教育王國
標題: 好彩早左接放學，差啲冇左個仔 [打印本頁]
作者: joewin1212 時間: 14-9-7 03:21 標題: 好彩早左接放學，差啲冇左個仔
我個仔係將軍澳保護兒童會施吳淑敏到讀n班，今日接放學我係學校門口等，我見住我個仔係班房門囗繞過班主任同家長中間(當時班主任正和另外一個家長傾計），佢自己一個走左出去學校出面，竟然冇一個老師睇到仲要最後我自己帶佢返課室！
作者: lauwingtai 時間: 14-9-7 08:08
joewin1212 發表於 14-9-7 03:21 
我個仔係將軍澳保護兒童會施吳淑敏到讀n班，今日接放學我係學校門口等，我見住我個仔係班房門囗繞過班主任 ...
作者: 18OctMama 時間: 14-9-7 09:34 標題: 回覆：joewin1212 的帖子
作者: sakbbjaijai 時間: 14-9-7 09:35 標題: 回覆：好彩早左接放學，差啲冇左個仔
作者: Charlie妹 時間: 14-9-7 12:49 標題: 回覆：好彩早左接放學，差啲冇左個仔
作者: kwan_0128 時間: 14-9-8 11:19
咁你有冇同學校溝通番件事, 學校有咩回應?
作者: megwong1 時間: 14-9-8 11:55
要同老師講( 當然態度客氣d), 等佢地日後會留意番!
作者: echaichai 時間: 14-9-8 11:57
咁恐怖
一定要同學校喎
作者: xoshan1025 時間: 14-9-8 14:18
爆個老師啦
作者: joewin1212 時間: 14-9-8 14:38 標題: 回覆：好彩早左接放學，差啲冇左個仔
個主任係咁同我講唔好意思，個班主任好似咩事都冇發生，我對呢間學校已經冇唒信心！
作者: klky1974 時間: 14-9-8 17:03 標題: 回覆：好彩早左接放學，差啲冇左個仔
作者: soyy 時間: 14-9-8 17:54
朋友仲推介此校,原來咁,唔好諗
作者: soyy 時間: 14-9-8 17:55
朋友仲推介此校,原來咁,唔好諗
作者: annayu 時間: 14-9-8 22:44 標題: 引用：我個仔係將軍澳保護兒童會施吳淑敏到讀n班
原帖由 joewin1212 於 14-09-07 發表
我個仔係將軍澳保護兒童會施吳淑敏到讀n班，今日接放學我係學校門口等，我見住我個仔係班房門囗繞過班主任 ...
作者: blythe_baby 時間: 14-9-9 02:26 標題: 回覆：joewin1212 的帖子
同校長投訴，太離譜
作者: monlingling 時間: 14-9-9 12:32 標題: 回覆：好彩早左接放學，差啲冇左個仔
太過份
作者: joewin1212 時間: 14-9-9 14:00 標題: 回覆：好彩早左接放學，差啲冇左個仔
我同學校講唔讀，個主任仲叫我交多一個月學費，如果經濟唔得就叫我簽一份割免申請表，仲教埋我寫份表退學係因為私人理由覺得個仔唔適合讀呢間學校，將佢地嘅錯誤完全推得一乾二淨，個校長件事已經四日一個電話都冇打過比我，班主任同埋個主任比我地嘅答覆正係話唔讀就算，完全一啲歉意都冇，係到奉勸有意比小朋友讀呢間學校嘅家長，呢間學校連最基本嘅安全都比唔到小朋友，仲點叫家長放心係到讀！
作者: ssshk 時間: 14-9-9 15:13 標題: 回覆：好彩早左接放學，差啲冇左個仔
學校咁樣處理好差
作者: Mrs.TamC9 時間: 14-9-9 15:46 標題: 引用：我同學校講唔讀，個主任仲叫我交多一個月學
原帖由 joewin1212 於 14-09-09 發表
我同學校講唔讀，個主任仲叫我交多一個月學費，如果經濟唔得就叫我簽一份割免申請表，仲教埋我寫份表退學係 ...
