, 成日偷嘢, 我同佢講下次自己要小心保管自己財物, 因為到到都會有D咁人Y

作者: basbyy 時間: 14-9-10 00:21

我有個同事個女讀 HK local 學校 Form 4, 上年去英國跳班讀Year 12，又係去到唔知老師講乜，英文又唔係咁好，讀左一年返番香港，想讀返Form 5！但我見佢9月都未搵到學校收！！

作者: basbyy 時間: 14-9-10 00:32

Macau媽媽發表於 14-9-9 22:56
我剛剛都同女傾左一陣, 佢心情好差, 仲喊左一陣, 我問佢咩事, 佢話同學偷左佢筆盒, 我話你有冇同先生講, 佢 ...

我家姐就早早提醒我亞女要小心財物，D鬼妹鬼仔好鍾意唔問就『借』妳D野！！而老師係唔會理架！！不過我都預左亞女會唔見野架喇，因為今年幫佢睇『流年』，個師傅話亞女今年終於肯出國讀書，但佢今年有粒『賊仔星』，所以一定會唔見野！！！

作者: Macau媽媽 時間: 14-9-10 01:15

回覆 basbyy 的帖子

最擔心就係吾適應跟吾上，兩頭吾到岸，另外想問各位，點解我問親亞囡都話冇功課做既？同埋佢話冇書？

作者: 亮燈 時間: 14-9-10 06:35 標題: 引用：回覆+亮燈+的帖子但一房八人好似多咗D,要

原帖由 scso 於 14-09-09 發表
回覆亮燈的帖子

但一房八人好似多咗D,要G12 , G13先可住一人房，最唔方便係連微波爐都無，房間無水飲要 ...

阿仔D校服係買，恤衫、褲就係香港買，校呔、校褸等就同學校買，都係買一件，因好貴。

作者: smallfoothk 時間: 14-9-10 07:33 標題: 回覆：Macau媽媽的帖子

估是公校，偷嘢算小事，怕被人針對，欺凌等。

作者: smallfoothk 時間: 14-9-10 07:44 標題: 回覆：Macau媽媽的帖子

很簡單好看間學校排名，越top多是目標性學校，要保持高排名及多比例學生入有名大學，功課多得很，尤其GCE起。

作者: Ding 時間: 14-9-10 08:15 標題: 回覆：如果小朋友讀得唔開心你會唔會比佢番香港？

我真係要感恩，阿仔上年去讀 yr7, 今年升 yr 8 了。還記得上年送佢上房教佢換床單，心怕他不適應，但一個星期後收到一有位來自BK女仔的PM，佢原來又係讀埋同一間，確認係阿仔之後 (好易認，因為只得一個香港人讀 yr.7)，佢＂匯報＂俾我知阿仔好開心，見佢排隊去打波時係笑住去，當時我才放下心頭大石。阿仔再香港只係讀普通中文小學，初時我都怕全英文跟唔上，但成績話我知佢可以應付，問佢有無唔明時，佢話遇到唔明就自己再睇書，查字典。同學亦無欺凌事件，可能間學校在小鎮入面，同學比較純樸，無偷嘢嘅事。

作者: smallfoothk 時間: 14-9-10 08:50 標題: 回覆：Ding 的帖子

可介紹學校？

作者: DoReMi媽媽 時間: 14-9-10 15:20

karennmokk 發表於 14-9-9 20:53
已經yr12

yr 12即係lower sixth? public school 定係state school? boarding人數多嗎？有冇香港人作伴？暫時只係開學十數天，還可以觀察一下，最緊要冇被人bully, 若只係生活，環境未習慣，而身邊有香港人作伴相互打氣，應該可以克服的，不過， yr 12才過去，預咗冇咁容易打入本身的學生群，因為好多學生係由yr 9一齊去讀，哩班已相處一段時間的同學，已自然成為圈子。

不過若然長時間都未能克服，就要好好考慮係咪要孩子回來了，因為有啲孩子克服唔到，會有情緒病，亦見過出現厭食症狀，結果學校通令學生回國養病。

作者: DoReMi媽媽 時間: 14-9-10 15:24

其實住boarding , 外國人眼中攞大家嘅嘢嚟用，佢哋當好閒，唔會好重視，所以如果覺得重要唔想俾人攞嚟用的，最好鎖tuck box, 因為向house mistress投訴都冇用，出門在外，讓孩子感受下點樣自己解決問題，也是一種得着。

