教育王國
標題: 仔仔27個月有自閉，返鄉下讀正常幼稚園好嗎？？ [打印本頁]
作者: hongbbn 時間: 14-9-9 09:20 標題: 仔仔27個月有自閉，返鄉下讀正常幼稚園好嗎？？
仔仔約18個月左右，我發覺佢同其他小朋友有點不同，心里唸，可能只係屋企獨生，所以不太外向，點知到24個月左右，症狀越黎越似，我同我哥哥傾，我呀哥已經生左左三胎，佢話唔使驚咁多，帶佢返鄉下一齊玩一齊讀書就好快學識，於是同左佢返去大陸讀幼稚園，當時未夠24個月，返左一個月左右，結果真係見到有改善，一開始連父母都不會望，個時讀完一個月，出街主動拖我地只手，而且有望住我地笑，但後來返返香港住，又出返晒黎，仲越黎越唔聽，腳指走路呀，大叫，不停開關門等，前幾日我見到有人話介食有效，係香港時，真係日日奶，面包，個仔咁樣，真係好後悔好自責，上星期等到政府評估，出黎真係自閉症，各位家長，你們覺得再返去讀返正常幼稚園，等佢跟返正常人學野好嗎？因為實在不想入讀特殊幼兒中心，見到個邊係溝埋d中度 或嚴重弱能個d，俾個邊咁教，更加有問題。定係係香港排隊密集好？？
希望有經驗的家長俾下意見
作者: Destination121 時間: 14-9-9 09:42 標題: 引用：仔仔約18個月左右，我發覺佢同其他小朋友有
原帖由 hongbbn 於 14-09-09 發表
仔仔約18個月左右，我發覺佢同其他小朋友有點不同，心里唸，可能只係屋企獨生，所以不太外向，點知到24個月 ...
作者: hongbbn 時間: 14-9-9 10:20
還未說話，現在正家里訓練他獨立，吃食飯呀，自覺洗手，自已搬台椅，自己除衣服，除庫沖涼等，就算教唔到佢乜野，都希望佢可以獨立照顧自己，日後可能會同佢去露營，俾佢體驗更多
作者: hongbbn 時間: 14-9-9 10:22
pn係乜野？？係香港，正常幼稚園已經搵左十幾間，面試都有十間，都不收
作者: pocoyo123 時間: 14-9-9 13:51
返大陸讀幼稚園, 會同香港課程脫節, 到小學先返來, 更加追唔上, 咁又係咪你所想, 到時在大陸讀小學?
如果搵唔到PN班=學前班, 咁你咪試下返去讀住先, 一路讀一路排,現在政府同你排乜位? 如排S位都要等下-2年, 到時如果小朋友好D先再轉
作者: hongbbn 時間: 14-9-9 15:34
脫節小小，比現在白等排隊，或入特殊中心好吧。。。起馬學到興人互動，大陸幼稚園返全日
作者: hongbbn 時間: 14-9-9 16:52
只要仔仔好似正常人咁生活，哪怕將來做份跟車我都心足了，最怕將來我地走先，仔仔唔識照顧自己
作者: Destination121 時間: 14-9-9 22:19 標題: 引用：只要仔仔好似正常人咁生活，哪怕將來做份跟
原帖由 hongbbn 於 14-09-09 發表
只要仔仔好似正常人咁生活，哪怕將來做份跟車我都心足了，最怕將來我地走先，仔仔唔識照顧自己 ...
作者: 西瓜貓 時間: 14-9-9 22:48 標題: 回覆：hongbbn 的帖子
好老實講，有邊個家長想自己小朋友讀特殊學校？但我都等待緊S位，唔係你想唔想佢讀，係佢需唔需要讀，不過假約你認為小朋友讀大陸幼稚園冇問題當然可以選擇繼續讀
作者: Angel1202 時間: 14-9-9 22:51
堅強D
作者: pocoyo123 時間: 14-9-9 23:14
特殊幼兒中心都有互動, 小兒以前都讀過, 今天咪又返普通小學, 讀特殊是否一定無前途?唔能夠正常地生活? 將來唔能夠造番個正常人? 相信關鍵不在乎是否讀特殊(這只是家長心理關口), 只在乎你由今天起是否能正視問題積極面對努力訓練, 機會永遠會留比有準備的人.