作者: joewin1212 時間: 14-9-9 16:05 標題: 回覆：Mrs.TamC9 的帖子
將軍澳廣明苑
作者: SS0512 時間: 14-9-9 19:43 標題: 回覆：好彩早左接放學，差啲冇左個仔
學校的處理真是很有問題。好彩無事。
樓主咁急，已找到了其他學校嗎
作者: joewin1212 時間: 14-9-9 21:03 標題: 回覆：SS0512 的帖子
緊係末啦！而家咁急都好難揾！
作者: kaman710 時間: 14-9-10 11:22
佢地處理手法好有問題!! 去蘋果投訴la!!
作者: ahmatt 時間: 14-9-10 12:25
雖然走左仔，老師除左道歉，你還期望什麼?
今次無事確係好彩，你想咩要求直接同校長講LAW，唔通你指意老師自己同學校自首?
作者: kaman710 時間: 14-9-10 12:43
ahmatt 發表於 14-9-10 12:25
雖然走左仔，老師除左道歉，你還期望什麼?
今次無事確係好彩，你想咩要求直接同校長講LAW，唔通你指意老師 ...
我想樓主唔係期望道歉呢d 說話而係希望學校真心去改善問題, 避免問題再次發生。
另佢退學, 學校係咪應該問返係咪關走失仔事件呢? 佢冇問不但只, 仲"教"返家長係因為私人理由而唔讀, 完全唔好提佢ge 錯誤wor! 你唔覺得有問題咩?!
我同學校講唔讀，個主任仲叫我交多一個月學費，如果經濟唔得就叫我簽一份割免申請表，仲教埋我寫份表退學係因為私人理由覺得個仔唔適合讀呢間學校，將佢地嘅錯誤完全推得一乾二淨，個校長件事已經四日一個電話都冇打過比我，班主任同埋個主任比我地嘅答覆正係話唔讀就算，完全一啲歉意都冇，係到奉勸有意比小朋友讀呢間學校嘅家長，呢間學校連最基本嘅安全都比唔到小朋友，仲點叫家長放心係到讀！
作者: ymnhappybaby 時間: 14-9-10 13:08
有冇通知校長?
作者: KITTY0328 時間: 14-9-10 13:35
作者: ahmatt 時間: 14-9-10 14:20
kaman710 發表於 14-9-10 12:43
jm 你有冇睇到呢句?
我想樓主唔係期望道歉呢d 說話而係希望學校真心去改善問題, 避免問題再次發生。
另佢 ...
又係果句，唔通你認為老師會教樓主寫免一個月通知的原因是擔心孩子再走而即時退學?
重點係，樓主問老師要寫免一個月通知時，有沒有說明原因是擔心孩子再走而即時退學，還是只為寫免一個月通知
另外相信以私人理由成功免一個月通知的機會大過樓主數臭學校，學校收到樓主數臭學校係會調查但反而唔會咁易容免一個月通知，因為最基本小朋友當日係真係無出事(好彩)。
作者: joewin1212 時間: 14-9-10 15:12 標題: 回覆：ahmatt 的帖子
個校長到今時今日個電話都冇，唔知個主任同個班主任係咪想臭史密冗，一啲歉意都冇仲賴我個仔鍾意周圍走，到底個老師有冇腦架？既然賴一個兩歲半嘅小朋友！
作者: ahmatt 時間: 14-9-10 15:38
joewin1212 發表於 14-9-10 15:12
個校長到今時今日個電話都冇，唔知個主任同個班主任係咪想臭史密冗，一啲歉意都冇仲賴我個仔鍾意周圍走，到 ...