作者: skIII 時間: 14-9-10 17:30

兩手準備，先同舊學校溝通，了解返去讀的可能性，因為唔一定返到。
另一方面，了解佢遇到的問題，聯絡佢班主任/監護人，睇下有冇人幫到佢。

到外國升學要一段時間適應，未必人人都可以克服，嘗試定一個日期，例如到十月底half-term，如果到時情況未改善，就行PLAN B。

作者: 梁媽媽 時間: 14-9-11 09:14

回覆 DoReMi媽媽的帖子

讚成, 最緊要唔係比人蝦就得, 其他適應上既野都可以慢慢黎, 我見有d細路, 第一次返幼稚園, 朝朝喊, 喊到嘔, 喊足一個月都有,
唔通咁就唔讀咩? 一定要捱過回頭就笑啦。
要考慮Year 12 的話, 回來香港的前景，而家大學咁難爭，
如今次回港，日後前途點先係考慮因素！

作者: 亮燈 時間: 14-9-11 17:45

作者: DoReMi媽媽 時間: 14-9-11 17:50

梁媽媽發表於 14-9-11 09:14
回覆 DoReMi媽媽的帖子

讚成, 最緊要唔係比人蝦就得, 其他適應上既野都可以慢慢黎, 我見有d細路, 第一次 ...

我識得有人yr12先過去，讀得唔開心，喺香港英文好了得，去到嗰邊聽唔到人哋講乜，學校冇乜香港人，又俾人蝦，同學校傾都得唔到結果，孩子日日都打返嚟喊，最終俾佢返香港，不過又再考返嗰邊大學，經foundation上。

作者: 亮燈 時間: 14-9-11 17:55

DoReMi媽媽發表於 14-9-11 17:50
我識得有人yr12先過去，讀得唔開心，喺香港英文好了得，去到嗰邊聽唔到人哋講乜，學校冇乜香港人，又俾人蝦 ...

咁真係個個唔同，阿仔佢話好開心、好適應，睡得、食得。

作者: appleyummy 時間: 14-9-11 18:05 標題: 引用：我剛剛都同女傾左一陣,+佢心情好差,+仲喊左

原帖由 Macau媽媽 於 14-09-09 發表
我剛剛都同女傾左一陣, 佢心情好差, 仲喊左一陣, 我問佢咩事, 佢話同學偷左佢筆盒, 我話你有冇同先生講, 佢 ...

係呀，D鬼妹好鐘意偷嘢，偷咗我個女成個銀包，仲用埋張debit 買嘢！蝕咗我幾千蚊，激C！不過我個女冇唔開心，因為D$係我吖嘛！

作者: DoReMi媽媽 時間: 14-9-11 18:11

亮燈發表於 14-9-11 17:55
咁真係個個唔同，阿仔佢話好開心、好適應，睡得、食得。

其實好多原因會影響，孩子性格，學校多唔多吸納國際學生（多國際學生，佢哋對外來生接受和包容程度較高），宿生多小（宿生較多，學校對宿生嘅照顧會較周全體貼），有冇香港同伴，雖則話想孩子遠離香港同伴好等練好語言，但心靈還是要有支持，由其面對逆境，可以向誰傾訴？那種孤單無助，遠在香港的父母，會明白嗎？

所以選取學校時，要注意港生比例，不能太多，但亦不可以沒有，開學前盡量認識同校港生，好等大家有照應。

作者: vvbb2214 時間: 14-9-11 18:12 標題: 引用：Quote:原帖由+Macau媽媽+於+14-09-09+發表

原帖由 appleyummy 於 14-09-11 發表
係呀，D鬼妹好鐘意偷嘢，偷咗我個女成個銀包，仲用埋張debit 買嘢！蝕咗我幾千蚊，激C！不過我個女冇唔開心 ...

上網買嘢呀？

有無同學校講？

作者: appleyummy 時間: 14-9-11 18:14 標題: 引用：Quote:梁媽媽+發表於+14-9-11+09:14+回覆+D

原帖由 DoReMi媽媽 於 14-09-11 發表
我識得有人yr12先過去，讀得唔開心，喺香港英文好了得，去到嗰邊聽唔到人哋講乜，學校冇乜香港人，又俾人蝦 ...

讀foundation會容易聽得明白D嗎? 因考慮緊比阿仔由foundation上定讀year 12, 駕佢讀唔掂A level.

作者: 亮燈 時間: 14-9-11 18:14

DoReMi媽媽發表於 14-9-11 18:11
其實好多原因會影響，孩子性格，學校多唔多吸納國際學生（多國際學生，佢哋對外來生接受和包容程度較高）， ...