作者: hongbbn 時間: 14-9-9 23:16
回覆 Destination121 的帖子
係呀,但個評估可算是幾草率求奇
求奇俾幾舊玩具佢玩,放係度,等幾秒鐘,bb唔拎就馬上係份評估上圈左
而且一d耐心都無
又俾d我仔仔都未玩過既玩具,例如女仔玩既公仔,俾只疏係度,叫我仔仔幫個公仔疏頭
大佬呀,我仔仔都無玩過尼d野,我自己細個時都無玩幫公仔疏頭咁既玩意啦
仲有,例如俾幾樣玩具出黎,叫佢拎邊樣,但有兩樣野,平時都無機會見過,佢點會知道係乜,成日食飯食得多,識拎匙更
而且評估左約廿分鐘左右,我仔仔唔願留係間房,有可能某d原因令佢唔鐘意,我仔仔未講野,但唔係個姑娘所講既
"自閉既小朋友,個心想做個樣野,就一定要做,阻都阻唔到"
咁其實我個仔唔係咁樣,由於我返工,自小到一歲半左右,我太太帶,第一胎,無經驗,又要做家務,成日只係開電視 / 手機俾佢玩
其實個時評估只要一出手機,就會非常平靜的玩手機,而且佢仲識手機上好多野,邊度有game玩,點玩法,邊度有相睇,邊度有影片睇,佢都知
亦因為咁,所以後悔俾電話電視佢睇
作者: hongbbn 時間: 14-9-9 23:19
回覆 pocoyo123 的帖子
可能真係心理關口.....但政府排隊太耐,浪費好多時間,俾小朋友正常交流
今日帶佢落公園玩,都有同其他小朋友玩,大家搶下野玩咁
前兩日開始介食,睇睇會不會有效果
作者: Destination121 時間: 14-9-10 00:11 標題: 引用：回覆+Destination121+的帖子 係呀,但個評
原帖由 hongbbn 於 14-09-09 發表
回覆 Destination121 的帖子
係呀,但個評估可算是幾草率求奇
作者: 小星兒 時間: 14-9-10 10:36
早些在學校過群體生活，帶佢落公園同其他小朋友玩，梗係好過日日留係屋企自己玩啦！不過唔知會否影響語言學習呢？
作者: 琪寶 時間: 14-9-10 11:10 標題: 回覆：仔仔27個月有自閉，返鄉下讀正常幼稚園好嗎？？
如果在香港找不到主流幼稚園，又未派到政府的學位，那回鄉入學都比什麼都不做為好。不過要留意，小朋友訓練的黃金期是6歲前，所以如發覺小朋友真的比同齡小孩有很大差距，建議盡快俾小朋友上訓練(言語治療、職業治療等)以免延誤小朋友的發展。
作者: hongbbn 時間: 14-9-10 21:17
感謝意見
作者: hongbbn 時間: 14-9-10 21:17
回覆 Destination121 的帖子
等了半年有多
作者: hongbbn 時間: 14-9-10 21:19
回覆 小星兒 的帖子
細路仔同細路仔溝通，應該比大人有效，細路仔會有樣學樣的
作者: hongbbn 時間: 14-9-10 21:25
本帖最後由 hongbbn 於 14-9-10 21:26 編輯
回覆 琪寶 的帖子
香港d訓練，實在負擔不了多久。。。。
我太太照顧仔仔，我一個人返工，上星期又剛剛懷孕了
開頭擔心第二胎，但我們其實已經想有第二胎好久了，唔想落
見步行步
作者: Destination121 時間: 14-9-10 21:53 標題: 引用：堅強D
原帖由 Angel1202 於 14-09-09 發表
堅強D
作者: hongbbn 時間: 14-9-10 22:49
回覆 Destination121 的帖子
幾乎日日都同佢落公園，佢好鐘意跑黎跑去，無啦啦就唔會發脾氣，不過佢有時要做個樣野，唔俾佢做，佢就會發，不過其實其他正常既小朋友都係咁，我仔仔就係叫唔聽，叫十次都唔聽，要好惡咁叫佢，佢先聽，開頭以行為佢聽唔到，但電話既好細響，佢都聽到
作者: hongbbn 時間: 14-9-10 22:51
本帖最後由 hongbbn 於 14-9-10 22:52 編輯
落公園都係一個人玩，如果佢同其他小朋友搶野玩，其他人既父母就會馬上走黎調停，其實我係想佢多d同人玩下。。。但無奈人地家長緊張。。。。。
作者: pocoyo123 時間: 14-9-10 23:33
上協康會睇下, 有些社交小組, 可以做下, 價錢應不太貴, 或去S位暫托, 都對你小朋友有幫助
作者: hongbbn 時間: 14-9-11 00:31
一樣要排隊。。。。唉。。。d服務真係好唔夠。。。。
作者: 琪寶 時間: 14-9-11 08:49 標題: 引用：+本帖最後由+hongbbn+於+14-9-10+21:26+編
原帖由 hongbbn 於 14-09-10 發表
本帖最後由 hongbbn 於 14-9-10 21:26 編輯
回覆 琪寶 的帖子
作者: 琪寶 時間: 14-9-11 08:51 標題: 引用：上協康會睇下,+有些社交小組,+可以做下,+價
原帖由 pocoyo123 於 14-09-10 發表
上協康會睇下, 有些社交小組, 可以做下, 價錢應不太貴, 或去S位暫托, 都對你小朋友有幫助 ...