你都諗住唔讀佢啦，括出去找果校長對質
作者: joewin1212 時間: 14-9-10 16:02 標題: 回覆：好彩早左接放學，差啲冇左個仔
學校到而家完全冇一個交代比我地，正係想件事不了了知，校長更加唔駛講，校方根本唔承應佢地有的疏忽，更加唔駛講要佢地改善，我只係想繼續係到讀嘅小朋友有一個安全嘅學習環境，校方接送放學時會加倍留意，但校方比到嘅答案係意見接受、態度照舊！
作者: ahmatt 時間: 14-9-10 17:57
joewin1212 發表於 14-9-10 16:02
學校到而家完全冇一個交代比我地，正係想件事不了了知，校長更加唔駛講，校方根本唔承應佢地有的疏忽，更加 ...
(1) 學校到而家完全冇一個交代比我地
其實你想要什麼交代?
(2) 校方根本唔承應佢地有的疏忽
你唔係話主任已向你道歉咩?你想學校書面向你道歉?
(3) 校方比到嘅答案係意見接受、態度照舊
學校俾咩答案你?態度照舊是指又有學生走失?
作者: hkpapa852 時間: 14-9-10 18:01
joewin1212 發表於 14-9-7 03:21
我個仔係將軍澳保護兒童會施吳淑敏到讀n班，今日接放學我係學校門口等，我見住我個仔係班房門囗繞過班主任 ...
作者: joewin1212 時間: 14-9-10 19:00 標題: 回覆：hkpapa852 的帖子
我個仔得兩歲幾，你想我同佢討論啲咩？
作者: joewin1212 時間: 14-9-10 19:08 標題: 回覆：ahmatt 的帖子
呢位家長就你呢番說話我覺得你同學校個啲主任冇乜分別，學校走失學童咁大件事校方態度回應係你唔讀就算，班主任推捨責任校長件事五日一個電話冇到，如果唔見左個仔嘅係你我想問你會點做？
作者: hkpapa852 時間: 14-9-10 20:18
本帖最後由 hkpapa852 於 14-9-10 21:59 編輯
joewin1212 發表於 14-9-10 19:00
我個仔得兩歲幾，你想我同佢討論啲咩？
同2歲幾既小朋友就無野可以討論嗎？
唔通唔駛問佢點解自己走出來嗎？
保會的小朋友，放學後如未有家長接係要留係課室入面，由班主任/老師照顧；直到有家長接放學，通知門口的老師，再由該老師通知課室中的老師才會叫小朋友離開課室，呢樣係學校既規舉。仲有學校度大門係長期關上，基本上沒有K2的男生都未必夠力開，咁一個未夠三歲小朋友又點開門走？
一個3歲唔夠既小朋友可以完全避開課室老師，再避開埋門口個老師兼開埋門走，有點不可思議
作者: 莃允媽媽 時間: 14-9-10 21:09
要向學校講返!下次小心Ｄ!
作者: joewin1212 時間: 14-9-10 22:21 標題: 回覆：hkpapa852 的帖子
當然我會叫我個仔唔准自己走，但畢竟佢第一次返學佢都係返得個四日學，可能唔知咩叫規矩，佢地學校到大門放學後係長開的，接放學時成班家長沖唒入課室，我個仔就係呢段時間先經過走廊再係大堂直出學校門囗，大門口一個老師都冇，學生家長出嘅出入嘅入，走失個曰仲要兩個老師睇三個學生，根本呢個接放學程序係好有問題，校長今日終於打黎話原來個廣播器壞左，話會改善接放學程序個班主任仲係依然故我，同個校長講佢有跟住我個仔，但係點解個日係要我自己帶返個仔入課室，點都好我只係想繼續係到讀書嘅小朋友安心讀書，佢地終於肯改變接放學程序而唔係愛埋不理的態度，這是我想要求的。
作者: joewin1212 時間: 14-9-10 22:28 標題: 引用：呢位家長就你呢番說話我覺得你同學校個啲主
原帖由 joewin1212 於 14-09-10 發表
呢位家長就你呢番說話我覺得你同學校個啲主任冇乜分別，學校走失學童咁大件事校方態度回應係你唔讀就算，班 ...