完全同意

作者: DoReMi媽媽 時間: 14-9-11 18:17

appleyummy 發表於 14-9-11 18:14
讀foundation會容易聽得明白D嗎? 因考慮緊比阿仔由foundation上定讀year 12, 駕佢讀唔掂A level.

...

讀foundation詳情係點我唔清楚，因唔係太熟，但知係咁上大學。

作者: appleyummy 時間: 14-9-11 18:18 標題: 引用：Quote:原帖由+appleyummy+於+14-09-11+發表

原帖由 vvbb2214 於 14-09-11 發表
上網買嘢呀？有無同學校講？

學校話報咗警，但捉唔倒，仲覺得我煩！但由於當時阿女初初到埗，唔想housemaster為難佢，唯有叫阿女小心D財物, 畢竟到到都會有壞份子。

作者: DoReMi媽媽 時間: 14-9-11 18:19

appleyummy 發表於 14-9-11 18:05
係呀，D鬼妹好鐘意偷嘢，偷咗我個女成個銀包，仲用埋張debit 買嘢！蝕咗我幾千蚊，激C！不過我個女冇唔開心 ...

偷銀包用埋debit card要同學校講了，不過鬼妹好鈡意攞人嘢用，仲有化妝品，飾物，文具，唯有自己鎖好。

作者: Macau媽媽 時間: 14-9-11 19:22

回覆 appleyummy 的帖子

亞囡最後都冇話比班主任聽, 因為佢話都搵吾返, 算數喎! 不過都好既, 吾碰過釘點長大

作者: scso 時間: 14-9-11 19:32

回覆 appleyummy 的帖子

偷嘢？捉到那學生嗎？我仔非常大意，我都怕佢比人偷嘢

作者: Ding 時間: 14-9-11 20:10 標題: 回覆：appleyummy 的帖子

咁樣間學校好有問題喎

作者: appleyummy 時間: 14-9-11 20:11 標題: 引用：Quote:原帖由+亮燈+於+14-09-09+發表咁就要

原帖由 karennmokk 於 14-09-09 發表
小朋友話習慣唔到當地生活，一日先得一兩個鐘頭堂，而且番學聽唔明老師講咩(係香港讀開國際學校)

...

好多學校可安排private tutor, 可試試，如果break thru到就ok ga la. 我個女試過咁, 補咗兩個月到就停得。

作者: elmkc 時間: 14-9-12 13:35

It is very common that some children have good experience, but some have bad ones. In overseas, studying high school is very different from studying university. Students interaction is more in high schools and bullying usually happens. So, parents and their children need to take more risks if the children study at high school.

As another parent said earlier, you and your child may set a deadline. If no improvement by the deadline, then you can arrange your child to come home.

作者: elmkc 時間: 14-9-12 13:40

DoReMi媽媽發表於 14-9-10 15:24
其實住boarding , 外國人眼中攞大家嘅嘢嚟用，佢哋當好閒，唔會好重視，所以如果覺得重要唔想俾人攞嚟用 ...

Not really. If you take their things, they would blame you.

作者: kotjoanna 時間: 14-9-12 14:51

我仔仔一起身同放學就打比我大喊, YR9 ......好煩

作者: alee810 時間: 14-9-12 15:55

其實我上年跟部份家長經歷一樣, 阿女過去英國讀12班, 佢十分十分唔適應, 好多時喊住打比我, 攪到我都好心痛, 免疫系統都亂七八糟病了, 但係又唔敢話比阿女知, 爸爸同我唯有盡量同佢傾多啲, 分析下, 鼓勵下佢, 每個小朋友適應期長短不同, 我地亦有set 左限期, 如果Easter holiday 後仍未有改善, 就送佢返香港,
幸運地阿女係測驗同考試上得到少許成功感, Christmas 後再無喊住打比我, 多數是whatsapp 我分數如何, 今年上Year 13班, 已經唔多理我,
其實香港學生到英國讀書成績都有競爭力, 所以比多少少時間大家, 當小朋友揾到自己一套獨立生活模式後, 情況會慢慢改善

作者: DoReMi媽媽 時間: 14-9-12 15:58

elmkc 發表於 14-9-12 13:40
Not really. If you take their things, they would blame you.

一啲啲學校同學生啦！

作者: 3b 時間: 14-9-15 20:42 標題: 回覆：如果小朋友讀得唔開心你會唔會比佢番香港？

鄰居仔女先後到英國讀書Y9，哥哥喊了幾個月就適應，妹妹喊了半年，日日打電話比媽咪話要返香港，最終兩個都克服了，每次假期見他們回來都很開心。每個小朋友適應能力都不一樣，可以set一個時間，再看看是否真的不適合，又再想想當初是什麼原因去讀書，多些開解她的擔憂，加油!