作者: hongbbn 時間: 14-9-11 09:46
所謂暫扥，係唔係都會同其他小朋友一齊上堂？定係由佢自己玩？
作者: 小星兒 時間: 14-9-11 10:18
通常S位暫托位同普通S位學生一樣，老師會按小朋友能力分組。
作者: hongbbn 時間: 14-9-11 11:04
本帖最後由 hongbbn 於 14-9-11 11:05 編輯
但暫托服務唔係日日可以有得暫托,可能一星期得兩/ 三日
但如果我返大陸幼稚園,可以日日返全日,就算係幼稚園里面,同其他小朋友玩,無野學都唔緊要
俾佢群體生活
作者: pocoyo123 時間: 14-9-11 12:14
回覆 hongbbn 的帖子
一個星期兩, 三天都好呀, 裡面的導師全部是有經驗的特殊教育導師, 對好多不同問題小朋友都有經驗, 始終好過比一D唔識的人去教
作者: a328 時間: 14-9-11 12:31
if you think the pn school in china can help your kid, go ahead, u can try for 6 months to see the progress, keep observe, anyway you need to find out what is the main problem on ur kid before, then try to do the training by urself at home, do some research
作者: hongbbn 時間: 14-9-11 13:16
Thx
作者: TreeTree333 時間: 14-9-12 12:11
作為父母一定不想自己小朋友有問題, 但評估出來了, 您接受不接受都好, 您都要重視, 您自己先了解什麼是"自閉症", 與 "人" 沒有互動的溝通, 言語遲緩已是自閉症, 自閉症與病症不同不會自己好返, 必須依小朋友的特質, 配合適合的治療(言語, 感覺統合, 物理, 幼兒訓練), 不停地訓練, 希望在黃金六歲前帶領他可融合回主流的幼稚園/小學生活上.
明星陳錦鴻, 他的仔仔也是自閉症的, 他是作爸爸的好好例子, 您可買一買他的書看一看 .
S位起碼要等一年或以上, 您可以考慮先暫託再加個別治療.
在國內您也試找一找有沒有這方面的治療單位, 如果找到有, 您就給兒子上全日班再加治療, 待派到S位再回港. 加油!
作者: hongbbn 時間: 14-9-15 11:04
本帖最後由 hongbbn 於 14-9-15 11:05 編輯
其實在一歲半左右已經返過去一個月幼稚園,但因為種種原因,就返黎香港,報N班,但因為一黎無位,二黎仔仔唔講野,所以唔收,而且返左一個月,見到有改善,不管怎樣,我都已經決定了帶他回鄉下讀書,到時我也會辭工一齊同佢返,介埋食
已經介食五天左右,好似真係有小小改善
因為重視,才會帶佢返大陸,同多D小朋友一齊玩
我地大人,同佢做所謂既訓練,其實不及同齡小朋友既群體生活,小朋友都會有樣學樣的
作者: hongbbn 時間: 14-9-15 11:08
其實我唔會注重佢學業好叻,我只想佢學識自己照顧自己,明白某d人生道理
就算真係讀唔上主流學校,又有乜所謂?
學憧自己照顧自己,比讀上社會大學既,更加有用
作者: hongbbn 時間: 14-9-15 11:11
好老實講,學校除左教書本既野,亦有群體生活上,在家里學唔到既野
但出到黎社會,好睇個人心理,,讀得書多,其實也是見工時用到而已,實際也不會用到書本上的
作者: pocoyo123 時間: 14-9-15 14:37
如樓主已決定, 希望你和小朋友一切順利
將來政府有S位比你, 你會否回港讀, 或是一條心在大陸讀書?
作者: hongbbn 時間: 14-9-15 16:49
本帖最後由 hongbbn 於 14-9-15 16:50 編輯
到時睇仔仔進步吧
如果跟得上,當然唔讀S位啦
| 歡迎光臨 教育王國 (/) |
Powered by Discuz! X1.5 |