作者: Bbpig2014 時間: 14-9-10 22:56
無論什麼原因，走失學童都係幾嚴重的事，樓主我建議你盡快轉校，這段時間自己睇緊啲。
作者: joewin1212 時間: 14-9-10 23:09 標題: 回覆：Bbpig2014 的帖子
我個仔冇讀lu，如果有係到讀嘅家長希望你地自己留意多啲啦！
作者: strawbaby 時間: 14-9-10 23:13
提示: 作者被禁止或刪除 內容自動屏蔽
作者: sunnymama2 時間: 14-9-11 07:09
我覺得樓主咁攪大件事係合理喎。學生係學校時，安全責任完全係校方度（當然唔計撞親仆親。。。），家長一d關係都冇，同番屋企同個仔傾係兩件事！樓主唔喜歡的係老師的處理態度，發生咁的事冇人想，但老師連表示關心小朋友都冇，呢間學校我都唔要！
作者: esmetam67 時間: 14-9-11 09:39
I think safety is the top priority for every school. The kid is only 2 yrs old. Even the whole issue seems to be exaggerated., but if such incident happens on anyone of us, I don't think no one would not get mad! Besides, the follow up and the attitude of the school in charge is very important and crucial. Please bear in mind this is a kindergarten!
作者: kaman710 時間: 14-9-11 10:18
hkpapa852 發表於 14-9-10 20:18
同2歲幾既小朋友就無野可以討論嗎？
唔通唔駛問佢點解自己走出來嗎？
我仔的幼稚園, 由課室門口到學校門口都長開的.
唯有唔同ge 係,
學校門口有一堆老c 企喺度睇住哂.
作者: kaman710 時間: 14-9-11 10:22
ahmatt 發表於 14-9-10 14:20
樓主想即走，學校似乎要一個月通知，老師教樓主寫信是但一個理由免一個月通知。
又係果句，唔通你認為老師 ...
其實樓主個重點唔係話要免一個月通知。
而係點解老師會教佢樓主寫埋d 咁ge 理由。
樓主除左係嬲點解學校唔睇實個仔之外，
仲嬲點解出事之後，學校冇即時作出相對的應變措施。
坦白講，今次真係樓主好彩，
小朋友如果真係出左門口，真係想搵都唔搵唔返。
其實換轉係你小朋友，
對於今次事件，你又會點處理呢？
作者: liliankaykay 時間: 14-9-11 10:39 標題: 回覆：好彩早左接放學，差啲冇左個仔
我都有聽過朋友見到類似的事件發生，但係第二間幼稚園，個小朋友唔知點解可以走到校門口，好在有家長睇到帶番個小朋友入學校！
作者: ahmatt 時間: 14-9-11 10:40
kaman710 發表於 14-9-11 10:22
其實樓主個重點唔係話要免一個月通知。
而係點解老師會教佢樓主寫埋d 咁ge 理由。
學校走仔係好錯，但事情樓主所述並沒有說明學校主任道歉後佢有咩要求
樓主一味說學校態度照舊，但沒有說明所指什麼，樓主應該寫清楚，因為佢開人校名，學校在明佢在暗，BK好多人睇，有心讀的家長搜尋校名即見此POST
作者: ahmatt 時間: 14-9-11 11:12
sunnymama2 發表於 14-9-11 07:09
我覺得樓主咁攪大件事係合理喎。學生係學校時，安全責任完全係校方度（當然唔計撞親仆親。。。），家長一d ...
開人校名，攪大件事，都要睇下自己做左家長能做的事沒有。
老師道歉，家長認為不足夠，咁可以提出要求學校告訴佢會有什麼什麼措施，如果無提出，又點可能預期學校做左野一家話佢知。
成件事，小朋友相信毫無困擾，究竟點引申到 "但老師連表示關心小朋友都冇"?