作者: 亮燈 時間: 14-9-15 20:49

3b 發表於 14-9-15 20:42
鄰居仔女先後到英國讀書Y9，哥哥喊了幾個月就適應，妹妹喊了半年，日日打電話比媽咪話要返香港，最終兩 ...

嘩！半年又真係陰公D，最後都適應到，咁都好。好彩阿仔過去讀year 10，一去到就好開心，兩日就好適應，食得、睡得，真係好彩！

作者: 3b 時間: 14-9-15 21:36 標題: 回覆：亮燈的帖子

我講錯左，應該係Y7, 讀完小6就走，鄰居話每次聽到阿女的電話都喊住要返嚟，喊左好耐好耐，幸好最終都克服了。

每個孩子的適應能力都不同，希望小兒兩年後可以好似你兒子一樣，適應英國的生活。

作者: 亮燈 時間: 14-9-15 21:42

佢Y10至過去，可能會好D，快適應D。

作者: Ruby1219 時間: 14-9-15 21:51 標題: 引用：佢Y10至過去，可能會好D，快適應D。

原帖由亮燈於 14-09-15 發表
佢Y10至過去，可能會好D，快適應D。

我個仔都係year 10, 佢返咗學吾夠兩星期，已經好適應，好投入，好開心。不過有家長話有d 小朋友遲d 先homesick, 尤其Christmas break 番過香港之後。

作者: demio 時間: 14-9-16 00:13

我個仔Yr7，好適應，連係香港擔心的rugby都克服到；重同我講同級有人homesick,！

當然有D必要參加的活動比較悶，但佢都話0k！我真係放心佢咁識腍。

作者: Honey917 時間: 14-9-16 10:58 標題: 引用：Quote:亮燈+發表於+14-9-11+17:55+咁真係個

原帖由 DoReMi媽媽 於 14-09-11 發表
其實好多原因會影響，孩子性格，學校多唔多吸納國際學生（多國際學生，佢哋對外來生接受和包容程度較高）， ...

100% 赞同你的說法.

作者: bb818 時間: 14-9-16 23:24

3b 發表於 14-9-15 21:36
我講錯左，應該係Y7, 讀完小6就走，鄰居話每次聽到阿女的電話都喊住要返嚟，喊左好耐好耐，幸好最終都 ...

年頭參觀學校期間，曽認識一位當時響一間男校lower six，Y9過去英國嘅男仔，佢同我講佢當年喊左足足一年，係日日喊，無比人蝦但homesick得好緊要，每日同父母講要返香港但父母唔比，校長同老師嚟香港時亦有搵佢父母傾，父母始終無比佢返黎。最終克服左，GCSE仲攞左9A*，仲好享受英國生活，放假都唔返香港喇。佢提點左我個仔好多，所以我囝囝都有小小心理準備。

作者: noel2010 時間: 14-9-17 01:27

剛才看到一則留言，一個女學生今年來英讀書，天天喊著及不習慣。於是她寫了心事給偶像歌手，起碼這是由學生心底話。她然後看回以前偶像鼓勵人及辛酸史。於是她有所領悟，她聽了一首勵志歌及大哭一場後。決定明天之後不再喊，專心讀書。

作為家長雖則辛苦。但放棄回家，一樣要面對更多問題。不如家長飛去英一次了解再作決定。

作者: Wawaapple 時間: 14-9-19 19:10

我仔最唔習慣喺上堂時不開燈又不開窗，又黑又侷，我都諗唔明？祇好教個仔如果真喺太侷，嘗試禮貌地向老師提出，可否開少少窗有空氣流入？想問下其他媽咪，有冇知道這個問題在英國學校喺常見？謝謝！

作者: noel2010 時間: 14-9-19 19:45

是的，尤其焗住冇精神上堂。

作者: elmkc 時間: 14-9-23 02:21

kotjoanna 發表於 14-9-12 14:51
我仔仔一起身同放學就打比我大喊, YR9 ......好煩

If he cannot adapt to the UK, you may consider Australia. There are high schools allowed to recruit overseas students. Overseas students are usually living homestay unless you have relatives or friends who can look after him. These schools usually attract students from Asia, such as Korea, Japan, Taiwan, and Singapore. Year 9 is still okay as students are still young and he can still meet some good friends. If he cannot make good frienships with local students, he can still know some from overseas.

作者: kotjoanna 時間: 14-9-26 16:27

回覆 elmkc 的帖子

Thank you!

歡迎光臨教育王國 (/)