老實講，呢間學校有咁既家長，D學生都應該幾難較好。
作者: sunnymama2 時間: 14-9-11 11:30
本帖最後由 sunnymama2 於 14-9-11 11:31 編輯
ahmatt 發表於 14-9-11 11:12
我同呢間學校一D關係都無，只是希望EK呢度可以有一個好平台讓家長互相交流。
開人校名，攪大件事，都要睇 ...
我都同呢間學校一d關係都冇，只係根據樓主所述，睇到老師對學生唔關心，呢d野係家長選幼稚園最重要。如果連呢點都唔care，咁請不要做人父母。我自問都係以事論事咋
作者: ahmatt 時間: 14-9-11 11:41
sunnymama2 發表於 14-9-11 11:30
我都同呢間學校一d關係都冇，只係根據樓主所述，睇到老師對學生唔關心，呢d野係家長選幼稚園最重要。如果 ...
家長唔滿意老師答覆，亦不代表老師對學生唔關心
作者: liliankaykay 時間: 14-9-11 13:54 標題: 引用：Quote:sunnymama2+發表於+14-9-11+11:30+我
原帖由 ahmatt 於 14-09-11 發表
一樣還一樣，走仔係錯但不代表老師對學生唔關心
家長唔滿意老師答覆，亦不代表老師對學生唔關心
作者: ahmatt 時間: 14-9-11 14:33
liliankaykay 發表於 14-9-11 13:54
如果家長感覺唔到關心，唔係強行要說服自己相信學校係關心呀嘛.....
小朋友是否喜歡上課可以是其中一個指標，去了解是否合適小朋友
老師都係人會有機會出錯，如果單憑一次錯誤就認定這個老師不適合教書太偏激了吧
作者: joewin1212 時間: 14-9-11 14:55 標題: 回覆：liliankaykay 的帖子
好明顯ah字頭嘅家長，就你嘅留言我好相信你同學校有關係，你咁多嘅留言全部都係問你想佢點即，佢都道左歉咯，改左你都唔知啦！咁即係我升你一巴我同你講句唔好意思係唔係一樣？世界有你這些想法的人，遲啲又會多多幾個殺人犯，殺完人可以道句歉就咩事都冇！我就係要比更多家長知道呢間學校有幾唔好，你其實各位家長覺唔覺得個接放學程序好有問題？第一放學時所有班級一齊放學，成班家長衝去課室成間學校好混亂？第二學校大門長期打開！第三没有一個老師係學校大門！·如果正常嘅家長，見到自己的小孩走失我柤信每一個家長都會好緊張，班主任見到我自己帶返個仔入課室，第一句同我講嘅:你個仔見到我就出左去(我個仔根本係課室入面，點會見到我？)同埋佢鍾意周圍走，我話唔讀個主任就係叫我簽個份退學申請表，根本個主任同個班主任都唔想比個校長知道呢件事，班主任責任最大一啲歉意都冇，仲賴係我個仔嘅問題，想我退左學就算，我諗冇乜家長會接受到！但呢位ahmatt嘅家長所有嘅留言，比我嘅感覺完全只係站係維護學校嘅一方，一個正常嘅家長個個都覺得學校有問題，呢位家長嘅身份先係一個疑點，？而家個校長親自承認佢學校有疏忽，同埋會改善接放學時程序我而家都唔會再追究，希望各位家長留意下學校接放學時的情況，唔好再有同類事件發生，祝各位的小朋友有個安全開開心心的上學去！
作者: kaman710 時間: 14-9-11 15:06
ahmatt 發表於 14-9-11 11:12
我同呢間學校一D關係都無，只是希望EK呢度可以有一個好平台讓家長互相交流。
開人校名，攪大件事，都要睇 ...
申報: 我都同呢間學校冇關係, 亦都唔係住呢區, 更加唔係d教職員, 只係一個working mama!
就係因為有EK呢個平台, 大家更加可以唱所欲言. 應由"讀者"去judge 呢件事對與錯.
如果樓主只係單憑幾隻字, 可以唱衰成件學校, 咁樣, 樓主的威力的確無比.
我小朋友讀嗰間幼稚園, 喺EK都被人唱衰到飛起.
但我冇因為咁而冇報嗰間幼稚園, 相反, 更成為我"心儀"幼稚園之一.
呢個平台, 我只會作為參考, 我會由交表, interview 再去觀察學校, 單憑幾隻字唔會影響到有判斷能力的家長.
作者: Pinkmoon 時間: 14-9-11 15:12 標題: 回覆：好彩早左接放學，差啲冇左個仔
作者: kaman710 時間: 14-9-11 15:23
joewin1212 發表於 14-9-11 14:55
好明顯ah字頭嘅家長，就你嘅留言我好相信你同學校有關係，你咁多嘅留言全部都係問你想佢點即，佢都道左歉咯 ...
唔好勞氣 (唔知以為我同你識得 ^^)
自己都有小朋友, 如果發生喺自己身上, 相信我的反應都會同你一樣.
有話直說, 問心無愧已經足夠.
作者: ahmatt 時間: 14-9-11 15:25
joewin1212 發表於 14-9-11 14:55
好明顯ah字頭嘅家長，就你嘅留言我好相信你同學校有關係，你咁多嘅留言全部都係問你想佢點即，佢都道左歉咯 ...
但你要明白，學校係教育同照顧學生的地方，而不是滿足家長要求的地方
學校主任已經同你道歉，你係針對老師，迫校長找你解釋，你只是滿足自己消費者太曬的心理。
你咁玩個老師，你小朋友唔走真係唔得，學校知道有你呢類家長，自然有方法令你小朋友備受保護，一條毛都唔會少，最終後果你日後便會知。
作者: joewin1212 時間: 14-9-11 15:33 標題: 回覆：好彩早左接放學，差啲冇左個仔
講真學費已交、校服已買全部雜費加加埋埋成四千幾蚊，返得個四日學就有單咁嘅野，我仲有一個細女得幾個月，…………你估真係好得閒，唔係忍無可忍先會出聲！
作者: joewin1212 時間: 14-9-11 15:52 標題: 回覆：好彩早左接放學，差啲冇左個仔
你覺得我係玩個老師，逼個校長同我解釋？公道自在人心同你呢啲人講野簡直不可理喻，一間學校連最基本嘅安全責任都冇，已經唔好講話學唔學到野，我本身亦不是所謂的怪獸家長，比左錢就大灑，把囗係你到你鍾意講咩隨便你點講！我只係知稍為有良知的父母會明白我的處境……
作者: kaman710 時間: 14-9-11 15:56
本帖最後由 kaman710 於 14-9-11 15:57 編輯
ahmatt 發表於 14-9-11 15:25
樓主，你想點追究學校我管唔到你
但你要明白，學校係教育同照顧學生的地方，而不是滿足家長要求的地方
學校 ...
好明顯你已經不冷靜, 對人不對事.
希望你解釋吓, 如你小朋友有相同情況, 你會點處理?
作者: ahmatt 時間: 14-9-11 16:13
kaman710 發表於 14-9-11 15:56
好明顯你已經不冷靜, 對人不對事.
希望你解釋吓, 如你小朋友有相同情況, 你會點處理? ...
你想我將心比己，我會話：
樓主，將心比己，如果有一日你同小朋友去海洋公園，點知你一不留神小朋友唔見左，好彩之後找返。你老公即時丙到你上天花板，重話要同你離婚。咁你覺得合唔合理?
作者: kaman710 時間: 14-9-11 16:45
ahmatt 發表於 14-9-11 16:13
我只是講出一般學校係會咁樣應付D麻煩家長，睇你信唔信
你想我將心比己，我會話：
我相信唔會間間學校好似你呢d "教育工作者"咁冇良心.
更希望我仔...唔會係讀你教緊嗰間lor.
如果有一日你同小朋友去海洋公園，點知你一不留神小朋友唔見左，好彩之後找返。
你同你老公不聞不問繼續行。咁你會否覺得你老公的處理手法先至係正確？
作者: zoezebra 時間: 14-9-11 16:45 標題: 引用：好明顯ah字頭嘅家長，就你嘅留言我好相信你
原帖由 joewin1212 於 14-09-11 發表
好明顯ah字頭嘅家長，就你嘅留言我好相信你同學校有關係，你咁多嘅留言全部都係問你想佢點即，佢都道左歉咯 ...
作者: joewin1212 時間: 14-9-11 16:52 標題: 回覆：ahmatt 的帖子
呀學校職員:照你所講假若你個仔做錯事打人，打到人地個仔重傷佢話唔關我事架！係佢衰你同別人講對唔住，人地要你賠償，你就同人講，我都講左對唔住你仲想點？可能你教仔能強詞奪理，能言善辯你覺得是一件好事！照同樣事情我教仔的原則是個仔打人是他唔啱，我要他知錯能改才是我的本意，大家意見不合你也不必再肯到留言討論，簡直浪費時間……
作者: ahmatt 時間: 14-9-11 17:00
kaman710 發表於 14-9-11 16:45
我相信唔會間間學校好似你呢d "教育工作者"咁冇良心.
更希望我仔...唔會係讀你教緊嗰間lor.
重點唔係我係咩人同賣同呢間幼稚園有咩關係。
我提出一般學校係會咁樣應付D麻煩家長，你唔信我都勸你唔好試。
作者: kaman710 時間: 14-9-11 17:12
本帖最後由 kaman710 於 14-9-11 17:13 編輯
ahmatt 發表於 14-9-11 17:00
我重申我同呢間幼稚園無任何關係，亦不是教育工作者。
重點唔係我係咩人同賣同呢間幼稚園有咩關係。
我都有幾個朋友做幼稚園老師.
抱歉. 冇聽到會用你的方法去"對付"小朋友/家長.
作者: ahmatt 時間: 14-9-11 17:26
kaman710 發表於 14-9-11 17:12
我都有幾個朋友做幼稚園老師.
抱歉. 冇聽到會用你的方法去"對付"小朋友/家長.
作者: joewin1212 時間: 14-9-11 17:37 標題: 回覆：好彩早左接放學，差啲冇左個仔
即係老師唔見學生，家長同學校理論，以你所見係家長麻煩冇野揾野黎做！家長應該扮咩都唔知，繼續係到提心跳膽，個仔個日冇出學校門口就哦呢吉帝！
作者: joewin1212 時間: 14-9-11 18:37 標題: 回覆：ahmatt 的帖子
呢位學校職員真心希望你啲子女大個時，唔會學你一樣當自己做錯事時，唔適得自我檢討，只會覺得人地麻煩，歪埋當真理！如果連父母都覺得咁樣係正確，你怎樣教道你的下一代將來做一個有責任心的人！
作者: hung166 時間: 14-9-11 18:41
joewin1212 發表於 14-9-11 18:37
呢位學校職員真心希望你啲子女大個時，唔會學你一樣當自己做錯事時，唔適得自我檢討，只會覺得人地麻煩，歪 ...
作者: zoezebra 時間: 14-9-11 19:12 標題: 引用：呢位學校職員真心希望你啲子女大個時，唔會
原帖由 joewin1212 於 14-09-11 發表
呢位學校職員真心希望你啲子女大個時，唔會學你一樣當自己做錯事時，唔適得自我檢討，只會覺得人地麻煩，歪 ...
作者: ahmatt 時間: 14-9-11 19:28
我明明利申左幾次同幼稚園無任何關係，你係都要話我係學校職員，點討論啫
作者: joewin1212 時間: 14-9-11 21:20 標題: 回覆：ahmatt 的帖子
正常有腦嘅家長見到都覺得有問題啦！點會講啲咁嘅野就你嘅言論如果唔係學校識員我就點都信，若果唔係你講個啲所謂偉論，我見到啲留言啲家長冇一個認同你所講嘅野，如果作為家長的你勸你自己也該改變下自己，教育下一代咩叫是非黑白，做一個有承擔的人而唔係是非不分，不肯正視問題的人！
作者: joewin1212 時間: 14-9-11 22:00 標題: 回覆：zoezebra 的帖子
無謂同呢個人再爭論落去，浪費我地時間！我想問下其他家長知唔知將軍澳仲有邊間幼稚園好同有n班？因為我啱啱搬去！同埋插班得唔得？
作者: jasoooo 時間: 14-9-12 07:22
其實本人認為每人都會出錯，但錯了後的態度、處理手法最重要，如知錯但無反應，便不對的，因為本人認為幼稚園是比我小朋友安全是首要條件，家長才會放心。另外，朋友話將軍澳英皇、比華利可能有位
作者: 紫心蕃薯 時間: 14-9-12 08:24 標題: 回覆：好彩早左接放學，差啲冇左個仔
提示: 作者被禁止或刪除 內容自動屏蔽
作者: cnynicole 時間: 14-9-12 10:15
joewin1212 發表於 14-9-11 22:00
無謂同呢個人再爭論落去，浪費我地時間！我想問下其他家長知唔知將軍澳仲有邊間幼稚園好同有n班？因為我啱 ...
作者: desire08 時間: 14-9-12 11:40
回覆 joewin1212 的帖子
果個可能係你個仔的班主任或班主任friend.所以先咁講
作者: kaman710 時間: 14-9-12 12:22
ahmatt 發表於 14-9-11 19:28
我明明利申左幾次同幼稚園無任何關係，你係都要話我係學校職員，點討論啫
...
就算你唔係現任教職員, 都係前任教職員.
知道D教職員點樣"對付"D家長, 學生。
又或者, 你曾經"怪獸"家長過，被咁樣"對付"過。
就算你經歷過，相信都係小部份的教職員，而並非全港的教職員都係咁做。
你遇過的只係你唔好彩，唔好彩亦因為你個人態度有問題。
可能人地唔係真係咁對待你小朋友，而你偏偏覺得他人係立壞心腸的，所以你唔開心！
作者: joewin1212 時間: 14-9-12 14:24 標題: 引用：其實本人認為每人都會出錯，但錯了後的態度
原帖由 jasoooo 於 14-09-12 發表
其實本人認為每人都會出錯，但錯了後的態度、處理手法最重要，如知錯但無反應，便不對的，因為本人認為幼稚 ...
作者: ahmatt 時間: 14-9-12 14:46
kaman710 發表於 14-9-12 12:22
就算你唔係現任教職員, 都係前任教職員.
知道D教職員點樣"對付"D家長, 學生。
咁我「提醒」各位，學校有招數對應麻煩家長，我唔係亂吹或者見樓主X我就咀咒佢，而係真係有
作為成年人，我們做事要考慮後果，就算道理係自己度，都要見好就收，免得招惹小人，最後苦了自己
小朋友如白紙，我們大人身教，家長心中滿是不滿、仇恨，又點可以讓下一代學會寬恕、忍耐同接受呢?
作者: JoJo 時間: 14-9-12 15:30
版主按: 討論內容已跟標題不符, 現將此帖關閉!
請會員能冷靜及理性討論. 注意網絡禮儀, 互相尊重!
謝謝!
| 歡迎光臨 教育王國 (/) |
Powered by Discuz! X1.5 |